စကားလုံးများနှင့် sense

ကျွန်

သတ်ပုံကျမ်းမှာဆို 'ကျွန်တော်၊ ကျွန်မ' လို့ ပါတယ်။

သို့သော် အဲဒီစကားလုံးတွေကနေ ကျေးကျွန်ဆိုတဲ့ sense ကြီးကို ခံစားမိတဲ့သူတချို့က 'ကျတော် ကျမ' စသဖြင့် ပြောင်းရေးကြတယ်။ ကိုယ်တော့ အဲလိုမရှိဘူး။ (ရှေ့ကလူများ ဘာကိုရည်ရွယ်သည်ဖြစ်စေ) သတ်ပုံဆိုတာ ဘာသာစကားတခုကို အတူအသုံးပြုသူတွေကြား တပြေးညီ တူဖို့သတ်မှတ်တဲ့ နည်းစနစ်တစ်ခုမျှသာပဲ။ ဒီတော့ ကျွန်မ ဆိုတဲ့ အသုံးသာ သုံးဖြစ်ခဲ့ရင် 'ကျွန်မ' လို့ပဲ ရိုက်တယ်။ ကျမ လို့ မရိုက်ဘူး။ ဒီနေ့ သတ်ပုံကျမ်းမှာ 'ကျမ' လို့ ပြောင်းခဲ့မယ်ဆိုရင် နက်ဖန် သုံးစရာရှိတာနဲ့ 'ကျမ' လို့ ပြောင်းရိုက်၊ ပြောင်းသုံးမယ်။

(မှတ်ချက်။ သတ်ပုံကျမ်းအတိုင်း အမြဲလိုက်နာသည် မဆိုလို)

မိန်းမလို မိန်းမရ

လွန်ခဲ့တဲ့နှစ်တွေလောက်က ဘယ်မှာလဲ မသိ၊ (Addy Chen ဆီမှာလို့ ထင်တယ်။)

နောက်ပိုင်းမှာ မိန်းမတွေတင်မက ယောက်ျားတွေကပါ 'အမျိူးသမီး အခွင့်အရေး၊ အမျိူးသမီး အခွင့်အရေး' အော်လာကြတာ၊ သူတို့ တာဝန်တွေအေးရာအေးကြောင်းဖြစ်ဖို့၊ ပုခုံးပြောင်းဖို့ ဆိုတဲ့ လျှို့ဝှက်အကြံအစည် ဖြစ်နိုင်တယ် ဆိုတဲ့ သဘောမျိုးရေးထားတာ။ သူ ကိုယ်တိုင်ကတော့ မိန်းမဝါဒီ ထင်ပါတယ်၊ အရေးအသားကြည့်ရတာ။ (အထူးမှတ်ချက်။ ကိုယ်ကတော့ ဒီတသက် ဖြစ်မည်မထင်။)

အဲဒီကနေ ဆက်တွေးလိုက်မိလို့။

ဆိုပါစို့။ 

ယောက်ျားတွေကို 'ဒီလူကတော့ မိန်းမလို မိန်းမရနဲ့၊ မိန်းမစိတ်' 'ထမီ ဝတ်ထားပါလား' စသဖြင့်ပြောတာ မိန်းမတွေကို စော်ကားရာကျတယ်။ အဆင့်နှိမ့်ရာကျတယ် ဆိုကြတယ်။

ဒါလည်း ယောက်ျားတွေအနေနဲ့ ဒီလိုပြောတာ မခံချင်လို့၊ မခံရအောင် တဘက်လှည့်နဲ့ မိန်းမတွေကိုပဲ မနှိမ်စေချင်သလိုလို လုပ်ပြောတာ ဖြစ်နိုင်တာပဲ။

စကားလုံးဆိုတာ အသုံးကြာလာရင် မူရင်းအနှစ်ပျောက်ပြီး၊ အပေါ်ယံညွှန်းဆိုရင်းစွဲလေးပဲ ဂရုပြုမိကြတာ များတယ်မဟုတ်လား။ 'ကျွန်တော် ကျွန်မ' ဆိုတာလိုပေါ့။ အဲဒီစကားလုံး သုံးတိုင်း ဒါ ငါ့ကိုယ်ငါ ဆိုတာကလွဲလို့ 'ကျွန်' ဆိုတဲ့ အနက်ဟာ ကိုယ့်စိတ်ထဲ ပေါ်မလာဘူး။ ပေါ်လာတဲ့လူလည်း မသုံးဘဲ နေရုံပဲမဟုတ်လား။

ဒီလိုပဲ ယောက်ျားတစ်ယောက် အလုပ်မဟုတ်ဘဲ အူကြောင်ကြားကွက်နင်းနေလို့ 'မိန်းမလို မိန်းမရ' တို့ 'မိန်းမဉာဏ်' တို့ 'မိန်းမကျင့် မိန်းမကြံ' တို့ လို့ ပြောတာလည်း မိန်းမတွေ ဆိုတဲ့ sense ထိ ပေါ်မလာဘူး။ ဒါ တိုက်ရိုက်ပြောချင်သူကိုသာ ထိထိမိမိ နှိပ်ကွပ်နည်း တမျိုးပဲ။ (ဒါမျိုး သူတို့ မခံချင် မခံနိုင်လို့ မိန်းမတွေကိုပါ သွယ်ဝိုက် နှိမ်ရာရောက်တယ်ဆိုပြီး တဖက်လှည့်နဲ့ ထွက်တာ ပို ဖြစ်နိုင်တယ်။)

တချို့သော ယောက်ျားတွေ အမျိုးသမီးအခွင့်အရေး ဘာညာ ခေါင်းတပ်ရေးတာ စေတနာနဲ့ဆိုတာထက်၊ ထမီမပြီး ရန်တွေ့နေတာနဲ့ ပိုတူတတ်လို့၊ ဒါ အမျိုးသမီးခေါင်းစဉ်တပ်ပြီး သူတို့အထိနာတတ်တဲ့ စကားလုံးတွေ ပပျောက်အောင်များ တဖက်လှည့်နဲ့ ပြောသလား ထင်မိတယ်။

ဒီတော့ မိန်းမတွေကို ထိခိုက်တယ်လို့ စိတ်မှာထင်ရင် မသုံးဘဲ နေရုံပဲ။ ကိုယ့်စိတ်က ဒီစကားလုံးသုံးတာ ရည်ရွယ်သူကလွဲလို့ မိန်းမတွေကို သွယ်ဝိုက် ထိခိုက်စေလိုတယ်လို့ မဟုတ်ရင် ဆက်သုံးရုံပဲ။

အဲလို အူကြောင်ကြားကွက်တွေအတွက် ဒီ့ထက် ထိရောက်မယ့် စကားလုံးလည်း မှတပါး အခြားမရှိမဟုတ်လား။ ရှိလာခဲ့ရင် အချိန်မရွေးပြောင်းသုံးမယ်။ 

မရှိမချင်းတော့ ဒါအကောင်းဆုံးပဲ။

***

ဘာမှတော့ မဆိုင်ဘူး။

ရုံးက ပြန်ရောက်ပြီး Addy Chen ပို့စ် ဖတ်၊ နောက် ကွန်ဒိုလီဇာရိုက်ဇ်အကြောင်းဖတ်တော့ လူမည်းတို့၊ ကျွန်တို့ အကြောင်းတွေရောက်၊ စကားလက်အိုဟာရာတို့ခေတ်က လူမည်း၊ ရိုက်ဇ်တို့ခေတ်က လူမည်းနဲ့ ကျွန် ဆိုတဲ့ စကားလုံးကနေ ချရေးမိတာ။

ဖြည့်စွက်

ဗမာပြည်မှာ အမျိုးသမီးရေးရာ နဲ့ အမျိုးသမီးအခွင့်အရေးအကြောင်းတွေ ခေတ်စားတုန်းကဆိုရင်
မြန်မာဥပဒေမှာ ယောက်ျားတွေ တရားဝင် မိန်းမတစ်ယောက်ထက် ပိုယူခွင့် ရတာနဲ့ ပတ်သတ်လို့ ဆရာမကြီး ခင်နှင်းယု တို့တောင်ပါသေးလား မသိ၊ ရှင်းကြတာကို ဖတ်ဖူးတယ်။ အဲဒီမှာ အဲဒါက ဘာသာခြား လူမျိုးခြားအမျိုးသားနဲ့ လက်ထပ်တဲ့ ဗမာအမျိုးသမီးတွေကို ကာကွယ်ဖို့ လုပ်ရတာပါဆိုပြီး ဥပမာ၊ ဥပမေယျ မျိုးစုံနဲ့ ရှင်းကြတာ ကြားဖူးတယ်။

ကိုယ်တော့ ဥပဒေကြောင်း နားမလည်ပါဘူး။ လတ်တလော မလိုအပ်တော့ စိတ်လည်းမဝင်စားဘူး။ ဒါပေမဲ့ အဲဒီမှာ ပြသွားတဲ့ ဥပမာတွေ အကြောင်းပြချက်တွေကိုတော့ ဘဝင်မကျဘူး။ အဓိကနဲ့ သာမညနဲ့ ချော်နေတယ်လို့ ခံစားရတယ်။

ပြောချင်တာက မိန်းမတွေကို ကာကွယ်ဖို့လို့၊ မနှိမ်မိဖို့လို့ ရည်ရွယ်ချက်ဖြင့် 'မိန်းမလို မိန်းမရ ဖြစ်သော' ယောက်ျားတွေကို 'မိန်းမလို မိန်းမရ' ဆိုတဲ့ စကားလုံးမျိုး သုံးပြီး မပြောသင့်ဘူးဆိုတာလည်း အထက်က ဥပဒေလိုများ ဖြစ်နေမလား တွေးမိသေးတယ်။

***

Books

စာသင်ခန်း အင်ဂြင်နယာရင်း အင်္ဂလိပ်စာ တိုက်တန်းနစ်

စာသင်ခန်း အင်ဂြင်နယာရင်း အင်္ဂလိပ်စာ တိုက်တန်းနစ်

ကိုယ်တွေနှစ်က ကျောင်းက အင်္ဂလိပ်စာမှာ အစောပိုင်းသင်ရတာတွေက အင်္ဂလိပ်စာလို့သာ ပြောတာ၊ တကယ်တော့ အင်ဂျင်နီယားရင်းဘာသာရပ်မျိုးစုံကို စုပြုံထည့်ထားတာ။ ပြောရရင်တော့ စိတ်ဝင်စားစရာ သိပ်ကောင်းတယ် မထင်ဘူး။ ကားတို့ အဝတ်လျှောက်စက်တို့ တယ်လီဖုန်းတို့ တွင်ခုံတို့ ပိုင်ရိုက်တာတို့ ဒိုင်နမိုတို့ အကြောင်းတွေ... ပြောရတာတောင် လေပါတယ်။ ကောင်းတာကတော့ ပညာရပ်ဆိုင်ရာ အကဲဒမစ်စာလုံးတွေတော့ သိနိုင်တာ။ နောက် resume နဲ့ application letter တွေ ဘာတွေ ရေးခဲ့ရတာ။ ပြီးတော့ မေဂျာဘာသာတွေက ကိုယ် အထူးပြုရာပဲ သင်တာပေမယ့် အင်္ဂလိပ်စာမှာတော့ ရှိ ရှိသမျှ အထူးပြုကဟာတွေ အကုန်စုပြုံထည့်ထားတော့ စိတ်ဝင်စားတဲ့သူအတွက်တော့ ကောင်းတာပေါ့။ စိတ်မဝင်စားတဲ့သူအတွက်လည်း ကောင်းတာပါပဲ (စိတ်ညစ်ဖို့)။

အဲဒီမှာ အံချော်နေတာ တစ်ခုရှိတယ်။ engineering maths ကို သင်္ချာက ဆရာ/မတွေသင်တာ ဘာမှ မဖြစ်ပေမယ့်၊ အင်္ဂလိပ်စာထဲက အင်ဂျင်နီယာဆိုင်ရာ အကြောင်းအရာတွေကို အင်္ဂလိပ်စာက ဆရာ/မတွေသင်တော့ တချို့ဟာတွေ သူတို့လည်း ခက်၊ ကိုယ်တွေလည်း ခက်။ (စိတ်ဝင်စားပြီး တော်တဲ့လူတွေအတွက်ကတော့ မခက်ဘူးပေါ့။ စကားမစပ် အင်ဂျင်နီယာပညာဟာ တကယ်တမ်းကျ သင်စရာ သိပ်မလိုတဲ့ ပညာပဲ။ စဉ်းစားကြည့်။ စိတ်ဝင်စားတဲ့လူတွေက စာဖတ်ရုံနဲ့ 75% လောက်ကို အလိုလို သဘောပေါက်ပြီးနေပြီ၊ မြင်ပြီးနေပြီ။ စိတ်မဝင်စားတဲ့လူတွေကျ ဘယ်လောက်သင်သင် ဘယ်လိုသင်သင် စာမေးပွဲပြီးတာနဲ့ အကုန် ကုန်ရော။ ဘာမှကို မကျန်ဘူး။ နှစ်မျိုးနှစ်စားလုံးအတွက်က ကျောင်းတက်ပြီး သင်ကြတယ်ဆိုတာ ဘွဲ့အတွက်မျှသာပဲ။)

တခါတလေ စီနီယာ့ စီနီယာ အင်ဂျင်နီယာများနဲ့ စကားပြောရရင် အတော်လေးကို ကိုယ့်အတိုင်းအတာ ကိုယ်ပြန်မြင်လာမိတယ်။ စာထဲက ခက်ခဲ ကျပ်တည်းလှတယ်လို့ ထင်တဲ့ အကြောင်းအရာတွေကို သူတို့က ခဏ ဖတ်ကြည့်လိုက်ရင်ပဲ အလုံးစုံ သိမြင်ကုန်ပြီ။ အလုပ်ထဲရောက်တော့ အထက်လူကြီးတွေနဲ့ စကားပြောရင်း အဲဒီဘာသာရပ်ဆိုင်ရာတွေ ရောက်လာရင် ဘယ်လို ထွက်ပြေးချင်မှန်း မသိဘူး။ သူတို့ကလည်း သူတို့ သန်ရာ သန်ရာဆိုတော့ နောက်ပေါက်တွေကို သိပ်ပြောပြချင်တာ။

သူတို့ မျက်လုံးထဲမှာ ကားတစ်စီးကွေ့လိုက်တာမှာလည်း အင်ဂျင်နီယာပညာ၊ ကွန်တိန်နာထဲက ဂျင်နရေတာတလုံးကို မ, ထားတဲ့ ကရိန်းကြိုးမှာလည်း အင်ဂျင်နီယာပညာ။ (applied mechanic ဆိုတာကို အဲဒီလို လက်တွေ့နဲ့ ယှဉ်တွေးလို့ ရပါလားလို့ အဲဒီတော့မှ သိခဲ့ရတာ။ သိရတဲ့အချိန်မှာ သိပ်ကို နောက်ကျသွားပြီ)။ ခန္ဓာကိုယ် အောက်ပိုင်းနဲ့ အပေါ်ပိုင်း ဘယ်အပိုင်းကို ရေ အရင် စ လောင်းသင့်တယ်ဆိုတာမှာလည်း အင်ဂျင်နီယာပညာ၊ သူတို့အတွက် မြင်မြင်သမျှ ကမ္ဘာလောကကြီး တခုလုံးက အင်ဂျင်နီယာပညာ (ပျင်းစရာကြီး)။

တကယ်ဆိုရင် ဘယ်စက်တွေ ဘယ်သူတွေကို ဘယ်ဈေးနဲ့ရောင်းထွက်တယ်၊ ဘယ်သူတွေဝယ်ထားတဲ့ ဘယ်စက်တွေရဲ့ ဘယ်စပယ်ရာပါ့တ်တွေ ဘယ်ချိန်လောက်ကြွလို့ ကိုယ်က ဘာတွေ ကြိုဝယ်လှောင်ပြီး ဘယ်ဈေးနဲ့ ရောင်းလို့ရတယ်ဆိုတာက ပိုစိတ်ဝင်စားစရာ မကောင်းပါလား။ (အမှန်တော့ ဒါတွေလည်း သူတို့ဆီကပဲ သင်လာခဲ့ရတာပါပဲ။ ကိုယ်သိတာ သူတို့သိတာရဲ့ အစိတ်အပိုင်းလေးပဲ ရှိတာပါ)

***
ဒီလိုနဲ့ နောက်ပိုင်း အင်္ဂလိပ်စာကျတော့ အင်ဂျင်နီယားရင်းတွေ မဟုတ်တော့ဘူး။ ဘယ်သန် ညာသန်အကြောင်းတို့၊ အရောင် (colors) တွေနဲ့ လူ့စိတ်သဘာဝ အကြောင်းတို့ နောက်တော့ ဘာတွေလဲ မသိ။ အဲလိုဆန်ဆန်အကြောင်းတွေဆိုတော့ နည်းနည်း အပျင်းပြေလာတယ်။ ငယ်တုန်းကတော့ အင်္ဂလိပ်စာဆိုတာ မေဂျာဘာသာကြီး မဟုတ်လား။ အရေးကြီးတဲ့အချိန် ဂရုတစိုက်နဲ့ သင်ရတဲ့ဘာသာ။ နောက်တော့ အင်္ဂလိပ်စာဆိုတာ မိုင်နာဘာသာ၊ မေဂျာတွေ သင်ပြီးလို့ ခေါင်းပူနေတဲ့အချိန် ပေါ့ပေါ့ပါးပါး သင်လို့ရတဲ့ ဘာသာ။ ဘယ်ကရောက်လာမှန်း မသိတဲ့ အီကွေးရှင်းတွေ လာသင်တဲ့ သင်္ချာထက်တောင် ပေါ့ပါးသေးတယ်။

ဒါနဲ့ ဘယ်သန် ညာသန်အကြောင်းဆို အရင်တုန်းက သေချာ မသိဘူး။ ဖတ်မိတဲ့စာတွေထဲ မပါသလား သတိပဲ မထားမိသလား မသိ။ ကိုယ့်စိတ်ထဲမှာ ဘယ်သန်၊ ညာသန်ဟာ မွေးရာပါ သဘာဝလို့ မထင်တာ။ ကိုယ် ညာသန်ခဲ့တာဟာ ငယ်တည်းက ညာဘက်နဲ့လုပ်လာတာ အကျင့်ပါနေလို့လို့ ထင်ခဲ့တယ်။ ဘယ်သန်တွေဟာလည်း ဒီလိုသဘောပဲလို့ ထင်ခဲ့တယ်။ ကျောင်းမှာ အဲဒီအကြောင်းအရာ မသင်ခင်ကလေးတင်မှ တိုက်တိုက်ဆိုင်ဆိုင် Knowledge Computer Journal ထဲက (အဲဒီစာစောင်အကြောင်း ဒီမှာ ရေးဖူးတယ်) မင်းခိုက်စိုးစန် ဆောင်းပါးတစ်ပုဒ်ကနေမှ ဘယ်သန် ညာသန်ဆိုတာ မွေးကတည်းက အလိုလိုသန်လာကြတယ်ဆိုတာ သိတော့တယ်။

သူက ဘယ်သန် ညာသန်တွေရဲ့ ဦးနှောက်နဲ့ ခန္ဓာကိုယ် အစိတ်အပိုင်းတွေရဲ့ ထူးခြားမှုအကြောင်း စသဖြင့်ကနေ ကလေးတွေ ဘယ်နဲ့ရေးရင် ညာနဲ့ အတင်းပြောင်းခိုင်းတဲ့ လူကြီးတွေအကြောင်းမျိုးတွေ ရေးထားတယ်။ အဲဒါတွေ အတိအကျ မမှတ်မိတော့ပါဘူး။

မှတ်မိနေတာ နှစ်ခုပဲရှိတယ်။
တစ်ခုက သူသာ မိဘဖြစ်ခဲ့ရင် ကလေး ဘယ်သန်ဖြစ်တာ ညာသန်ဖြစ်တာထက် ကလေးရဲ့ စိတ်မှာ အနာတရဖြစ်မသွားဖို့ကိုပဲ ဂရုစိုက်ပါမယ်တဲ့။ နောက်တစ်ခုက လူတွေမှာ လက်နဲ့ ခြေထောက်တင် မကဘဲ ဦးနှောက် မျက်စေ့စတဲ့ အစိတ်အပိုင်းတွေမှာပါ ဘယ်သန် ညာသန်ရှိတယ် ဆိုတာ စမ်းသပ်ချက်တစ်ခုနဲ့ ပြသွားပြီး "တကယ်လို့များ နှလုံးသားမှာပါ ဘယ်သန် ညာသန် ရှိနေခဲ့မယ်ဆိုရင် အဲဒီအဖြစ်ကို မလိုလားပါဘူး။ ဘာဖြစ်လို့ဆိုတော့ သူ့အတွက် ကျွန်တော့်အချစ်တွေက နှလုံးသားရဲ့ အခြမ်းတစ်ခုခုမှာ လျော့နေတာမျိုး လက်မခံနိုင်လို့ပါ" ဆိုတာရယ်ပဲ။

