Saturday, July 4, 2009

မိုင်သီ



မိုင်သီ


ကိုယ် စင်ကာပူကို မရောက်ခင် နှစ်လလောက် အလိုမှာ ကိုယ့်အတွက် လက်ဆောင်တစ်ခု ကြိုပြီး ရောက်နှင့်တယ်။ အဲဒါ မိုင်သီ ပါ။

ဖေဖေ့ဆရာက ကိုယ်နေဖို့ ကြိုငှားပေးထားတဲ့ အိမ်မှာပဲ မိုင်သီ နဲ့ စတွေ့တယ်။
ချင်းသွေး ပါတဲ့ စစ်ကိုင်းက အညာသူပေါ့။ သူက ACCA တက်နေတယ်။

ကိုယ်က လူကဲခတ်ကောင်းတယ် ပြောရမလား။
စတွေ့ပြီး စကားပြောကြည့်တာနဲ့ sense လုပ်လို့ရတယ်။ လူတစ်ယောက်ဟာ ကိုယ်နဲ့ ဓါတ်တည့် မတည့် ဆိုတာကို...

မိုင်သီနဲ့ တွေ့တွေ့ချင်းပဲ အနှစ်နှစ် အလလ သိလာခဲ့ပြီး သူတွေလို ကိုယ်တို့ ရင်းနှီး တွဲဖက်မိသွားတယ်။
သူက သိပ်ရိုးသားတယ်။ အေးဆေးနေတတ်တယ်။
(အဲဒါ မကောင်းဘူး။ ရိုးသားပြီဆိုရင် တော်တော်လေးကို စွာပေးနိုင်မှ တော်ကာကျတာ။
သူ့ကြောင့် ကိုယ့်မှာ fighter လဲ ဖြစ်ဖူးတယ်။)

ဒါပေမဲ့ ကိုယ် ဘယ်လောက် စွာလို့၊ သူ ဘယ်လောက် အေးဆေးလည်းပဲ သူက ကိုယ့်ထက် စောစောစီးစီး ကြိုတင်ရောက်နေခဲ့တာ ဆိုတော့ ဆွေမျိုးသားချင်း မရှိတဲ့ အရပ်ကို တယောက်ထီးတည်း ထွက်လာခဲ့တဲ့ ကိုယ့်အတွက် မိုင်သီက အားကိုးအားထားရာလည်းဖြစ်၊ အပြန်အလှန် အမှီသဟဲ ပြုရာလည်း ဖြစ်ပါတယ်။

MRT ကို ဘယ်လို စီးရတယ် ဆိုတာ သင်ပေးခဲ့တဲ့သူ၊

MRT ကဒ်ပြားကို ဘယ်လို Top Up လုပ်ရတယ်ဆိုတာ သင်ပေးခဲ့တဲ့သူ၊

S'porean တွေရဲ့ English ကို ဘယ်လို နားထောင်လို့မှ မရသေးတဲ့ ကိုယ့်ကို NTUC မှာ ဈေးဝယ်ပြီးလို့ cashier မှာ ရှင်းပြီဆိုရင် သူတို့မေးတဲ့ member လား ဆိုတာကို no လို့ ဖြေရတယ် လို့ သင်ပေးခဲ့တဲ့သူ၊

ကိုယ့် ပထမဦးဆုံး အင်တာဗျူးကို (ကိုယ် မခေါ်ရဘဲ သူကိုယ်တိုင် စ ကမ်းလှမ်းပြီး) အဖော်လိုက်ပေးခဲ့တဲ့သူ၊

ATM ကနေ ငွေဘယ်လို လွှဲရတယ်၊ ငွေဘယ်လို ထည့်ရတယ်၊ ငွေဘယ်လို ထုတ်ရတယ် ဆိုတာ သင်ပေးခဲ့တဲ့သူ၊ ငွေဘယ်လို ထည့်ရလဲ ဆိုတာကတော့ ကိုယ် မေ့သွားပြီ။ (iBanking ကျတော့ ကိုယ်က ပြန်သင်ပေးရတယ်)

