Saturday, May 9, 2009

ဂျူး နှင့် ၀င်းငြိမ်း အင်တာဗျူး (၂)

(လိပ်ခေါင်း ပျောက်ဆေး ကြော်ငြာ မဟုတ်ဘူးနော်။ ပေဖူးလွှာ မဂ္ဂဇင်းလေ။ မဖတ်ချင်ဘူးလား။ တခါတလေ ငယ်ငယ်က စာအုပ်ဟောင်းတွေ ပြန်ဖတ်ရတာ feel ပဲ။ ငယ်ဘ၀ကို လွမ်းတယ်။ မြန်မာပြည်ကို လွမ်းတယ်။ အညာကို လွမ်းတယ်။ !_!)

ယခင် post မှ အဆက်

အခုခေတ် မိန်းကလေးတွေဟာ ယောက်ျားလေးတွေထက်တောင် ရဲရင့်ထက်မြက်ကြတယ်လို့ ကျွန်မ ပြောရင် ကိုဝင်းငြိမ်း စိတ်မရှိပါနဲ့။ ရုပ်ရှင် တစ်ခု၊ ၀တ္ထု တစ်ပုဒ်ကြောင့် လမ်းမှားကို လိုက်သွားရလောက်အောင် တုံးတဲ့ မိန်းမမျိုး သိပ်မရှိတော့ပါဘူး။

တစ်ခု သတိရလို့ ပြောချင်ပါသေးတယ်။ ဟိုတလောက ဧပြီလထုတ် မဂ္ဂဇင်း တစ်ခုမှာ ထင်ပါရဲ့။ ဝေဖန်ရေး ဆရာ တစ်ဦးရဲ့ ဆောင်းပါးတစ်ပုဒ် ဖတ်လိုက်ရတယ်။ ၀တ္ထုနာမည်၊ စာရေးဆရာ နာမည် တပ်ပြီး မရေးပေမယ့် ကျွန်မရဲ့ အမှတ်တရ နဲ့ ပတ်သတ်ပြီး ရေးသားခဲ့တယ်။ သူ့ရဲ့ နိဂုံးချုပ်ကတော့ ရှင်းပါတယ်။ အမှတ်တရ ကို မြန်မာ အမျိုးသမီးကောင်းလေးတွေ မဖတ်သင့်ဘူးတဲ့။ ဒီဝတ္ထုကို ဖတ်တဲ့ မိန်းကလေး အမျိုးအစားဟာ အကျင့်စာရိတ္တ ပျက်ပြားပြီး ဟီရိသြတ္တပတရား ကင်းမဲ့တဲ့ မိန်းကလေးမျိုးသာ ဖြစ်တယ်တဲ့။ (သူ့သမီးကတော့ အဲဒီ အထဲမှာ မပါဘူးလို့ ပြောသွားပါတယ်။ အမှတ်တရ ကို သိပ်ကြိုက်တယ် ဆိုတဲ့ မိန်းကလေးတွေဟာ မကြာခဏ ကိုယ်ဝန် ဖျက်ချရတဲ့ မိန်းကလေး အတန်းအစားမျိုးတွေ လို့ ပြောသွားပါတယ်။ )

ဒီနေရာမှာ ကျွန်မက ဆရာဝန်တစ်ယောက် ဖြစ်နေတဲ့ အတွက် ကိုယ်ဝန် ဖျက်ချတဲ့ Case တွေနဲ့ ပတ်သတ်ပြီး တခြား လူတွေထက် အမြင် ကြည်လင်စွာ ပြောပြနိုင်လိမ့်မယ် လို့ ကျွန်မ ယုံကြည်ပါတယ်။ ကျွန်မရဲ့ ဆေးခန်းကို ကိုယ်ဝန် ဖျက်ချင်တဲ့ မိန်းကလေးတွေ လွဲမှားစွာ မကြာခဏ ရောက်လာတတ်ပါတယ်။ ကိုယ့်ရင်သွေးလေးကို သတ်ပစ်ရတဲ့ အထိ ရာဇ၀တ်မှု ကျူးလွန်ဖို့ မကြောက်ရွံ့ မတုန်လှုပ်ရလောက်အောင် သူတို့ကို ဘယ်အချက်တွေက တွန်းအားပေးခဲ့ပါသလဲ။ ဒါကို လေ့လာ ဆန်းစစ်ဖို့ လိုပါတယ်။