အဲဒီနှစ်က အင်္ဂလိပ်စာထဲမှာ တိုက်တန်းနစ်အကြောင်းလည်း ပါတယ်။
အဲဒီနှစ်ကျမှ ကျောင်းကို ပြောင်းလာတဲ့ ဆရာက ဘာသာရပ်လည်း ကျွမ်းတယ်။ ဟာသဉာဏ်လည်းရှိတယ်။ သူ့အချိန်ဆို relax ဖြစ်တယ်။ (မိုင်နာဘာသာချင်းအတူတူ သင်္ချာတို့၊ အီးပီချိန်တို့ဆို ကိုယ်ကတော့ အတော်ပျင်း။ အီးပီတွေကလည်း သူတို့ မိုင်နာသင်ရတဲ့ ပရိုဂရမ်မင်းချိန်ဆို တွန့်လိန်နေတယ် ကြားဖူးတာပဲ။)

ဆရာက ပိန်ပိန် အရပ်မြင့်မြင့် တရုတ်သွေးပါတယ်လို့ ထင်ရတယ်။ မသပ်မရပ်လို့ ပြောမရပေမယ့် သပ်ရပ်ကျော့မော့လည်း မနေဘူး။ ဆရာနဲ့ ပတ်သတ်လို့ ထူးခြားတာက စရောက်တဲ့နှစ်မှာ မိန်းကလေးတွေ အုပ်စုလိုက် အတန်းပြင်ထွက်ပြီး ပြောဆို ရယ်မော စကားများနေရင် သေချာ (သတိထားမိလောက်အောင်ကို သေချာ) ကြည့်သွားလေ့ ရှိတယ်။ ဆရာ့ပုံကြည့်ရတာ ကွန်ဆာဗေးတစ်ဖြစ်တဲ့ပုံ တစ်စက်မှ မရှိဘဲ အဲဒီလိုကျောင်းမျိုးအနေနဲ့ ဘာမှ ထူးဆန်းပြောပလောက်ဖွယ်မရှိတဲ့ ကိစ္စကို ဘာလို့ မနှစ်မြို့တဲ့ပုံပြသလဲ ခုထိလည်း နားမလည်နိုင်ဘူး။ အဲဒါကို သတိထားမိတဲ့သူ အချင်းချင်း ဆရာက ဘာလဲ ဘာဖြစ်လို့ အဲလိုကြည့်တာလဲ၊ အေး ဟုတ်တယ် ဒီလိုနေတာ သူကြိုက်ပုံမရဘူး။ အဲဒါကြောင့် ကြည့်တာနေမှာ လို့ ပြောဖြစ်တယ်။

ဒါပေမဲ့ တသက်လုံးက အဲလိုပဲ အားရင် အတန်းပြင်ထွက် ရပ်ချင်ရပ် ထိုင်ချင်ထိုင် စကားများချင်များ လုပ်လာကြတာ ဘယ်ဆရာ ဆရာမနဲ့ ဘယ်ကျောင်းသားကမှ အထူးအဆန်းလုပ် ကြည့်တာမဟုတ်တော့ ဘယ်သကောင့်သမီးကမှလည်း အဲဒီအချိုးကို မပြင်ဘူး။ ထိုင်မြဲ ရပ်မြဲပဲ။ ကိုယ်တိုင် ဆရာနဲ့ အဲလိုကြုံတာ ၃/၄ ခါထက် မနည်းပဲ။ အတန်းထဲမှာ စာသင်ပြန်တော့လည်း အဲဒီအကြောင်း လုံးဝ မပြောဘူး။ ဗဟုသုတရှိပြီး ပေါ့ပေါ့ပါးပါးနဲ့ ရယ်စရာလည်း ပြောတတ်တယ်။ တပည့်တွေကို ဟိုးအရင်တည်းက သင်လာခဲ့ပြီး အသားကျပြီးသားလို ပြောဆိုဆက်ဆံပြီး သင်နေတာပဲ။ ...ဆိုတော့ အတန်းပြင်ထွက်ထိုင်ပြီး ဟားနေရင် ရှုတည်တည်ကြည့်တယ် ဆိုတာလည်း ဆရာ့ပုံစံနဲ့ မလိုက်လို့ ပဟေဠိလို ဖြစ်နေပေမယ့် စိတ်ထဲမှာ အဖုအထစ်တော့ မဖြစ်ပါဘူး။

တရက် စာမသင်ခင် ဘာအကြောင်းပြောမှန်း မမှတ်မိတော့ဘူး။ "ငါကွာ... ဒီနေ့မနက် လျှောက်လာတာ မင်းတို့ တော်ဝင်လမ်းကလည်း ဆိုးလိုက်တာ ရွှံ့ဗွက်ချည်းပဲ" ဆိုတယ်။ ပြောရင်းနဲ့ "မင်းတို့ တော်ဝင်လမ်း မသိဘူးလား" လို့ မေးတယ်။ ဘယ်နေရာကို ပြောမှန်းမသိတော့ ဘယ်သူမှ ပြန်မဖြေဘူး။ ဆရာက "ဒီလမ်းလေ" လို့ ကျောင်းအလည်လမ်းကို လက်ဟန်ပြတယ်။ ကျောင်းအဝင်လမ်း ဘယ်တုန်းက တော်ဝင်လမ်း ဖြစ်သွားတာလဲတွေးနေတုန်း "ငါနာမည်ပေးထားတာ ကျောင်းထဲရောက်အောင် တော်တော်လေးဝင်ရလို့ တော်ဝင်လမ်း" တဲ့။

ကိုယ့်မှာ နောက်ပိုင်း Baldwin Library သွားတိုင်း အဲဒီ စကားလုံး သတိရနေတတ်တယ်။

တိုက်တန်းနစ်အကြောင်း သင်တုန်းက ပြောခဲ့ကြတာလည်း အမှတ်ရမိတယ်။
သင်ခန်းစာအပြီးမှာ ဆရာက မေးတယ်။

"သူတို့တွေ ဒီသင်္ဘော၊ ဒီခရီးစဉ်နဲ့ ပတ်သတ်လို့ အဲဒီလို ဘာမှ မဖြစ်နိုင်ပါဘူး၊ ဒီသင်္ဘောကြီးဟာ မနစ်နိုင်ပါဘူးလို့ တထစ်ချ ယုံကြည်ပြီးမှ ဖြစ်ရတာဟာ ကိုင်ရိုကို အားကိုးမိလို့လား၊ ခရစ်ရှနားမူတီးကို အားကိုးမိလို့လား"

အတန်းထဲက အကောင်တွေက ဒါမျိုးဆို မတိုင်ပင်ရဘဲ "စံ-ဇာဏီဘို" လို့ တညီတညာတည်း ထအော်တယ်။

ဆရာက ပြန်ပြောတယ်။

"မဟုတ်ဘူးဟေ့။ ရေငန်ထဲသွားတာ ဦးရှင်ကြီး တင်မသွားလို့"

အတော်ရွတ်တဲ့ ဆရာ။ အဲလို ပြောပြီးတော့ ဦးရှင်ကြီးပင့်တဲ့စာကို မြန်မာတဝက် အင်္ဂလိပ်တဝက်ဖျက်ဆိုထားတဲ့ စာသားပါ ရွတ်ပြသေးတယ်။ အကုန် မရတော့လို့၊ ပြီးတော့ သိတဲ့သူတွေ သိကြမှာမို့ ထည့်မရေးတော့ဘူး။ 'coming to the လေးတိုင်စင်' စာသားပါတဲ့ တစ်ခု။ ကိုယ်တော့ ဆရာ ရွတ်ပြမှ ကြားဖူးတာပါ။

အဲဒီနေ့က အတန်းထဲက ဟီးဟီးဟားဟားနေ့တွေထဲက တစ်ခုသောတစ်နေ့ပေါ့။

***
ကျောင်းအကြောင်းနဲ့ စာသင်ခန်းအကြောင်းက မရေးဖြစ်ပါဘူး။ ကိုယ်တွေ တက်ခဲ့ချိန်ကလည်း ခေတ်ပျက်နေပြီ။ ပျက်နေတာကိုပဲ သိခဲ့ရရင်တော့ အကြောင်းမဟုတ်ဘူး။ ခေတ်မပျက်ခင်က ဘယ်လိုဆိုတာကိုပါ သိဖူးနေခဲ့တော့ ယှဉ်စရာတွေ ယှဉ်တွေးမိပြီး စိတ်ပျက်မိတာ ပိုများခဲ့တယ် ထင်တယ်။ နောက်ပိုင်း ဦးနှောက်က သိပ်မေ့တတ်လာလို့ သတိရတုန်းလေး ရေးမှတ်ထားလိုက်တယ်။

***

Perfect Match!

အရှင့်သား မြင့်မြတ်တဲ့ အိပ်ရာနေရာကို စွန့်တယ်ကြားတော့ ယသောဓရာလည်း စက်ရာညောင်စောင်းကို စွန့်ခဲ့တယ် တဲ့။

အရှင့်သား ဖန်ရည်ဆိုးတဲ့ ဝတ်ရုံကိုသာ ဆင်တယ်ကြားတော့ ယသောဓရာလည်း ဖန်ရည်ဆိုးတဲ့ ဝတ်ရုံကိုသာ ဆင်တော့တယ် တဲ့။

အရှင့်သား တနေ့မှာ တနပ်တည်းသော အစာကိုသာ မှီဝဲတယ်ကြားတော့ ယသောဓရာလည်း တနေ့မှာ တနပ်တည်းသော အစာကိုသာ မှီဝဲတော့တယ် တဲ့။

***
သူတောင် ဟိုကနေ 4 ကိုင်သေးတာ ကိုယ်လည်း ဒီမှာ 4S ပြောင်းကိုင်တော့မယ်။

***

Current Mood!

ကောင်းတဲ့သူ ဘယ်သူမှ မကျန်တော့လည်း အေးတာပဲ
lolz

တက္ကသိုလ် ဘုန်းနိုင် in Cbox

န: ညက သူငယ်ချင်းလိုပဲ ဆက်၍ ခေါ်မည် ခိုင် ဖတ်လို့ ပြီးတယ်.. ကောင်းသားဟ

Me: ခိုင် ကို မဖတ်ဖူးသေး။ ဒီတခေါက် ပြန်တော့ တွေ့ခဲ့တယ်။ တကသ ဘန ကို သိပ်မကြိုက်တော့

န: တက္ကသိုလ်ဘုန်းနိုင်ကို.. နွေကန္တာဦးရယ်.. သူ့ကျွန်မခံပြီရယ်ပဲ ဖတ်ဖူးတယ် မကြိုက်လို့။ ခုတော့ သူများ တိုက်တွန်းလို့ ဖတ်ဖြစ်တာ။

Me: နည ကောင်းတယ်ပြောတော့ ဖတ်ကြည့်ချင်သား

javascript:pop('onlinname: မဆလဘဲ

Me: သူ့အရေးအဖွဲ့တွေ ကိုယ်နဲ့ ကီးမကိုက်

န: ကာရိုက်တာတွေ ဖော်သွားတာ ကြိုက်တယ်

n: ဒါဆို ငြိမ်းကျော်လေး ဖတ်ကြည့်ကြပါလားကွယ်.. ဟိဟိ

န: ဟုတ်တယ်.. ကာရန်တွေရော အနွဲ့တွေရော ရေးတော့ စိတ်မရှည်ဘူး တခါတလေ

Me: နယ်က အိမ်မှာ ငက၊ နဂသ၊ မစဝ (ပတက) စာအုပ်တွေ တော်တော် များများ ရှိတယ်။

V: တကသဘန ကတော့ များကြီးဖတ်ဖူးတယ် ထားတွေ ဆင်စွယ်နန်းတွေပဲ များတာ .. အီမြေမှသည် တော့ ကောင်းပါတယ်။

Me: ငယ်ငယ်တုန်းက ဘာမှမရှိ အဲဒါတွေ လှန်ဖတ်တာပဲ။ ဒါပေမဲ့လည်း မရှိလို့ဖတ်တာ။ မစွဲဘူး။

C: တောင်ကြီးကဇတ်လမ်းဘာပါလိမ့် တကသဘန။ တအားနုတာပဲေ၇းထားတာက။

န: ဟုတ်ပ

Me: မစဝ (ပတက) ကို ကဗျာ ကြိုက်သလောက် လုံးချင်း မကြိုက်။

n: အေး ဟုတ်တယ် ရတ... မစဝ က ကဗျာတော့ ကောင်းးး တချို့ ကဗျာများ အလွတ်တောင် ရနေသေးး ကျက်စာမလို

V: အီမြေမှသည် တပုဒ်ပဲ သေချာ စိတ်ထဲကျန်တယ်

n: ဇာတ်ညွန်းရေးတတ်ချင်တဲ့သူတွေ ငြိမ်းကျော် ဖတ်သင့်တယ်

m: Mnemm , Emmt , tnclpsykmk are his masterpiece for me, tnclpsykmk is the best among them. Your post and your value , just thinking one's value and one's likes from books. I have almost all of pn books.

Me: ခိုင်ကတော့ အပြောများတယ်။ မဖတ်ဖြစ်သေးတာ။

m: I like him since he values what human beings should value. And the courage of the poor. He also was poor and bright. He tried to become an educated person and showed the way for the next gen. Almost half of the people on mc are under his novel influence :) at that time. Men becomes lecturers.

Me: အနုပညာရပ်တခုခုကနေ တစုံတရာကို မျှော်လင့် ရှာဖွေတဲ့သူနဲ့၊ အနုပညာရပ်တခုခုကနေ ခံစားမှုကလွဲလို့ ဘာမှ မမျှော်လင့်တဲ့သူတွေဟာ အမြင် ကွာမှာပဲ။ အဲဒါ ဘယ်သူအမှန် ဘယ်သူအမှားမဟုတ်ဘူး။ ကွာတာက ကွာတာပဲ။ m က ပထမအမျိုးထဲမှာ ပါပုံရတယ်။

m: There is no formula but preference.

Me: အနုပညာသမားက ခံစားသူအကျိုးအမြတ်အတွက်လို့ ရည်ရွယ်ရေးတာ ကောင်းတဲ့ရည်ရွယ်ချက်နဲ့ စိတ်ထားဖြစ်မှာပါ။ ဒါပေမဲ့ ကိုယ့်အနေနဲ့တော့ အနုပညာသန့်သန့်လို့ မခံစားမိတော့ဘူး။ အဲဒါ ကွာတယ်။ ကိုယ်တော့ ကိုယ့် ဘာလမ်းမှ မပြဘဲ၊ ဘာလမ်းမှ ပြဖို့စိတ်ကူးမရှိဘဲ၊ အရှိအတိုင်း ခံစားမှုအတိုင်း အပြင်ကအတိုင်း ချပြတတ်တဲ့စာရေးသူတွေကို ပိုသဘောကျတယ်။

အဲဒါကြောင့် တကသဘနတို့ မစဝတို့ မကြိုက်ဘူးဆိုတာ အရေးအဖွဲ့နဲ့ ခံစားမှုပိုင်း ကိုယ်နဲ့ မတိုက်ဆိုင်တာကိုပြောတာ။ သူတို့ ဖန်တီးမှုပိုင်းကို ပြောတာ။ အဲဒီမှာ သူတို့ ထည့်ပေးလိုက်တဲ့ စေတနာဆိုတာတွေ ရည်ရွယ်ချက်ဆိုတာတွေကို ပြောတာမဟုတ်ဘူး။ အဲဒါတွေက ထိချင်းထိ ဦးနှောက်ကိုပဲ ထိတယ်။ ခံစားမှုကို မထိဘူး။ ဂျူး နောက်ပိုင်းစာတွေလိုပေါ့။

ဂျူး နောက်ပိုင်းစာအုပ်တွေ ကိုယ် လုံးဝမကြိုက်တော့ဘူး။ အဲလိုပြောရင် အဲဒါ ဂျူး ဖန်တီးမှုတွေကို တန်ဖိုးမထားဘူး ပြောတာ မဟုတ်ဘူး။ ကြိုက်တယ် မကြိုက်ဘူးဆိုတာကို စကားလုံးရှိလို့ သုံးလိုက်ရပေမယ့် အဲဒါနဲ့တင် တထစ်ချပြောလို့မရဘူး။ တကယ်တော့ စကားလုံးတွေက မလုံလောက်ဘူး။ တယ်လီပသီလိုနေတယ်။ စကားလုံးဟာ တခွန်းဆို တခွန်းပဲယူလို့ မရဘူး။ (ကိုယ်လိုရာကို ဆွဲယူလို့ မရဘူး)

ကိုယ့်အကြိုက်ပြောရရင် ဂျူးကို ဝတ္ထုမရေးဘဲ ဆောင်းပါးတွေချည်း နောက်ပိုင်းရေးစေချင်တော့တယ်။ သူပြောချင် ပေးချင်တာတွေက ဆောင်းပါးနဲ့ပိုလိုက်ပြီး ဆောင်းပါးသာဖြစ်ရင် ပိုတန်ဖိုးရှိမှာလို့ချည်း တွေးမိတယ်။ ကိုယ့်အကြိုက်ပေါ့။ ဈေးကွက်တော့ မသိဘူး။

ဥပမာ - ဝင်းဝင်းလတ် အချစ်၏နောက်ဆက်တွဲ မှာဆိုရင် သူ့ စံပြ ဇာတ်ကောင်တွေဟာ တကယ့် စံတွေပဲ။ (တကသဘနတို့ လိုင်းမျိုးပဲ)။ ဒါပေမဲ့ကွာတာက တင်ပြပုံ၊ သရုပ်ဖော်ပုံ၊ အင်မတိ အင်မတန် ကိုယ်တွေအတွက် ကွာတယ်။ အဲဒီလို အရည်အသွေးမျိုးထက်မကအောင် တကသဘန ရေးချင် ရေးနိုင်မယ်။ ဒါပေမဲ့ အဲဒီလို ဇာတ်ကောင်သရုပ်ဖော်မှုမျိုး သူ မတတ်နိုင်ဘူး။

တကသဘန တို့ မစဝတို့က သူတို့ စံတွေကို လူနဲ့တူအောင် (ဖတ်တဲ့လူနဲ့ တသားတည်းကျအောင်) မပြနိုင်ဘူး။ ဖတ်တဲ့လူက သပ်သပ်၊ ဇာတ်ကောင်က သပ်သပ်ကြီးပဲ။

န: ခိုင်ကလော့ လူပီသပါတယ် (နည အဲလို ညွှန်းလို့ ဖတ်ကြည့်ချင်တာ။ ခိုင် စာအုပ်ကို အဲလိုလာပြော လာညွှန်းကြတာ 3/4 ယောက်ရှိပြီ။ ပြီးတော့ အကုန်လုံးက တက္ကသိုလ်ဘုန်းနိုင် ဖန် မဟုတ်ဘူး)

Me: အနုပညာဟာ အနုပညာပေါ့။ အဲဒီထဲမှာ လူသားကောင်းကျိုး ရည်ရွယ်ပြီး မဖြစ်မနေပါကို ပါရမယ်ဆိုတာ နားကို မလည်ဘူး။ ဒီနေရာမှာ AP နဲ့ အမြင်ချင်းတူတယ်။ နောက် ဗမာစာဖတ်သူတွေရဲ့ လောဘ၊ တောင်းဆိုမှု သိပ်များတယ်။ အနုပညာသမားဟာ ပရိသတ်ကို လမ်းပြရမယ် ဘာရမယ် ညာရမယ် သိပ်လုပ်တာပဲ။

နောက်တစ်ခုက အကျင့်။ ကိုယ်ကြိုက်တာပဲ ကောင်းတယ်မှန်တယ် လုပ်ချင်တတ်တဲ့အကျင့်။ ဘာကြောင့်ကြိုက်ရတာဆိုတာလေးကို ဂုဏ်လုပ်လိုက်ချင်သေးတာ။ သူတပါးက တန်ဖိုးမသိလေခြင်းလုပ်လိုက်ချင်သေးတာ။ ဗမာဝတ်စုံ​ဝတ်တာ ကိုယ့်ဘာသာအေးအေး မဝတ်ဘဲ မဝတ်တဲ့လူတွေကို လိုက်ရိလိုက်ဦးမှ ဆိုတာမျိုးနဲ့ ခပ်ဆင်ဆင်ပဲ။

