Wednesday, August 29, 2012

120829

ခုလောလောဆယ် တွေးမိတဲ့အတွေးကို ပြောရရင် အထဲက လုပ်နေတဲ့လူတွေနဲ့ အပြင်က ပြောနေတဲ့လူတွေကို တနေရာတည်း စုထည့်လိုက်ပြီး ထိပ်တိုက် ညှိနှိုင်း ငြင်းခုန် ဆွေးနွေး ဝေဖန် ဆဲဆို ဖွင့်ထုတ်ပစ်လိုက်ကြရင် ကိစ္စတွေ ပြတ်သင့်သလောက်တော့ ပြတ်သွားမယ်ထင်တယ်။ မပြတ်တဲ့ကိစ္စတွေရှိရင်တောင် ဒါတွေမပြတ်ဘူးလို့ ပြတ်ပြတ်သားသား သိသွားတာပေါ့။

လုပ်တာက တလိုင်း ပြောတာက တလိုင်း (စိုက်တာက တဖွဲ့၊ ခုတ်တာက တဖွဲ့)ထက်စာရင် အဲဒီနှစ်ခု ထိပ်တိုက်တွေ့စေချင်တယ်။ အဲလိုလုပ်တဲ့ပွဲကို ကျန်တဲ့လူတွေအတွက် ချန်နယ်တခုခုကနေ လိုက်ဖ်လွှင့်လိုက်။

ပုံ/ ပွဲပြောင်း ပွဲလွဲ ကြည့်လိုသူ။

Friday, May 18, 2012

မင်းအကြောင်းတွေ တွေးနေမိမှာပါ

မနေ့က တောက်ပတဲ့နေရောင်အောက်မှာ သစ်ရွက်လေးတွေ တဖြည်းဖြည်းကြွေကျ
ကိုယ့်အေးစက်စက်လက်တွေက အထိအတွေ့နွေးနွေးကို လိုအပ်နေချိန် မင်းအကြောင်းကို တွေးနေခဲ့မိတယ်

ခွဲခွာသွားတော့မယ့် အရိပ်အယောင်တွေကို ရှာကြည့်မိဆဲ
ကိုယ့်လက်ကို မင်း ဆုပ်ကိုင်ထားပေမယ့် ကိုယ့်ကို တကယ်လိုအပ်တာ ဟုတ်ပါရဲ့လားကွယ်
မင်းကို သွားခွင့်ပြုရမယ့် အချိန်ကျပြီလား
မင်းအကြောင်းကိုတော့ တွေးနေမိမှာပါ

သမုဒ္ဒရာကို ဖြတ်သန်းလို့ တဘက်ကမ်းဆီ ချောချောမွေ့မွေ့ ရောက်တဲ့အခါ
ကိုယ့်အတွက် နည်းနည်းလောက်များ ပြုံးယောင်ပြုနိုင်မလား
မင်းအကြောင်းတွေ ကိုယ် တွေးနေမှာမို့လို့ပါ

ကိုယ်တော့ မင်းအကြောင်းတွေ တွေးနေမိမှာပါ

 


lyric from here

Sunday, April 29, 2012

120429



တွေ့လိုက်ပြီးလျှင်ပြီးချင်း ကြင်လို့ ချစ်တာပါပဲဆိုတာ မပြောရက်နိုင်သလိုရှိလှတာကို သူတပါးနှင့်တကွ 'သူ' ပါ နားလည်မည်မထင်။ အရင့်အရင် မမြင်ဖူးခင် မကြားဖူးခင်က ချစ်ရတယ်ထင်သည်။ သည်လိုပင် ကိုယ်သေဆုံးပြီးသည့်နောက်အထိလည်း ကိုယ့်ရဲ့အချစ်က ထူးဆန်းသောနည်းတနည်းနှင့် ကျန်ရစ်ဦးမည်ထင်သည်။

တခါတရံတော့လည်း ချစ်ခြင်းမေတ္တာဆိုသည့် ကမ္ဘာမြေပေါ်မှာနေ၍ မိုးတိမ်ဗွေနှင့်လည်း လှမ်းမီသော အင်အားကြီးတစ်ခုသည် ကိုယ်၌ လာ၍ဖြစ်ပေါ်ပြီး 'သူ' ဟူသည့် ရုပ်တစ်စုံကို ဖန်ဆင်းသည်လို့ပင် ဆန်းပြားစွာထင်သည်။

ထို့ကြောင့် 'သူ' သည် ကိုယ်ပိုင်သော၊ ကိုယ်ကဖြစ်သော၊ သံသရာအစအဆုံးက ရင်းနှီးခဲ့သော 'သူ' ပါ ဟု ပြောပြရလျှင် အနည်းငယ် စိတ်ကျေနပ်သည်။

(ကြည်အေး - တမ်းတတတ်သည်)

*** 
photo from here

Friday, April 20, 2012

စကားလုံးများနှင့် sense

ကျွန်

သတ်ပုံကျမ်းမှာဆို 'ကျွန်တော်၊ ကျွန်မ' လို့ ပါတယ်။

သို့သော် အဲဒီစကားလုံးတွေကနေ ကျေးကျွန်ဆိုတဲ့ sense ကြီးကို ခံစားမိတဲ့သူတချို့က 'ကျတော် ကျမ' စသဖြင့် ပြောင်းရေးကြတယ်။ ကိုယ်တော့ အဲလိုမရှိဘူး။ (ရှေ့ကလူများ ဘာကိုရည်ရွယ်သည်ဖြစ်စေ) သတ်ပုံဆိုတာ ဘာသာစကားတခုကို အတူအသုံးပြုသူတွေကြား တပြေးညီ တူဖို့သတ်မှတ်တဲ့ နည်းစနစ်တစ်ခုမျှသာပဲ။ ဒီတော့ ကျွန်မ ဆိုတဲ့ အသုံးသာ သုံးဖြစ်ခဲ့ရင် 'ကျွန်မ' လို့ပဲ ရိုက်တယ်။ ကျမ လို့ မရိုက်ဘူး။ ဒီနေ့ သတ်ပုံကျမ်းမှာ 'ကျမ' လို့ ပြောင်းခဲ့မယ်ဆိုရင် နက်ဖန် သုံးစရာရှိတာနဲ့ 'ကျမ' လို့ ပြောင်းရိုက်၊ ပြောင်းသုံးမယ်။

(မှတ်ချက်။ သတ်ပုံကျမ်းအတိုင်း အမြဲလိုက်နာသည် မဆိုလို)

မိန်းမလို မိန်းမရ

လွန်ခဲ့တဲ့နှစ်တွေလောက်က ဘယ်မှာလဲ မသိ၊ (Addy Chen ဆီမှာလို့ ထင်တယ်။)
နောက်ပိုင်းမှာ မိန်းမတွေတင်မက ယောက်ျားတွေကပါ 'အမျိူးသမီး အခွင့်အရေး၊ အမျိူးသမီး အခွင့်အရေး' အော်လာကြတာ၊ သူတို့ တာဝန်တွေအေးရာအေးကြောင်းဖြစ်ဖို့၊ ပုခုံးပြောင်းဖို့ ဆိုတဲ့ လျှို့ဝှက်အကြံအစည် ဖြစ်နိုင်တယ် ဆိုတဲ့ သဘောမျိုးရေးထားတာ။ သူ ကိုယ်တိုင်ကတော့ မိန်းမဝါဒီ ထင်ပါတယ်၊ အရေးအသားကြည့်ရတာ။ (အထူးမှတ်ချက်။ ကိုယ်ကတော့ ဒီတသက် ဖြစ်မည်မထင်။)

အဲဒီကနေ ဆက်တွေးလိုက်မိလို့။

ဆိုပါစို့။ 
ယောက်ျားတွေကို 'ဒီလူကတော့ မိန်းမလို မိန်းမရနဲ့၊ မိန်းမစိတ်' 'ထမီ ဝတ်ထားပါလား' စသဖြင့်ပြောတာ မိန်းမတွေကို စော်ကားရာကျတယ်။ အဆင့်နှိမ့်ရာကျတယ် ဆိုကြတယ်။

ဒါလည်း ယောက်ျားတွေအနေနဲ့ ဒီလိုပြောတာ မခံချင်လို့၊ မခံရအောင် တဘက်လှည့်နဲ့ မိန်းမတွေကိုပဲ မနှိမ်စေချင်သလိုလို လုပ်ပြောတာ ဖြစ်နိုင်တာပဲ။

စကားလုံးဆိုတာ အသုံးကြာလာရင် မူရင်းအနှစ်ပျောက်ပြီး၊ အပေါ်ယံညွှန်းဆိုရင်းစွဲလေးပဲ ဂရုပြုမိကြတာ များတယ်မဟုတ်လား။ 'ကျွန်တော် ကျွန်မ' ဆိုတာလိုပေါ့။ အဲဒီစကားလုံး သုံးတိုင်း ဒါ ငါ့ကိုယ်ငါ ဆိုတာကလွဲလို့ 'ကျွန်' ဆိုတဲ့ အနက်ဟာ ကိုယ့်စိတ်ထဲ ပေါ်မလာဘူး။ ပေါ်လာတဲ့လူလည်း မသုံးဘဲ နေရုံပဲမဟုတ်လား။