ဒီလို အမျိုးသမီးတွေကို နှစ်သိမ့် ဖျောင်းဖျရတာ၊ ပညာပေးရတာတွေကို ကျွန်မဖြင့် စိတ်တောင် ညစ်နေပါပြီ။ အဲဒီ အမျိုးသမီးတွေဟာ အများအားဖြင့် အိမ်ထောင်သည်တွေပါ။ (မအံ့သြပါနဲ့)။ ကိုယ့်ရည်းစားနဲ့ ကျူးလွန်မိတဲ့ မိန်းကလေး အရေအတွက် နည်းလွန်းပါတယ်။ တချို့ မိန်းကလေးတွေကတော့ မရှောင်သာ မတိမ်းသာ ငွေအတွက် ရလာတဲ့ ကိုယ်ဝန်တွေပါ။ ကိုယ်ဝန် ဖျက်ချင်တဲ့ မိန်းကလေး ၁၀ ယောက်မှာ ၉ ယောက်က အတန်းပညာ မတတ်တဲ့ ဆင်းရဲသူ မိန်းကလေးတွေပါ။ အမှတ်တရ ကို မဆိုထားနဲ့။ ၀တ္ထုဆိုတာတောင် သူတို့ သိတာ မဟုတ်ဘူး။ ဖတ်ချိန်လဲ မရပါဘူး။ အများစုက သေစာ ရှင်စာလောက်ပဲ တတ်ကြတာ။

နောက်ပြီး ကျွန်မရဲ့ အမှတ်တရ စာဖတ်ပရိသတ် အမျိုးသမီးတွေဟာ စုစုထွေးရဲ့ ကိုယ်ကျိုးစွန့်တဲ့ အချစ်၊ အနစ်နာခံနိုင်တဲ့ အချစ်၊ ချစ်သူအပေါ် မြူတမှုန် လောက်တောင် အပြစ် မမြင်နိုင်လောက်အောင် ချစ်တဲ့ အချစ် အပေါ်မှာ ခံစားတတ်ကြတဲ့ အမျိုးသမီးတွေပါ။ တစ်ခုခုကို ပြတ်ပြတ်သားသား မဆုံးဖြတ်ရဲတဲ့၊ ကိုယ့်တာဝန်ကိုယ် ရဲရဲ မယူတတ်တဲ့ မောင့်ကို အပြစ်မြင်စိတ်နဲ့ စုစုထွေး အပေါ်မှာ ကရုဏာသက်ပြီး ကိုယ်ချင်းစာကြတဲ့ အမျိုးသမီးတွေပါ။ ဝေဖန်ရေးဆရာများ သမုတ်ထားသလို ချစ်သူနဲ့ လက်မထပ်ဘဲ အတူနေခြင်းဆိုတဲ့ ဇာတ်ကွက်မျိုးကို မမြင် မြင်အောင် ရှာကြည့်နေကြတာ မဟုတ်ပါဘူး။

အခု စာဖတ်ပရိသတ်ဟာ ခပ်ညံ့ညံ့ မဟုတ်ကြဘူး။
စာဖတ်ပရိသတ်ကို ညာလို့ ရမယ် မထင်နဲ့။ သူတို့ အတွေးအခေါ်တွေ ပြတ်သားလာတာ၊ ရဲရင့်လာတာ၊ အကြောင်းအရာ တစ်ခု အပေါ်မှာ နက်ရှိုင်းစွာ ချဉ်းကပ် လေ့လာတတ်လာတာ ... ဒါတွေဟာ ၀တ္ထုတွေကြောင့်ချည်းလဲ မဟုတ်ဘူး။ ရုပ်ရှင် ဂီတ
တွေကြောင့်ချည်းလဲ မဟုတ်ဘူး။ သူတို့ဟာ New Generation ဖြစ်နေလို့ပဲ။