ကောင်းတယ်လို့ ထင်ရမှတ်ရတိုင်း ကြိုက်မှာ မဟုတ်တာကို နားလည်ဖို့လိုတယ်။ မကြိုက်ဘူးဆိုတာ မကောင်းဘူး၊ အသုံးမကျဘူး၊ တန်ဖိုးမရှိ/မသိဘူး ပြောတာ မဟုတ်ဘူးဆိုတာလည်း နားလည်ဖို့လိုတယ်။

အတော်ပဲ။ ကူးထားရမယ်။ ပို့စ်တင်စရာမရှိရင် ဒါကောက်တင်လို့ ရတယ်။

***
တကယ်တော့ m ပြောတာလည်း အတွင်းစိတ်ရည်ရွယ်ချက်က ကိုယ်ထင်သလို ဟုတ်ချင်မှ ဟုတ်မယ် (ဟုတ်ချင်လည်း ဟုတ်မယ်)။ ကိုယ်လည်း ကိုယ်လိုရာ ဆွဲယူလိုက်တာ ဖြစ်နိုင်တယ်။

ဒါပေမဲ့ အဓိကက သူ့စကားလုံးတွေနဲ့ သူ့ကို ရည်ရွယ်ပြီးပြောချင်တာ မဟုတ်ဘူး။ ကိုယ်ပြောချင်တဲ့ သဘောထားတွေက စကတည်းက စိတ်ထဲမှာရှိပြီးသာ။ ဥပမာ - သူလိုလူ (ဦးချစ်မောင်) ကို မကြိုက်ဘူးပြောတော့ တုန့်ပြန်ကြပုံတွေကတည်းက။ အဲဒါမျိုးတွေကို ရည်ရွယ်တာပဲ။

***
ဖြည့်စွက်

TR: ရီတာဆို အဲလိုရန်ဖြစ်ရတာ ကြိုက်တယ်။ အားနေရင် ရန်ဖြစ်မယ် မဟုတ်တာတွေ အကုန်ပြောမယ် ဆရာကြီးလိုလို လုပ်မယ် သိပ်ကောင်းတယ် အချိန်ကုန်မှန်းမသိ ကုန်သွားရော။

***
ထပ်မံဖြည့်စွက်

ဒီပို့စ်ကတော့ စာရေးဆရာတစ်ယောက်ကို ကြိုက်တာ ကိုယ့်ဘာသာ ရိုးရိုး မကြိုက်ဘဲ၊ ကြိုက်တတ်တဲ့လူကမှသာ ဒီလို အရည်အသွေးကောင်းတွေကို မြင်တတ်လို့၊ မကြိုက်တတ်တဲ့လူတွေက အဲလောက် အသုံးမကျလို့ ဆိုတဲ့ အမူအကျင့် အပြောအဆိုမျိုး၊ ခုတုံးလုပ်တာမျိုးလို့ မြင်လို့ တင်လိုက်တာ။

အဲလို ပြောတတ်တဲ့လူရဲ့ စိတ်ထဲမှာ စာရေးဆရာရေးပြတဲ့ အရည်အသွေးတွေ တကယ် နှစ်နှစ်ကာကာရှိတာမှန်ရင် သူကြိုက်ရတဲ့အကြောင်းကို အဲလိုအပြောအဆိုမျိုးနဲ့ ပြောနေမှာကို မဟုတ်ဘူး။

အဲလို လူမျိုးက ခုတုံးလုပ်ရုံ အကြိုက်ခံရတဲ့ စာရေးဆရာမှာလည်း အကြိုက်ခံရလို့ ဘာမှ ဂုဏ်ယူစရာမရှိဘူး။

***

Books!

၁) ကြည်အေး - မေတ္တာမီးအိမ် (အဟောင်းဆိုင်မှ) (ဖတ်ဖူးပြီးသား)
၂) ကြည်အေး - ဤမာန
၃) ကြည်အေး - ကေဖွဲ့ဆိုသီ ဖူးငုံပွင့်သစ် (ဖတ်ဖူးပြီးသား)
၎) ခင်ခင်ထူး - ပန်းကြာဝတ်မှုန်
၅) ခင်နှင်းယု - လမင်းကြီးသာစမ်းပါ (အဟောင်းဆိုင်မှ) (ဖတ်ဖူးပြီးသား)
၆) ခင်မျိုးချစ် - ဝတ္ထုတိုပေါင်းချုပ်
၇) မျိုးငြိမ်းဆွေ - ကြည်လင်သော ရေ (ဝတ္ထုတိုများ)
၈) မြနှောင်းညို - ရွက်ဝါကြွေသော နွေရက်များ
၉) မင်းလူ - ပြန်ခေါ်သက်သေ
၁၀) မြသန်းတင့် - လွမ်းမောခဲ့ရသော တက္ကသိုလ်နွေညများ (ဘာသာပြန်)
၁၁) မြသန်းတင့် - မိန်းမတို့အကြောင်း (ဘာသာပြန်)
၁၂) လင်္ကာရည်ကျော် - ချစ်စရာ့အိမ်ကလေး
၁၃) လင်္ကာရည်ကျော် - ဒေါက်တာရွှေသွေး နှင့် မပန်းမှုံ
၁၄) လင်္ကာရည်ကျော် - နေဝင် အိပ်တန်းတက်
၁၅) လင်္ကာရည်ကျော် - သမားလည်ပြန် (ဝတ္ထုတိုများ)
၁၆) ဝင်းဝင်းလတ် - အောက်မေ့ဖွယ် သူ
၁၇) ဘနှင်း - နိုဘယ်ဆုရ စာရေးဆရာကြီး ၅ ဦး၏ ဘဝနှင့်စာပေ (စာအုပ်ဆိုင်မှ အဟောင်း)
၁၈) အရိုး - ဆိုသည်မှာ
၁၉) xxx - တစ်ခေတ် တစ်ယောက်ဆိုလောက်သူ ဒေါက်တာသန်းထွန်း

***
ဖတ်ဖူးပြီးသားထဲမှာ ခင်နှင်းယု (လမင်းကြီးသာစမ်းပါ) က ပျောက်သွားလို့ ပြန်ဝယ်တာ။ ကြည်အေး နှစ်အုပ်ကတော့ ငှားဖတ်ပြီး မဝယ်ဖြစ်တာ၊ ခုမှ ဝယ်တာ။

ခင်မျိုးချစ် ဝတ္ထုတိုပေါင်းချုပ်ထဲက စာနည်းနည်း မြည်းကြည့်မိတယ်။
စိတ်ထဲမှာ ဂျာနယ်ကျော်မမလေးနဲ့ ဒေါ်ခင်မျိုးချစ် ရေးဟန်တူသယောင်ယောင် ခံစားရတယ်။ စာရေးသူဘက်က အပြောများတဲ့ရေးနည်းမျိုးချင်း တူနေလို့လားတော့ မသိ။ သူတို့ရေးတဲ့စာတွေဖတ်ရရင် ဇာတ်ကောင်ထက် ဇာတ်လမ်း၊ ဇာတ်လမ်းထက် ဇာတ်ကြောင်းပြောသူ (စာရေးဆရာ) က ပို ပေါ်နေသလိုပဲ။

ဝင်းဝင်းလတ်၊ မြနှောင်းညိုတို့ အရေးအသားကို ဖတ်ရရင်လည်း ခပ်ဆင်ဆင်လို့ ခံစားရတယ်။ သူတို့ကတော့ တမျိုးတဘာသာ။ စာရေးသူပျောက်ပြီး ဇာတ်ကောင်တွေချည်း မြင်ရတယ်။ (ကိုယ့်အကြိုက်ဆုံး ရေးနည်းရေးဟန်)။

ခင်နှင်းယု စာအုပ်ထဲက ကိုလတ်နဲ့ ခင်ခင်ကြီးရဲ့ ဇာတ်လမ်းအစ အရေးအသားကို အတော်ကြွေခဲ့ဖူးလို့ တကူးတက ပြန်ဝယ်ခဲ့တာ။ အဲဒီလို တို့ထိရုံအရေးအသားမျိုးနဲ့ ဖတ်တဲ့သူကို တိုက်ရိုက်ထိအောင် သရုပ်ပေါ်ပြည့်စုံအောင် ရေးနိုင်တာ အမျိုးသမီးစာရေးသူတွေထဲကသာ တတ်နိုင်တဲ့ကိစ္စလို့ ခံစားရတယ်။

တွေ့အောင်ရှာဝယ်မယ်လို့ ဒီမှာတည်းက စဉ်းစားသွားတာတွေက
၁) ဝင်းဝင်းလတ် ရဲ့ အောက်မေ့ဖွယ် သူ
၂) ခင်နှင်းယု ရဲ့ လမင်းကြီးသာစမ်းပါ
၃) ကြည်အေး ရဲ့ မေတ္တာမီးအိမ်
၎) မြနှောင်းညို ရဲ့ ငုပွင့်ဝါခိုင်။

ငုပွင့်ဝါခိုင် ကလွဲလို့ အားလုံး လွယ်လွယ်ပဲ ရခဲ့တယ်။ ဝမ်းသာလိုက်တာ။ အောက်မေ့ဖွယ် သူ ကို မဖတ်ဖူးသေးဘူး။

မျိုးငြိမ်းဆွေ ကတော့ မျိုးဆွေသန်း (ဒီဇိုင်း)။ သူ စာရေးမှန်း အရင်က မသိပါဘူး။ ထူးအိမ်သင် အမှတ်တရ စာအုပ်မှာတော့ သူ ရေးတာ ဖတ်ဖူးပြီး၊ သဘောလည်း ကျခဲ့တယ်။ ကြည်လင်သောရေ ဆိုတဲ့တစ်ပုဒ်ပဲ အွန်လိုင်းကနေ ဖတ်ဖူးတယ်။ ကြိုက်လှတယ်တော့ မဟုတ်ပေမယ့် ဖတ်ချင်တာနဲ့ ဝယ်လာခဲ့တယ်။ ကြာရင် တွေ့ဖြစ်ဖို့ ခဲယဉ်းမယ့် စာအုပ်လို့လည်း ထင်မိလို့။

လင်္ကာရည်ကျော် ကိုလည်း ပထမဆုံး ကြိုးကြာတောင်ပံခေတ်သံ ကိုပဲ ဖတ်ဖူးသေးတယ်။ သေသေချာချာ စဉ်းစားပြီးမှ ပြောကြေးဆိုရင်တော့ ကြိုက်တယ် မကြိုက်ဘူးကို တခွန်းတည်း ကွဲကွဲပြားပြားပြောဖို့ ခက်မှာ ဖြစ်ပြီးတော့ အကြမ်းဖျဉ်းပြောကြေးဆိုရင်တော့ ကြိုက်ပါတယ်လို့ပဲ ပြောရမယ့် စာရေးဆရာ။ တွေ့ရင် ဝယ်မယ်လို့တော့ စဉ်းစားသွားခဲ့တယ်။ တွေ့သမျှ အကုန်တော့ မဝယ်ဖြစ်ဘူး။ ဘာလို့ဆို နောက်ဖတ်ချင်ရင်လည်း အလွယ်တကူ ပြန်တွေ့နိုင်ဦးမယ့် စာအုပ်တွေလို့ ထင်မိလို့။

ဘနှင်း စာအုပ်ကတော့ တော်ဝင်စင်တာက (၃ ထပ်လား ၄ ထပ်ကလား မသိ)။ အဲဒီဆိုင်မှာလည်း အဟောင်းတွေရော အသစ်တွေရော တော်တော်များများရှိတယ်။ အဲဒီထဲက ကမူးအကြောင်းတော့ အရင်ဖတ်လိုက်မိတယ်။

အရိုး ကတော့ မြည်းစမ်းချင်လို့ပါ။

ဒေါက်တာသန်းထွန်း ကတော့ သူ့စာအုပ်တွေ အများကြီး တွေ့ပါတယ်။ မဝယ်ပါဘူး။ ဘာလို့ဆို ရှင်းပါတယ်။ ကိုယ်က သူ့အကြောင်းသာ စိတ်ဝင်စားတာ။ သူ့ပညာရပ်ဆိုင်ရာတွေထိတော့ မဝင်စားဘူး။ အလွယ်တွေ့ရင်တော့ ကောက်လှန်မိမှာ ဖြစ်ပေမယ့် ဝယ်ဖတ်ရလောက်အောင် အာရုံမရှိ။ အဲဒါတွေနဲ့ လုပ်စားစရာလည်း ဘာမှမရှိ။

ခုစာအုပ်ကတော့ သူ့အကြောင်းကို သူများတွေ ရေးထားတဲ့ အမှတ်တရ စာစုတွေ။ အဲဒါကြောင့်မို့လည်း ဝယ်ဖြစ်တာ။

***
မှတ်ချက်။ ငှားရန်မဟုတ်။

ဂျူး ရဲ့ အမျိုးသားဇာတ်ကောင်တွေ

(အမျိုးသားဇာတ်ကောင်ကိုလည်း တခြား ကျွန်တော်ဖတ်ဖူးတဲ့ စာရေးဆရာမ ဂျူးစာအုပ်ထဲက ဇာတ်ကောင်တွေလောက် မညံ့တာကို မြင်ရတယ်။ လယ်ဗယ်ညှိထားတယ်ပဲ ပြောရမလား )

(PM)

***
ယောက်ျားလေးတွေဟာ ဂျူးရဲ့ အမျိုးသားဇာတ်ကောင်တွေကို မိန်းမဇာတ်ကောင်တွေထက် ညံ့တယ်၊ ဂျူးက မိန်းမတွေကို ဦးစားပေး အသားပေးတယ်လို့ ဘာလို့ တညီတညာတည်း မြင်ကြတာလဲ မသိဘူး။

ကိုယ်တော့ အဲလို မမြင်ပါဘူး။ ပြောရရင် ယောက်ျားဇာတ်ကောင်တွေကမှ ဟုတ်တုတ်တုတ်ရယ်။ မိန်းမဇာတ်ကောင်အတော်များများက တော်မလိုနဲ့ ချာတာတာ။

ပျော့ညံ့တဲ့ အမျိုးသားဇာတ်ကောင်တွေလည်း မရှိဘူး မဟုတ်ပါဘူး။ ရှိပါတယ်။

ဥပမာ - ကြာတော့သည်လည်း မောင့်စကားက (ဖြိုးကျော်)။ ဒါကလည်း အလကားနေရင်း ညံ့တာမှမဟုတ်တာ။ သူ့ဇာတ်နဲ့သူ လိုက်ဖက်စွာ ဇာတ်ကောင်စရိုက် ပီပြင်စွာ အားနည်းတဲ့ ဇာတ်ရုပ်ဖြစ်နေတာပဲ မဟုတ်လား။ သူ့ကို ဖျော့တော့ထားမှ နန္ဒက ပိုမြင်သာမှာ မဟုတ်လား။

ကိုယ့်အမြင်တော့ မောင်၊ နန္ဒ၊ ယုမော်၊ နေသန်၊ စသဖြင့် စသဖြင့် ကိုယ့်စိတ်ထဲတော့ သူတို့ ညံ့လိုက်တာ ဒါမှမဟုတ် စာရေးဆရာက မမျှမတ ဘက်လိုက်ရေးထားလိုက်တာလို့ မထင်မိပါဘူး။ မြတ်စုတို့ ဖြိုးကျော်တို့လို အားနည်းတဲ့ဇာတ်ကောင်တွေမှာတောင် ဘက်လိုက်ပြီးရေးထားတယ်လို့ မခံစားရဘူး။ သူ့ဇာတ်ရုပ်နဲ့ ဇာတ်လမ်းအနေအထားနဲ့ လိုက်ဖက်သင့်တော်နေတာပဲ။

မဟုတ်ဘူးလား။

ဒါမှမဟုတ် စာရေးဆရာရဲ့ကျွမ်းကျင်တဲ့ ဇာတ်ကောင်စရိုက် သရုပ်ဖော်မှုကြားမှာ ယောက်ျားဇာတ်ကောင်၊ ယောက်ျားစာဖတ်သူ နဲ့ မိန်းမဇာတ်ကောင်၊ မိန်းမစာဖတ်သူတွေဟာ မြွေ မြွေချင်း ခြေမြင်နေကြတာများလား။

***
SJD >>> ယုမော်နဲ့ သူ့မိန်းမဆို ယုမော်ကိုပိုကြိုက်တယ်။ ပိုကြိုက်တယ်တောင်မဟုတ်ပါဘူးလေ။ ကြိုက်ကိုကြိုက်တာ။သူဘာလိုချင်လဲ၊ သူဘယ်အချိန်မှာ ဘာလုပ်ရမလဲဆိုတာကို သူသိတယ်။ သက်နှင်းအိမ်ကို အမြင်ကတ်တယ်။ ကိုယ်ကသာ Keptman (ဆိုလား ) ဖြစ်နေရတာပါလို့ သက်နှင်းအိမ်ကို သူပြောတုန်းက သနားလိုက်တာ။ အဲ့ဒီကျတော့မှ သူ့ဖက်ကိုမြင်ပေးတတ်ခဲ့တာ။ အဲ့ဒီဇာတ်ကွက် မတိုင်ခင်ကလည်း နှင်းကို မကြိုက်ပါဘူး။ နှင်းနဲ့ဆိုင်တဲ့ နာမဝိသေသနတွေဆိုတာကို လည်း ကြိုက်မှကြိုက်။

Me >>> ဟုတ်တယ်။ မိန်းမတစ်ယောက်၏ ဖွင့်ဟဝန်ခံချက် ကို နားလည်လာတဲ့အခါ အဲဒီမိန်းမထက် အဲဒီမိန်းမမျိုးရဲ့ ယောက်ျားဖြစ်ရတဲ့ အကြပ်အတည်းကို ပိုနားလည်လာသေးတယ်။

ဂျူးရဲ့ ဇာတ်ကောင်မိန်းမတွေ တော်တယ် ထက်မြက်တယ်ထင်ရပါတယ်။ ဒါပေမဲ့ ဘယ်နေရာမှာ တော်နေ ထက်မြက်နေတာလဲ လို့ မေးကြည့်ရင် ဘယ်နားသွားရှာပြရမှန်းကို မသိဘူး။ တကယ်။

ဂျူးတော်တာကိုတော့ ချွင်းချက်မရှိ လက်ခံပါတယ်။

ဒါပေမဲ့ သူ့ဇာတ်ကောင်မိန်းမတွေကတော့ ဂျူး မဟုတ်ဘူး။

SJD >>> သူတို့က တနေရာမှာ တအားထက်ပီး တနေရာမှာ တအားညံ့နေလို့နဲ့တူတယ်။ ပညာတတ်တွေညံ့ဘီဆို လိုက်လို့ကို မမှီဘူး။ သင်လို့ကိုမရဘူး။ နောက်တခုက အတ္တနဲ့ မာနကြီးကြလို့လားပဲ။ ဒါပေမယ့် သူတို့ကိုယ် သူတို့မသိကျပြန်ဘူး။ ဂျူး ရဲ့ မိန်းမဇာတ်ကောင်တွေပြောပါတယ်။

Me >>> snake snake see the legs =D

SJD >>> ပညာသည်တွေ ဆိုတော့လေ :D

PM >>> လယ်ဗယ်သုံးတာထက် တခြားဘယ်လိုသုံးရင် ကောင်းမလဲတော့မသိဘူးဗျ
ပြောချင်တာကတော့ ဖတ်ဖူးတဲ့ အရင်ဇာတ်ကောင်တွေနေရာကို ဝင်ခံစားပေးလို့မရဘူး။ ဒီစာအုပ်ကျတော့မှ အမျိုးသားဇာတ်ဆောင်ကို ကိုယ်ထင်ဟပ်ကြည့် မြင်ယောင်ကြည့်ပေးလို့ရတယ်။ တကယ်တော့ ကိုယ့်အတ္တနဲ့ နှိုင်းလိုက်မိတာပါပဲ (ဒါနဲ့ ခုနက ကော်မန့် တစ်ခုရေးသေးတယ် ဘယ်ပျောက်သွားလဲမသိဘူး)