ဒီလိုပဲ ယောက်ျားတစ်ယောက် အလုပ်မဟုတ်ဘဲ အူကြောင်ကြားကွက်နင်းနေလို့ 'မိန်းမလို မိန်းမရ' တို့ 'မိန်းမဉာဏ်' တို့ 'မိန်းမကျင့် မိန်းမကြံ' တို့ လို့ ပြောတာလည်း မိန်းမတွေ ဆိုတဲ့ sense ထိ ပေါ်မလာဘူး။ ဒါ တိုက်ရိုက်ပြောချင်သူကိုသာ ထိထိမိမိ နှိပ်ကွပ်နည်း တမျိုးပဲ။ (ဒါမျိုး သူတို့ မခံချင် မခံနိုင်လို့ မိန်းမတွေကိုပါ သွယ်ဝိုက် နှိမ်ရာရောက်တယ်ဆိုပြီး တဖက်လှည့်နဲ့ ထွက်တာ ပို ဖြစ်နိုင်တယ်။)

တချို့သော ယောက်ျားတွေ အမျိုးသမီးအခွင့်အရေး ဘာညာ ခေါင်းတပ်ရေးတာ စေတနာနဲ့ဆိုတာထက်၊ ထမီမပြီး ရန်တွေ့နေတာနဲ့ ပိုတူတတ်လို့၊ ဒါ အမျိုးသမီးခေါင်းစဉ်တပ်ပြီး သူတို့အထိနာတတ်တဲ့ စကားလုံးတွေ ပပျောက်အောင်များ တဖက်လှည့်နဲ့ ပြောသလား ထင်မိတယ်။

ဒီတော့ မိန်းမတွေကို ထိခိုက်တယ်လို့ စိတ်မှာထင်ရင် မသုံးဘဲ နေရုံပဲ။ ကိုယ့်စိတ်က ဒီစကားလုံးသုံးတာ ရည်ရွယ်သူကလွဲလို့ မိန်းမတွေကို သွယ်ဝိုက် ထိခိုက်စေလိုတယ်လို့ မဟုတ်ရင် ဆက်သုံးရုံပဲ။

အဲလို အူကြောင်ကြားကွက်တွေအတွက် ဒီ့ထက် ထိရောက်မယ့် စကားလုံးလည်း မှတပါး အခြားမရှိမဟုတ်လား။ ရှိလာခဲ့ရင် အချိန်မရွေးပြောင်းသုံးမယ်။ 

မရှိမချင်းတော့ ဒါအကောင်းဆုံးပဲ။

***
ဘာမှတော့ မဆိုင်ဘူး။
ရုံးက ပြန်ရောက်ပြီး Addy Chen ပို့စ် ဖတ်၊ နောက် ကွန်ဒိုလီဇာရိုက်ဇ်အကြောင်းဖတ်တော့ လူမည်းတို့၊ ကျွန်တို့ အကြောင်းတွေရောက်၊ စကားလက်အိုဟာရာတို့ခေတ်က လူမည်း၊ ရိုက်ဇ်တို့ခေတ်က လူမည်းနဲ့ ကျွန် ဆိုတဲ့ စကားလုံးကနေ ချရေးမိတာ။

ဖြည့်စွက်

ဗမာပြည်မှာ အမျိုးသမီးရေးရာ နဲ့ အမျိုးသမီးအခွင့်အရေးအကြောင်းတွေ ခေတ်စားတုန်းကဆိုရင်
မြန်မာဥပဒေမှာ ယောက်ျားတွေ တရားဝင် မိန်းမတစ်ယောက်ထက် ပိုယူခွင့် ရတာနဲ့ ပတ်သတ်လို့ ဆရာမကြီး ခင်နှင်းယု တို့တောင်ပါသေးလား မသိ၊ ရှင်းကြတာကို ဖတ်ဖူးတယ်။ အဲဒီမှာ အဲဒါက ဘာသာခြား လူမျိုးခြားအမျိုးသားနဲ့ လက်ထပ်တဲ့ ဗမာအမျိုးသမီးတွေကို ကာကွယ်ဖို့ လုပ်ရတာပါဆိုပြီး ဥပမာ၊ ဥပမေယျ မျိုးစုံနဲ့ ရှင်းကြတာ ကြားဖူးတယ်။

ကိုယ်တော့ ဥပဒေကြောင်း နားမလည်ပါဘူး။ လတ်တလော မလိုအပ်တော့ စိတ်လည်းမဝင်စားဘူး။ ဒါပေမဲ့ အဲဒီမှာ ပြသွားတဲ့ ဥပမာတွေ အကြောင်းပြချက်တွေကိုတော့ ဘဝင်မကျဘူး။ အဓိကနဲ့ သာမညနဲ့ ချော်နေတယ်လို့ ခံစားရတယ်။

ပြောချင်တာက မိန်းမတွေကို ကာကွယ်ဖို့လို့၊ မနှိမ်မိဖို့လို့ ရည်ရွယ်ချက်ဖြင့် 'မိန်းမလို မိန်းမရ ဖြစ်သော' ယောက်ျားတွေကို 'မိန်းမလို မိန်းမရ' ဆိုတဲ့ စကားလုံးမျိုး သုံးပြီး မပြောသင့်ဘူးဆိုတာလည်း အထက်က ဥပဒေလိုများ ဖြစ်နေမလား တွေးမိသေးတယ်။

***

Friday, April 13, 2012

Yangon (9th Mar ~ 31st Mar 2012) (Part - 2)

အင်းလျားလမ်း

အင်းလျားဆောင်

Yes Smoking!


37 လမ်း (ထင်တယ်)
သဇင်
ဂန္ဓမာ
MES
T8
အင်းလျား (စိမ်းလန်းစိုပြေ)
အင်းလျား (ကမ္ဘာအေးဘုရားလမ်း)
airport

Yangon (9th Mar ~ 31st Mar 2012)

ကမ္ဘာအေးဘုရားလမ်းထောင့်၊ 
တက္ကသိုလ်ရိပ်သာလမ်းပေါ်က ငု
စိမ်းလန်းစိုပြေ
city mart ရန်ကင်းစင်တာ
မြန်မာပြည်ရဲ့ M1 roaming
facebook အသုံးပြုနည်း
policeman who was awarded 
7days' national hero award (not so sure =D)

Friday, April 6, 2012

Bangkok Trip (9th Dec ~ 12th Dec 2011)

Cathay Pacific (ငယ်ငယ်က အဲဒီကြော်ညာစာမျက်နှာတွေကို ခဏခဏ စာအုပ်အဖုံးလုပ်ခဲ့ဖူးတယ်)
Suvanabhumi Airport
ကျိုင်းတုံမြီးရှည် (cooked by Addy Chen)
တည်းတဲ့အိမ် (ဂျူ နဲ့ စနိုးရဲ့အိမ်) ၁၂ ထပ်မှ
အညာမှာ ထားဝယ်မှိုင်းလို့ ခေါ်တဲ့ပန်းပင် (မြဘုရားဝင်း)
My first

&nf;pm;vkbuf

***
2011 မှာ ပျော်စရာအကောင်းဆုံး ၄ ရက်။
ဂျူ၊ စနိုးနဲ့ အက်ဒီတို့ကို သိပ် ကျေးဇူးတင်ပါတယ်။
ခုဆို ဂျူ ပြန်သွားပြီ။ အက်ဒီလည်း ပြန်တော့မယ် ဆိုတယ်။

Wednesday, April 4, 2012

Books (2)

စာဖတ်သူတစ်ဦး၏ ဒိုင်ယာရီ

အဲဒီစာအုပ်ကို ရောက်ပြီးနောက်တနေ့မှာ ဝယ်ဖြစ်တယ်။
ခုထိ ၃/၄ ရွက်ပဲ ဖတ်ပြီးသေးတယ်။ ငယ်ငယ်က ဟန်သစ်မှာ ဆရာရေးတဲ့ ဖတ်ကြည့်ကဏ္ဍ ဆောင်းပါးတွေ ဖတ်ခဲ့ရတာ အမှတ်ရမိတယ်။ အဲဒီတုန်းကတော့ ကိုယ်နဲ့မမီတဲ့ တချို့အကြောင်းအရာတွေလည်း ကျော်ဖတ်ခဲ့တာပေါ့။

နောက် ဟန်သစ်မဂ္ဂဇင်းက နိုင်ငံတကာဝတ္ထုတိုများ ဆိုပြီး လုံးချင်းထွက်နေတာ တွေ့ခဲ့တယ်။ အဲဒါတော့ စိတ်မပါလို့ မဝယ်ဖြစ်ဘူး။ ပိုက်ဆံတွေ သိပ်ပေါလာခဲ့ရင်တော့ စောဟိန်းရဲ့ အခန်းဆက်ဝတ္ထုရှည်လေး ပြန်ထုတ်ဦးမှ။

ဝင်းငြိမ်းနှင့် စာရေးဆရာများ (၁)/ (၂)