အလုပ်တော်တော်နဲ့ မရတော့ ကိုယ်နဲ့တူတူ ငိုပေးခဲ့တဲ့သူ၊

ကိုယ်စိတ်ဓါတ်ကျတိုင်း "ရမှာ၊ အလုပ်က ရကို ရမှာ" လို့ အားပေးခဲ့တဲ့သူ၊
(အဲဒီ စကားလေးဟာ ခုနေ ပြန်စဉ်းစားတော့ ဘာမှ မဟုတ်သလိုပဲ။ ဒါပေမဲ့ အဲဒီ အချိန်ကတော့ တကယ့် အားဆေးပဲ။)

သူ စိတ်နေကျ ၁၀၈လုံး စိတ်ပုတီးကို အတင်းလာပေးပြီး ကိုယ့်ကို ပုတီးမစိတ် စိတ်ဖြစ်အောင် တွန်းအားပေးတဲ့သူ၊ (ကိုယ်သယ်လာတဲ့ ပုတီးက ၉ လုံး ပုတီး)၊

ဖေဖေဆုံးလို့ ကိုယ်ပြန်တော့... လေယာဉ်ကွင်းကို ရောက်မှ ကိုယ် သူ့ဆီ msg ပို့ဖြစ်တယ်။
သူ အလုပ်လုပ်နေရာကနေ rest room ထဲသွားပြီး ကိုယ့်ဆီ ဖုန်းလှမ်းဆက်ရင်း ငိုနေခဲ့တယ်။

လောလောဆယ် ပြန်စဉ်းစားလို့ မရတာတွေ ရှိနေသေးတယ်။ ပြောရမယ်ဆိုရင် အများကြီး ကျန်သေးတယ်။ သူရှိနေလို့သာ စင်ကာပူမှာ ကိုယ့်ပထမဆုံး နေ့ရက်တွေကို အလွယ်တကူ ဖြတ်ကျော်နိုင်ခဲ့တာ။
သူသာ ရှိမနေဘူးဆိုရင်၊ ကိုယ့်ရဲ့ စင်ကာပူ experience ဟာ အများကြီး အခက်အခဲ ရှိမှာ သေချာတယ်။

တရက်ပေါ့...
သူက ကျောင်းကနေလား၊ part time အလုပ် ကနေလားမသိဘူး ပြန်အလာ "သူပြန်လာပြီ စိတ်ညစ်တယ် အိမ်ကိုလွမ်းတယ်" လို့ msg လှမ်းပို့တယ်။ ကိုယ်ကလဲ ကိုယ်လာကြိုမယ် လို့ ပြန်ပို့ပြီး တစ်ရှူးတော်တော်များများ ယူပြီး ဆင်းသွားတယ်။

တွေ့ပြီး စကားတောင် ကောင်းကောင်း မပြောနိုင်ဘူး လမ်းမှာ သူက မျက်ရည်တွေ ကျလာတာပဲ။ ဒါနဲ့ ကိုယ်လဲ သူ့လက်ထဲကို တစ်ရှူးစတွေ ထည့်ပေးရတယ်။ (ကြိုတင် သိမြင် စီမံနိုင်သော အရည်အချင်းပေါ့လေ)

နေတဲ့ block နဲ့ နှစ် block ၊ သုံး block လောက်ခြားတဲ့ ပန်းခြံလေးထဲမှာ သူနဲ့ကိုယ်နဲ့ တူတူထိုင်ပြီး ငိုကြတယ်။
ထပ်ပြောပါရစေ။
သူသာ ရှိမနေဘူးဆိုရင်၊ ကိုယ့်ရဲ့ ပထမဆုံး စင်ကာပူ နေ့ရက်တွေဟာ ဒီ့ထက်ပိုပြီး အများကြီး ခက်ခဲခဲ့မှာ သေချာတယ်။

ကိုယ် stay ပြည့်ခါနီးထိ အလုပ်မရဘဲ သူလည်း မကြာခင် အိမ်ပြောင်းဖို့ ဖြစ်လာတယ်။
တရက် ကိုယ် အလုပ်လျှောက်နေရာကနေ သူ့ကို msg လှမ်းပို့ကြည့်တော့ သူ Bishan မှာလို့ ပြန်တယ်။ သူပြောင်းမယ့် အိမ်ကို သွားကြည့်တာ။ ကိုယ်က "မင်း အိမ်သွားကြည့်တာလား" မေးတော့ "ဟုတ်တယ်" တဲ့။ "ကိုယ့်ကို တစ်ယောက်တည်း ထားခဲ့တော့မှာပေါ့" လို့ ဆိုတော့...သူ ဘာပြန်ခဲ့လဲ သိလား...