***

အညာ၊ အမေ၊ စာပေ နဲ့ လူကြီးဆရာ

* ခင်ခင်ထူး

ကောင်းပါသည်။ ကြိုက်ပါသည်။ တချို့သော အညာအကြောင်းအရာများ အလွန် ထိရှသည်ဟု ခံစားပါသည်။ ကိုယ်တိုင် အဲဒီနယ်နဲ့ ရင်းနှီးထဲဝင် ပတ်သတ်ခဲ့သူဖြစ်သောအခါ နားထောင်သူသက်သက်အဖြစ်ထက် ပိုသော ခံစားမှုတွေ ရရှိသည်ဟု ယူဆမိ။

သို့သော် စာရေးဆရာများအနေဖြင့် နိုင်ငံရေးပြက်လုံးထုတ်ခြင်းကို ခံစား၍မရပါ။ လက်ရှိနိုင်ငံရေး အခင်းအကျင်းများ ပြောဆိုခြင်းသည် တယောက်ချင်းစီ၏ လွတ်လပ်ခွင့်ဖြစ်သော်လည်း၊ joke လုပ်ပြောလွန်းလာသောအခါ အီလှပြီ။ ထို့ပြင် လက်ခုပ်သံကို ထိုနည်းဖြင့်ယူရသည်ဟူသော ပုံသေနည်းများ ဖြစ်နေသလားဟု သံသယဝင်လာမိ။

(စာကြွင်း။ လူရွှင်တော်များ ပြက်လုံးထုတ်ခြင်း နှင့် ကာတွန်းများက သရော်ခြင်းကိုတောင် များသောအားဖြင့် အောင့်သက် ခံစားမရဖြစ်မိ။ သို့သော် ထိုနယ်ပယ်နှစ်ခုက သူတို့အလုပ် သူတို့လုပ်ခြင်းဖြစ်ပြီး၊ စာရေးဆရာများက နိုင်ငံရေးကိစ္စ လူရွှင်တော်လို သရော်သည်အား ခံစား၍ မရ။ တခြားနည်းအားဖြင့် ပရိသတ်ကို မက်ဆေ့ဂ်ျပေးလို့မရဘူးလား။ တခြားတင်ပြပုံနည်းလမ်း ရှာစေချင်မိ။)

ထူးခြားသည်မှာ ဆရာမ စကားတွေကနေ အညာကအသံကို ကြားရခြင်းဖြစ်သည်။ ဥပမာ - ကဲ့ရီ ခံရမယ်။ (နောက်ထပ် ရှိသေးသော်လည်း ချရေးမလာခဲ့ရလို့ မေ့သွားပြီ)

* ချစ်စံဝင်း

မိဘမေတ္တာ၊ အမေ့မေတ္တာ နှင့် ပတ်သတ်သော ခေါင်းစဉ်ဖြစ်၍ ဝေဖန်ရန် အလွန်တရာမှ တွန့်ဆုတ်စရာဖြစ်သော်လည်း၊ တကယ်တမ်းကျ တွန့်ဆုတ်မနေသောကြောင့် အလွန်တရာမက အလွန်တရာ့ငါးဆယ်လောက်ပင် ဝေဖန်ချင်မိ။

ဒါပေမယ့် သေချာစဉ်းစားကြည့်တော့ ဝေဖန်ချင်တာမဟုတ်ဘဲ ဆရာချစ်စံဝင်းကို မေးခွန်းတွေသာ ထုတ်ချင်တာဖြစ်နေပြန်သည်။

၁) အဲဒီခေါင်းစဉ်နဲ့ပတ်သတ်ပြီး ဟောပြောမယ့် အကြောင်းအရာတွေကို ရွေးတဲ့အခါ ပရိသတ်ကို ဘယ်လို role အနေဖြင့် မျှော်လင့်သတ်မှတ်၍ ရွေးခဲ့ပါသလဲ။

၂) မိဘမေတ္တာ (အမေ့မေတ္တာ) နဲ့ပတ်သတ်တဲ့ ဖော်ညွှန်းတင်စားချက်တချို့ကို ဆရာ တကယ် အသဲစွဲယုံကြည်ပါသလား။

၃) တကယ့်အဖြစ်အပျက်တချို့ကို ထားလိုက်ဦး။ မိဘမေတ္တာကို ညွှန်းဆိုပြောပြတဲ့အခါ reality မဟုတ်တဲ့စကား (ဥပမာ - မဟာသမုဒ္ဒရာနဲ့ ယှဉ်ရင်၊ မြင်းမိုရ်တောင်နဲ့ယှဉ်ရင်၊ နှစ်သိန်းလေးသောင်းအထုရှိတဲ့ မဟာပထဝီမြေကြီးနဲ့ ယှဉ်ရင်၊ မဟာစကြဝဠာနဲ့ ယှဉ်ရင်၊ ရေတစ်စက်စာ၊ ပေါက်သစ်စ နွားဦးချို၊ မြူမှုံပမာ၊ အပ်နဖားပေါက်) စတာတွေက နားထောင်သူတွေရဲ့စိတ်ထဲ အဲဒီ မေတ္တာတရားကို ပိုမိုကြည်ညို ပျောင်းတိမ်းညွှတ်နူးသွားစေလိမ့်မယ်လို့ မျှော်လင့်ပါသလား။

(တကိုယ်ရေအမြင်ပြောရရင် ဆရာချစ်စံဝင်း ပြောနေတာနားထောင်ရတဲ့အချိန်မှာ ၁၀ တန်းတုန်းက အင်္ဂလိပ်စာမှာ သင်ရတဲ့ the 4 young men လား၊ ခေါင်းစဉ်မေ့နေပြီ။ လာလည်တဲ့ တရွာသားကို လူလည်လူငယ်လေးယောက်က ယုံတမ်းစကားပြောတဲ့ ပုံပြင်ပဲ တချိန်လုံး သတိရနေမိတယ်။

အကြောင်းအရာရင်းက ဘယ်လိုကောင်းကောင်း ဖွင့်ဆိုချက်က အရာမဟုတ်တဲ့အခါ မူရင်းကောင်းပြီးသားကြီး တန်ဖိုးတောင်ကျတယ်လို့ မြင်မိ။)

၎) ဆရာဟောပြောတာကို နားထောင်နေတဲ့ပရိသတ်ကို ဘယ်လို မြင်ပါသလဲ။ (အမေ ခေါင်းစဉ်အောက်မှာ ဆရာရွေးချယ်ပြောသွားတဲ့ အကြောင်းအရာများကား အလွန်ပင် ထင်မှတ်မထားသဖြင့် အလွန်ပင် အံ့သြမိ။)

ကြံဖန်အကောင်းမြင်တတ်သူဟု လူထင်မခံချင်လှသော်လည်း ဆရာလက်ရှိ လုပ်နေရတဲ့ လုပ်ရပ်နဲ့ ပတ်သတ်လို့ စကားချပ်လို ထည့်ပြောသွားတဲ့ အကြောင်းအရာအတွက်တော့ ကျေးဇူးတင်မိပါတယ်။ လက်ရှိအခြေအနေ အနေအထား ကံပစ်ချရာ ဘာပဲပြောပြော လတ်တလော ရုန်းမထွက်နိုင်သေးတဲ့ အဖေတစ်ယောက်ဖြစ်နေတဲ့အခါ... ဆိုတာကို မြင်ခွင့်ရလိုက်တဲ့အတွက်နဲ့တင် ဆရာ့မိဘမေတ္တာကို ယုံတမ်းဖြစ်အောင် ပြောသွားသော စကားများအား ချေလိုက်ပါသည်။

* ဖေမြင့်

စတက်လာချင်းမှာပဲ "ဒါမျိုးပြောရင် သိပ်သဘောကျကြတယ်။ ကျွန်တော် မပြောဘူး။" ဆိုတာမျိုးက စလာတဲ့အတွက်နဲ့တင် တော်တော် ကျေနပ်သွားတယ်။ (စာရေးဆရာက စင်ပေါ်မှာ ပရိသတ်ပွဲကျအောင် တမင်တကာ လုပ်ပြစရာ အကြောင်းမှ မရှိတာ)။ အထူးပြောစရာမရှိပါ။ ကြိုက်ပါသည်။

* ဦးအောင်သင်း

အလွန်ကောင်းပါသည်။ ကိုယ့်အတွက်တော့ man of the literature talk.

ငါ ဆရာလုပ်တာ မင်းတို့ သည်းခံ လို့ တချိန်လုံးပြောသော်လည်း တကယ်တော့ ဆရာလုပ်တာ ပါတယ်လို့ မထင်ရ။

ပြန်ရေးပြစရာ ရုတ်တရက်မတွေ့နိုင်ပါ။ ရေးလည်းမနေတော့ပါ။ စာရှည်နေမည်။

အသက် ၈၅ နှစ်မှာ အတွေ့အကြုံအရရော ဉာဏ်ပညာအရပါ ပြောစရာ များ၊ များသမျှကိုလည်း ပြောခဲ့ပေမယ့် ပြောနေတဲ့စကားက ဘယ်ထိဆက်ရောက်ရောက် အဆုံးမှာ မူရင်းနေရာကို ပြန်ရောက်အောင် ကောက်နိုင်တာ အတော်ထူးတဲ့ ကုသိုလ်လို့ ထင်မိပါသည်။

ကွန်မြူနစ်သင်တန်းက တခုသော အကြောင်းအရာကို ပြောမယ့်အလုပ်မှာ "ငါ မြင်တာ ငါပြောတာနော်။ မင်းတို့ ယူချင်မှယူ" ဆိုတာကြားတော့ အားရမိ။ ဆရာရေးဖူးတဲ့ မဟာဝိဇ္ဇာတန်းတက်တုန်း ကျောက်စာသင်တော့ "အာနန်" ဆိုတဲ့စကားလုံးနဲ့ ပတ်သတ်လို့ ဆရာမင်းသုဝဏ် ဘယ်လိုကောက်ချက်ဆွဲပြခဲ့၊ ဘယ်လိုလမ်းဖွင့်ပေးခဲ့ဆိုတဲ့အကြောင်းကို သတိရမိသည်။

***

ဆွေးနွေးခန်းမှာလည်း နိုင်ငံခြားရောက်မိဘများ၊ ကလေးများနဲ့ မြန်မာစာ စကားကိစ္စကို ပြောသွားတဲ့ ဆရာ့သဘောထားကိုလည်း ကြိုက်ပါသည်။ မှန်သည်။ ဒါသည် သူတို့ကိစ္စ၊ သူတို့ကိစ္စကို ဘေးလူက ကိုယ့်အမြင်ကိုသာ ပြောလို့ရမည်။ လုပ်ပိုင်ခွင့်က သူတို့လက်ထဲမှာသာ ရှိသည်။

ကျန်တဲ့ဆရာများနဲ့ပြောတာတွေကတော့ သိပ်စိတ်ထဲ မရှိလှပါ။

ဆရာမခင်ခင်ထူးနဲ့ ပြောကြတဲ့ မြန်မာမိန်းကလေးများနဲ့ ဝတ်စားဆင်ယဉ်မှုအကြောင်းမှာတော့... ဟိုတုန်းက မြန်မာလူမှုအဖွဲ့အစည်းမှာ မိန်းကလေးတယောက် ပွဲလမ်းသဘင်သွားတော့မယ်ဆိုရင် အိမ်က လူကြီးသူမတွေက မိန်းကလေးရဲ့ ဝတ်စားဆင်ယဉ်မှုကို ခြေဆုံးခေါင်းဆုံး အကဲခတ်ပြီး စိတ်တိုင်းကျမှ အိမ်အပြင်ကို ခြေတလှမ်း လှမ်းလို့ရတယ်။ ခုဒီနေ့ခေတ် နိုင်ငံခြားရောက် မိန်းကလေးတွေမှာတော့ အဲဒီလို "ဟဲ့" လို့ ပြောမယ့်သူ မရှိလို့ပါ ဆိုတယ်။

ဆရာမပြောသွားတာ ကြိုက်သည်လည်း မဟုတ်၊ မကြိုက်သည်လည်းမဟုတ်။ ဆရာမကိုယ်၌ကလည်း (ရည်ရွယ်၍လား၊ မရည်ရွယ်ဘဲလားမသိ) အဲဒီကိစ္စကို ကောင်းသည် ဆိုးသည်ဟု ပြောသွားတာ မဟုတ်။
(သူက ဒီအဖြစ်အပျက်ကို မှတ်ချက်ပြုပေးသွားတာ မဟုတ်ဘဲ၊ ဘာကြောင့် ဒီလိုဖြစ်ရတယ်ဆိုတဲ့ အကျိုးအကြောင်းသက်သက်လောက်သာ ပြဆိုသွားတာဖြစ်တော့ စောဒကတက်စရာ မရှိလှ)။

(အဲဒီနေရာမှာ ကောင်းသည် ဆိုးသည် ဆိုတာထက် တွေးမိတာတစ်ခုက) မြန်မာလူမှုအဖွဲ့အစည်းရဲ့ အခြေခံသဘောကိုက တယောက်ချင်းစီရဲ့ လွတ်လပ်ခွင့်ကို ရှေ့တန်းတင် အရေးပေးထားတာမဟုတ်ဘူး ဆိုတာပဲ။ အစုအဖွဲ့တစ်ခုရဲ့ သဘောကျ ကျေနပ်မှုစံနဲ့ ကိုက်ညီအောင် အဲဒီအစုအဖွဲ့ရဲ့ သြဇာခံတွေက (အဲဒီစံက အဓိပ္ပါယ်ရှိသည်ဖြစ်စေ၊ မရှိသည်ဖြစ်စေ၊ အဲဒီစံကို ကျေနပ်သည်ဖြစ်စေ၊ မနပ်သည်ဖြစ်စေ) နေပြရတယ် ဆိုတာပဲ။

မြန်မာပြည်ဟာ တကယ်ပဲ ကျွဲပျောက်လို့ နွားရှာနေကြတာလား ဆိုတာ အဲဒီ ဆရာမ ခင်ခင်ထူးရဲ့စကားကနေ ဆက်တွေးမိစေတယ်။

***
ကိုယ်ပိုင်အမြင်ဖြစ်၍ တခြားလူနှင့် တူရန်လိုသည်ဟု မထင်ပါ။ တူလို့လည်း ဘယ်သူမှ အကျိုးရှိမဖြစ်၊ မတူလို့လည်း ဘယ်သူမှ အကျိုးမရှိမဖြစ်။ ကိုယ့်အမြင်ကိုယ်ပြောနိုင်ခွင့် နှင့် ပြောပိုင်ခွင့်သည်သာ အဓိကဟု ယူဆသည်။

***

နှိုင်းရ ချစ်ခြင်း

ဟိုရက်ပိုင်းက youtube မှာ တွေ့လိုက်တဲ့ ၃ ပွင့်ဆိုင် affair ကြည့်မိတော့ ဖျတ်ခနဲ တွေးဖြစ်လိုက်တာ။
တချို့ကလည်း အဲဒါ ဆင်လုံးကြီးပါ ဆိုတယ်။
ကိုယ်တိုင်လည်း အဲဒီ clip မှာ ဘာမှန်းတော့ မသိ၊ တခုခု လွဲနေသလိုပဲ။
ထားပါတော့ တုချင်တု စစ်ချင်စစ်။

***
နောက်တယောက်နဲ့တွဲလို့ ပေါက်ကွဲတယ်ဆိုတာ ပေါက်ကွဲတဲ့လူဘက်ကလည်း သူ့ တကယ်မချစ်လို့သာ။

တဘက်လူအပေါ် ဘယ်လောက်ချစ်နိုင်တယ်ဆိုတာ အဲလိုအဖြစ်မျိုးမှာ ဖုံးထားလို့ မရအောင် ပေါ်တာပဲလို့ ထင်တယ်။

တချို့လူတွေအတွက် အဲဒီလို အဖြစ်မျိုး ကြုံတာနဲ့ "ငါ့ကို စော်ကားတယ်တို့ လှည့်စားတယ်တို့ ယုံကြည်မှုကို အလွဲသုံးစားလုပ်တယ်တို့ ဒါမျိုးလာကျောလို့ ဘယ်ရမလဲတို့" တွေးကို မတွေးမိဘူး။

"ဪ သူ ငါ့ကို မလိုအပ်တော့ဘူး" ဆိုတာလောက်နဲ့ ဝမ်းနည်းသွားရုံပဲ။ သူတို့ကို ကိုယ်မြင်လိုက်ကြောင်းတောင် သိစေချင်မှာ မဟုတ်ဘူး။

* တကယ်ချစ်ရင် * မပေါက်ကွဲဘူး။ ဒေါကန်ဖို့၊ ပေါက်ကွဲဖို့၊ ရန်သွားတွေ့ဖို့ သတိတောင် ရလိုက်မှာမဟုတ်ဘူး။ ဝမ်းပဲ နည်းမှာ။ တဘက်က မသိအောင် ချက်ချင်း လှည့်ပြန်လာမိမှာ။

***
ဝမ်းလည်းနည်းမယ် ပေါက်လဲကွဲမယ်။ ဒါပေမဲ့ တကယ်လည်းချစ်ပါတယ် လို့ ပြောလာရင် ဒီဂရီအလိုက်ပေါ့ လို့ပဲ ပြောရမယ်ထင်တယ်။ ကိုယ်က သူ့အပေါ် ဘယ်လောက်ချစ်နိုင်လဲဆိုတဲ့ အတိုင်းအတာအရပေါ့။

- ကိုယ့်ကိုယ်ကိုယ်နဲ့ မယှဉ်သာအောင် လျော့ချစ်ရင်တော့ ပေါက်ကွဲရုံသက်သက်ပဲ။ ဒေါသချည်းပဲ ထွက်မိမယ်။ ဝမ်းနည်းတယ်ဆိုရင်တောင် အဲဒါ ငါ့ကိုမှ ဖြစ်ရလေခြင်းဆိုတဲ့ စိတ်ပဲ။ တဘက်လူကိုလည်း ခွင့်မလွှတ်ဘူး။ အခွင့်အရေးရတာနဲ့ လက်တုန့်ပြန်မှာပဲ။

- ကိုယ့်အတ္တနဲ့ တန်းတူဆိုရင်တော့ အထက်ကတယောက်ပြောသလို ဝမ်းလည်းနည်းမယ် ပေါက်လဲကွဲမယ်။ ခွင့်တော့ မလွှတ်နိုင်သေးဘူး။ လက်စားချေရလောက်အောင်လည်းပဲ မရက်စက်နိုင်ဘူး။

- ကိုယ့်အတ္တထက် ကျော်သွားပြီဆိုရင် (တကယ်ချစ်တယ်ဆိုရင်)တော့ ဝမ်းနည်းရုံမျှသာပါပဲ။

တကယ်ချစ်တယ် ဆိုတဲ့ သတ်မှတ်ချက်ကလည်း... ဆိုကြပါစို့။
* ကိုယ်က temperature 21ºC လောက်ကိုမှ တကယ်အေးတယ်လို့ သတ်မှတ်တယ်ဆိုရင် အဲဒီထက်များတဲ့ အပူချိန်က ကိုယ့်အတွက် တကယ်မအေးဘူးပေါ့ *

***
(စာကြွင်း။ ကိုယ့်အပေါ် သူ ဘယ်လောက် အတိုင်းအတာထိ... ဆိုတာ သိချင်တဲ့သူတွေ စမ်းကြည့်ကြဖို့တောင် ကောင်းတယ်။ အဲဒီအခြေအနေမျိုးမှာ တဘက်လူရဲ့စိတ်ထဲရှိသမျှ ညာမရအောင် ပေါ်လာမှာပဲ။ ကိုယ့်လူကို ယုံတယ်၊ ပိုင်လည်း ပိုင်တယ်ဆိုရင်ပြောပါတယ်။

အင်းလေ... ယုံမှတော့ ဘယ်စမ်းကြည့်စရာလိုမလဲ)

***
pic from google

ကျွန်တော့်ဘဝဇာတ်ကြောင်းက မိတ်ဆွေတွေ

ကျွန်တော့်ဘဝဇာတ်ကြောင်း (သော်တာဆွေ) က အကြောင်းအရာတွေကို သိပ် အသေးစိတ် မမှတ်မိတော့ဘူး။ အဲဒီစာအုပ်တွေကို ကမန်းကတန်းနဲ့ တခါတည်း ဖတ်ခဲ့ရတာဖြစ်တော့... ဒါတောင် အပိုင်း (၁) မပါ။