အဲဒါတွေ့တော့ ဂျူးပါတဲ့ အတွဲ (၂) ကို အရင် ဝယ်ဖြစ်တယ်။

တကယ်တော့ အတွဲ (၂) မှာ ပါတဲ့ စာရေးဆရာတွေ အတော်များများကို မသိဘူး (ဖတ်ဖူးဖို့ ဝေးစွ၊ နာမည်တောင် မကြားဖူးတာ)။ အတွဲ (၁) ကလူအတော်များများကတော့ အသိတွေချည်းပဲ (ကိုယ့်ဘာသာ တဖက်သတ်သိခြင်း)။ သို့သော်လည်း တစ်အုပ် ငွေ 6000 ကျော်မို့ တွန့်ပြီး ဂျူးပါတဲ့ အတွဲလေးပဲ အရင် ဝယ်ဖြစ်တယ်။ အဲဒီထဲက မသိတဲ့လူတွေရဲ့ အင်တာဗျူးဖတ်တာကိုပဲ အတော် စိတ်ဝင်စားစရာကောင်းတော့ နောက်ပိုင်း အတွဲ (၁) ကိုပါ ထပ်ဝယ်လိုက်တယ်။

လူတွေရဲ့ ဘဝအကြောင်းက စိတ်ဝင်စားစရာကောင်းပါတယ်။ ဒီကြားထဲ စာရေးဆရာကလည်းဖြစ်ပြန်၊ သူတို့ဖြတ်သန်းလာသမျှ တင်ပြတတ်ကြပြန်တော့ ပိုလို့ စိတ်ဝင်စားစရာကောင်းတာပေါ့။ တကယ်တမ်း အင်တာဗျူယာရဲ့ မေးခွန်းတွေက ဒီလောက်မဟုတ်ဘူး။ အဖြေတွေကြောင့်သာ စိတ်ဝင်စားစရာကောင်းတာ။ ဒါပေမဲ့ စာအုပ်တွေရဲ့ အစမှာ ဗျူးခဲ့စဉ်အခါက အဖြစ်အပျက် အမှတ်တရ အပိုင်းအစလေးတွေကို ဦးဝင်းငြိမ်းပြန်ရေးထားတာ အတော်စိတ်ဝင်စားစရာကောင်းတယ်။

နှစ်အုပ်လုံး ဟိုနည်းနည်း ဒီနည်းနည်းနဲ့ ပြီးအောင်မဖတ်နိုင်ခဲ့ဘူး။ ထားခဲ့ရတယ်။ နောက်တစ်ခေါက်ပေါ့။

နုနုရည် (အင်းဝ) အင်တာဗျူးမှာဆို ဆရာမက အဲဒီတုန်းက အကြောင်းအရာ စကားလုံး အတော်ချွေတာချင်ပုံရတယ်။ နောက် ဆု ဇာတ်ကောင်နဲ့ တွဲမြင်မိနေတဲ့ ဆရာမ မြနှောင်းညို အင်တာဗျူးကျတော့လည်း သူက သပ်သပ်၊ ဆုက သပ်သပ်ပါလားလို့ သဘောပေါက်ရတယ်။

ဘလော့မှာတင်ဖူးတဲ့ ဂျူး အင်တာဗျူးတပိုင်းတစကလွဲလို့ အဲဒီ အင်တာဗျူးတွေ မဖတ်ဖူးခဲ့ပါဘူး။ ခု တခြားစာရေးဆရာတွေရဲ့ အင်တာဗျူးတွေပါဖတ်မိတော့ (ကိုယ့်ဘာသာ) အတော် အံ့အားသင့်ရတာတွေ ပါတယ်။

စိတ်ဝင်စားတတ်ရင်တော့ ၂ အုပ်ပေါင်းမှ ငွေ တစ်သောင်းကျော်ဟာ ဈေးများတယ် မဆိုနိုင်ဘူး။

မောင်ထွန်းသူ ကတော့ ခရိုနင်ဘာသာပြန်တွေ အကုန် ရချင်တာနဲ့ လုံးဝကို မဖတ်နိုင်မှာမှန်း သိပေမယ့် ဝယ်ထားခဲ့တယ်။ အဲဒါလည်း နောက်နှစ်ပေါ့။

ကြည်အေး တမ်းတတတ်သည် က ebook ရှိရက်နဲ့ နှစ်မျက်နှာက မတက်လို့ အဲဒီတော့မှပဲ ဖတ်ပြီးသွားတယ်။ သိပ်မကြိုက်လှသေး (ကြာမှ ကြိုက်ချင်ကြိုက်မည်)။

မြနှောင်းညို ကိုတော့ အသည်းပန်းမှာ ဆူးတွေနဲ့ရယ် နဲ့ ငုပွင့်ဝါခိုင် ကလွဲရင် စွဲစွဲငြိငြိ ကြိုက်ရတာ ထပ်မတွေ့တော့။

လူထဲက လူနဲ့တူတဲ့ လူတွေအကြောင်း ရေးသော်လည်း ဇာတ်လမ်းထဲက ဇာတ်ကောင်တွေကို unique ဖြစ်အောင်တော့ရေးမှ ဆိုတဲ့ သီအိုရီ မှန်များမှန်သလား မသိ။ ထာဝစဉ်ချစ်ခြင်း... ထဲက ဇာတ်ကောင် စန္ဒီတို့၊ သည်ဘက်ကမ်းက... ထဲက ဇာတ်ကောင် ကြွေတို့ မထူးခြားသလို ဖြစ်လွန်းလှတယ်။ ကိုယ်တော့ ဆုတို့ ငုတို့ပဲ ကြိုက်လို့ရတယ်။

ခင်နှင်းယု စာတွေကို ခုနောက်ပိုင်း ပို ပို သဘောကျလာတယ်။ အထူးသဖြင့် သူ့ဘဝအကြောင်းကို စိတ်ဝင်စားလာတာ။ သို့သော်လည်း မွှေးကို ဝယ်မဖတ်ချင်။ ဘာလို့ဆိုတော့ မေဆွိနဲ့ သူ့သရုပ်ဆောင်ပုံပြန်မြင်နေရင် ဖတ်လည်း စိတ်ပျက်ရုံသာ။ ရှေးကားကိုတော့ မကြည့်ဖူးပါဘူး။ သို့သော် မွှေး ကို ဘယ်လို အနုပညာအမြင်နဲ့ ကြည့်လိုက်လို့ မေဆွိ ဖြစ်ရတယ် တွေးမရဘူး။ (ဟိုခေတ်က အမေသရုပ်ဆောင်ရင်၊ ဒီခေတ်ကျ သမီးသရုပ်ဆောင်ရမယ်လား)

အဲဒီမှာရှိနေတုန်း အိမ်ကဝယ်ထားတဲ့ ဖေဖေ စာအုပ်ကိုလည်း ဖတ်ဖြစ်တယ်။ ဆရာမကြီးရဲ့ အဖေအကြောင်းရေးထားတဲ့ စာအုပ်။ အဲဒါတွေကို စိတ်ဝင်စားပြီး ထီလာစစ်သူရဲ့ ခင်နှင်းယု သူမ၏ဘဝ စာပေပတ်ဝန်းကျင် ဝယ်ဖတ်တော့ ထင်သလောက် မဟုတ်ပြန်။ သူရေးဖူးတဲ့ စာတွေအကြောင်းလိုလို ဘာလိုလိုနဲ့ ဝေဝေဝါးဝါးပဲ။ တကယ်တမ်း ထည့်မယ်ဆို စိတ်ဝင်စားစရာတွေ အများကြီးရှိတယ်။

နီကိုရဲ လည်း အရင်ဟာတွေ ခြေဖျားတောင် မမီဘူး။

မင်းလူ ခိုးခိုးခစ်ခစ် ထဲမှာ ရွှေကြည်နဲ့ မောင်ဝ မင်္ဂလာဆောင်ဖြစ်သွားတာ အတော် ဝမ်းသာစရာပဲ =D

အောင်မြင်သော နေ့ ကတော့ ခင်နှင်းယု အတတ်ပညာ (ဦးနှောက်) နဲ့ ရေးထားတာလို့ ဆိုပေမယ့် အတော်ကောင်းပါတယ်။ ဗမာကားကိုလည်း မကြည့်ဖူးလို့ ဖြစ်မယ်။

ပိုးဇာ ကတော့ 88 အရှေ့ပိုင်းထွက်တဲ့ ရွှေသွေးအဟောင်းတွေလိုက်ရှာတာ ရမလိုလိုနဲ့ မရတော့လို့ အဲဒီအစား ဝယ်ဖတ်ပစ်လိုက်တာ။ ကောင်းတယ်။ ဘယ်တော့ဖတ်ဖတ် ကြိုက်နေတာပဲ။

မစန္ဒာနဲ့ လင်္ကာရည်ကျော် ဝတ္ထုတို/ ရှည်တွေ ဝယ်ဖြစ်ခဲ့ပေမယ့် မရိုက်ဖြစ်ခဲ့ဘူး။

***
ကျောင်းပြီးကာစ ညီမနှစ်ယောက်အတွက် ဂျူး စောင့်နေမယ်လို့ မပြောလိုက်ဘူး ဝယ်ပေးခဲ့ရတယ်။ သူ မင်းကို ဘယ်တော့မှ လည်း ဝယ်ဖတ်လိုက်လို့ ညွှန်းခဲ့တယ်။ အဲဒါတွေဖတ်တုန်းက ဖတ်တုန်းခဏ ကြိုက်ပြီး နောက် ခေါင်းထဲမရှိတော့ဘူး။ ကိုယ် ကြိုက်တဲ့စာမျိုးလည်း မဟုတ်ဘူး။ ဒါပေမဲ့ ပြောဆို ညွှန်ပြ အကြံပေးဖို့ အချိန်မရှိ၊ အခွင့်အရေးမရှိတဲ့အခိုက်၊ ဘာလုပ်ရမယ် ဘာလုပ်သင့်တယ်ဆိုတာလေး တာဝန်ရှိသူကိုယ်တွေအစား စကားတွေအများကြီး ဝင်ပြောပေးမယ့်စာမျိုး ရေးထားတာအတွက် အခုမှပဲ ကျေးဇူးတွေ တင်မိတယ်။