"together" တဲ့။

ကိုယ့်မှာ စိတ်ညစ်နေတဲ့ ကြားက မပြုံးဘဲ မနေနိုင်အောင် ဖြစ်ပြီး၊ "I love you" လို့ ပြန်လိုက်တယ်။

အဲဒါ ကိုယ် stay မပြည့်ခင် သုံးပတ်လောက် အလိုပေါ့... လကုန်ရင် သူ အိမ်ပြောင်းမယ်... လကုန်ရင် (အလုပ်မရရင်) ကိုယ် အိမ်ပြန်ရမယ်...

ဒါပေမဲ့ ကိုယ်တို့ နှစ်ယောက်ကတော့ Bishan အိမ်ကို တူတူပြောင်းမယ် ဆိုတာက တပြားမှ မလျှော့ဘူး။
သင်္ကြန်တရက်မှာ TP ကနေ Bishan ကို နောက်တခေါက် အိမ်တူတူ သွားကြည့်ကြသေးတယ်။ stay ပြည့်ဖို့ နှစ်ပတ်အလိုမှာ... အလုပ်က ဘယ်မှာနေမှန်း မသိသေး... အဲဒီ အိမ်ခံ အစ်မကတောင် "သိပ်ချစ်ကြတာပဲနော်" လို့ ပြောလိုက်သေးတယ်။

ကြားထဲမှာ အင်တာဗျူး ၃ ခုလောက် လာသေးတယ်။ အဲလိုလာတိုင်း သူက ပျော်ရွှင်ပြီး စိတ်လှုပ်ရှားပေးခဲ့တယ်။ ကိုယ်ကတော့ နှစ်ပတ်အလိုလောက်မှာ တော်တော် ငြိမ်သက်နေပြီ။
သူနဲ့တူတူ စီးတီးဟောလ်ကို သွားပြီး Air Ticket ကို book လုပ်လိုက်ပြီ။
တော်ပြီ မိုင်သီ ကိုယ် အိမ်ပဲ ပြန်တော့မယ်...
ငိုလဲ မငိုချင်တော့ ... ရီလဲ မရီချင်တော့ ...
ကိုယ့်မှာ ကျွန်ဇာတာ မပါဘူး ထင်ပါရဲ့။

ဒီလိုနဲ့ ပြန်ရမှာ ဗုဒ္ဓဟူးနေ့...
သောကြာနေ့လောက်မှာ သူပြောတယ်။

"ဘယ်သူပြောလို့ ရမှာလဲ မင်း ပြန်ရမယ်လို့။"
"ဟင့်အင်း ကိုယ် ပျော်ပျော်ရွှင်ရွှင်ပဲ ပြန်မှာပါ"
"
ကပ်ပြီးမှ မရဘူး ပြောနိုင်လား"
"တော်ပါတော့ ကိုယ် ပြန်လာမှာပါ"
"ဟုတ်တယ်လေ။ နှစ်ရက်တောင် ကြားထဲမှာ ရှိနေတာ"
"Spass တင်တာ နှစ်ပတ်လောက် ကြာဦးမှာလေ ဆရာရဲ့"
"မင်းကွာ ပြောလို့ မရပါဘူး"

ကိုယ် ရီနေလိုက်တယ်။

စနေ ၊ တနင်္ဂနွေမှာ သူ့သူငယ်ချင်း တစ်ယောက်ရဲ့ အမေက တရားရိပ်သာမှာ ၂ ရက်ဆက်လား မသိဘူး အလှူလုပ်တော့ သူ သွားကူရတယ်။ အဲဒီ သူငယ်ချင်း အမေက သူ့သမီးနဲ့ မိုင်သီနဲ့ကို ကူပေးလို့ မုန့်ဖိုးပေးမှာဆိုတော့ ဒါလဲ အလုပ်ပဲပေါ့။ ညတောင် သူဟိုမှာပဲ အိပ်ရတယ်။