ပတ္တမြားခင်အကြောင်း ရေးဖြစ်တော့ အကြောင်းအရာတစ်ခု ခေါင်းထဲ ပြန်ပေါ်လာတယ်။
သူတို့ချင်း မိတ်ဆွေတွေဖြစ်တော့ ပတ္တမြားခင်ရဲ့ သမီး မင်္ဂလာဆောင်ဖိတ်စာ သော်တာဆွေ့ဆီကို ကိုယ်တိုင်လာပို့တယ်။ အတိအကျတွေ မမှတ်မိတော့ဘူး။

ဆရာသော်တာဆွေအတွက်က အဲဒီအခိုက်မှာ မင်္ဂလာပွဲလုပ်မယ့် ဟိုတယ်ဆီ တက်ဖို့၊ လက်ဖွဲ့ဖို့စတာတွေက အခက်အခဲ ဖြစ်တယ်။ အဲဒါနဲ့ ဆက်စပ်ပြီး သူ ရေးသွားတာမှာ... တခါလည်း အဲလိုပဲ မိတ်ဆွေတယောက်ရဲ့ မတက်မဖြစ်တဲ့ (သား/သမီး မင်္ဂလာဆောင်) ပွဲတစ်ခု တက်ဖို့ရာမှာ လက်ဖွဲ့စရာ အခက်တွေ့တော့ အိမ်မှာရှိတဲ့ မသုံးဖြစ်တဲ့ ပန်းအိုးတစ်လုံးကို ပက်ကင်ထုပ်ပြီး လက်ဖွဲ့လိုက်ရတယ် ဆိုတယ်။

အဲဒီကနေ ဆက်ရေးတော့ ရှုမဝ ဦးကျော် နဲ့ သူ့ အကြောင်း။
ကျွန်တော့်ဘဝဇာတ်ကြောင်း ကို သိရင် ရှုမဝဦးကျော်နဲ့ သော်တာဆွေကြားက ပတ်သတ်မှု အထူးပြောစရာမလိုပါဘူး။ ဒီလိုသာဖြစ်တယ်။ သူ့အနေနဲ့ ဦးကျော် သားသမီးတွေရဲ့ မင်္ဂလာဆောင် တခါမှ ဖိတ်တာ မခံရဖူးဘူးဆိုတယ်။ တကယ်က သိတောင် မသိလိုက်ရတာ။ မဂ္ဂဇင်းတိုက်မှာ မမြင်ဖူးသေးတဲ့ ကလေးငယ် တစ်ယောက်ယောက်ကို မြင်မိမှ ဒါ ဘယ်သူ့ကလေးလဲ မေးရင်း၊ ဦးကျော်ရဲ့ သား (ဒါမှမဟုတ်) သမီး တစ်ယောက်ယောက် အိမ်ထောင်ကျပြီးသွားလို့ ကလေးတောင် ရပြီဆိုတာ သိရတယ်ဆိုတယ်။

***
ကျောင်းပြီးလို့ လူလုပ်ခဲ့ရတာ မကြာလှသေးပါဘူး။ အဲဒီအတောအတွင်းမှာ အရင်လို လူကြီးနဲ့ ကပ်လိုက်တာမျိုးမဟုတ်ဘဲ ကိုယ့်ကို ဦးတည်ဖိတ်တဲ့ ပွဲတွေလည်း တက်ခဲ့ဖူးပြီးပြီ။ ခုချိန်ထိတော့ ဘယ်ပွဲတက်ဖို့ ခက်ခဲလိုက်တာ ဆိုတာမျိုးတော့လည်း မကြုံဖူးသေးပါဘူး။ ပြောရရင် အင်မတန် စိတ်ပါလက်ပါနဲ့ တက်ခဲ့တဲ့ ပွဲချည်းပါပဲ။

မိတ်ဆွေအပေါင်းအဖော်၊ စာရေးဖော်ရေးဖက်၊
သား သမီးတွေနဲ့ မင်္ဂလာဆောင် ပွဲလမ်းသဘင်၊
ခင်မင်ဆက်နွယ်မှု နဲ့ ဖိတ်ကြား၊ ချီးမြှင့်။
နေ့တိုင်း ထမင်းစား ရေသောက်တာ စာမဖွဲ့လောက်သလိုပဲ၊ လူ့အသိုင်းအဝိုင်းထဲက ဖြစ်ရိုးဖြစ်စဉ် အဲဒီလူမှုကိစ္စတွေလည်း စာမဖွဲ့လောက်ဘူး ထင်ရတယ်။

ဘဝအမျိုးမျိုးက ဆက်နွယ်ပတ်သတ်မှုအမျိုးမျိုးမှာ (လူရင်းတွေမို့ ခင်မင်မှုနဲ့ ဖိတ်တယ် ဆိုတဲ့ ဘာမှမထူးဆန်းတဲ့ အဖြစ်အပျက်နဲ့ ယှဉ်ပြထားတဲ့) လူရင်းတွေမို့ ငဲ့ညှာမှုနဲ့ မဖိတ်ဘူး အသိတောင်မှ မပေးဘူး ဆိုတဲ့အချက်ကို စိတ်ထဲ အတော် လေးလေးနက်နက် ဖြစ်မိတယ်။

တခါတခါ တကယ့်ဘဝထဲက အဲဒီလို အကြောင်းအရာမျိုးကို ဖတ်ရသိရတာ ဘာနဲ့မှ မတူဘူး ထင်မိတယ်။ လူတစ်ဦးတစ်ယောက် အမှန်တကယ် ကြုံခဲ့ရတဲ့ တချို့သော ကိုယ်တွေ့အဖြစ်အပျက်ဆိုတာတွေက ဘယ်လိုကွန့်မြူးနိုင်တဲ့ စိတ်ကူးဉာဏ်ကနေမှ ဖန်တီးလို့ ထွက်မလာနိုင်တဲ့ အရာတွေ။

ကျောက်မျက်တစ်တုံးပေါ် နေရောင်ကျလိုက်လို့ ရောင်ပြန်တွေ ဖြာထွက်လာသလိုပဲ။
ဒီအဖြစ်အပျက်တစ်ခုတည်းပေါ်ကနေ လူရင်းဆိုသူတွေရဲ့ သူ့ဘဝနဲ့သူ၊ သူ့ဖြတ်သန်းမှုနဲ့သူ၊ သူ့အဓိပ္ပါယ်သတ်မှတ်ချက်နဲ့သူ၊ သူ့တန်ဖိုးထားမှုနဲ့သူ ဖော်ပြလာကြတဲ့ ပတ်သတ်ရာပတ်သတ်ကြောင်း အကြောင်းတရားတွေ။

ကိုယ်တိုင်လည်း မင်္ဂလာဆောင်တပွဲတက်ဖို့ ဘယ်အချက်ကတော့ဖြင့် ခက်ခဲလိုက်တာလို့ မကြုံဖူးသေးတော့ (နောင်လည်း ကြုံကောင်းမှ ကြုံရမှာပါလို့ ပိုတွက်နေမိတော့) မကြုံဖူးဘဲ မသိနိုင်မယ့် အကြောင်းအရာတွေ ဒီလိုနည်းနဲ့ သိခွင့်ရတာ ငဲ့ညှာမှုနဲ့ ခင်မင်ခဲ့တဲ့သူ၊ ဒါကိုမှ အပြန်အလှန် သိမှတ်နိုင်တဲ့စိတ်နဲ့ မှတ်တမ်းတင် ရေးထားခဲ့ဖို့သတိရတဲ့သူတွေကို ကျေးဇူးတင်နေမိတော့တယ်။

***

အုံ့ပုန်းခြောက်ရတဲ့အခါ...

suzuki: ဘိန်း အကြောင်းလား။ ဒါတ်ပုံ အကြောင်းလား။ ၇ုပ်ရှင် အကြောင်းလား။

Me: ဆေးပညာရှုထောင့်ကနေ အခြောက်တွေအကြောင်း သိချင်တယ်။ အခြောက်တွေရဲ့ စိတ်နေသဘာဝအကြောင်း။ အတိအကျပြောရရင် အသိုင်းအဝိုင်းကြောင့် ပွင့်ပွင့်လင်းလင်း ခြောက်ခွင့်မရတဲ့ အခြောက်တွေ အကြောင်း။

ဟယ်ရီပေါ်တာ: တူစိတ်ဝင်စားတာအဆန်း

suzuki: http://www.professorrjross.com/bio.php ဒီ ဘိုးတော်ကြီးနဲ့ ကောင်းကောင်း သိတယ်။ သူ့ အိမ်လဲ ရောက်ဖူးတယ်။ တော်တယ်။ အခြောက် စစ်စစ်ကြီး။

ဟယ်ရီပေါ်တာ: ဆန်းဒရားလှထွတ်သိရင်အခြောက်များနှင့်တွေ့ဆုံခြင်းများပင်သီချင်းရေးမိမယ်ထင်

Me: အနောက်တိုင်းမှာတော့ အုံ့ပုံးခြောက် မရှိလောက်ပါဘူး။ ပွင့်ပွင့်လင်းလင်းခြောက်တာတွေ မသိချင်ဘူး။ မသိချင်ဆို သူတို့နဲ့က အပြင်မှာလည်း သိနေတာကိုး။

suzuki: သိချင်ရင် ပြောပြမယ်

Me: ပြော အုံ့ပုန်းခြောက်ရတဲ့လူတွေရဲ့ စိတ်နေသဘာဝ

suzuki: ရှိတဲ့နေရာမှာ ရှိတယ်၊ လက်မခံတဲ့ နေရာလဲ ရှိတယ်။ အနောက်တိုင်းလို့ ခြုံပြောလို့ မရဘူး။

Me: ယေဘုယျကတော့ အနောက်တိုင်းမှာ ပွင့်ပွင့်လင်းလင်း ခြောက်ခွင့်ရနေတာပဲလေ

suzuki: မဟုတ်ဖူး

Me: ဒီဘက်မှာကတော့ မလွယ်ဘူးပေါ့ မြန်မာပြည်လိုနေရာမှာ။ အသိုင်းအဝိုင်းကြောင့်ဆိုတာမျိုး အုံ့ပုန်းခြောက်ရတာတွေ ရှိမှာပဲ။

suzuki: အမေရိကားမှာဆို ဆန်ဖရန်စစ်စကို၊ ဘာကလေနားတ၀ိုက်ပဲ ပွင့်ပွင့်လင်းလင်း ခြောက် ကြတာ

Me: ဟုတ်လား

suzuki: ခရစ်ယာန် အစွန်းရောက်တွေ၊ တောင်ပိုင်း အမေရိကားပြည်နယ်တွေမှာ အခြောက်တွေအတွက် အန္တရာယ်တောင် ရှိတယ်။ သူတို့ကို ဘုရားသခင်က ဒါဏ်ခတ်သလိုလို၊ ဘုရား မကြိုက်တဲ့ အလုပ် လုပ်တဲ့လူတွေလိုလို သဘောထားတာ။

Vista: အော သနားပါတယ်

Me: ဗမာပြည်လည်း ဒီတိုင်းပါပဲလေ။ ဗုဒ္ဓဘာသာအရကိုက။

ဟယ်ရီပေါ်တာ: ကိုယ်ပိုင်အမြင်အရတော့ဒါကိုအပြစ်တစ်ခုလုပ်တဲ့သူတွေလို့မမြင်ဘူး

suzuki: အဲဒီ ကီးဘုတ်သမား ဘိုးတော်ကြီး နာမည်က ရောဘတ်တဲ့။ ဒီးထရိုက်မှာ ငယ်ငယ်လေးထဲက နာမည် ကြီးတာ၊ ဒါပေမဲ့ အခြောက်ဖြစ်လို့ မနေရဲတာနဲ့ ဘာကလေကို ပြောင်းလာတာ။

ဟယ်ရီပေါ်တာ: ဖုံးကွယ်ပြီးညာနေတဲ့သူတွေကိုပဲလက်သင့်မခံချင်တာ။

suzuki: သူက သီချင်း အရေး အဆိုလဲ ကောင်းတယ်၊ ဒါပေမယ့် အခြောက်ဖြစ်တာကို အပြစ်လို့သဘောထားတဲ့ ပါတ်ဝန်းကျင်မှာ ကြီးပြင်းလာတော့ တော်တော် ကြီးတဲ့ထိ သိမ်ငယ်စိတ် ဖြစ်နေရှာတာ။ သူ့ စိတ်မှာ အနာတရလို ဖြစ်နေတော့ အောင်မြင်သင့်သလောက် မအောင်မြင်လာဘူး၊ တကယ်ဆို ပီတာဂေဘရီယယ်တို့လောက် အရည်အချင်း ရှိတဲ့သူ။

Me: အတိတ်က သူတို့ဘာလုပ်ခဲ့တယ်လို့ ကိုယ် မြင်တာ မမြင်တာတွေက ကိုယ့်အတွက် အရေးမပါဘူး။ သေချာလည်းတွေးမနေဘူး။ အပြစ်လုပ်လုပ် မလုပ်လုပ် ကိုယ့်အလုပ်မှ မဟုတ်တာ။ အဓိကက သူတို့ကို ဒဏ်ခတ်ဖို့ ကျန်တဲ့လူတွေမှာ အခွင့်အာဏာမရှိဘူးလို့ပဲထင်တယ်။

Me: ဟယ်ရီပေါ်တာ: ဖုံးကွယ်ပြီးညာနေတဲ့သူတွေကိုပဲလက်သင့်မခံချင်တာ )) ဒါကလည်း ပတ်ဝန်းကျင်ပေါ်မူတည်သေးတာကိုး။ ကိုယ်ဆိုလည်း ပတ်ဝန်းကျင်က လက်မခံရင် အသိုင်းအဝိုင်း ထိခိုက်မှာ စိုးနေရရင် ဘယ်ခြောက်ရဲမလဲ။

အများအားဖြင့် သူတို့ကို မြင်ရင် စိတ်အနှောင့်အယှက်ဖြစ်ကြတယ်။ သူတို့အနေနဲ့လည်း အများစိတ်မညိုညင်အောင် စည်းနဲ့ နေဖို့လိုတယ်။ ဒါဆိုရပြီ။ မမြင်ချင် မျက်နှာလွှဲနေရုံပဲ။ (သူများတွေစောင့်ရတဲ့ တန်းတူတဲ့ စည်း - ကိုယ့်ကြောင့် သူများ မထိပါးစေရတဲ့ စည်း။)

suzuki: အခြောက်တွေ စိတ်အေးလက်အေး နေရဲတာ ဆန်ဖရန်၊ ဘာကလေ နဲ့ လန်ဒန် လောက်ပဲ ရှိမယ်ထင်တယ်။ အန်စတာဒမ်မှာ နဲနဲပါးပါး။

Me: ခင်စန်းဝင်း တခါပြောဖူးတာ။ မိန်းမရှာဖြစ်နေတော့ လူအထင်သေးလွယ်တယ်၊ ဒါကြောင့် သူအလုပ်လုပ်ရင် ကတိတည်အောင် အလုပ်နဲ့တူအောင်လုပ်တယ်ဆိုတာမျိုး။ (အဲလိုနေရင် ပြီးပြီပေါ့။ ဒါကလည်း သူတို့မို့ လိုတာမဟုတ်။ လူတိုင်းမှာ လိုတဲ့အရာ)

ဟယ်ရီပေါ်တာ: ညာတယ်ဆိုတာကအဲ့ဒီစိတ်အခံကိုလည်းမလွန်ဆန်နိုင်အိမ်ထောင်တွေပြုပြီး သူတပါးကိုဒုက်ခထပ်ပေးတဲ့သူတွေကိုပါ

suzuki: ဆန်ဖရန် လေမြန်ကွင်းမှာဆို ယောကျာ်းခြင်း ဖက်နမ်း နှုတ်ဆက်နေတာတွေ အမြဲတမ်းလိုလို တွေ့ရတာဘဲ၊ မြင်ရတဲ့သူ စိတ် အနှောက်အယှက် ဖြစ်သလိုလိုတော့ ရှိသား။

Me: ဟယ်ရီပေါ်တာ: ညာတယ်ဆိုတာကအဲ့ဒီစိတ်အခံကိုလည်းမလွန်ဆန်နိုင်အိမ်ထောင်တွေပြုပြီး သူတပါးကိုဒုက်ခထပ်ပေးတဲ့သူတွေကိုပါ)) အဲဒါကိုက ပတ်ဝန်းကျင်ကြောင့်ဖြစ်တာ။ သူတို့သဘောအတိုင်းဆို ယူမယ်မထင်ဘူး။

ဟယ်ရီပေါ်တာ: ကားကျပ်ကျပ်မှာလက်လိုက်သရမ်းတဲ့သူတွေလည်းမကြိုက်

Me: အေးပေါ့ အဲဒါပြောတာလေ။ သူတို့အနေနဲ့လည်း စည်းရှိဖို့လိုတယ်။ ပြီးတော့ အဲဒါက အခြောက်တမျိုးတည်းတင် ဖြစ်တာလည်းမဟုတ်ဘူး။

ဟယ်ရီပေါ်တာ: သူတို့ကိုယ်တိုင်ကဖုံးကွယ်ပြီးအိမ်ထောင်ပြုတာပါ

Me: ဟယ်ရီပေါ်တာ: သူတို့ကိုယ်တိုင်ကဖုံးကွယ်ပြီးအိမ်ထောင်ပြုတာပါ )) ဆက်ပြောရင်တော့ အရှည်ကြီးဖြစ်သွားမယ်။ ခြောက်လို့ သိက္ခာကို ထိပါးမခံရဘူးဆိုရင် သူတို့ကိုယ်တိုင်ကိုက မိန်းမယူမယ် မထင်ဘူးလို့ ဆိုလိုတာ။

ပြောချင်တာ အဲဒါတွေ မဟုတ်

ဟယ်ရီပေါ်တာ: ဘာတွေပါလိမ့်

Me: အသိုင်းအဝိုင်းကြောင့် အုံ့ပုန်းခြောက်ရတဲ့လူတွေရဲ့ စိတ်နေသဘာဝ

ဟယ်ရီပေါ်တာ: ကြီးလန့်စာစားဖြစ်မယ်

suzuki: ဗမာပြည်မှာနေတုံးက ခြောက်နေကြောင်း မပြောရဲလို့ စိတ်ဆင်းရဲနေပြီး၊ အနောက်နိုင်ငံ ရောက်မှ ပွင့်ပွင့်လင်းလင်း ခြောက်ခွင့်ရလို့ စိတ်သက်သာရာ ရသွားတဲ့သူလဲ တွေ့ဘူးပါရဲ့။ အဲဒီတော့မှ ပျော်သွားတယ်လို့ ဆိုတာဘဲ

Me: အဲဒါဖြစ်နိုင်တယ်။ ဘာလို့ဆို အနောက်ရောက်တော့ သူဘယ်သူလဲ ဘယ်သူမှ မသိတော့ဘူး။ ဒါဆို ဘယ်ရောက်ရောက် ဗမာအသိုင်းအဝိုင်းမှာ ဘယ်သူလို့ သိနေနိုင်တဲ့ လူမျိုးဆိုရင်ရော

Vista: ငါးရံ့ခြောက်ဟင်းတောင်စားချင်လာပီ ခြောက်တွေထပ်နေလို့ 

Me: ငါးရံ့ခြောက်နဲ့ ခမ်းချဉ်တီးလေးနဲ့ ရှလွတ် (ဗမာပြည်မှာတော့ ဟင်းမထင်ဘူး)

Vista: မထင်အုံး ခုတော့ ငတ်နေမှလား

Me: ခုတော့ အဲဒါနဲ့ ဘယာကြော်နဲ့ ငရုတ်သီးဆားထောင်းနဲ့ဆို နတ်စည်းစိမ်ဆယ်သက် တကယ်မမက်ပါတယ် ဖြစ်သွားမယ်

Me: Me: ဒါဆို ဘယ်ရောက်ရောက် ဗမာအသိုင်းအဝိုင်းမှာ ဘယ်သူလို့ သိနေနိုင်တဲ့ လူမျိုးဆိုရင်ရော။ ဘယ်လို ခြောက်မယ် ထင်လဲ။

suzuki: ဘယ်သိမလဲ

Me: အစကတော့ သိသလိုလိုနဲ့။

---

35 comments:

မိုးယံ said...

အနော်တို့ ကျောင်းနေဘက်တစ်ယောက်က နွဲ့နွဲ့လေး အခုများ မိန်းမယူထားတယ် ကလေးတောင် ရနေပြီတဲ့။အဆင်ပြေနေတယ်ထင်တာပဲ။ ယူထားတဲ့ မိန်းမက ဟဲဗီးကြီး (သန်မာတာ) အနော်တို့နဲ့တောင် ရန်ဖြစ်တာ။

January 17, 2011 7:29 PM

မေဓာဝီ said...