ဖတ်တုန်းကတော့ လူငယ်တွေနဲ့ လက်ရှိခေတ်ကာလနဲ့ ပတ်သတ်တာတွေအကြောင်း၊ နောက် ခက်နဲ့ ဒေါက်တာတို့ အချစ်ဇာတ်လမ်းတွေ စသဖြင့် ရောရေးထားတာတွေကို သိပ်လည်းမဆိုင်ဘူး အရသာပျက်တယ် ထင်မိပေမယ့်၊ စာဖတ်ကျင့်မရှိလှသူတွေကို ပြီးအောင်ဖတ်ဖို့လည်း ဆွဲဆောင်နိုင်ရမယ်၊ ပြောချင်သမျှကိုလည်း နားထောင်စေရမယ်ဆိုရင်တော့ ဒီထက်ကောင်းတဲ့ ရေးနည်းမျိုး မရှိတော့ဘူးလို့ ခုမှ သဘောပေါက်ရတယ်။

နောက်ထပ် သဘောပေါက်သွားတာတစ်ခုက ဂျူးဟာ ခုနောက်ပိုင်း စာအုပ်တွေကို မလိုအပ်တဲ့သူတွေအတွက် ရေးနေတာမဟုတ်ဘူး လိုအပ်တဲ့သူတွေအတွက် ရေးနေတာဆိုတာပဲ။ ကိုယ်တွေစိတ်မှာ စွဲငြိပြီး ကျန်ရစ်အောင် ရေးတာမဟုတ်ဘူး။ လိုအပ်တဲ့လူတွေ ပြီးအောင်ဖတ်နိုင်ဖို့၊ လိုအပ်တဲ့ အချက်အလက်တွေကို သိမြင်နားလည်စေဖို့ ရေးတာပဲ။

စာရေးဆရာဟာ သူ့စိတ်ကြိုက်အနုပညာကို ဖန်တီးဖို့ကလွဲလို့ ခေတ်ကြီးရဲ့ ဘာတာဝန်မှမယူဘူးဆိုလည်း သူ့အနုပညာကို နှစ်သက်နေသရွေ့ ကိုယ့်အနေနဲ့ကတော့ ကျေနပ်လက်ခံနေဦးမှာပဲ။ ဘာမှ ထပ် တောင်းဆိုစရာမရှိဘူး။ သူ့သဘောနဲ့သူ တာဝန်ယူလာပြန်တော့ (အစက ကိုယ့်အကြိုက်နဲ့ မကိုက်တော့လို့ ပြီးပြီးရော သဘောထားခဲ့ပေမယ့်) ကိုယ့်အတွက် အသုံးဝင်လာတဲ့အခါ သူ တာဝန်ယူလိုက်တာကို ကျေးဇူးတင်ရပြန်တယ်။ (ကိုယ် ပြောရဆိုရသက်သာလို့)။

***

Sunday, April 1, 2012

Monday, February 27, 2012

နှစ်လိုစေသူ

'တစ်ယောက်သောသူ'

လွန်ခဲ့တဲ့ ၃/၄ လလောက်က မျက်ရှု မှာ​ ဝင်းဦး အမှတ်တရ ပို့စ်တွေ သွားဖတ်ရင်းနဲ့ မြယာ ရဲ့ တစ်ယောက်သောသူ ကို စဖတ်မိတယ်။

"နင်သိလား။ အရင်က ဘယ်တော့မှ မမေ့ဘူးထင်ထားတဲ့ အဖြစ်အပျက်တွေကို ခု မေ့နေပြီး အာရုံမှာ မစွဲငြိခဲ့တဲ့အရာတွေကို တသသ ဖြစ်နေရတာ တော်တော် ဆန်းပြားလှတယ်။"

အဲဒီနေရာရောက်တော့ ဘယ်လိုမှ ဆက်မဖတ်ဘဲ မနေနိုင်တော့ဘူး။ အပေါ်ယံ သညာသိတွေကို ခံစားမိတာနဲ့ အတွေ့အကြုံနဲ့ ယှဉ်လို့ ခံစားရတာ မတူဘူးမဟုတ်လား။ ကိုယ်တိုင်ဖြစ်ပျက်ခံစားနေရတဲ့ အကြောင်းအရာမျိုး ထပ်တူ တခြားသူက ရေးပြထားတာကို ဖတ်ရတဲ့အခါ...

အဲဒီလိုအနေအထားမှာ စာဖတ်နေရင်း ဖြစ်လာတဲ့ ခံစားမှုက စာနဲ့ရေးပြလို့ ရမယ်မထင်ဘူး။


တခါတလေ အရှိန်တခုနဲ့ လိမ့်နေခိုက်မှာ အမှုမဲ့ အမှတ်မဲ့ ဖြတ်ကျော်ခဲ့မိတဲ့ အခိုက်အတန့်လေးတွေ။ တနေရာရာမှာ ခဏအနားရတော့မှ အတွေးထဲ ပြန်ပေါ်လာတဲ့အခါ အတိတ်ဆိုတာ ဖြစ်သွားပြီ။ အတိတ်ကိုကျ ပြန်ရချင်လို့ မဖြစ်နိုင်တော့ပြန်ဘူး။

"ငါ့စိတ် ရင်းနှီးကျွမ်းဝင်မှုကို သူသိဖို့မပြောနဲ့ ငါတောင် အဲဒီအချိန်က ကောင်းကောင်း မသိခဲ့ဘူး။"

"အဝေးရောက်ယူတဲ့ စာရင်းထဲက သူ့နာမည်ကို အကြာကြီး ကြည့်နေမိတယ်။ အဲဒီနေ့ကလည်း ငါတို့ လျှောက်လည်နေကြတာနဲ့ အသေအချာတောင် ဖီးလ်မတက်လိုက်ရပါဘူး။"

"ငါ အမြဲလိုလို သတိတရရှိနေသူရဲ့ အသံလို့ မခံစားမိဘူး။"

သူ့စာအဆုံးမှာ အထုံးကလေးတစ်ခုပါတယ်။ ကြိုးစကလေးနဲ့။ အဲဒီ အစကလေးကို ဆွဲချလိုက်ရင်ရတယ် ဆိုတာပဲ ပြထားပြီး တကယ် ဆွဲဖြေမပြခဲ့ဘူး။ ဖတ်တဲ့သူဟာ သူ့ဇာတ်ကောင်အတိုင်းပဲ အထုံးကလေးကို တသသနဲ့ ကျန်ရစ်ရတော့တယ် လို့ မြင်မိတယ်။

ခံစားချက်ဆိုတာဟာလည်း နှိုင်းရသဘောဆောင်တယ် ထင်ပါရဲ့။

လူ့ဘဝမှာလည်း တချို့သောအာရုံတွေကို အထူးပြုပြီး သွားနေခိုက် မသိလိုက်မသိဘာသာ ကျော်ချလာခဲ့တဲ့ အာရုံတချို့ရှိတယ်။ အဲဒီအချိန်တွေတုန်းက ကိုယ့်ဘာသာတောင် မသိလိုက်ဘူး။

***
ရီစရာကောင်းတယ်ထင်တာတခုက ငယ်ငယ်တုန်းက ကြိုက်ခဲ့တဲ့ တွတ်ပီကာတွန်းတွေကို မကြိုက်တော့ဘူး၊ စိတ်မဝင်စားတော့ဘူးလို့ ထင်ခဲ့မိတဲ့ အချိန်တွေရှိခဲ့တယ်။ ကျောင်းပြီးလို့ အကြောင်းတိုက်ဆိုင် ပြန်ဖတ်မိတဲ့အခါမှ ငါ ဒါတွေကို ခုထိ စိတ်ဝင်စားနေတုန်းပါလားလို့ ပြန်သိလိုက်ရတယ်။ တကယ်တော့ ကိုယ် ဘယ်တော့မှ အဲဒါတွေကို ရိုးသွားမှာ မဟုတ်ဘူး။ ရိုးသွားတယ်လို့ ကိုယ့်ဘာသာ ထင်နေခဲ့တာပဲ ရှိတယ်။

အဲဒါ ဇာတ်လမ်းတခုလုံးနဲ့တော့ ဘာမှ မဆိုင်ပါဘူး။ တခါတလေ ကိုယ့်ဘာသာကျော်ချခဲ့မိတဲ့ အာရုံတွေ ဆိုတဲ့ တချက်နဲ့ပဲ ဆိုင်တာလေးပါ။

"အရင်က ဘယ်တော့မှ မမေ့ဘူးထင်ထားတဲ့ အဖြစ်အပျက်တွေကို ခု မေ့နေပြီး အာရုံမှာ မစွဲငြိခဲ့တဲ့အရာတွေကို တသသ ဖြစ်နေရတာ..." ဆိုတဲ့ အချက်ကနေ ကိုယ့်ကို သတိရစေလိုက်တဲ့ အဖြစ်အပျက်တွေကိုသာ ဆွဲထုတ်ပြရရင်တော့ ဆုံးမယ် မဟုတ်ဘူး။

