Sunday, December 20, 2009

အဖြူရောင်များ ... သို့မဟုတ် အချစ်အကြောင်း အက်ဆေး (၄)


Pic from Here

ယခင် post မှ အဆက်

ကိုယ်က အဖြူရောင်ကို နှစ်ခြိုက်စွဲလမ်းနေသည့် အချိန်မှာမှ သူကလည်း ပို၍ပင် အဖြူရောင် ဆန်နေခဲ့တော့သည်။

သူ့ရဲ့ မည်သို့သော အပြုံးမျိုးပင် ဖြစ်စေ၊ မည်သည့် အချိန်မှာပင် ဖြစ်စေ
ကိုယ့်ကို ရင်ခုန်နှစ်သိမ့်စေပါသည်။ သူ့ရဲ့ အဖြူရောင် အပြုံးတစ်ချက်နဲ့တင် ကိုယ့်အတွက်တော့ ကျန်တဲ့ အရာအားလုံး မှေးမှိန်သွားခဲ့ပြီ။

ကိုယ်တို့ ဝေးကွာနေသည့် ကြားကာလ အချိန်တွေ ရှိမနေခဲ့ဘူး ဟူ၍ပင် ထင်မှတ်ရပါသည်။

*
(ချစ်သူ..
မနေ့တနေ့ကလိုပဲနော်
ဒီအပြုံးတွေနဲ့ ခံစားမှုတွေ နိုးထစေလို့

မင်းနဲ့ ငါ့ရဲ့ အကြောင်းကို

မဟောင်းသေးဘူးပဲ ထင်မိတယ်)

*
လူတစ်ယောက်ကို နှစ်ရှည်လများ မမေ့မပျောက်နိုင်အောင် တွယ်တာစွဲလမ်း နေစေသည့် အကြောင်းရင်း တစ်ခု ရှိသည်ဆိုလျှင် အဲဒါ "အချစ်" ကလွဲလို့ ဘာများဖြစ်နိုင်ပါဦးမလဲ။

*
သစ်ပင်တစ်ပင်ကဲ့သို့ တဖြည်းဖြည်း မြင့်မား ခိုင်မြဲလာတတ်သော အချစ်သည် ပင်လယ်ဒီရေကဲ့သို့ တမုဟုတ်ချင်း ပြောင်းလဲတတ်သည့် တပ်မက်စွဲလမ်းမှုလို အတက်အကျ မမြန်ဘဲ လွန်ကဲစွာ ငုပ်လျှိုး သိုသိပ်တတ်လေသည်။

သို့သော် ...
သစ်ပင်တစ်ပင်ကဲ့သို့ အချစ်သည် ဖွင့်လှစ်ပြသရန် လိုအပ်လာသောအခါ ...
မီးတောက်မီးလျှံများကို သူ့ရင်ခွင်ထဲမှာ နှစ်လကြာရှည်စွာ သိမ်းဆည်းထားခဲ့ရသည့် နှစ်ချို့ မီးတောင်တစ်လုံး ပေါက်ကွဲသည်ထက်ပင် ပို၍ ပြင်းထန်ပြတ်သား နိုင်သည်။

* အချစ်သည် ပုန်းကွယ်တတ်၏... ထို့အတူပင် အချစ်သည် လွင့်စင် ပေါက်ကွဲတတ်၏...

* အချစ်သည် သိုသိပ်၏... အချစ်သည် ရုန်းကြွ၏...

* အချစ်သည် မျိုးစေ့ကလေးမှ သန္ဓေတည်ကာ တဆင့်ချင်း မြင့်မားလာတတ်သည့် နှစ်ရှည် သစ်ပင်ဖြစ်၏...
အချစ်သည် အင်မတန် ခြောက်ခြားစရာကောင်းသောာ Atom Bomb တစ်လုံး ဖြစ်၏...

* အချစ်သည် လွင်ပြင် မြေညီမှာ တည်ရှိနေတတ်သည့် တငြိမ့်
ငြိမ့်သာ စီးဆင်းလာတတ်သည့် စမ်းချောင်းတစ်ခုဖြစ်၏...
အချစ်သည် အသူရာနက်သည့် ကမ်းပါး
ချောက် အတွင်း အရှိန်ပြင်းပြင်း ကျဆင်းနေသော ရေအလျဉ် ဖြစ်၏...

*

အချစ်သည် မည်သို့ပင် အဓိပ္ပါယ် ဖွင့်ဆိုစေကာမူ မပြည့်စုံနိုင်စကောင်းသော အရာဖြစ်၏...

အချစ်သည် အချစ်ဟူသော စကားလုံး အားဖြင့်ပင် အမျိုးမျိုး အပြားပြားသော အဓိပ္ပါယ်ကို ဆောင်ကာ ပြည့်စုံစွာ တည်ရှိနေ၏...

***

တကယ်တော့ အချစ် ဟူသော အရာ၌ အချစ်ကလွဲပြီး ဘာမှ မရှိ
...


to be continued

***
(ကိုယ့်ဘာသာ ပြန်ဖတ်ပြီး ရီချင်နေတော့တယ်)

2 comments:

Bino said...

* အချစ်သည် ပုန်းကွယ်တတ်၏... ထို့အတူပင် အချစ်သည် လွင့်စင် ပေါက်ကွဲတတ်၏...

* အချစ်သည် သိုသိပ်၏... အချစ်သည် ရုန်းကြွ၏...

* အချစ်သည် မျိုးစေ့ကလေးမှ သန္ဓေတည်ကာ တဆင့်ချင်း မြင့်မားလာတတ်သည့် နှစ်ရှည် သစ်ပင်ဖြစ်၏...
အချစ်သည် အင်မတန် ခြောက်ခြားစရာကောင်းသောာ Atom Bomb တစ်လုံး ဖြစ်၏...

* အချစ်သည် လွင်ပြင် မြေညီမှာ တည်ရှိနေတတ်သည့် တငြိမ့်ငြိမ့်သာ စီးဆင်းလာတတ်သည့် စမ်းချောင်းတစ်ခုဖြစ်၏...
အချစ်သည် အသူရာနက်သည့် ကမ်းပါးချောက် အတွင်း အရှိန်ပြင်းပြင်း ကျဆင်းနေသော ရေအလျဉ် ဖြစ်၏...


Your words and sentences for love are so incredible.

It may emit from your kind heart.

BINO

အန်တီချမ်း said...

အတိသယဝုတ္တိတွေများနေတာ
အင်း
ဒါပေမယ့်
အချစ်ကိုယ်တိုင်ကလဲ
အတိသယဝုတ္တိပဲဆိုတော့
ရှိစေတော့ ဒကာမငယ်