ဒီတော့ မိန်းကလေးတွေ အတုယူ မှားလောက်တာတွေ၊ မမှားလောက်တာတွေနဲ့ ညာမနေပါနဲ့တော့။ ဖုံးကွယ်ထားလို့ မရတဲ့ ကိစ္စတွေကို ဖုံးကွယ် မထားချင်ပါနဲ့တော့။ အရှိကို အရှိအတိုင်းပဲပေါ့။ လူဆိုတာ လွတ်လပ်ခွင့်ကို မြတ်နိုးတာပဲ။ တစ်ပါးသူရဲ့ လွတ်လပ်ခွင့်ကို မနှောင့်ယှက်ဘူး ဆိုရင် လွတ်လွတ်လပ်လပ် တွေးခေါ်ပါစေလား။ လွတ်လပ်စွာ တွေးခေါ်ပြီး ရဲရင့်စွာ ယုံကြည်တတ်တဲ့ ဇာတ်ကောင်စရိုက်မျိုးကို ဖန်တီးမိတဲ့အတွက် ကျွန်မ ဘယ်တော့မှ နောင်တရမှာ မဟုတ်ဘူး။

*****
ဂျူးရဲ့ စကားလုံးတွေ နောက်မှာ ခါးသီးမှုတွေ ရှိနေမှာကတော့ သေချာသပေါ့ရှင်။ လူဆိုတာ ကိုယ့် ဖန်တီး လုပ်ဆောင်ချက်ကို ထိပါးလာရင် ဘယ်သူမဆို နာတတ်တာတွေချည်းပါပဲ။ ဒါပေမယ့် ဒါတွေကို ထိန်းချုပ်စောင့်စည်း နိုင်ပြီး၊ ကိုယ့် အဆင့်အတန်းက ဘာဆိုတာကို ပြသတတ်ဖို့ လိုတယ် လို့ ကျွန်မ ခံစားမိပါတယ်။ ဘာဖြစ်လို့လဲ ဆိုတော့ celebrity ဖြစ်နေပြီလေ။

celebrity မှန်သမျှ ဒါမျိုး ပွဲဆူလေ့ ရှိပြီး၊ နောက်တော့ ပြောတဲ့လူတွေ တိတ်သွားတာပဲ လို့တော့ ပြောလို့ မရပါဘူး။ ဖြစ် ပျက်ပုံ၊ တုန့်ပြန်ပုံတွေက ကွာခြားပါသေးတယ်။ နောက်ပိုင်းကျရင်တော့ ပြီးသွားမှာချည်းပါပဲ။ ဘယ်သူမှ 24 hr ထိုင်မပြော နိုင်ပါဘူး။ ပြောတဲ့လူတွေ တိတ်သွားလို့ celebrity က အောင်မြင်ပြီး ကျန်ခဲ့တာပဲ လို့ ယူဆရင်တော့ ဘာမှ ပြောစရာမရှိပါ။

အထိမခံ ရွှေပန်းကန် (ရွှေရည်စိမ်) နှုတ်သီးကောင်း လျှာပါး ကတ်ကတ်လန် နေတာတွေကို ဒီ interview ဂုတ်ဆွဲပြီး ပြချင်တယ်။

ဝန်ခံချက်။ ။ ဂုတ်ဆွဲပြီး ပြချင်တယ် ဆိုတဲ့ အသုံးအနှုန်းကို ယခု အကြောင်းအရာနှင့် ကိုက်ညီ၍ နှစ်သက်မိသဖြင့် ဖတ်ခဲ့ဖူးသည့် blog တစ်ခုမှ ယူသုံးပါသည်။