***
'လှနေဆဲ ညနေပုံပြင်'

ဟိုရက်က လှနေဆဲ ညနေပုံပြင် ကို ဖတ်မိတော့ 'တစ်ယောက်သော သူ' ကို ပြန်သတိရလာတယ်။ 'တစ်ယောက်သော သူ' ကို မြယာပဲ ရေးခဲ့တာလားလို့ ပြန်စဉ်းစားမိပြီး ရှာတော့ ဟုတ်နေတယ်။ ပထမဆုံးအကြိမ် ဖတ်မိတုန်းက တပုဒ်တလေသာ ထင်လို့ အမှတ်မထားခဲ့မိဘူး။

ဒီတပုဒ်ကိုလည်း အစအဆုံး နှစ်နှစ်သက်သက် ဖတ်မိတာပဲ။ ဒါပေမဲ့ ဒါမျိုးအဖြစ်အပျက်တွေကို မျက်မြင်ဒိဋ္ဌတော့ မကြုံဖူးခဲ့သေးတော့ ပထမတစ်ပုဒ်လောက် စိမ့်ဝင်မလာခဲ့ဘူး ထင်တယ်။ သူ့ရဲ့ မြှုပ်စရာရှိတာလေးတွေကို မြှုပ်ပစ်လိုက်ပြီး တို့ထိရုံ ရေးသွားတဲ့ အရေးအသားကို သိပ်သဘောကျမိတယ်။ ဘယ်လို ထူးတဲ့ ပါရမီပါလိမ့်။ တချို့စာရေးသူတွေ တော်မှန်း သိပေမယ့် ကိုယ့်အနေနဲ့ စိတ်အာရုံထဲ ရှောရှောရှူရှူဝင်လာဖို့ခက်၊ စွဲလမ်းငြိတွယ်ဖို့ ခက်တယ်။ မြယာကို ဖတ်မိတော့ တိုက်ရိုက်ဝင်လာသလို စိတ်ထဲလည်း စွဲပြီး ကျန်ခဲ့တယ်။

အဲဒီ ဝတ္ထုကနေ တစ်ယောက်ယောက်ကို မဖြစ်မနေ သတိရပြရမယ်ဆိုရင် ငယ်ငယ်တုန်းက (9 တန်း 10 တန်းလောက်က) ကိုယ်တို့ သူငယ်ချင်းတတွေ အတော်ကို စိတ်ဝင်တစား အကြိုက်ညီခဲ့တဲ့ (ခုထိလည်း သက်ရှိထင်ရှားရှိသေးတဲ့) မော်ဒန်စာရေးဆရာတစ်ယောက်ကိုပဲ။ တကယ်တော့ သူ့အကြောင်းကို အကျွမ်းတဝင် မသိပါဘူး။ နောက်ပိုင်းမှာ အပြောင်းလဲကြီးပြောင်းလဲ မမျှော်လင့်တာတွေ မကြိုက်နိုင်တာတွေ တော်တော်လုပ်ပြခဲ့တော့ တအံ့တသြ စိတ်ပျက်ခဲ့ကြတယ်။ ဒါပေမဲ့ ကြိုက်တာတချို့လည်း လုပ်ပြနိုင်တုန်းပဲ။

နောက်တစ်ယောက်ဆိုရင်တော့ ဒေါက်တာ မတင်ဝင်း ဆောင်းပါးထဲမှာ ဖတ်ဖူးတဲ့ 'နပိုလီယံ'။

'သူဟာ တော်လှန်ရေးက မွေးဖွားလိုက်တဲ့လူ ဖြစ်ပေမယ့် တော်လှန်ရေးရဲ့ အနှစ်သာရကိုရော လုပ်ထုံးလုပ်နည်းများကိုရော သူက သွေဖည်ခဲ့တာကိုး။ ဒေစီရေးလို ဘူဇွာမိသားစုထဲက မိန်းကလေးကို မယူနိုင်ဘဲ ဂျိုးဇက်ဖင်းလို မဟာနွယ် မိန်းမလည်ကိုယူတယ် ဆိုတည်းက သူဟာ တယ်ပြီး မဟာနွယ်များ အလယ်မှာ တွင်ကျယ်လိုသူဖြစ်တယ်ဆိုတာ ပြတာပါပဲ။ မာရီယာလူဝီဇာကို ထပ်ယူပြန်တော့ သူ့ မဟာဆန်ချင်တဲ့ စိတ်ထားနဲ့ မဟာဆီ မဟာသွေးများအလယ်မှာ တင့်တယ်ချင်တဲ့ စိတ်ထားဟာ ပိုပြီး ပေါ်လွင်လာခဲ့ပါတော့တယ်။'

(နပိုလီယံ)


(မှတ်ချက်။ ကိုယ်က သမိုင်းကို မသိ၊ စိတ်လည်းမဝင်စားတော့ ဖတ်ရင် အချက်အလက်တွေထက် ဒေါက်တာမတင်ဝင်းတို့လို စိတ်ဝင်စားစရာကောင်းအောင် ပြောတတ် ရေးတတ်တဲ့သူတွေ ရေးတာကို ဖတ်မှ ဆုံးအောင် ဖတ်လို့ရတယ်။ သူ့စာတွေထဲမှာ အဂတိတွေပါတယ်လို့ ခံစားရသော်ငြားလည်း ဘာသာရပ်ဆိုင်ရာကို စိတ်မဝင်စားတဲ့သူအတွက်က အဂတိလေးနဲ့ စာရေးသူရဲ့သုံးသပ်ထင်မြင်ချက်လေးပါမှ စိတ်ဝင်စားနိုင်တော့သလိုပဲ။ သမိုင်းလိုကိစ္စမှာ အဂတိပါရင် ပညာရပ်ဆိုင်ရာတန်ဖိုးကျတာ အမှန်ပဲ။ ဒါပေမဲ့ မသင့်မှန်းသိပေမယ့် ကြိုက်တာတွေ လူ့သဘာဝမှာ အများသားမဟုတ်လား။ ဓညင်းသီးနဲ့ဆို ပို ထမင်းစားဝင်တဲ့လူမျိုးတွေလိုပေါ့။

အထက်က နပိုလီယံ အကြောင်းကိုလည်း ဘယ်စာအုပ်ကနေ ဖတ်မိမှန်း မသိတော့ဘူး။ အွန်လိုင်းကနေ ဖတ်မိတာ။ အဲဒီစာပိုဒ်ကိုတော့ ကူးထားလိုက်မိတယ်။)

***
'နှစ်လိုစေသူ'

လှနေဆဲ ညနေပုံပြင် ကို ဖတ်ပြီးတာနဲ့ မျက်ရှုက ဝတ္ထုတိုဆိုတဲ့ label မှာ မြယာ ဝတ္ထုတွေ လိုက်ရှာမိတယ်။ ဒီတပုဒ် နှစ်လိုစေသူ ကို ထပ်တွေ့တယ်။

သူ့စာတွေ ဖတ်ရတာ ဖတ်ပြီးရင်း ပြန်ဖတ်ချင်ရင်းမို့ အဲဒီဝတ္ထုကို တဆက်တည်း ၃ ခါတောင် သေသေချာချာ ပြန်ဖတ်လိုက်မိတယ်။ ပြီးတော့ သူ့နာမည်နဲ့ google ကြည့်တယ်။ စိတ်မကောင်းစရာ အဲဒီ ၃ ပုဒ်ပဲ တခြား ဆိုဒ်တခုနဲ့ ရတီ မဂ္ဂဇင်းဆိုဒ်မှာ တွေ့ရတယ်။

သူ့ထုံးစံအတိုင်း နောက်ဆုံးနားမှာ အထုံးကလေးနဲ့ပေါ့။
'အဓိကအချက်တစ်ခု ရှိပါသေးတယ်။ ... ' ဆိုတာရဲ့ နောက်က သူ့စိတ်ထဲမှာ ထုံးနေခဲ့တဲ့ အထုံးလေးပေါ့။

ဒီလို ရွေးချယ်မှုမျိုးကို ဘေးအမြင်နဲ့ မှန်တယ် မှားတယ်ဆုံးဖြတ်ဖို့ အကြောင်းမရှိဘူးလို့ ယူဆတယ်။ ကာယကံရှင်အနေနဲ့သာ ကိုယ့်အတိုင်းအဆကို အမှန်အတိုင်းသိနိုင်တဲ့ ဉာဏ်ရှိဖို့ (တနည်းအားဖြင့်) ကိုယ်နဲ့ ဘာက ကိုက်ညီတယ်၊ ဘာကို ရအောင်ယူရမယ်ဆိုတာကို ထင်ထင်ရှားရှား သိနိုင်စွမ်းဖို့သာ အဓိကပဲ။

မိန်းကလေးတွေ ဘာကြိုက်သလဲလို့ မေးလာရင် ဖြေစရာ အဖြေရှိလိမ့်မယ် မဟုတ်ဘူး။
ဘာဖြစ်လို့ဆိုတော့ မေးစရာမေးခွန်း မဟုတ်လို့။