တနင်္ဂနွေ ညကျတော့ သူ အိမ်မှာ ပြန်အိပ်တယ်။
ကိုယ်က အိမ်ပြန်နောက်ကျတယ်။ သူငယ်ချင်း တစ်ယောက်နဲ့ လျှောက်သွားနေလို့။
ဘယ်ကိုလဲ သိလား... Khatib က ရေကန်ကို...
ဘုရား ရှိခိုးပြီး အိပ်တော့ ကိုယ့် စိတ်တွေ ကြည်ကြည်လင်လင်ပဲ။ ဒီကနေ မပြန်ရလောက်ဘူးလို့ စိတ်ထဲမှာ တချက်ဖြစ်လိုက်တာ ဘာကြောင့်မှန်းတော့ မသိ။ (မပြန်ချင်တာ မဟုတ်ဘူးနော်)

တနင်္လာ မနက်...
စင်ကာပူ စရောက်ကတည်းက Upside Down ဖြစ်နေတဲ့ ကိုယ့် ဘ၀ကို နောက်တကြိမ် Upside Down ဖြစ်အောင် ပြန်လုပ်ပေးလိုက်တဲ့ တရက်ပေါ့။ (အဲဒီတော့မှ အတည့် ပြန်ဖြစ်သွားတာ)
ဖုန်း call တခု ၀င်လာတယ်။ မတိုင်ခင် ၁ ပတ်၊ ၁၀ ရက်လောက်ဆီက ကိုယ့်ကို ဗျူးခဲ့တဲ့ အလုပ်ကပါ။
2nd Interview အတွက်လို့ ခေါ်တာပါ။ ဒါပေမဲ့ ကိုယ့် PP နဲ့ Cert. တွေ အားလုံး ယူလာပါတဲ့။
မိုင်သီသိတော့ သိပ်ကို အားရသွားပုံနဲ့ "သွား၊ သွား မြန်မြန်သွား" ဆိုပြီးပြောတယ်။
ကိုယ်မသွားဘဲနေမှာ စိုးပုံမျိုးနဲ့။

ရုံးကို ၁၀ နာရီလောက်ရောက်၊
ဘာမှ မဗျူးဘဲ Online ကနေ Spass တန်းတင်
တထိုင်တည်းမှာပဲ Approved ဖြစ်၊
Raffle Hospital မှာ Medical Check Up သွားလုပ်...

ဘ၀ဆိုတာ အဲဒီလိုလားဟင် !!!
ကိုယ် ပျော်လည်း မပျော်ရွှင်ပါ။
ရီလည်း မရီချင်ပါ။
အတက်အကျ အပြောင်းအလဲတွေ ဆိုတာ ဘေးက ရပ်ကြည့်မှသာ စိတ်လှုပ်ရှားစရာ ကောင်းတာ...
ကြုံနေရတဲ့သူအဖို့ရာမှာ ဘာမှလည်း မဟုတ်ပါဘူး။

မိုင်သီ့ကိုတော့ အရင်ဆုံး အကြောင်းကြားရပါတယ်။
ကိုယ့်မှာ ကျေးဇူးရှင်တွေက ခပ်များများဆိုတော့ Raffle မှာ Check Up လုပ်တဲ့ထိ msg တွေ ပို့လို့ မပြီးသေး... ဆရာဝန် ခေါ်တာ ပထမ မကြားလို့ (မကြားဆို ကိုယ့်နာမည်ကို ဘယ်လို အသံထွက်ပြီး ခေါ်နေမှန်းမှ မသိတာ) နောက်မှ အပြေးအလွှားသွား
လက်ထဲက ဖုန်းက တတီတီနဲ့
Pressure လဲ
ချိန်ရော "မင်းမှာ hyper tension ရှိတယ်" ဆိုတော့ "
ဟမ် ငါ့မှာ ဘယ်လိုလုပ် အဲဒါရှိမှာလဲ သွေးပေါင်တောင် ပြည့်ရဲ့လား မသိဘူး" လို့ ဆရာဝန်ကို ပြန်ငြင်းမိသေး... (ချက်ချင်းပဲ ဇာတိကပြ)