ဘယ်ရောက်ရောက် ဗမာအသိုင်းအ၀ိုင်းမှာ ဘယ်သူလို့ သိနေနိုင်တဲ့ သူမျိုးဆိုရင်တော့ ...
သမာဓိခြောက် ခြောက်မယ် ထင်တာပဲ။
အဲဒီလို ခြောက်တဲ့လူမျိုးတွေ တွေ့ဖူးပါတယ်။ အဲဒါလဲ ဆိုက်ကိုတမျိုးပဲ ထင်ပါရဲ့။ အများအမြင်မှာတော့ ကျားကျားလျားလျား ယောက်ျားကြီးပါ ... ဒါပေမဲ့ ခြောက်နေရှာတာ။ သူတို့က တတ်နိုင်သလောက်တော့ သူများမသိအောင် ဖုံးထားတာပေါ့။ ဘယ်လိုဖုံးဖုံး ကြာလာတော့လဲ သိကုန်ကြတာပါပဲ။

စိတ်ဓာတ်အခြေအနေအရတော့ အဲဒီလိုလူမျိုးတွေက ပွင့်ပွင့်လင်းလင်း ခြောက်ရတဲ့ သူမျိုးထက် ပိုပြီး agressive ဖြစ်တတ်ကြတယ်။ ပတ်ဝန်းကျင်ကို သိပ်ဂရုစိုက်ပြီး ကိုယ့်ကို အခြောက် မထင်အောင် လူတကာ အထင်ကြီးအောင် အတင်းကြီး ဇွတ်ကြိုးစားတတ်ကြတယ်။
ကိုယ်တွေ့ဖူးသလောက် အတွေ့အကြုံကို ပြောပြတာပါ .. အားလုံးတော့ ဟုတ်မဟုတ် မသိဘူးနော်။

January 17, 2011 8:43 PM

Soe said...

Homosexualtiy is natural in animal
world and we are just talking apes.

One research was done about macho
homosexuals. Researchers put two
rams and two ewes (female sheep)
constrained by their necks making
their backs exposed to be mounted.
The female ewes are ovulating and
that means if a ram (straight ram
will mount on an ewe) to fertilize
eggs. But homosexual rams, once
released are found to mount on
another ram, copulating with anal
passage perfering over the ewe's vaginal passage even when she
is ovulating. This is because
DNA defects.

For submissive homosexuality,
when pregnant mice are exposed
to sustained stress, her sons
may become passive homosexuals,
showing femine behaviour, they
let other male mounted on them.

So homosexuality can be due to
nature. What we have to prevent
is by nuture. I mean I have no
issues if another male put any
thing into his orifices, that
is fine. I do not and I will
not judge him and I dont believe
that any f..ker in heaven exists
at all and if suckers who believe
in that heavenly sucker almighty
urge to harm them, I will protect
that faggot even if I dont like
him as I think it is his rights
to put anything into his arse.
But I will not, and I dont like
old fags to exploit young kids,
so if a guy try to rape my son,
or my daughter against his or
her will. I will not tolerate.

I think homosexuality is not we can prevent. Those fag hating
fags radicals cannot and should
not do anything too. It is just
a matter of personal choice.
So it is better for them to be openly gay than in closets as
it could lead contagin of STD diseases. So we Burmese should
not worry for homosexuality.

January 17, 2011 9:19 PM

ဇွန်မိုးစက် said...

ရီတာ Brokeback Mountain ကြည့်ကြည့်ပါလား။ ဇွန် မကြည့်ဖူးပေမယ့် ယောက်ျားချင်းချစ်သူဖြစ်တာကို ရိုက်ပြထားတာကောင်းတယ်လို့ နာမည်ကြီးတယ်။ မောင်လေးကို download လုပ်ထားခိုင်းတာရယင် ဇွန်လည်း ကြည့်မလို့။ ယောက်ျာချင်း စိတ်ဝင်စားတာ၊ ချစ်ခင်ကြတာ ဘယ်လိုနေမလဲဆိုတာ စိတ်ဝင်စားလို့။

January 17, 2011 9:39 PM

Thu said...

A scholar studied in Europe annually came back to Myanmar to take part in Taung Pyone Pwe. He was expired soon after 'A' affected.
A first victim of 'A' I've seen was a lady tutor around 90s, no one thought she had such flirted nature as judged by her decent appearance.
A fortunate thing to her was she passed away under nice treatment of last husband.
To be more understand of them, Pls see following desperate story : အဆောင်မှာခြောက်တဲ့သူရဲ…….
http://geologist-myanmar.com/geos-stories65.htm

January 17, 2011 10:03 PM

ဉာဏ်လင်းထူး said...

အေြ​ခာ​က်​၃မျိုး​ရှိ​တယ်လို့ြ​ကား​ဖူး​တ​ယ်။
top/bottom/england တဲ့။လိင်မ​ဆက်ဆံ​တဲ့
အေြ​ခာ​က်၊လိင်ဆက်ဆံ​ခံ​တဲ့​အေြ​ခာ​က်၊လိင်ဆက်ဆံ​လ​ည်း​ခံ ကိုယ်တိုင်က​လ​ည်း လိင်ဆက်ဆံ​တဲ့​အေြ​ခာ​က်(၂​ဖက်ချွ​န်)။
ေ​တာ်ေ​တ်ာများများ​ကေ​တာ့ေ​မွး​ရာ​ပါ​ဗီ​ဇေ​တွ၊ တချို့ေ​တွ​ကေ​တာ့ ပုံ​စံ​သွ​င်း​ခံ​ရ​တဲ့​သူေ​တွ။

January 18, 2011 9:13 AM

Rita said...

အကြောင်းပြစရာ မယ်မယ်ရရမရှိပေမယ့် ပုံစံသွင်းခံရလို့ ခြောက်တယ် ဆိုတာကို လက်ခံလို့မရဘူး။ မဖြစ်နိုင်ဘူးပဲ ထင်နေတယ်။

January 18, 2011 9:20 AM

ဉာဏ်လင်းထူး said...

ဟို​တေ​လာ​က စာ​တ​ပုဒ်ဖတ်မိ​တ​ယ်။မိ​န်း​မ​ရှာ​တေ​ယာက်အေြ​ကာ​င်း​ပဲ။ဘယ်က​လဲေ​တာ့ မ​မှတ်မိေ​တာ့​ဘူး။ သူ​က​အေြ​ခာ​က်ေ​တာ့​အေြ​ခာက်ပဲ။သူ့​​ကို​သူ​လ​ည်း အေြ​ခာက်လို့​​လက်ခံ​ထား​တ​ယ်။ဒါ​မ​ယ့် ရှုပ်ရှုပ်ရှက်ရှ​က် မ​လုပ်ဘူး။သူ့​​အလုပ်သူ​တည်တ​ည်ြ​က​ည်ြ​ကည်လုပ်တ​ယ်။ဘ​ဝေ​ပး​ကံ​အရ မိ​န်း​မြ​ဖစ်ချင်တဲ့​စိ​တ်ေြ​ကာ​င့်​သာ အဲ့​လိုြ​ဖ​စ်ေ​နရ​တာ။ဝ​တ်ေ​တာ့​လ​ည်းေ​ယာကျာ်း​လို။လူ​မေ​စာ်​ကား​ရဲ​ဘူး။(မစနောက်ရဲဘူး)ေ​သချာ​မ​မှတ်မိေ​တာ့ ​ဘူးဗျာ။ေ​တာ်ေ​တာ်ေ​ကာ​င်းတယ်။

January 18, 2011 9:28 AM

ဉာဏ်လင်းထူး said...

ရှိ​တ​ယ်ေ​ဒါ်​ရီ​တာ။ကျေ​နာ့်​အသိ​ထဲ​မှာ အဲ့​လိုေ​တွ​ရှိ​တ​ယ်။ဘယ်လိုြေ​ပာ​ရ​မ​လဲ။န​ည်း​န​ည်းေ​တာ့ ရို​င်း​မ​ယ်ေ​နာ်။အလို​မ​တူ​ပဲ လိင်ဆက်ဆံ​ခံ​လိုက်ရြ​ပီး​တဲ့ေ​နာက်မှာြေ​ခာက်သွား​တာ။တချို့ြ​ကေ​တာ့ အေြ​ခာ​က်ေ​တွ​နဲ့​ လက်ပွ​န်း​တ​တီးေ​နရ​င်း​ကေ​န စိတ်ပါ​သွား​တာ။စိတ်ပ​ညာ​ယူ​တဲ့​သူ​ငယ်ချ​င်း​တေ​ယာက်ကြေ​ပာ​ဖူး​တာ​ကေ​တာ့ အဲ့​လို​လူေ​တွ​ရဲ့​​မ​သိ​စိတ်မှာ ငယ်ဘ​ဝ​က မ​စင်စွ​န့်​​တဲ့​ဟာ​ကို သာယာ​ခဲ့​ဖူး​တယ်တဲ့။အေြ​ကာ​င်းေြ​ကာ​င်းေြ​ကာ​င့် အဲ့​လို​ကိ​စ္စမျိုးြ​ကုံ​လာ​တဲ့​အခါ အဲ့​ဖက်ကိုေ​ရာက်သွား​တာ​တဲ့။ေ​သချာေ​တာ့ မေြ​ပာ​တတ်ဘူး။

January 18, 2011 9:34 AM

Rita said...

ကိုယ်ထင်တာလည်း အဲလိုဆင်ဆင်ပဲ။

သူတို့ စိတ်အခံမှာကိုက ရှိနေပြီးသားမို့လို့ ထင်တာ။ တင်းပြည့်ကျပ်ပြည့်လူကို ဇာတ်သွင်းလို့ ရမယ်တော့ မထင်ဘူး။

January 18, 2011 9:36 AM

Rita said...

ဟယ်ရီပေါ်တာ: နာမည်တိုက်ရိုက်ရေးပြီး မတိုက်ခိုက်တော့ဘူးလား

RITA: ကိုယ်ရေးသမျှထဲမှာ တိုက်ခိုက်တာ မပါဘူးနော်။ မှတ်တမ်းသက်သက်တွေပဲ ရှိသေးတယ်။ ကိုယ် ဒီလို တင်တာနဲ့ အဲဒီကို ပြေးမြင်တယ် ဆိုရင်တော့ ပရော်ဘတ်ဘလတီ နည်းနည်းများနေပြီ။ ကိုယ့်ဘာသာ ဆွေးနွေးတာလည်း ဖြစ်နိုင်တာပဲ။

ဟယ်ရီပေါ်တာ: မနှစ်ကအံသွားတချောင်းနှုတ်လိုက်ရတယ်

RITA: ကိုယ်ကလည်း မဟုတ်ဘူး ငြင်းတာ မဟုတ်။ ဟုတ်တယ် ပြောတာလည်း မဟုတ်။ ဟိုလိုလည်း မြင်လို့ရရဲ့သားနဲ့ ဒီလို တန်းပြီးမြင်တယ်ဆိုရင်တော့ ပရော်ဘတ်ဘလတီများသွားပြီ ပြောတာ။

ဟယ်ရီပေါ်တာ: ဆွေးနွေးချက်ဆိုမိမိယူဆချက်ကိုချည်းဘိုးလ်မလုပ်သင့်ဘူးလေ

RITA: အဲဒါ ယူဆချက်မဟုတ်။ မေးခွန်းပဲ ရှိသေးတယ်။ အဲဒီထဲ ပုဂ္ဂိုလ်စွဲယူဆချက် တခုမှ မပါ။

ဟယ်ရီပေါ်တာ: ပိတ်သတ်ကိုမေးတာလား

RITA: မဟုတ်ဘူး မေးတာက ချာဝန်လို့ထင်ရတဲ့ လူတွေကို မေးချင်တာ။ ချာဝန်တောင်မှ မက်ဒီဇင်ပိုင်း ဆာဂျင်ပိုင်းတွေ မေးချင်တာမဟုတ်။ ဆိုက်ခီပိုင်းတွေ ပိုမေးချင်တာ။

Vista: ချာဝန်ကိုယ်တိုင်ခြောက်နေမှ :fo:

RITA: ချာဝန်ကိုယ်တိုင်ခြောက်နေတဲ့ကိစ္စဆို ပိုတောင် နီးစပ်သိရဦးမယ် :fo:

Vista: :fo: ပြောမှာမဟုတ်တော့ဘူးအဲလိုဆို

RITA: မဟုတ်ချင်ယောင်ဆောင်ပြီး ပြောချင်ပြောမှာပေါ့

Vista: မိန်းကလေးချင်းယူထားတဲ့ သူငယ်ချင်းမတော့ရှိတယ်။ ကလေးပါ ယူထားတာ သိပ်ရယ်ရတယ်။ အမေရိကန်မှာ ယူလို့ ရတဲ့ ပြည်နယ်မှ ရတာ။ သူတို့ အဲယူလို့ ရတဲ့ပြည်နယ်ကိုပြောင်းရတယ် .. ကလေးပါယူမို့။ ခုတော့ ကလေးရပီ သူတို့ ၂ ယောက်လုံးမျိုးစေ့နဲ့  စပန်းဒိုနာနဲ့  စပ်တဲ့ကလေး :fo: ပေါက်ပေါက်ဝဝ သိပ်လုပ်တယ်။

RITA: မိန်းကလေးတွေက အဲ့ဒါမျိုးကိစ္စမှာ သိပ် သိက္ခာမကျကြဘူးထင်မိတယ်။ မိဘအသိုင်းအဝိုင်းကတော့ မကြိုက်ကြဘူးပေါ့လေ။ ဒါပေမဲ့ ပတ်ဝန်းကျင်က မိန်းကလေးတွေကျ ယောက်ျားလေးတွေခြောက်တာထက် ခွင့်လွှတ်တယ်။

suzuki: မက်ဒီဇင်နဲ့ရော ဆိုက်ခိရာထရီနဲ့ရော သိတ် ရှင်းပြလို့ မရဘူးထင်တယ်၊ သိသလောက်တော့။ မက်ဒီဇင်လဲ ကိုယ်သိတာက လက်တောက်လောက်ရှိတာ၊ ဆိုက်ခ်ကတော့ ကြားဘူးနားဝလောက်ရှိတာ။

RITA: ဟုတ်မှာပါ။ ဒါလည်း အင်ဒီဗီကျူရယ်နဲ့ပဲ ဆိုင်သလားမသိ။

RITA: မိန်းမလို မိန်းမရ ဆက်ဖြစ်နေတဲ့ ကိစ္စတွေ ရှိတယ်၊ ကိုယ်နဲ့တောင် မဆိုင်ပါဘူး။ ကိုယ်နဲ့ဆိုင်တဲ့သူတွေနဲ့ ဆက်နေတာ။ တချို့ကိစ္စတွေက သာမန်တင်းပြည့်ကျပ်ပြည့်ယောက်ျားလေး အထက်တန်းအရွယ်ဆိုရင်တောင် လုပ်မှာ မဟုတ်တဲ့အလုပ်တွေ။ တကယ်ခြောက်နေလားဆိုတာ အဲဒီမှာ တွေးမိတယ်။

ဟယ်ရီပေါ်တာ: ပွိုင့်ကိုရောက်ပီ

suzuki: ဟို အရင်ကတတော့ အခြောက်တွေကို ရူးတယ် သတ်မှတ်တာ၊ ခုကျ ကုစရာ ဆေးလဲမရှိတော့ ပုံမှန်လို့ဆိုပြန်ရော၊ နောင် ဆယ်နှစ်ဆို တစ်မျိုး ပြောချင်ပြောကြအုန်းမှာ

RITA: ကိုယ်တော့ အဲဒါတွေ အရေးမကြီး။ ကိုယ့်မထိပါးရင် အခြောက်လည်း ထိုက်သင့်သလို လေးလေးစားစားဆက်ဆံမယ်။

January 18, 2011 9:58 AM

ဉာဏ်လင်းထူး said...

ြေ​ပာ​ရ​ဦး​မယ်ဗျ။ခု​တေ​လာေ​ခတ်စားေ​န​တဲ့ အီ​မို​ဆို​တာေ​လ။တ​က​ယ်ေ​တာ့​အဲ့​တာေ​တွ​က တြ​ခား​နိုင်ငံေ​တွ​မှာေ​ယ​ဘူယျ​အားြ​ဖ​င့် လိင်တူ​ဆက်ဆံ​တဲ့​သူေ​တွများ​တ​ယ်။ြ​မန်မာနိုင်ငံ​ကိုေ​ရာက်လာ​တာ စ​တိုင်က​အရ​င်၊ေ​နာ​က်ေ​တာ့ ကျန်တဲ့​ဟာေ​တွ​ပါ ကူး​စက်လာြ​ပီလားေ​တာ့​မ​သိ​ဘူး။၂​၀⁠၀​၉​တု​န်း​ကြ​မန်မာြ​ပည်မှာ ခ​ဏေ​န​လိုက်တု​န်း​ကေ​တာ့ေ​တာ်ေ​တာ်​သတိထား​မိ​ခဲ့​တ​ယ်။ကို​ရီး​ယား၊ထို​င်း၊ဂျ​ပ​န် လွှ​မ်း​မိုး​မှုေ​တွ။အြ​က​ည်ေ​တာ်​ရဲ့ေ​ရွှ​ရင်ရှုပ်ဆို​တာေ​လး​ကို​လဲ ဖ​တ်ြ​က​ည့်​လိုက်ပါ​ဦး။အဲ့​လို​ဟာေ​တွ​လ​ည်း ရှိ​တ​ယ်။တ​က​ယ်ေ​တာ့ဗျာ ဘယ်သူ​မြ​ပု​မိမိ​မှု​ပါ။

January 18, 2011 10:02 AM

ဉာဏ်လင်းထူး said...

ြေ​ခာက်တာ​မေြ​ခာက်တာ​ထ​က် တည်တ​ည်ြ​က​ည်ြ​ကည်ရှိ​တယ်ဆို လူေ​လး​စား​တာေ​ပါ့။လူ​မှုေ​ရး​အရှုပ်အေ​ထွးေ​တွ​မြ​ဖ​စ်ေ​အာ​င်ေ​တာ့ ကာယကံ​ရှ​င်ေ​တွ​က​ပဲ ထိ​န်းနိုင်ပါ​လိ​မ့်​မ​ယ်။တ​ခု​ရှိေ​သး​တယ်ဗျ။မိ​န်း​ကေ​လးေ​တွ သတိထား​ရ​မ​ယ့်​အချ​က်။သူ​ကေြ​ခာ​က်ေ​န​တာ​ပဲ​ဆိုြ​ပီး မိ​န်း​ကေ​လးေ​တာ်ေ​တ်ာများများ​က အေြ​ခာ​က်ေ​တွ​နဲ့​ လက်ပွ​န်း​တ​တီး​ရှိ​တ⁠တ်ြ​က​တ​ယ်။ခင်မင်ရ​င်းနှီး​လွ​န်းြ​က​တ​ယ်။ယုံြ​ကည်မိ​တ⁠တ်ြ​က​တ​ယ်။ဒါေ​ပ​မ​ယ့် အေြ​ခာက်ဆို​တာေ​ယာကျာ်း​ပဲ​ဆို​တာေ​တာ့ သတိ​ရှိေ​နေ​စချင်တ​ယ်။အေြ​ခာ​က်ေြ​ကာ​င့်​မ​ဟုတ်ရ​င်ေ​တာင်မှ အေြ​ခာက်နဲ့​​ပတ်သက်ရာ​ပတ်သ​က်ေြ​ကာ​င်းေ​တွေြ​ကာ​င့် ဘ​ဝပျက်ရ​တတ်တ​ယ်။အယုံ​မ​လွယ်မိေ​စ​ဖို့​​ပါ။ြ​ဖစ်တတ်တဲ့​သေ​ဘာေ​လးေ​တွ​ပဲ ဆို​ပါေ​တာ့။

January 18, 2011 10:12 AM

Rita said...