Update (23rd Aug 2009): ဂျူးဟာ ဒီနေရာမှာ သူ့ရဲ့ အဆင့်အတန်းကို ပါးပါးနပ်နပ် ပြသသွားနိုင်ခဲ့လို့ သူ့ ပရိသတ်ဖြစ်ရတာ အင်မတန်မှ ဂုဏ်ယူမိပါတယ်။

(မှတ်ချက်။ ။တ၀က်တပျက်နဲ့ လာဖတ်တဲ့သူတွေ ကိုယ့်ဆိုလိုရင်းကို မမိမှာ စိုးလို့... update ကို ဖြည့်စွက်လိုက်ရပါကြောင်း...)


to be continued

4 comments:

နေဒေးသစ် said...

အင်း .. ပြောထားတဲ့ ဂျူးတဲ့ အမှတ်တရ ဝတ္ထုလေး အကြောင်း ပြန်ပါလာလို့ ပြုံးတောင် ပြုံးမိသွားတယ် ... အဲဒီ့ဝတ္ထုလေးက ခံစားမှု အားကောင်းပါတယ် ... ဝေဖန်မှုတွေကြားက တိုးထွက်ခဲ့တဲ့ ဝတ္ထုကောင်းတစ်ပုဒ်ပေါ့ .....

ဖိုးစိန် said...

ဘာပြောပြော
ဂျုး ရဲ့ အမှတ်တရ စုစုထွေးကို
ကြိတ်ကြိုက်နေတာ နှစ်အတော်ကြာပြီး
စွဲလန်းနေဆဲပဲ
နာမည်တူတွေ့ရင်တောင့်ခေါင်းထောင်မိတဲ့အထိ
စု တို့ ထွေးတို့ကို
ကျေးဇူးတင်ပါတယ် အဟောင်းတွေကိုအသစ်အဖြစ်နဲ့ဗဟုသုတရစေလို့
ခင်မင်လေးစားစွာဖြင့်
ဖိုးစိန်

Bino said...

အခုခေတ် မိန်းကလေးတွေဟာ ယောက်ျားလေးတွေထက်တောင် ရဲရင့်ထက်မြက်ကြတယ်လို့ ကျွန်မ ပြောရင် ကိုဝင်းငြိမ်း စိတ်မရှိပါနဲ့။ ရုပ်ရှင် တစ်ခု၊ ၀တ္ထု တစ်ပုဒ်ကြောင့် လမ်းမှားကို လိုက်သွားရလောက်အောင် တုံးတဲ့ မိန်းမမျိုး သိပ်မရှိတော့ပါဘူး။
There were few မိန်းကလေးတေ in Myanmar, not much.

ဒီတော့ မိန်းကလေးတွေ အတုယူ မှားလောက်တာတွေ၊ မမှားလောက်တာတွေနဲ့ ညာမနေပါနဲ့တော့။ ဖုံးကွယ်ထားလို့ မရတဲ့ ကိစ္စတွေကို ဖုံးကွယ် မထားချင်ပါနဲ့တော့။ အရှိကို အရှိအတိုင်းပဲပေါ့။ လူဆိုတာ လွတ်လပ်ခွင့်ကို မြတ်နိုးတာပဲ။ တစ်ပါးသူရဲ့ လွတ်လပ်ခွင့်ကို မနှောင့်ယှက်ဘူး ဆိုရင် လွတ်လွတ်လပ်လပ် တွေးခေါ်ပါစေလား။ လွတ်လပ်စွာ တွေးခေါ်ပြီး ရဲရင့်စွာ ယုံကြည်တတ်တဲ့ ဇာတ်ကောင်စရိုက်မျိုးကို ဖန်တီးမိတဲ့အတွက် ကျွန်မ ဘယ်တော့မှ နောင်တရမှာ မဟုတ်ဘူး။
Her emotional sound with annoyance is so smart.

Thanks for sharing.

moe said...