"မင်း ငါခေါ်တော့ ပြေးလာတာကိုး အဲဒါကြောင့်နေမှာပေါ့" တဲ့...
အို Hyper Tension လောက်ကတော့ ဆေးမှတ်ချက်မှာ minor ဆိုတာ ကိုယ်သိပါတယ်။
(ဘာဖြစ်လို့ သိတာလဲ မမေးပါနဲ့)

အဲဒီနေ့က မိုင်သီ အလုပ်မှာပဲ ညအိပ်ပြန်ပါတယ်။
နောက်တနေ့ အင်္ဂါမနက်ကျတော့ ကိုယ်က MOM မှာ extension လုပ်ဖို့အသွား
မိုင်သီက အလုပ်ကနေ အပြန် AMK Mrt မရောက်ခင် လမ်းခုလတ်မှာ နှစ်ယောက်ဆုံဖြစ်ကြတော့ တွေ့တွေ့ချင်း တစ်ယောက်လက်ကို တစ်ယောက်ကိုင်ပြီး အကျယ်ကြီး အော်မိကြတယ်။

တကယ်ပဲ ကိုယ်တို့ အစီအစဉ်ဆွဲထားသလို နောက်တရက်မှာ Bishan အိမ်ကို တူတူပြောင်းလာနိုင်ခဲ့တယ်။

နေရစ်တော့ Ang Mo Kio...

*****
အလုပ်ဝင်ပြီးတော့လည်း မိုင်သီ ကိုယ့်ကို Bank Acct. တူတူလိုက်ဖွင့်ပေးတယ်။
ပထမဆုံး လမှာ Bank Acct. မှာ Alphabet တလုံးပိုသွားတော့
ရမယ့်လခက တော်တော်နဲ့ မ၀င်လာ... ရုံးက cheque ရေးပေးတယ် ... ကြားမှာ ပိတ်ရက်ခံနေတာ ဆိုတော့ တော်တော်နဲ့ ပိုက်ဆံက မရောက်...

ကိုယ့်မှာ ပိုက်ဆံ မရှိတာ သိတော့ တောင်းစရာတောင် မလိုဘဲ ချက်ချင်း ပိုက်ဆံထုတ်ပေးတယ်။
ကိုယ်က မိုင်သီ့ဆီက ပိုက်ဆံချေးဖို့ ၀န်လေးလို့ မဟုတ်ပါဘူး။ ဘယ်ချိန်ပြောပြော ရမှန်းသိလို့ အေးဆေးနေတာပါ။ အားလဲ မနာပါဘူး။ နှစ်ရက်နေရင် ကိုယ့်ဆီ ပိုက်ဆံ ၀င်လာမှာပဲ။

ကိုယ် ပြန်မြင်ယောင်တုန်းပဲ။
ထမင်းစားပြီး ကိုယ် အခန်းထဲ ၀င်လာတော့ သူ ပိုက်ဆံအိတ်ထဲကနေ ပိုက်ဆံ ၃၀ ထုတ်ပေးတာကို... ဒါတောင် သူလဲ ကျောင်းသားဆိုတော့ သူ့မှာလဲ များများ ရှိတာ မဟုတ်ဘူး...
(ကိုယ့်ကို မတောင်းဘဲ ပေးတဲ့ သူငယ်ချင်း နောက်တစ်ယောက်ရှိသေးတယ်။ နောက်မှ သူ့အကြောင်းရေးမယ်)

Bishan အိမ် ပြန်အပ်ခါနီးတော့...သူပြောတယ်။ "ကိုယ် အလုပ်ရရင် တူတူ ပြန်နေကြမယ်နော်" တဲ့။
အဲဒီအချိန် ကိုယ်က အိပ်ရာပေါ်မှာ အိပ်ချင်မူးတူးနဲ့ "အင်း"
လို့ပဲ ပြန်ပြောမိတယ် ထင်တယ်။

အဲဒီနောက်တော့ သူက သူ့ကျောင်းက သူငယ်ချင်းတွေ ရှိတဲ့ Ang Mo Kio ကို ပြန်ပြောင်းရပြီး ကိုယ်ကတော့ အလုပ်နဲ့နီးရာ AJ ကို ရွေ့လာခဲ့တယ်။