အဲဒီ ကိစ္စကတော့ ကူးစက်လို့မရပါဘူး ထင်နေတုန်းပဲ။ နဂိုအခံမရှိဘဲ ဘယ်လိုလုပ် ကူးမှာလဲ။

လမ်းသရဲလိုကိစ္စ ကူးတယ်ဆိုတာမှ ဟုတ်တုတ်တုတ်။ ဆေးသုံးတာ၊ ရန်ဖြစ်တာ စသဖြင့် အဲဒါတွေက အပေါင်းအသင်းကြောင့်၊ ပတ်ဝန်းကျင်ကြောင့် ဖြစ်ရတယ်ဆိုတာ လက်ခံတယ်။ ခြောက်တာ၊ လျှာတာကတော့ ကိုယ့်မှာ အခံမရှိဘဲ အားကျသွားမှာကို မဟုတ်ဘူးထင်ပါတယ်။ ဘယ်သူမပြုဆိုတာ မှန်တယ်။

နောက် အပေါ်မှာ soe ရေးထားသလို ကာကွယ်လို့မရ ဆိုတာမျိုး တွေးမိတယ်။

ဘာသာရေးအရဆိုလည်း သံသရာက အရှည်ကြီး၊ နောက်ထပ် ဆက်ရဦးမယ်ဆို ဘယ်အဆစ်အပိုင်းမှာ ကိုယ်တိုင် ဒီလိုဖြစ်ဖို့ အကုသိုလ်တွေ ကျန်နေဦးမလဲ မသိနိုင်လေ။

ဒါပေမဲ့ အဲလိုရေးရင် ရေးတဲ့လူက အဲလိုလူတွေကို အားပေးအားမြောက်လုပ်ချင်လို့ဆိုတဲ့ ရှုထောင့်ကပဲ တွေးမိကြတာများတယ်။ တကယ်က အားပေးစရာလည်း မလို၊ အားမြောက်စရာလည်း မလိုဘူး။ အဲဒါတွေ လုပ်စရာအလုပ်ကို မဟုတ်တာ။

ကိုယ့်စည်းဝိုင်းထဲကလူမှာ ဖြစ်လာရင်တော့ သိမ်ငယ်မိ အရှက်ရမိ ပြုပြင်ဖို့ကြိုးစားမိမှာပဲ။ ဒါပေမဲ့ ဘယ်သူ့ကိုမဆို မတူမတန်သဘောထားမိမှာ မဟုတ်ဘူး။

***
ပြောချင်တဲ့ အဓိက အကြောင်းရင်းက အဲဒါတွေ မဟုတ်ဘူး။ bold လုပ်ထားတဲ့ အရာ။

January 18, 2011 10:16 AM

ဉာဏ်လင်းထူး said...

လှေ​လး​စိန်ကို သတိရ​မိ​တ​ယ်။:)
အသို​င်း​အဝို​င်းေြ​ကာ​င့်​ပွ​င့်​ပွ​င့်​လ​င်း​လ​င်ြးေ​ခာက်ခွ​င့်​မ​ရ​တဲ့​သူေ​တွ​က အဲ့​အသို​င်း​အဝို​င်း​နဲ့ေ​ဝး​ရာြေ​ပး​တ⁠တ်ြ​က​တ​ယ်။မေြ​ပး​ နိုင်တဲ့​သူေ​တွကျေ​တာ့​လ​ည်း အစားထိုး​သာယာ​မှုေ​တွ​ရှာ​တ​ယ်။ဒီေ​န​ရာ​မှာ လိင်ကိ​စ္စ​ကို​မ​ဆိုလို​ပါ။ကျေ​နာ်ြေ​ပာ​ခဲ့​တဲ့ စာ​တ​ပုဒ်ဆို​တာေ​လ။ကျေ​နာ်ြ​ပန်ရှာြ​က​ည့်ေ​ပး​ပါ​မ​ယ်။တချို့ေ​တွ​ က ပ​န်း​အလှြ​ပ​င်၊တချို့​​က အိမ်တွ​င်း​မှု၊အစားစားေ​ပါ့။သူ​တို့​​သန်ရာ​သန်ရာ စိတ်ထွ​က်ေ​ပါ​က်ေ​ပး​တ⁠တ်ြ​က​တ​ယ်။သူ​တို့​​ရဲ့​​သ​ဘာ​ဝ​ကို​က မိ​န်း​မေ​တွ​လို အလှ​အပ၊နူး​ညံ့​သိ​မ်ေ​မွ့​​မှု၊အိ​မ်ေ​ထာင်ထိ​န်း​သိ​မ်း​မှု စ​တာေ​တွ​မှာ ပျော်ေ​မွ့​​တ⁠တ်ြ​က​တ​ယ်။အတွ​င်းကျကျ​သိချင်ရ​င်ေ​တာ့ အဲ့​လို​လူေ​တွ​ကို​ရှာြ​ပီး အင်တာဗျူး​မှ​ရ​မ​ယ်။ဒါ​မှ​သူ​တို့​​ရဲ့​ စိတ်ခံ​စားချက်ကို သိနိုင်မှာ။သူ့ေ​န​ရာ​ကေ​န​ဝ​င်ြ​က​ည့်​ဖို့​​ရာ သူ့​​ဖိ​နပ်ကို​အရင်စီးြ​က​ည့်​ရတယ်တဲ့။:)

January 18, 2011 10:43 AM

Rita said...

ပြီးရင်တော့ "ပြုံး၍လည်း ကန်တော့ခံတော်မူပါ၊ ရယ်၍လည်း ကန်တော့ခံတော်မူပါ" တအုပ်လောက် ထွက်လာမယ်ထင်တယ်။

***
အဲဒီမှာ ဒီလိုဖြစ်လို့ ကိုယ့်ကိုယ်ကိုယ် ခွင့်လွှတ်နိုင်တဲ့လူနဲ့ ခွင့်မလွှတ်နိုင်တဲ့လူ ကွာချင်ကွာဦးမှာ။

ကိုယ့်ဘာသာခွင့်လွှတ်နိုင်တဲ့လူက ပေါက်စီပြောသလို သူတို့လိုချင်တာရအောင် လုပ်သွားလိမ့်မယ် ထင်တယ်။

January 18, 2011 10:50 AM

ဉာဏ်လင်းထူး said...

ြ​မန်မာြ​ပည်က နာမ​ည်ြ​ကီး​အယ်ဒီ​တာြ​ကီး​တေ​ယာက်လ​ည်း အဲ့​လို​ပဲ။ဒါ​မ​ယ့်ေ​တာ်ေ​တ်ာများများ​ကေ​တာ့ မ​သိြ​က​ဘူး။သိ​တဲ့​သူေ​တွ​သိေ​ပ​မ​ယ့် ကျေ​နာ့်​အေ​န​နဲ့​​လ​ည်း မေြ​ပာ​သ​င့်​ဘူး။ဆို​လိုချင်တာ​က အဲ့​လို​လူတေ​ယာက်ကေ​နြ​ပီးေ​တာ့ သူ​မေ​သ​ခင်သူ့​​အေြ​ကာ​င်း​ကို အမှန်အ​တို​င်း ဖွ​င့်ချ​ခဲ့​ရ​င်ေ​တာ့ ကျေ​နာ်​တို့​​သိ​ခွ​င့်​ရ​တာေ​ပါ့ေ​လ။ေ​သာ်​တာေ​ဆွ​တို့ေ​ရွှ​ဥေ​ဒါ​ င်း​တို့​​လိုေ​ပါ့။

January 18, 2011 10:52 AM

နန်းညီ said...

ယောက်ျားတိုင်းရဲ့ မသိစိတ်မှာ အဲ့အခြောက်စိတ်ရှိတယ်လို့လည်း ဖတ်ဖူးတယ်.. အခြေအနေ အခွင့်အလမ်းတွေ ကြုံလာရင် သူဟာ ခြောက်သွားနိုင်ဖို့ ၉၀% ရှိသတဲ့.. သူငယ်ချင်းတစ်ယောက် ကျားကျားလျားလျားကြီးကနေ စရင်း နောက်ရင်း တကယ်နွဲ့သွားတာတွေ ကြုံဖူးသဗျာ..

ပြီးတော့ မမရီတာ ပြောသွားတဲ့ ခင်စန်းဝင်းလိုပေါ့.. သူတို့မှာ အဲ့ဒါကို တပန်းရှုံးနေတယ်ထင်နေတော့ တခြားဟာတွေ ပိုတော်အောင်လုပ်ကြလို့လားမသိ.. သူတို့တွေထဲမှာ ထူးချွန်တဲ့လူတွေ များတယ်နော်..

ဘေးပတ်ဝန်းကျင်က လူတွေကို စိတ်အနှောင့်အယှက်မပေးဘဲ နေလို့ဖြစ်ရင်တော့ သူတို့လွတ်လပ်ခွင့်ကို ဘာမှ ကန့်ကွက်ဖို့ မရှိဘူးထင်မိ.. သို့သော် တချို့ကျတော့ အလိုလိုနေရင်း မိန်းမလျာဆိုရင် အမြင်ကပ်နေကြတာပဲ..

(ခေါင်းစဉ်ကိုဖတ်ပြီး ပြေးသတိရတာတော့ ဆရာတင်ရဲ့ သီချင်းစာသားပဲ.. "အုံ့ပုန်းခြောက် ခြောက်ရတာရယ်~~ အပွင့်ခြောက် တသက်က မမှီပါတယ် ~~ တူနှယ်တဲ့နှယ်") :P

January 18, 2011 11:17 AM

Rita said...

ဟားဟား
တူတယ်။
မနေ့တည်းက အဲဒီသီချင်း သတိရနေတာ။

January 18, 2011 11:19 AM

Nyo said...

I just read a story referred by Thu
and would like to note from
http://geologist-myanmar.com/geos-stories65.htm
ဆိုင်တာမှသိပ်ဆိုင်…အခြောက်ဆိုတာဘုရားရှင်လက်ထက်မှာကတည်းကရှိတာ…
စာသင်တိုက်မှာရှိတဲ့စာသင်သားကိုယ်တော်တွေအခြောက်ဘုန်းကြီးတစ်ပါးကြောင့်ဒုက္ခအကြီးအကျယ်ရောက်ခဲ့ရတာဘုရားရှင်သိသွားပြီး….
ဘုရားရှင်ကိုယ်တော်တိုင်အခြောက်တွေကိုလုံးဝရဟန်းဝတ်ခွင့်မပြုရလို့ပညတ်ထားခဲ့တယ်…။ဒါနဲ့နေကြပါအုန်း..
မင်းတို့ပြောပြောနေတဲ့အခြောက်ဆိုတဲ့အဓိပ္ပါယ်ကိုရောသိကြလို့လား….။
အခြောက်ဆိုတာမစိုလို့ပေါ့ကွ။ ဂန်ဒူးပေါ့…။ မိန်းမစိတ်ပေါက်နေတဲ့ယောက်ျားပေါ့ကွာ…။
မှတ်ထားကြ….ပရိသဒူသက….လောကဒူသက…..
လောကအလှကိုဖျက်စီးသူများ…လူစဉ်မမှီသူများ….ကုသိုလ်ကံခန်းခြောက်နေသူများကိုအခြောက်ဟုခေါ်၏တဲ့…။
အခြောက်သုံးမျိုးမဟုတ်ဘူး..အခြောက်ငါးမျိုးရှိတယ်…။
ဟ..ဒီဘုန်းကြီးအခြောက်အကြောင်းတယ်သိပါလား..ဧကန္တတော့…ဧကန္တဘဲ…..
အခြောက်ကိုပါဋ္ဌိလိုပဏ္ဍုက်(ပန်သုတ်) လို့ခေါ်တယ်….
အာသိတ္တက ( အာတိတ်တက )
ဥဿူယ ( အုတ်သူယ )
သြပက္ကမိက ( သြပက်ကမိက )
ပက္ခ
နပုံး ….အဲဒါဘုရားဟောထားတဲ့အခြောက်ငါးမျိုးဘဲ…။
-----------------------------------------------
ဘုရားရှင်ကအခြောက်တွေကိုယောက်ျားစိတ်ပြန်ဖြစ်လာအောင်ဝိုင်းကူညီပေးကြဖို့ဟောထားတယ်။
မင်းတို့အားလုံးလည်းလက်ခုတ်လက်ဝါးတီးပြီးအခြောက်နွံထဲနစ်နေတဲ့ကောင်တွေကိုဝိုင်းမလှောင်ကြပါနဲ့၊
ဘုရားဆုပန်ခွင့်ရှိတဲ့ယောက်ျားဘ၀ပြန်ရောက်အောင်ကူညီပေးလိုက်ကြပါ……

January 18, 2011 11:58 AM

စာဖတ်သူ said...

blog ပိုင်ရှင် စာရေးသူ မရီတာသည်..
၁။ စာဖတ်များသောသူဖြစ်ပါသည် ..သို့ သော် အကျိုးရှိသောစာများကို မရေးသားတတ်ပါ ။
၂ ။ စာဖတ်နာသူဖြစ်သည့် အကြောင်းဖတ်ဖူးပါသည်..သို့ သော် စာအုပ်များမှ အနှစ်တရားများ ရင်ထဲရောက်ဟန်မတူကြောင်း ရေးသောစာများက သက်သေပြလျှက် ရှိပါသည်။
၃။ ဝေမျှပေးသော ဝင်းဝင်းလတ်စာအုပ်အတွက် ကျေးဇူးတင်ပါသည် ။
၎။ ဝင်းဝင်းလတ်၏အရေးအသားအရဆိုလျှင် မရီတာသည် အလွန်မိန်းမ ပီသသူ ဖြစ်ပါသည်။
အချိန်ပေးကာဖတ်သင့်သော Blog တစ်ခုမဟုတ်ပါ။

January 18, 2011 12:50 PM

Rita said...

စာရေးတာမှာ ဖတ်ဖူးတာ 3/4 အုပ် ထုတ်ရေးလိုက်ရင် အများကြီးဖတ်တယ်လို့ ထင်ရတတ်တယ်။ အဲဒါက သဘာဝပဲ။ တကယ်တော့ အများကြီး ဖတ်လာတာမဟုတ်ဘူး။ နည်းနည်းပဲ ဖတ်ခဲ့တာ။ ကြားရုံကြားဖူးပြီး ဖတ်ဖို့ကို မကြုံခဲ့တဲ့ စာအုပ်တွေ အများကြီးပဲ။

ငယ်ငယ်က ပုံမှန် တောက်လျှောက် အသည်းအသန်ဖတ်တာဆိုလို့၊ လွန်းထားထား ရှင်မိုး တွတ်ပီ လေးမွန်ထွေးမွန်တို့ပဲ ရှိတယ်။ ခုထိလည်း အဲဒါတွေပဲဖတ်တယ်။ ထပ်တိုးလာတာဆိုလို့ အကြည်တော်၊ ဝိဇ္ဇာပဲ ရှိတယ်။

(စာအုပ်များမှ အနှစ်တရားများ ရင်ထဲရောက်ဟန်မတူကြောင်း ရေးသောစာများက သက်သေပြလျှက် ရှိပါသည်။)

ကြည့်ရတာ စာဖတ်သူက ဒီပို့စ်ရဲ့ ဆိုလိုရင်းကို ကွက်ကနဲမြင်ပုံပဲ။ =)

ရင်ထဲရောက်တာ (သိတာ) က တခြား၊ လိုက်လုပ်နိုင်တာတခြား။ ပြီးတော့ အကျိုးရှိတာတွေချည်း ရေးဖို့လို့ မရည်ရွယ်၊ ဒါ့အပြင် အကျိုးရှိတာတွေချည်း ဖတ်ဖို့လို့လည်း မရည်ရွယ်။ အကျိုးမရှိမှန်းသိလည်း အပျင်းပြေပေါ့ဆိုတဲ့ ကိုယ်လိုလူတွေကလည်း အများကြီး ရှိဦးမှာ။

မပူနဲ့။ ပရိသတ်အားပေးတဲ့ ရောင်းအကောင်းဆုံးတွေထဲမှာ သမ္မာကျမ်းစာတို့၊ ပိဋကတ် ၃ ပုံတို့ချည်းမဟုတ်ဘူး။ အပျော်ဖတ်တွေလည်း အများကြီးပါတယ်။

စိတ်နဲ့မသင့်လို့ လာမဖတ်လည်း နှမြောစရာလို့မထင်။ ကိုယ်လည်း သူများရေးတာတွေ အဲလိုလုပ်နေကျပဲ။ ကိုယ်ရေးတဲ့စာ လူအများသဘောညီမျှအောင်လို့ဆိုတဲ့ ရည်ရွယ်ချက်နဲ့တော့ ဘယ်တော့မှ ရေးဖြစ်မယ်မထင်။

ဒီဘလော့မှာ
ကိုယ်စိတ်ဝင်စားတဲ့အကြောင်း၊
ကိုယ်ရေးကိုယ်တာအကြောင်း၊
အိမ်မှာ အပ်ပျောက်တဲ့အကြောင်း၊
ကြယ်သီးရှာမတွေ့တဲ့အကြောင်း၊ ဘယ်တုန်းက ဘာအကြောင်းကို ဘယ်လိုလုပ်ခဲ့တဲ့အကြောင်း စတဲ့ကိုယ်ရေးချင်ရာရေးတဲ့ အကြောင်းတွေကလွဲလို့ ဘာမှမျှော်လင့်လို့မရပါ။ ကံမကောင်းလို့ အခန့်မသင့်ရင် ပုဂ္ဂိုလ်ရေး အညိုးအတေးအကြောင်းတွေတောင် ဖတ်ရနိုင်တယ်။

စာဖတ်သူအတွက်သော်လည်းကောင်း၊ ကိုယ်တိုင်အတွက်သော်လည်းကောင်း အကျိုးရှိရာရှိကြောင်း တမင်တကာ မရည်ရွယ် (ဆိုလိုသည်မှာ - အကျိုးရှိချင်ရှိမည်၊ မရှိချင်မရှိဖြစ်မည်။ တချို့အတွက် ရှိကောင်းရှိသွားနိုင်၍၊ တချို့အတွက် မရှိဖြစ်ချင်ဖြစ်မည်) ဒါတွေနဲ့ ဓါတ်မတည့်ရင် ဝေးဝေးကသာ အသာရှောင်ပါလေ။

ဒါနဲ့ ဒေါက်တာမယတ လေသံနဲ့တောင် နည်းနည်းတူတယ်နော် =)

January 18, 2011 2:11 PM

Ko Boyz said...

ဒါက ဘာဖြစ်ပြန်တာလဲ....။
ဘယ်ဆရာဝန်က အခြောက် ဖြစ်နေတာလဲ...။

ဒီလိုမျိုး ပို့စ်တွေ မဖတ်ချင်ဘူး။ (မဖတ်ချင်လဲ နေပေါ့။)

January 18, 2011 7:35 PM

Yan said...

ဒီပို့စ်လေး နာမည်ကြီးနေလို့ ဘူ့အကြောင်းလဲ. ဘူရေးထားတာလဲ၊ ဘူတွေဘာသေးလဲ ဆိုပြီး လာရှိုးသွားတယ်. မရီတာရေ... :D

တော်သေးတယ်. ဆန်ဖရန်စစ်စကိုနဲ့ ဘာကလေနား မနေဖူးသေးလို့. ဟတ်ဟတ်.

Y.

January 18, 2011 9:01 PM

Rita said...

@ ကိုဘတို့များ စာကို သေချာမဖတ်ဘူး။ ဝတ်ကျေတမ်းကျေနဲ့။

@ ကိုရန်အောင်
အမေရိကားဆိုတော့ ဘာပဲပြောပြော နီးစပ်တာပဲ =D

@ မောင်လေး
ကိုမောင်လေးကွန်မန့် နှစ်ခုလုံး မတင်ခိုင်းတာလား၊ အောက်ကတခုပဲ မတင်ခိုင်းတာလား မသေချာလို့ နှစ်ခုလုံးမတင်ပဲ ထားလိုက်တယ်။ ပထမတစ်ခု တင်ပြီးမှ ပြန်ဖျက်လိုက်ရတယ်။

January 18, 2011 10:46 PM

Rita said...

အခြောက်နဲ့ပတ်သတ်တဲ့ ကိုယ့်သဘောထားကို အဓိက ရေးချင်တာမဟုတ်ပေမယ့် ဒီထဲမှာ အတော်များများ ပါသွားပါပြီ။ နောက်မှပဲ သူတို့နဲ့ပတ်သတ်တဲ့ သဘောထားသက်သက်ကို စိတ်ပါရင်တော့ ထပ်ရေးဦးမယ်။

January 18, 2011 11:37 PM

ဇွန်မိုးစက် said...