ပညာရှိကြီးများ သိပ်လည်း အဝေဖန်မစောကြ
နဲ့ ဦးလေ စာရေးဆရာမဖြစ်ခင် စာရေးဆရာ ရင့်မကြီးတွေကို ဝေဖန်တာ တယ်တော့မတော် လှဘူး ကိုယ်တိုင်ဆို ဘယ်လို ခံစား၇မယ် ဘယ်လို ပြန်ပြောမိမယ်ဆိုတာမျိုးတွေးရတယ် ဟိုဆရာကြီး နေဒေးသစ်က အမြင်တွေ မှန်ဖို့ 
လိုနေသေးတယ် ကိုရေးတဲ့ စာတစ်ပုဒ်ကို အဝေ
ဖန်ခံနိုင်လောက်အောင် ရင့်ကျက်နေရင်လို့ 
ပြောရအောင် လဲ လက်တောက်လောက်လေး
တွေဆိုတော့ ခက်တယ် ဒီပိုစ့်ကိုတင်ပေးတဲ့ 
ဘလော့ပိုင်ရှင်က ဂျူးနဲ့ သူ့ ဝတ္တုတွေ
အကြောင်းကို သိစေချင်တာလား ဒါမှ မဟုတ်
ဂျူးရဲ့ အားနည်းချက်(ခင်ဗျားတို့ အထင်ပေါ့လေ) ဆိုတာတွေကို ဖော်ထုတ်ပြီး
ဆရာကြီးဟန်တွေနဲ့ ဝေဖန်ချင်တာလား နားမလည်ပါ ... နေဒေးသစ်က တောက် လျှောက်ဝေဖန်ပေးနေတော့ဆရာကြီး နေဒေး သစ်ပေါ့ ဗျာ အမြင် ကို အထင် တွေနဲ့  မပြောကြနဲ့  ... စာတွေကို သေချာ
ပြန်ဖတ် ပြန်မှတ် ပြန်တွေး ပြန်လေ့လာပြီး
သူ ဘာပေးချင်တာလဲလို့ ပြန်ကြည့်လိုက်
ခင်ဗျားတို့ ရေးနေကြတဲ့ စာတွေကရော ပရိတ် အမည်မခံ တဲ့ သူများကိုယ်တိုင် ဘာတွေ ရသွားသလဲဆိုတာ မသိဘဲနဲ့ တော့
မဝေဖန်နဲ့ ဦး အသေအချာလေး ပြန်တွေးကြ
ကိုယ်ပေးသမျှ ရမယ်မထင်နဲ့  ဒါကို ခေါင်းထဲ
ထည့်ကျုပ်ကတော့ စာမရေးတတ်ပါဘူး
ဒါပေမယ့် ပြောနေပုံတွေကြည့်ရတာ
စာပေဗိမ္ဗာန်စာပေဆုကြီးတွေရထားတာ ကျနေတာပဲ ဟဟ ရယ်စရာကြီး ဂျူးသာကြား ရင် သူ့ ရဲ့ ခွန်းအားကြီးတဲ့ 
စကားတွေကြားမှာ မျက်စိသူငယ် နားသူ
ငယ်နဲ့ ဖြစ်နေရမှာ ခင်ဗျားတို့ ပညာရှိကြီးများ
ဖြစ်မယ်ထင်ပါတယ် ရယ်စရာကောင်းတယ်
ဘလော့ပိုင်ရှင် ဒီလိုနဲ့ တော့ ပရိတ်သပ် အထင်တွေ ကြီးမလာပါဘူး လုပ်မနေပါနဲ့ 
နေဒေးသစ်လဲ လက်မကမြင်းနဲ့ ပေါ့
ကြီးလာပေမယ့် မရင့်သေး ရင့်လာပေမယ့် မမှည့်သေးတဲ့ အရွယ်မှာ ပါးစပ်ပိတ်ထား
တာကောင်းပါတယ် ကလေးတို့ ရယ်