*****
လာမယ့် ဗုဒ္ဓဟူးနေ့ သူ မြန်မာပြည်ကို အပြီး ပြန်တော့မယ်။
ဒီနေ့ပဲ ကိုယ်သူ့အတွက် လေယာဉ်လက်မှတ် booking လုပ်ပေးလိုက်ရတယ်။ သူ ဒီနေ့ အလုပ်လုပ်နေလို့။
ပြန်လာဖြစ်မယ် ဆိုရင်တောင် ကြာဦးမှာ...
ဘယ်လောက်ကြာမလဲ ဘယ်သူ သိမလဲ။

တကယ်တော့ AMK အိမ်မှာ ကြုံခဲ့တဲ့ အခန်းဖော်တွေ အားလုံး စိတ်သဘောထားကောင်းပြီး၊ နှစ်လိုဖွယ်ကောင်းပါတယ်။ အထူးသဖြင့် ကိုယ်နဲ့တူတူ တခန်းတည်း နေခဲ့တဲ့ programmer သူငယ်ချင်းနဲ့ nurse အစ်မ (အဲဒီ အစ်မက နောက်ပိုင်း Bishan ထိ အခန်းဖော် ဖြစ်လိုက်သေးတယ်)။

ဒါပေမယ့် တခြား အခန်းဖော်တွေက သူတို့ အလုပ်နဲ့သူတို့ ဖြစ်နေချိန်မှာ ကျောင်းပဲတက်တဲ့ မိုင်သီနဲ့ အလုပ်ရှာဆဲ ကိုယ်က တတွဲတွဲ အဖော်ဖြစ်နေခဲ့တာ...

(Bishan အိမ်မှာ ကြုံခဲ့တဲ့ အခန်းဖော် ညီမလေးတွေကတော့ ပြောစရာ အထူးမရှိ။ ခုထိ အပြင်မှာ သူတို့နဲ့ တွေ့ရင် အလိုလို မြူးလာရော...ကလေးမဟုတ် သူငယ်မဟုတ်နဲ့...)

မနေ့က Peninsula မှာ ညစာ တူတူ စားဖြစ်တယ်။
ကိုယ်တို့ စတွေ့တဲ့ အချိန်ကို သတိရမိတယ်။

ကိုယ့်ဘ၀မှာ ခဏတာ အချိန်လေးဆုံခဲ့ရပေမယ့် ကိုယ့်ကံကောင်းမှုတွေ အတွက် အတူတူ ပျော်ရွှင်ပေးခဲ့တဲ့သူ၊ ကိုယ့် ကံဆိုးမှုတွေ အတွက် အတူတူ ငိုကြွေးပေးခဲ့တဲ့သူ...


တွေ့ဆုံကြုံကွဲပဲ ဘ၀မှာ...
ဒါကြောင့်လည်း ဉာဏ်ပညာကြီးမားတဲ့ သူတွေက လွတ်ရာလွတ်ကြောင်း ရှာကြတာနေမှာ...
ကိုယ်လည်းရှာချင်ပါတယ်။ ဒါပေမဲ့...
လွမ်း...ကျန်ရစ်ခဲ့မှာ အားနာလို့...

*****


မနေ့ညနေက ရိုက်တဲ့ပုံ... (ပဲချည်းပဲ)



(ကိုယ့်ပုံကိုတော့ သည်းခံကြပါ။ ရိုက်မယ် မထင်သေးလို့ အိုက်တင် မခံလိုက်ရဘူး။)


*****
သူမပြန်ခင် ဒီ post ကို အပြီးတင်ချင်လို့ ဒီနေ့ သူငယ်ချင်း ဖိတ်ထားတဲ့ dinner ကိုတောင် ဖျက်လိုက်တယ်။

ဗုဒ္ဓဟူးနေ့
သူပြန်မယ့် အချိန် ရုံးကနေ မှန်းပြီး မျက်ရည်လည်နေတော့မယ်။
အိမ်ပြန်ရောက်ရင်တော့ ငိုမိမလား မသိဘူး။
ခုတောင် ကိုယ် စာလုံးတွေ ကောင်းကောင်း မမြင်ချင်တော့ဘူး။

အရာရာတိုင်းအတွက်
မိုင်သီ့ကို ကျေးဇူးတင်ပါတယ်။

*****
ကိုယ့်ကိုယ်ကိုယ်လဲ မပျက်မကွက် ကျေးဇူးတင်တယ်။
ဒီလို သူငယ်ချင်းမျိုးနဲ့ ဆုံရလောက်တဲ့ ကုသိုလ်ကံအကြောင်းတွေ ဖန်တီးနိုင်ခဲ့လို့။

19 comments:

ပုံရိပ် said...