ကိုယ်တသက်လုံး အတူနေသွားရမယ့်သူနဲ့ ပတ်သတ်သမျှက ကိုယ့် ကိုယ် စိတ် နှလုံးကို ချုပ်တည်း ကြပ်တည်းစေတာမျိုး မဖြစ်ဘဲ လှိုက်လှဲ နွေးထွေး သက်တောင့်သက်သာ ဖြစ်စေတဲ့ ခံစားမှုမျိုးကိုမှ အလေးထားတဲ့သူမျိုးဟာ အဲဒီဝတ္ထုထဲက ဇာတ်ကောင်မိန်းကလေးလို ရွေးချယ်တယ်ဆိုလည်း ဘာမှ အံ့သြစရာမရှိဘူးပဲ။

ကိုယ့် အမြင်မှာတော့ အဲဒီမိန်းကလေးမှာ ကိုယ့်အတိုင်းအဆနဲ့ ဆီလျော်ရာကို သိတဲ့ ဉာဏ်ရည်တမျိုးရှိတယ်။ အဲလိုဉာဏ်ရှိဖို့ဟာ မလွယ်ဘူး။ (မိန်းမတွေဟာ သိပ် စိတ်ကူးယဉ်တယ်လေ)။ နောက် အဲလို ဆုံးဖြတ်ချက်မျိုးကို ဉာဏ်ရှိတယ်လို့ အများစုက မသတ်မှတ်ဘူး (အဲဒါကြောင့် စာရေးဆရာကလည်း ဉာဏ်ရှိတယ်လို့ ဆိုလိုပုံမျိုးနဲ့ ရေးပြမထားဘူး သူ ဝှက်ထားတယ်)။

'အဓိကအချက်တစ်ခု ရှိပါသေးတယ်။ ... '
ကိုယ့်အတွက်တော့ ဝတ္ထုရဲ့ အသက်က အဲဒီ စာကြောင်းနောက်က ကပ်လိုက်လာတဲ့ စာပိုဒ်ကလေးပဲ။
ဒီတခါတော့ အထုံးကလေးကို ပြရုံမျှမကဘဲ ဇာတ်ကောင်ကိုယ်တိုင်က သူ့အထုံးကို သူ ပြန်ဖြေသွားခဲ့တယ်။ ဒါပေမဲ့ သူ့ဖြေပုံဖြေနည်းကြောင့်ပဲ တချို့သော စာဖတ်သူတွေရဲ့အာရုံမှာ အထုံးတစ်ခု ပြန်ထုံးသွားစေမယ် ထင်ပါရဲ့။ ကိုယ်ကတော့ ဖတ်ပြီး ဘဝင်ကျသွားတယ်။

ပြီးတော့ ဘာနာမည်မှ မတပ်၊ ဘယ်သူမှန်း မသိလည်း အဲဒါ အမျိုးသမီးစာရေးသူတစ်ယောက် ရေးထားတယ်ဆိုတာ သိသာနိုင်တဲ့ ရေးဟန်မျိုးကိုလည်း ကြိုက်တယ်။ အမျိုးသမီးစာရေးသူနဲ့ အမျိုးသားစာရေးသူတွေမှာ ဘယ်လိုမှ မတူနိုင်တဲ့ ခံစားမှု၊ ဖန်တီးမှု အာရုံတွေ ရှိကြတယ်လို့ ထင်တယ်။ တူစရာလည်း မလိုအပ်တဲ့ အာရုံတွေပေါ့။ ကွဲပြားနေမှသာ အရသာခံနိုင်မယ့် အာရုံတွေပေါ့။

၃ ပုဒ်လုံး ရတီမဂ္ဂဇင်းမှာ ပါတဲ့ ဝတ္ထုတိုတွေပါ။

 
***
သာဓုခေါ်တာ အမျှဝေတာတို့ဆိုတဲ့ မွေးကတည်းက အရိုးစွဲလာတဲ့ အလေ့အထတွေကို ခုမှ ပြည့်ပြည့်ဝဝ လိုလိုလားလား လုပ်ချင်စိတ်ဖြစ်လာမိတယ်။

ဖတ်လိုက်ရလို့ ဘဝင်ကျသွားတဲ့ စာမျိုးတွေ့ရင် ကိုယ့်မှာ သာဓုခေါ်ချင်လာတာ တကယ်။ 'တစ်ယောက်သောသူ' စဖတ်ကတည်းက "ကောင်းလိုက်တာ" ဆိုတဲ့ စကားလုံးကို ၃ ကြိမ် ၃ ခါရေးပြီး facebook မှာ တင်မိတယ်။ သာဓုရဲ့ အနက်ကလည်း "ကောင်းလေစွ" လို့ နှစ်ထောင်းအားရတာပဲ မဟုတ်လား။ နောက် ကိုယ် ဖတ်သလို သူများကိုပါ ဇွတ် ဖတ်စေချင်လာတဲ့အခါ facebook မှာတင် မက gtalk ကနေပါ တဘက်လူ အားလား မအားလား မစဉ်းစားနိုင်ဘဲ လင့်ခ် ပေးမိတယ်။ ဒါတင်အားမရလို့ စာရေးပြီးပါ တင်ရတယ်။ ဝေမျှတယ်ဆိုတာလည်း အမျှဝေခြင်းတမျိုးပေါ့။


ကိုယ် ကြိုက်တဲ့စာတွေ၊ စာရေးသူတွေ မနည်းဘူး ရှိပါတယ်။
ဒါပေမဲ့ သာဓုခေါ်ပြီး အမျှဝေချင်လောက်အောင် ဘဝင်ကျသွားတဲ့ထိ ဖြစ်ရတာတော့ သိပ်မများလှဘူး။ ဟိုအရင်နှစ်တွေဆီက မပါဘဲ၊ ဒီရောက်ပြီး နောက်ပိုင်းနှစ်တွေမှာဆိုရင်တော့ 'တေဇာ' နဲ့ 'မြယာ'။

***
မျက်ရှုဆိုဒ်က ခုလောလောဆယ် ဝင်မရဖြစ်နေတယ်။ အောက်ကလင့်ခ်တွေက တခြားဆိုဒ်တွေက လင့်ခ်တွေ။ 

'တစ်ယောက်သောသူ'
'လှနေဆဲ ညနေပုံပြင်'
'နှစ်လိုစေသူ'

***

Friday, February 24, 2012

120213 1857

မီးရောင်လင်းတဲ့ ညနေခင်းတစ်ခုမှာပေါ့
ညွှတ်ကွေးမိတဲ့ ကိုယ့်နှုတ်ခမ်းဖျားမှာ
အပြုံးတစ်စ ခို

လေပြည်ညင်းနဲ့ ပန်းခင်းလေးတွေနား
ဆည်းလည်းသံချိုချိုလည်း ကြားလိုက်တယ်

Sunday, February 19, 2012

All-Time Favourite



ဘယ်နှစ်ကြိမ် ဘယ်နှစ်ခါ ဘယ်နားက ပြန်ဖတ်ဖတ် ဘယ်တော့မှ ရိုးမသွားဘဲ မပြီးမချင်း လက်က မချချင်ရတဲ့ စာအုပ်။

မမှာဘဲ ပို့ပေးလိုက်တဲ့သူကို ကျေးဇူးအထူး တင်ပါတယ်။

***
- ပထမအကြိမ် (ဝင်း စာပေ - ၁၉၉၇ ခုနှစ်)
- ဒုတိယအကြိမ် (
ဝင်း စာပေ - ၁၉၉၉ ခုနှစ်)
- တတိယအကြိမ် (ယုံကြည်ချက် စာပေ - ၂၀၀၇ ခုနှစ်)
- စတုတ္ထအကြိမ် (ရွှေသစ္စာ စာပေ - ၂၀၁၂ ခုနှစ်၊ ဇန်နဝါရီလ)

Wednesday, February 15, 2012

စာသင်ခန်း အင်ဂြင်နယာရင်း အင်္ဂလိပ်စာ တိုက်တန်းနစ်

စာသင်ခန်း အင်ဂြင်နယာရင်း အင်္ဂလိပ်စာ တိုက်တန်းနစ်

ကိုယ်တွေနှစ်က ကျောင်းက အင်္ဂလိပ်စာမှာ အစောပိုင်းသင်ရတာတွေက အင်္ဂလိပ်စာလို့သာ ပြောတာ၊ တကယ်တော့ အင်ဂျင်နီယားရင်းဘာသာရပ်မျိုးစုံကို စုပြုံထည့်ထားတာ။ ပြောရရင်တော့ စိတ်ဝင်စားစရာ သိပ်ကောင်းတယ် မထင်ဘူး။ ကားတို့ အဝတ်လျှောက်စက်တို့ တယ်လီဖုန်းတို့ တွင်ခုံတို့ ပိုင်ရိုက်တာတို့ ဒိုင်နမိုတို့ အကြောင်းတွေ... ပြောရတာတောင် လေပါတယ်။ ကောင်းတာကတော့ ပညာရပ်ဆိုင်ရာ အကဲဒမစ်စာလုံးတွေတော့ သိနိုင်တာ။ နောက် resume နဲ့ application letter တွေ ဘာတွေ ရေးခဲ့ရတာ။ ပြီးတော့ မေဂျာဘာသာတွေက ကိုယ် အထူးပြုရာပဲ သင်တာပေမယ့် အင်္ဂလိပ်စာမှာတော့ ရှိ ရှိသမျှ အထူးပြုကဟာတွေ အကုန်စုပြုံထည့်ထားတော့ စိတ်ဝင်စားတဲ့သူအတွက်တော့ ကောင်းတာပေါ့။ စိတ်မဝင်စားတဲ့သူအတွက်လည်း ကောင်းတာပါပဲ (စိတ်ညစ်ဖို့)။