ဟိုတခါက ရေးချင်တဲ့အကြောင်းအရာကို မရေးမိဘဲ ဘာလို့ ရုပ်ရှင်အကြောင်းရောက်သွားလဲ မသိဘူး။

တို့မောင်လေး သူငယ်ချင်းတစ်ယောက် ငယ်ငယ်လေးတုန်းက ပုံမှန်ပဲ။ အလယ်တန်းရောက်ပြီး တဖြည်းဖြည်းနဲ့ သိသိသာသာနွဲ့လာတာ။ သူတို့ကျောင်းက ယောကျာ်းလေးကျောင်းဆိုတော့ အဲဒီ့ကလေးလိုမျိုးကို ပိုဝိုင်းစကြတာပေါ့။ သူ့အမေနဲ့ဇွန့်အမေနဲ့လည်းခင်တယ်။ သားကတစ်ယောက်တည်းဆိုတော့ အမေက ကလေးကို အဲလိုမဖြစ်စေချင်ဘူး။ ဒါပေမဲ့ ကလေးက ကြီးလာလေ ပိုနွဲ့လေဖြစ်လာတာ။ ကိုယ်တို့အားလုံးကို သူ့ကိုသိပ်နှမြောတာ။ အဆက်အသွယ်ပြတ်သွားတာ တော်တော်ကြာပြီဆိုတော့ အခုဘယ်လိုနေမလဲ မပြောတတ်ဘူး။ မောင်လေးတို့ကျောင်းကားပေါ်မှာ တော်တော်နွဲ့တဲ့ နောက်ထပ်ကလေးတစ်ယောက်ရှိသေးတယ်။

January 22, 2011 12:22 AM

ဇွန်မိုးစက် said...

ဒီပို့စ်ကို ဖတ်ထားတော့ ကိုယ်တို့ရုံးမှာလည်း အဲလိုလူရှိတာ သွားသတိရတယ်။ သူက အသက်တော်တော်ကြီးပြီ။ ၀တ်တာစားတာ ယောကျာ်းလိုပါပဲ။ ဒါပေမဲ့ ပြောတာဆိုတာ၊ လမ်းလျှောက်တာ သိသိသာသာနွဲ့တာ။ အိမ်ထောင်ရှိလားတော့ အသေအချာမသိဘူး။
နောက်ပြီးကပ်ရပ်ရုံးက တစ်ယောက်က လုံးဝကို transform လုပ်ထားတာ။ အိမ်သာတောင် ဇွန်တို့အမျိုးသမီးအိမ်သာမှာ သုံးတာ။ သူရှိနေရင် ဇွန်စိတ်မဖြောင့်ဘူး။ transform မလုပ်ထားဘူးဆိုရင် သူဟာ တနည်းတဖုံ ယောကျာ်း ဖြစ်နေသေးတာပဲလေ။ အဲဒါကို ဇွန်ကကြောက်တာ။ သူ့ကို မသိတဲ့သူဆိုရင် ရုတ်တရက်ကြည့်လိုက်ရင် ယောက်ျားလို့ မထင်ရဘူး။ ဒါပေမဲ့ အသံကြားရင်တော့ သိသာတယ်။

မနေ့ညနေကကျပြန်တော့ စုံတွဲတစ်တွဲ တွေ့တယ်။ ယောက်ျားလေးက နွဲ့နေသလိုပဲ။ ကြည့်ရတာ စိတ်ထဲတစ်မျိုးဖြစ်တယ်။ သူတို့ကိုမြင်တော့ ဒီပို့စ်ထဲက ကော်မန့်တစ်ခုကို သွားသတိရတယ်။ မိန်းမလျာဆိုပြီး သိပ်နီးနီးကပ်ကပ်နေရင် မကောင်းဘူးဆိုတာ။

စလုံးမှာ ပေမှီထောက်မှီ ထောင်ကောင်းကောင်း၊ ဗလကောင်းကောင်းနဲ့ ယောက်ျားအများစုကို ဂေးဖြစ်တယ်လို့ ပြောကြတယ်နော်။ ဘာလို့လဲ မသိဘူး။

ရီတာ့ပို့်စ်ဖတ်ပြီး မြန်မာလိုအခေါ်ဝေါ်နဲ့ အင်္ဂလိပ်အခေါ်အဝေါ်ဂေးက ဘယ်လိုကွာခြားလဲဆိုတာ သိချင်သွားတယ်။

January 22, 2011 12:34 AM

Rita has left a new comment on your post "အုံ့ပုန်းခြောက်ရတဲ့အခါ...":

လုံးဝ transform ပြောင်းတယ်ဆိုလို့ ကိုယ်တို့ ကျောင်းတုန်းက နာမည်ကြီးရွှေဆိုင်တစ်ခုက တစ်ယောက်လည်း မိန်းမကနေ ယောက်ျားပြောင်းထားတာဆိုတဲ့သတင်

း ကြားကြသေးတယ်။

ဒီလို ကိစ္စမျိုးတွေမှာ ယောက်ျားတွေက ပိုပြီး ရှုပ်ထွေးတယ်လို့ ထင်တယ်။ မိန်းမတွေက သိသာတယ်။ မိန်းမစစ်စစ်ရယ်၊ ယောက်ျားရှာရယ်၊ နောက် ယောက်ျားရှာတွေနဲ့ တွဲတဲ့ မိန်းမရယ် (ဒါပေမဲ့ အဲဒါတွေက တကယ်တော့ မိန်းမစစ်စစ်ပဲ၊ မိန်းမချင်းတွဲနေပေမယ့် သူတို့ ယောက်ျားရှာလို ယောက်ျားမကြိုက်တာ မဟုတ်ဘူးလို့ ထင်တယ်။ မိန်းမရှာနဲ့ တွဲတဲ့ ယောက်ျားတွေလည်း ဒီသဘောနေမယ်)

ကိုယ်ထင်တာတော့ ခြောက်တာမှာ ကိုယ့်ကိုယ်ကိုယ် ခွင့်လွှတ်နိုင်တဲ့လူ နဲ့ ခွင်မလွှတ်နိုင်တဲ့လူ ကွာသလားမသိ။ ခွင့်လွှတ်နိုင်တဲ့လူက သူ့ဘာသာ ရအောင် ခြောက်ဖို့နည်းလမ်းရှာသွားမှာပဲ။ ခွင့်မလွှတ်နိုင်တဲ့လူကျ ...

အဲဒါကို သိချင်နေတာ
=D

H S ✆ to me

show details Jan 22

from H S sender-time Sent at 9:20 PM (GMT+08:00). Current time there: 2:46 PM. ✆ to ammk6480@gmail.com date Sat, Jan 22, 2011 at 9:20 PM subject FYI mailed-by hotmail.com

hide details Jan 22

Ma Rita,

I would like to comment in your post but it is too long and don't know whether you want to post that long comment in your post.

So I just email to you and let you to decide.

I recommend you to watch "Bangkok Love Story" (Gay Romantic Movie) so you can understand more.

Regards,

Your reader

PS: You can add other nice movies.

မရီတာ …

စိတ်ဝင်စားသူမှန်သမျှ သိရှိအောင်၊ စာနာ နားမလည်ပေးနိုင်သူတွေ စာနာ နားလည်ပေးနိုင်အောင် ရည်ရွယ်ပြီး ဒီစာကို ရေးလိုက်ပါတယ်။

စာဖတ်သူတွေကို နားလည်ပေးစေချင်တာက ဘယ်သူကမှ သူများ အနှိမ်ခံဘ၀နဲ့ မရပ်တည်၊ မရှင်သန်ရှင်ကြပါဘူး။ လူတိုင်း သိက္ခာရှိရှိ၊ ခေါင်းမော့ပြီး ရှင်သန်ချင်ကြတာချည်းပါ။

အခြောက်ဆိုတဲ့ သုံးနှုန်းမှုဟာ သာမန် Straight တွေအနေနဲ့ ဘာမှ ခံစားချက်မရှိပေမယ့် Gay or Homosexual or လိင်တူ နှစ်သက်သူတွေမှာတော့ အင်မတန် အနှိမ်ခံရတဲ့ Negative ဆန်တဲ့ အခေါ်အဝေါ်တခုပါ။

Gay (မိန်းမလျာ၊ ယောကျာင်္းလျာ) ဖြစ်ရခြင်းဟာ ဆေးပညာအရ မမွေးခင်ကတည်းက သန္ဓေတည်ပြီးသားလို့ သိရှိရပါတယ်။ ဥပမာပေးရရင် Straight တွေ ဆန့်ကျင်ဘက်လိင်ကို စိတ်ဝင်စားတာကို လိင်တူကိုပဲ စိတ်ဝင်စားပါလို့ ဇွတ်အတင်း စိတ်ဝင်စားခိုင်းလို့ မရသလိုပါပဲ။

Gay တွေမှာလည်း ဆန့်ကျင်ဘက်ကို စိတ်ခံစားလို့မှ မရတာ။ ဘယ်လို ပြောင်းစိတ်ဝင်စားရမလဲ။ ဒါဟာ လုပ်သင့်တာကို မလုပ်ပဲ မလုပ်သင့်တာကို စိတ်အလိုလိုက်ပြီး လုပ်တဲ့ သာမန် စိတ်အလိုလိုက်တဲ့ ကိစ္စနဲ့ လုံးဝ မတူညီပါ။ (ဒါကို နောက်ပိုင်း တော်တော်များများ နားလည်လက်ခံလာကြတာမို့ အကျယ် မရှင်းတော့ပါဘူး။ မိန်းမလျာနဲ့ ယောကျာင်္းလျာရဲ့ စိတ်ခံစားမှု၊ ဆက်ဆံနေနိုင်ပုံတွေဟာ အတူတူပါပဲ။ ဒါပေမယ့် ယောကျာင်္းတွေရဲ့ လိင်တူချင်း စိတ်ခံစားမှုကိုပဲ ရေးသွားပါ့မယ်။)

တော်တော်များများ ကြားဖူးကြမှာပါ။ ထောင်ထဲမှာ လိင်တူချင်း ဆက်ဆံတာတွေ၊ တချို့သဘောင်္သားတွေ လိင်တူချင်း ဆက်ဆံကြတာတွေဟာ ဆန့်ကျင်ဘက်လိင်နဲ့ မနီးစပ်တာ ကြာလာတဲ့အခါ စိတ်ခံစားမှု သက်သာအောင် အစားထိုး ဖြေဖျောက်ခြင်းပါ။ အဲဒီလူတွေဟာ ဆန့်ကျင်ဘက်လိင်နဲ့ တွေ့ရင် ပုံမှန်အတိုင်း ပြန်ဖြစ်သွားသူတွေပါ။ ဒါပေမယ့် Bisexual နည်းနည်း ဆန်သူတွေပေါ့။

နောက်တစ်မျိုးက လုံးဝ Bisexual တွေပါ။ မိန်းမရော၊ ယောကျာင်္းပါ နှစ်သက်သူတွေပါ။

အဲ့ဒီ Bi မှာမှ တစ်ချို့က မိန်းမနဲ့ ဖြစ်စေ၊ ယောကျာင်္းနဲ့ ဖြစ်စေ၊ ယောကျာင်္းနေရာကပဲနေပြီး၊

တချို့ကျတော့ မိန်းမနဲ့သာ ယောကျာင်္းနေရာနေပြီး၊ ယောကျာင်္းနဲ့ကျ မိန်းမနေရာက နေတဲ့သူဆိုပြီး နှစ်မျိုးရှိပါတယ်။

တချို့သူတွေ ပြောသလို နီးစပ်လို့၊ ကျူံးသွင်းခံရလို့ဆိုတာတွေဟာ လုံးဝ မမှန်ပါဘူး။

နီးစပ်လို့ဆိုရင် ကျွန်တော်တို့ ပတ်ဝန်းကျင်မှာ Straight အရေအတွက် ဒီလောက်များပြားတာ ဘာလို့ Straight ဘက် မကူးပဲ နည်းပါးလှတဲ့ Gay ဘက်ကို ကူးရတာလဲ။

ကျူံးသွင်းခံရတာနဲ့ ပတ်သက်လို့ ရပ်ကွက်ထဲမှာ၊ ဘော်ဒါဆောင်တွေမှာ၊ အထူးသဖြင့် ထောင်ထဲမှာ နှစ်ကြီးသမားတွေရဲ့ အဓမ္မပြုခံရတာတွေ ကြားဖူးကြမှာပါ။ အဲဒီလူတွေ အပြင်ရောက်လာတော့ သာမန် Straight အနေနဲ့ပဲ နေထိုင်သွားကြတာပါပဲ။ ဒါကြောင့် ကျူံးသွင်းခံရလို့ဆိုတာလည်း မမှန်ပါဘူး။

သာမန် သန္ဓေမပါလာပဲနဲ့ Gay မဖြစ်ပါဘူး။

Gay မှာ အမျိုးအစားအားဖြင့် အောက်ပါအတိုင်း ခွဲခြားနိုင်ပါတယ်။

1. Pure Top - လုံးဝ ယောကျာင်္းနေရာကပဲ ဆက်ဆံတဲ့သူ
2. V Top - တခါတရံ မိန်းမနေရာက နေတဲ့သူ
3. Versatile - ကိုယ့်အဖော် အပေါ် မှုတည်ပြီး ယောကျာင်္း၊ မိန်းမနေရာ နေနိုင်သူ
4. V Bottom - တခါတရံ ယောကျာင်္းနေရာက နေတဲ့သူ
5. Pure Bottom - မိန်းမနေရာကပဲ အမြဲနေသူ
6. No Anal - အများအားဖြင့် ဘာသာရေးကြောင့် ရှောင်ကျဉ်သူ (အလွန် နည်းပါး)

ကျွန်တော်ကိုယ်တိုင် ငယ်ငယ်က Gay ဆိုရင် ခပ်နွဲ့နွဲ့၊ မိန်းမ အရမ်းဆန်တဲ့ ယောကျာင်္းလို့ပဲ ထင်ခဲ့တယ်။ နောက်ပိုင်းမှ Gay ဆိုတာ သာမန် Straight ထက်တောင် ယောကျာင်္းဆန်တဲ့သူ၊ သာမန် ယောကျာင်္းဆန်သူနဲ့ မိန်းမဆန်သူတွေအားလုံး ပါဝင်တယ်ဆိုတာ သိရတယ်။

ယောကျာင်္းဆန်ခြင်း၊ မိန်းမဆန်ခြင်းဟာ အပေါ်မှာ ပြောပြခဲ့တဲ့ အမျိုးအစား (၆)မျိုးနဲ့ ရာနှုန်းပြည့် မသက်ဆိုင်ပါဘူး။ တချို့ ခပ်နွဲ့နွဲ့နဲ့ Pure Top, V Top တွေ ရှိသလို၊ ယောကျာင်္းအရမ်းဆန်ပြီး Pure Bottom, V Bottom တွေဖြစ်နေတာလည်း ရှိပါတယ်။ ဒါပေမယ့် များသောအားဖြင့် မိန်းမဆန်တွေသူဟာ Bottom အမျိုးအစားမှာ ပါတာ များပါတယ်။ သာမန် ယောကျာင်္းနဲ့ ခွဲရခက်သူတွေကတော့ အထက်ပါ (၆)မျိုးထဲက တမျိုးမျိုး ဖြစ်နိုင်ပါတယ်။

Gay မှန်သမျှဟာ အရွယ်ရောက်ချိန်မှာ သာယာတဲ့ ကိုယ်ပိုင် မိသားစု ဘ၀ကို ပိုင်ဆိုင်ချင်ကြသူတွေချည်းပါပဲ။ မိမိကိုယ်ကို မိမိ Gay မှန်း သိလိုက်ရတဲ့အချိန်မှာ (မိမိ အဆင့်အတန်း၊ ပတ်ဝန်ကျင်၊ အသိုင်းအ၀ိုင်း အစရှိသည်အပေါ် မှုတည်ပြီး) အင်မတန်မှ ကြေကွဲ ခံစားကြရပါတယ်။ တချို့ ကိုယ့်ကိုကိုယ် သတ်သေသည်အထိ ကျိုးစားသူတွေတောင် ရှိကြပါတယ်။

တချို့ အရွယ်မတိုင်ခင်ကတည်းက Gay ဖြစ်မှန်း သိသူတွေ အနေနဲ့ကတော့ အနည်းအကျင်း သက်သာမယ်လို့ ယူဆရပါတယ်။

Gay တွေဟာလည်း Straight တွေလိုပါပဲ။ လိင်တူချင်းပေမယ့် မိမိ မနှစ်သက်တဲ့သူနဲ့ နေထိုင်ရမှာကို မကြိုက်ကြပါဘူး။

တချို့ မိမိ ချစ်ခင်နှစ်သက်သူတွေ့ပြီး နှစ်အနည်းငယ်ကနေ ဆယ်နှစ်ကျော် တူတူ နေထိုင်ကြသူတွေ ရှိသလို အချစ်ဆိုတာကို မယုံကြည်ခြင်း (သို့) ခဲမှန်ဖူးခြင်းတို့ကြောင့် Sex Buddy (သို့) One Night Stand ပဲ ရှာဖွေနေထိုင်ကြသူတွေ ရှိကြပါတယ်။ Gay တွေမှာ ကလေးမရှိခြင်း၊ ၎င်းတို့ရဲ့ Relationship ကို မသိရှိခြင်းကြောင့် ငဲ့ညှာ ထိန်းသိမ်းရန် ကိစ္စများ နည်းပါးခြင်း အစရှိသည်တို့ကြေင့် Gay တွေရဲ့ Love Life ဟာ Straight တွေလောက် ရှည်ကြာခြင်း၊ တည်မြဲခြင်း မရှိပါ။

တချို့ အတူတူ နေထိုင်လာတာ နှစ်ပေါင်းများစွာကြာတဲ့အခါ လိင်ပိုင်းမှာ ငြီးငွေ့လာကြပေမယ့် တယောက်ကိုတယောက် အပြန်အလှန် နားလည်မှု၊ လေးစားမှု၊ တွယ်တာမှုတွေကြောင့် ဆက်လက် အတူတူ မခွဲမခွာ Open Relationship နဲ့ နေကြတယ်။ မိမိကြိုက်တဲ့သူနဲ့ အပြင်မှာ Safe Sex လုပ်ခွင့် သဘောတူညီမှု ရယူထားပြီး ၎င်းတို့အချင်းချင်း ဆက်ဆံမှုကတော့ ရံဖန်ရံခါလောက်ပဲ ရှိတတ်ကြပါတယ်။

ပွင့်လင်းစွာ Gay အဖြစ် နေထိုင်နိုင်သူတွေရဲ့ ဘ၀ဟာ လျှို့ဝှက်စွာ နေထိုင်သူ Gay တွေထက် သာယာပျော်ရွင်တဲ့ စိတ်ခံစားမှုကို ပိုမို ရရှိကြပါတယ်။ ၎င်းတို့ရဲ့ ခံစားမှုမှန်သမျှကို ပွင့်ပွင့်လင်းလင်း ရင်ဖွင့်နိုင်ခြင်း၊ အများသူငါ သိမှာ စိုးရိမ်ကြောင့်ကျရန် မလိုအပ်သော်လည်း Discreet Gay တွေမှာတော့ မိမိ စိတ်ခံစားမှု၊ ပျော်ရွှင်မှုအတွက် တခုခုလုပ်တိုင်း (သို့) လျှို့ဝှက်စွာ နေထိုင်သော်လည်း ကံအကြောင်းမလှစွာ တယောက်ယောက်များ သိလေမလားဆိုတဲ့ စိုးရိမ်သောက အမြဲ ရှိနေတတ်ပါတယ်။ ကံကောင်း၍ ချစ်သူရရှိသော်လည်း အခြားသူများကဲ့သို့ ပွင့်လင်းစွာ ချစ်ခင်ယုယနိုင်မှု မရရှိခြင်း၊ မိမိ မိသားစု၊ အပေါင်းအသင်း သိရှိသွားမည်ကို စိုးရိမ်ရခြင်း၊ မိမိရဲ့ အထီးကျန်မှု၊ စိတ်ခံစားမှုတို့ကို ပွင့်လင်းစွာ ပြောဆိုတိုင်ပင် ရင်ဖွင့်ရမယ့်သူ မရှိခြင်း (သို့) နည်းပါးခြင်း အစရှိသော အကြောင်းမျိုးစုံတို့ကြောင့် Discreet Gay တို့ရဲ့ဘ၀ဟာ Miserable Life ပါ။

ကျွန်တော့်စာလည်း တော်တော်ရှည်သွားပြီ။ အကြမ်းအားဖြင့် ပြည့်စုံသလောက်ရှိပြီမို့ ဒီမှာပဲ အဆုံးသတ်လိုက်ပါ့မယ်။

Gay များကို စာနာ အားပေး နှစ်သိမ့်နိုင်ပါစေ။