သူတပါး နိုင်ငံမှာ နေရတဲ့ အခါဒီလို သူငယ်ချင်းတွေရဲ့ တန်ဖိုးကို ပိုပိုပြီး သိလာတတ်ပါတယ်။

Yu Ya said...

တွေ့ဆုံခြင်းဆိုတာ ခွဲခွာဖို့အတွက် ဆိုရင် ခွဲခွာခြင်းဆိုတာ ပြန်လည်ဆုံးစည်းဖို့အတွက် လမ်းစပါပဲ...

ကျေးဇူးတင်စွာဖြင့်
yu ya

စူး said...

သူငယ်ချင်းကောင်း ရဖိုံခက်တယ်.. ကံကောင်းတာပေါ့..။

စိုင်းစိုင်းလားရှိုး said...

သူငယ်ချင်းကောင်း တစ်ယောက်ဟာ တန်ဖိုးက အင်မတန်ကြီးမြင့်ပါတယ် တိုင်းတာလို့လည်ူ မရစကောင်းပါဘူး။

ခင်မင်းဇော် said...

အမ်မလေး...
ဖတ်ရင်း ကိုယ်က မျက်ရည်ကျရတယ် ရီတာ....
ချစ်စရာမိုင်သီနော်....

သက်ပိုင်သူ said...

ကျွန်တော့်မှာလည်း အဲလို သူငယ်ချင်းနှစ်ယောက်ရှိတယ်
သူက ကိုယ်ဘာလိုလည်း သူသိတယ်..
သူဘာလိုနေလည်း ကိုယ်သိတယ်..
ခက်တာ သူတို့နှစ်ယောက်စလုံးက မြန်မာပြည်မှာ ကျန်ခဲ့တယ်
ဒီပို့စ်လေး ဖတ်ပြီး လွမ်းလိုက်တာ

သီဟသစ် said...

ရီတာရေ
သူငယ်ချင်းကောင်းရတာ ကိုယ်တိုင်လည်းကောင်းလို့ပေါ့နော်။

ကျွန်တော့်ရဲ့အဲလို အားပေးဖော် ဒီကိုလာဖို့ အစအဆုံးလုပ်ပေးခဲ့တဲ့သူငယ်ချင်းလည်း ခုဟိုပြန်ရောက်နေတယ်။ သူ့ကိုတောင် သတိရမိပါ့

ခင်မင်စွာဖြင့်
သီဟသစ်

Ree Noe Mann said...

မိုင်သီက ချစ်စရာလေးနော် ရီတာ။

လာနောက်သွားတယ်။

ရီနိုမာန်

Nanda said...

With delight for this heartwarming friendship and Mai The, let me share the following poem by Kelly.

Some Friends Are Forever

Sometimes in life,
you find a special friend:
someone who changes your life
by being a part of it.
Someone who makes you laugh
until you can't stop;
someone who makes you believe
that there really is
good in the world.
Someone who convinces you
that there is an unlocked door
just waiting for you to open it.
This is forever friendship...

When you're down,
and the world seems dark and empty,
your forever friends lifts you up in spirit
and make that dark and empty world
suddenly seem bright and full.
Your forever friend gets you through
the hard times, the sad times,
and the confused times.
If you turn and walk across,
your forever friend follows.
If you lose your way,
your forever friend holds your hand
and tells you that
everything is going to be okay.
And if you find such a friend,
you will feel happy and complete,
because you need not worry.
You have a forever friend for life,
and forever has no end.

~ Laurieann Kelly ~

ကိုလူထွေး said...

တဦးကစေတနာ တဦးကမေတ္တာဆိုတာ ဒါမျိုးထင်ရဲ့...

တချိန်ချိန်မှာ ပြန်ဆုံနိုင်ကြပါစေ...

းဝ)

Ko Boyz said...