အဲဒီမှာ အံချော်နေတာ တစ်ခုရှိတယ်။ engineering maths ကို သင်္ချာက ဆရာ/မတွေသင်တာ ဘာမှ မဖြစ်ပေမယ့်၊ အင်္ဂလိပ်စာထဲက အင်ဂျင်နီယာဆိုင်ရာ အကြောင်းအရာတွေကို အင်္ဂလိပ်စာက ဆရာ/မတွေသင်တော့ တချို့ဟာတွေ သူတို့လည်း ခက်၊ ကိုယ်တွေလည်း ခက်။ (စိတ်ဝင်စားပြီး တော်တဲ့လူတွေအတွက်ကတော့ မခက်ဘူးပေါ့။ စကားမစပ် အင်ဂျင်နီယာပညာဟာ တကယ်တမ်းကျ သင်စရာ သိပ်မလိုတဲ့ ပညာပဲ။ စဉ်းစားကြည့်။ စိတ်ဝင်စားတဲ့လူတွေက စာဖတ်ရုံနဲ့ 75% လောက်ကို အလိုလို သဘောပေါက်ပြီးနေပြီ၊ မြင်ပြီးနေပြီ။ စိတ်မဝင်စားတဲ့လူတွေကျ ဘယ်လောက်သင်သင် ဘယ်လိုသင်သင် စာမေးပွဲပြီးတာနဲ့ အကုန် ကုန်ရော။ ဘာမှကို မကျန်ဘူး။ နှစ်မျိုးနှစ်စားလုံးအတွက်က ကျောင်းတက်ပြီး သင်ကြတယ်ဆိုတာ ဘွဲ့အတွက်မျှသာပဲ။)

တခါတလေ စီနီယာ့ စီနီယာ အင်ဂျင်နီယာများနဲ့ စကားပြောရရင် အတော်လေးကို ကိုယ့်အတိုင်းအတာ ကိုယ်ပြန်မြင်လာမိတယ်။ စာထဲက ခက်ခဲ ကျပ်တည်းလှတယ်လို့ ထင်တဲ့ အကြောင်းအရာတွေကို သူတို့က ခဏ ဖတ်ကြည့်လိုက်ရင်ပဲ အလုံးစုံ သိမြင်ကုန်ပြီ။ အလုပ်ထဲရောက်တော့ အထက်လူကြီးတွေနဲ့ စကားပြောရင်း အဲဒီဘာသာရပ်ဆိုင်ရာတွေ ရောက်လာရင် ဘယ်လို ထွက်ပြေးချင်မှန်း မသိဘူး။ သူတို့ကလည်း သူတို့ သန်ရာ သန်ရာဆိုတော့ နောက်ပေါက်တွေကို သိပ်ပြောပြချင်တာ။

သူတို့ မျက်လုံးထဲမှာ ကားတစ်စီးကွေ့လိုက်တာမှာလည်း အင်ဂျင်နီယာပညာ၊ ကွန်တိန်နာထဲက ဂျင်နရေတာတလုံးကို မ, ထားတဲ့ ကရိန်းကြိုးမှာလည်း အင်ဂျင်နီယာပညာ။ (applied mechanic ဆိုတာကို အဲဒီလို လက်တွေ့နဲ့ ယှဉ်တွေးလို့ ရပါလားလို့ အဲဒီတော့မှ သိခဲ့ရတာ။ သိရတဲ့အချိန်မှာ သိပ်ကို နောက်ကျသွားပြီ)။ ခန္ဓာကိုယ် အောက်ပိုင်းနဲ့ အပေါ်ပိုင်း ဘယ်အပိုင်းကို ရေ အရင် စ လောင်းသင့်တယ်ဆိုတာမှာလည်း အင်ဂျင်နီယာပညာ၊ သူတို့အတွက် မြင်မြင်သမျှ ကမ္ဘာလောကကြီး တခုလုံးက အင်ဂျင်နီယာပညာ (ပျင်းစရာကြီး)။

တကယ်ဆိုရင် ဘယ်စက်တွေ ဘယ်သူတွေကို ဘယ်ဈေးနဲ့ရောင်းထွက်တယ်၊ ဘယ်သူတွေဝယ်ထားတဲ့ ဘယ်စက်တွေရဲ့ ဘယ်စပယ်ရာပါ့တ်တွေ ဘယ်ချိန်လောက်ကြွလို့ ကိုယ်က ဘာတွေ ကြိုဝယ်လှောင်ပြီး ဘယ်ဈေးနဲ့ ရောင်းလို့ရတယ်ဆိုတာက ပိုစိတ်ဝင်စားစရာ မကောင်းပါလား။ (အမှန်တော့ ဒါတွေလည်း သူတို့ဆီကပဲ သင်လာခဲ့ရတာပါပဲ။ ကိုယ်သိတာ သူတို့သိတာရဲ့ အစိတ်အပိုင်းလေးပဲ ရှိတာပါ)

***
ဒီလိုနဲ့ နောက်ပိုင်း အင်္ဂလိပ်စာကျတော့ အင်ဂျင်နီယားရင်းတွေ မဟုတ်တော့ဘူး။ ဘယ်သန် ညာသန်အကြောင်းတို့၊ အရောင် (colors) တွေနဲ့ လူ့စိတ်သဘာဝ အကြောင်းတို့ နောက်တော့ ဘာတွေလဲ မသိ။ အဲလိုဆန်ဆန်အကြောင်းတွေဆိုတော့ နည်းနည်း အပျင်းပြေလာတယ်။ ငယ်တုန်းကတော့ အင်္ဂလိပ်စာဆိုတာ မေဂျာဘာသာကြီး မဟုတ်လား။ အရေးကြီးတဲ့အချိန် ဂရုတစိုက်နဲ့ သင်ရတဲ့ဘာသာ။ နောက်တော့ အင်္ဂလိပ်စာဆိုတာ မိုင်နာဘာသာ၊ မေဂျာတွေ သင်ပြီးလို့ ခေါင်းပူနေတဲ့အချိန် ပေါ့ပေါ့ပါးပါး သင်လို့ရတဲ့ ဘာသာ။ ဘယ်ကရောက်လာမှန်း မသိတဲ့ အီကွေးရှင်းတွေ လာသင်တဲ့ သင်္ချာထက်တောင် ပေါ့ပါးသေးတယ်။

ဒါနဲ့ ဘယ်သန် ညာသန်အကြောင်းဆို အရင်တုန်းက သေချာ မသိဘူး။ ဖတ်မိတဲ့စာတွေထဲ မပါသလား သတိပဲ မထားမိသလား မသိ။ ကိုယ့်စိတ်ထဲမှာ ဘယ်သန်၊ ညာသန်ဟာ မွေးရာပါ သဘာဝလို့ မထင်တာ။ ကိုယ် ညာသန်ခဲ့တာဟာ ငယ်တည်းက ညာဘက်နဲ့လုပ်လာတာ အကျင့်ပါနေလို့လို့ ထင်ခဲ့တယ်။ ဘယ်သန်တွေဟာလည်း ဒီလိုသဘောပဲလို့ ထင်ခဲ့တယ်။ ကျောင်းမှာ အဲဒီအကြောင်းအရာ မသင်ခင်ကလေးတင်မှ တိုက်တိုက်ဆိုင်ဆိုင် Knowledge Computer Journal ထဲက (အဲဒီစာစောင်အကြောင်း ဒီမှာ ရေးဖူးတယ်) မင်းခိုက်စိုးစန် ဆောင်းပါးတစ်ပုဒ်ကနေမှ ဘယ်သန် ညာသန်ဆိုတာ မွေးကတည်းက အလိုလိုသန်လာကြတယ်ဆိုတာ သိတော့တယ်။

သူက ဘယ်သန် ညာသန်တွေရဲ့ ဦးနှောက်နဲ့ ခန္ဓာကိုယ် အစိတ်အပိုင်းတွေရဲ့ ထူးခြားမှုအကြောင်း စသဖြင့်ကနေ ကလေးတွေ ဘယ်နဲ့ရေးရင် ညာနဲ့ အတင်းပြောင်းခိုင်းတဲ့ လူကြီးတွေအကြောင်းမျိုးတွေ ရေးထားတယ်။ အဲဒါတွေ အတိအကျ မမှတ်မိတော့ပါဘူး။

မှတ်မိနေတာ နှစ်ခုပဲရှိတယ်။
တစ်ခုက သူသာ မိဘဖြစ်ခဲ့ရင် ကလေး ဘယ်သန်ဖြစ်တာ ညာသန်ဖြစ်တာထက် ကလေးရဲ့ စိတ်မှာ အနာတရဖြစ်မသွားဖို့ကိုပဲ ဂရုစိုက်ပါမယ်တဲ့။ နောက်တစ်ခုက လူတွေမှာ လက်နဲ့ ခြေထောက်တင် မကဘဲ ဦးနှောက် မျက်စေ့စတဲ့ အစိတ်အပိုင်းတွေမှာပါ ဘယ်သန် ညာသန်ရှိတယ် ဆိုတာ စမ်းသပ်ချက်တစ်ခုနဲ့ ပြသွားပြီး "တကယ်လို့များ နှလုံးသားမှာပါ ဘယ်သန် ညာသန် ရှိနေခဲ့မယ်ဆိုရင် အဲဒီအဖြစ်ကို မလိုလားပါဘူး။ ဘာဖြစ်လို့ဆိုတော့ သူ့အတွက် ကျွန်တော့်အချစ်တွေက နှလုံးသားရဲ့ အခြမ်းတစ်ခုခုမှာ လျော့နေတာမျိုး လက်မခံနိုင်လို့ပါ" ဆိုတာရယ်ပဲ။