သူငယ်ချင်းကံ ကောင်းတယ်။

Steve Evergreen said...

စာတွေကများတော့မလည်ဘူး ဖြစ်နေတယ်။ သူကဘာလို့ပြန်တာတဲ့လဲ။ စင်ကာပူက England ထက်တောင်ပျော်စရာပေါဦးမယ်ထင်နေတာ

Rita said...

သူက ကျောင်းပြီးလို့ ပြန်တာ။ စင်ကာပူမှာ စက်ရုပ်မလုပ်ချင်တော့လို့ အလုပ် မရှာတော့ဘဲ ပြန်တာ။

Anonymous said...

သူငယ်ချင်းကောင်းနဲ့ဆုံရတာ ကံကောင်းလိုက်တာ...။


sdl

Ko Boyz said...

မြရဲ့လ ကို ကိုရင်နော်တို့ဆီမှာ နားထောင်နိုင်ပြီဆိုတာ သတင်းလာပေးတာ
http://koyinnawkhinlaynge.blogspot.com/2009/07/blog-post.html

သက်ဝေ said...

ကျောင်းပြီးလို့ ပြန်တာ...
စင်ကာပူမှာ စက်ရုပ်မလုပ်ချင်တော့လို့ အလုပ် မရှာတော့ဘဲ ပြန်တာ...
ပြတ်သားလိုက်တဲ့ မိုင်သီ...

သူငယ်ချင်းအကြောင်းကို ချစ်စရာကောင်းအောင် သေသေချာချာ စုံစုံစေ့စေ့ရေးတတ်တဲ့ ရီတာ...

ပုလုကွေး said...

မိုင်သီ အကြောင်းဖတ်နေရင်း ဝမ်းနဲသလိုလိုရယ်...
ရီတာရေးတာ တော်တော် ဖက်လို့ကောင်းတယ်ဗျ..ကျတော်ဆို ဒီလိုရေတက်မှာ မဟုတ်ဘူးရယ်...
သူက ပြန်မယ်ဆိုတော့လဲ ပြန်ပေါ့ကွယ်....စင်ကာပူ နဲ့ မြန်မာပြည်ဆိုတာ ဘယ်အချိန် မဆို သွားလို့ လာလို့ ရနေတာပဲဟုတ်....

ကျတော့မှာလဲ မိုင်သီလို သယ်ရင်းကောင်းရှိပါတယ်။ ကျတော်နှစ်ယောက်က တစ်ခါတလေ အရမ်းချစ်ကြပီး တစ်ခါတလေ မခေါ်မပြောကြဖူးလေ။ ကျတော့ရဲ့ စကာင်္ပူရောက်စနေ့ရက်တွေ ဟာ သူရဲ့ ညွှန်ပြမှု အောက်မှာ ရှိခဲတာပေါ့..သူ့ကို တစ်ခါတလေ အရမ်းခင်ပေမဲ့ တစ်ခါတလေ သောက်မြင်ကတ်တယ်...ဒီရက်ပိုင်းမှာ သူနဲ့ ကျတော် ရန်ဖြစ်ထားတယ်...။

နေဒေးသစ် said...

ဖေးမကူညီတတ်တဲ့ ..
စာနာနားလည်တတ်တဲ့ သူငယ်ချင်းမျိုးဆိုတာ
ရတောင့်ရခဲတဲ့ သူငယ်ချင်းလို့ ဆိုရမလား ..

အဲ့လို သူငယ်ချင်းမျိုးကို အလေးအနက်ထားတတ်တာလည်း
စစ်မှန်တဲ့ မေတ္တာတရားကို ကိုယ်စားပြုတယ် ပြောရမလား ..

သူငယ်ချင်း မိုင်သီနဲ့ အတူ
စစ်မှန်တည်တံ့တဲ့ တွဲလက်တစ်စုံ မြဲမြံခိုင်ခံ့နိုင်ပါစေ ..

နေဒေးသစ်။

Nyan Lin said...

ဘာလိုလိုနဲ့ မသိပြန်သွားတာတောင်ကြာပြီနော်။ ကျွန်တော့် interview ကိုသူလိုက်ခဲ့ပေးတာလည်း မနေ့ကလိုပဲ။း)