အဲဒီနှစ်က အင်္ဂလိပ်စာထဲမှာ တိုက်တန်းနစ်အကြောင်းလည်း ပါတယ်။
အဲဒီနှစ်ကျမှ ကျောင်းကို ပြောင်းလာတဲ့ ဆရာက ဘာသာရပ်လည်း ကျွမ်းတယ်။ ဟာသဉာဏ်လည်းရှိတယ်။ သူ့အချိန်ဆို relax ဖြစ်တယ်။ (မိုင်နာဘာသာချင်းအတူတူ သင်္ချာတို့၊ အီးပီချိန်တို့ဆို ကိုယ်ကတော့ အတော်ပျင်း။ အီးပီတွေကလည်း သူတို့ မိုင်နာသင်ရတဲ့ ပရိုဂရမ်မင်းချိန်ဆို တွန့်လိန်နေတယ် ကြားဖူးတာပဲ။)

ဆရာက ပိန်ပိန် အရပ်မြင့်မြင့် တရုတ်သွေးပါတယ်လို့ ထင်ရတယ်။ မသပ်မရပ်လို့ ပြောမရပေမယ့် သပ်ရပ်ကျော့မော့လည်း မနေဘူး။ ဆရာနဲ့ ပတ်သတ်လို့ ထူးခြားတာက စရောက်တဲ့နှစ်မှာ မိန်းကလေးတွေ အုပ်စုလိုက် အတန်းပြင်ထွက်ပြီး ပြောဆို ရယ်မော စကားများနေရင် သေချာ (သတိထားမိလောက်အောင်ကို သေချာ) ကြည့်သွားလေ့ ရှိတယ်။ ဆရာ့ပုံကြည့်ရတာ ကွန်ဆာဗေးတစ်ဖြစ်တဲ့ပုံ တစ်စက်မှ မရှိဘဲ အဲဒီလိုကျောင်းမျိုးအနေနဲ့ ဘာမှ ထူးဆန်းပြောပလောက်ဖွယ်မရှိတဲ့ ကိစ္စကို ဘာလို့ မနှစ်မြို့တဲ့ပုံပြသလဲ ခုထိလည်း နားမလည်နိုင်ဘူး။ အဲဒါကို သတိထားမိတဲ့သူ အချင်းချင်း ဆရာက ဘာလဲ ဘာဖြစ်လို့ အဲလိုကြည့်တာလဲ၊ အေး ဟုတ်တယ် ဒီလိုနေတာ သူကြိုက်ပုံမရဘူး။ အဲဒါကြောင့် ကြည့်တာနေမှာ လို့ ပြောဖြစ်တယ်။

ဒါပေမဲ့ တသက်လုံးက အဲလိုပဲ အားရင် အတန်းပြင်ထွက် ရပ်ချင်ရပ် ထိုင်ချင်ထိုင် စကားများချင်များ လုပ်လာကြတာ ဘယ်ဆရာ ဆရာမနဲ့ ဘယ်ကျောင်းသားကမှ အထူးအဆန်းလုပ် ကြည့်တာမဟုတ်တော့ ဘယ်သကောင့်သမီးကမှလည်း အဲဒီအချိုးကို မပြင်ဘူး။ ထိုင်မြဲ ရပ်မြဲပဲ။ ကိုယ်တိုင် ဆရာနဲ့ အဲလိုကြုံတာ ၃/၄ ခါထက် မနည်းပဲ။ အတန်းထဲမှာ စာသင်ပြန်တော့လည်း အဲဒီအကြောင်း လုံးဝ မပြောဘူး။ ဗဟုသုတရှိပြီး ပေါ့ပေါ့ပါးပါးနဲ့ ရယ်စရာလည်း ပြောတတ်တယ်။ တပည့်တွေကို ဟိုးအရင်တည်းက သင်လာခဲ့ပြီး အသားကျပြီးသားလို ပြောဆိုဆက်ဆံပြီး သင်နေတာပဲ။ ...ဆိုတော့ အတန်းပြင်ထွက်ထိုင်ပြီး ဟားနေရင် ရှုတည်တည်ကြည့်တယ် ဆိုတာလည်း ဆရာ့ပုံစံနဲ့ မလိုက်လို့ ပဟေဠိလို ဖြစ်နေပေမယ့် စိတ်ထဲမှာ အဖုအထစ်တော့ မဖြစ်ပါဘူး။

တရက် စာမသင်ခင် ဘာအကြောင်းပြောမှန်း မမှတ်မိတော့ဘူး။ "ငါကွာ... ဒီနေ့မနက် လျှောက်လာတာ မင်းတို့ တော်ဝင်လမ်းကလည်း ဆိုးလိုက်တာ ရွှံ့ဗွက်ချည်းပဲ" ဆိုတယ်။ ပြောရင်းနဲ့ "မင်းတို့ တော်ဝင်လမ်း မသိဘူးလား" လို့ မေးတယ်။ ဘယ်နေရာကို ပြောမှန်းမသိတော့ ဘယ်သူမှ ပြန်မဖြေဘူး။ ဆရာက "ဒီလမ်းလေ" လို့ ကျောင်းအလည်လမ်းကို လက်ဟန်ပြတယ်။ ကျောင်းအဝင်လမ်း ဘယ်တုန်းက တော်ဝင်လမ်း ဖြစ်သွားတာလဲတွေးနေတုန်း "ငါနာမည်ပေးထားတာ ကျောင်းထဲရောက်အောင် တော်တော်လေးဝင်ရလို့ တော်ဝင်လမ်း" တဲ့။

ကိုယ့်မှာ နောက်ပိုင်း Baldwin Library သွားတိုင်း အဲဒီ စကားလုံး သတိရနေတတ်တယ်။

တိုက်တန်းနစ်အကြောင်း သင်တုန်းက ပြောခဲ့ကြတာလည်း အမှတ်ရမိတယ်။
သင်ခန်းစာအပြီးမှာ ဆရာက မေးတယ်။

"သူတို့တွေ ဒီသင်္ဘော၊ ဒီခရီးစဉ်နဲ့ ပတ်သတ်လို့ အဲဒီလို ဘာမှ မဖြစ်နိုင်ပါဘူး၊ ဒီသင်္ဘောကြီးဟာ မနစ်နိုင်ပါဘူးလို့ တထစ်ချ ယုံကြည်ပြီးမှ ဖြစ်ရတာဟာ ကိုင်ရိုကို အားကိုးမိလို့လား၊ ခရစ်ရှနားမူတီးကို အားကိုးမိလို့လား"

အတန်းထဲက အကောင်တွေက ဒါမျိုးဆို မတိုင်ပင်ရဘဲ "စံ-ဇာဏီဘို" လို့ တညီတညာတည်း ထအော်တယ်။

ဆရာက ပြန်ပြောတယ်။

"မဟုတ်ဘူးဟေ့။ ရေငန်ထဲသွားတာ ဦးရှင်ကြီး တင်မသွားလို့"

အတော်ရွတ်တဲ့ ဆရာ။ အဲလို ပြောပြီးတော့ ဦးရှင်ကြီးပင့်တဲ့စာကို မြန်မာတဝက် အင်္ဂလိပ်တဝက်ဖျက်ဆိုထားတဲ့ စာသားပါ ရွတ်ပြသေးတယ်။ အကုန် မရတော့လို့၊ ပြီးတော့ သိတဲ့သူတွေ သိကြမှာမို့ ထည့်မရေးတော့ဘူး။ 'coming to the လေးတိုင်စင်' စာသားပါတဲ့ တစ်ခု။ ကိုယ်တော့ ဆရာ ရွတ်ပြမှ ကြားဖူးတာပါ။

အဲဒီနေ့က အတန်းထဲက ဟီးဟီးဟားဟားနေ့တွေထဲက တစ်ခုသောတစ်နေ့ပေါ့။


***
ကျောင်းအကြောင်းနဲ့ စာသင်ခန်းအကြောင်းက မရေးဖြစ်ပါဘူး။ ကိုယ်တွေ တက်ခဲ့ချိန်ကလည်း ခေတ်ပျက်နေပြီ။ ပျက်နေတာကိုပဲ သိခဲ့ရရင်တော့ အကြောင်းမဟုတ်ဘူး။ ခေတ်မပျက်ခင်က ဘယ်လိုဆိုတာကိုပါ သိဖူးနေခဲ့တော့ ယှဉ်စရာတွေ ယှဉ်တွေးမိပြီး စိတ်ပျက်မိတာ ပိုများခဲ့တယ် ထင်တယ်။ နောက်ပိုင်း ဦးနှောက်က သိပ်မေ့တတ်လာလို့ သတိရတုန်းလေး ရေးမှတ်ထားလိုက်တယ်။

***

Tuesday, February 14, 2012

Thursday, February 9, 2012