ပန်းကြာဝတ်မှုန် - ခင်ခင်ထူး

ပန်းကြာဝတ်မှုန် - ခင်ခင်ထူး

ဆရာမရဲ့ အရင် အညာဝတ္ထုတွေကို သေချာ ဖတ်ထားဖူးပြီး၊ ဒီစာအုပ်မှာ စာရေးဆရာ နာမည်သာ ထည့်မရေးထားဘူးဆိုရင်တော့ ဆရာမရေးထားတာလို့ ထင်စရာမရှိလောက်တဲ့ ဝတ္ထုမျိုးပါပဲ။ အညာဓလေ့ ရွာဓလေ့ရေးတုန်းကနဲ့ အကြောင်းအရာရော၊ အရေးအသားပါ ကွဲပြားတယ်လို့ ခံစားမိတယ်။

'80 ပတ်ဝန်းကျင် မန္တလေးဒေသကောလိပ်ကာလတွေ အကြောင်းကတော့ (အဓိက ဇာတ်ကောင်နှစ်ယောက်ရဲ့ ပတ်သတ်မှုကိုတော့ သွယ်ဝိုက်ကွေ့ပတ်ရေးထားတဲ့တိုင်အောင်) သွက်လက်ပွင့်လင်းပြီး စွဲမက်စရာပါပဲ။ မြင်းခြံသူ မြင်းခြံသားတစ်စုကို အဓိက ထားပြီး တခြား မန်းလေးနယ်တဝိုက်က ကျောင်းသား/သူ တက္ကသိုလ်တက်ဖက်တွေအကြောင်း ရေးထားတာ တကယ်ကျင်လည်ခဲ့ရတဲ့ အညာသူ စာရေးဆရာမမျိုးသာ တတ်နိုင်မယ့် ကိစ္စပါပဲ။ အဓိကဇာတ်ကောင် သီရိမေရဲ့ စိတ်နှလုံးကို ရေးသွားတာ အထူးသဖြင့် သဘောကျမိတယ်။

'90 ပတ်ဝန်းကျင် သီရိမေ ကျောင်းပြီးလို့ ဇာတ်လမ်း တဆစ်ချိုးကတော့ အတော် လေးပင်တယ်။ ဇာတ်သိမ်းခါနီးမှာတော့ တခါပြန် ဆွဲဆောင်ပြန်တယ်။

ဒီဝတ္ထုက ဆရာမတကယ် ကျင်လည်ခဲ့ဖူးတဲ့ အညာတက္ကသိုလ်ဝန်းကျင်အကြောင်း ဆိုတာအပြင် အချစ်ဇာတ်လမ်းကလည်း တကယ့်ဇာတ်လမ်းကို အခြေခံရေးတယ်လို့ ဆိုတယ်။ လွန်ခဲ့တဲ့ 10 နှစ်ကျော်လောက်ကသာ ဖတ်ရမယ်ဆိုရင် လက်ခံဖို့ ခဲယဉ်းမယ့် အချစ်ဇာတ်လမ်းမျိုးပါပဲ။

'အောင်နဲ့ မေ' ကို အောင် ဗမာပြည်က မထွက်ခင် ပွင့်ပွင့်လင်းလင်း ဖြစ်သွားပြီး၊ နောက် အောင် ဟိုကိုရောက်မှ ဇာတ်လမ်းထဲကအတိုင်း ဆက်သွား၊ မေလည်း ဗမာပြည်မှာ ဇာတ်လမ်းထဲကအတိုင်း ဆက်ဖြစ် ပျက် ပြောင်း လဲ၊ အောင့်ဘက်က အခြေအနေတချို့ ပြောင်းလဲသွားတဲ့အခါကျမှ ဇာတ်လမ်းထဲကအတိုင်း ကျန်တဲ့အပိုင်းတွေ ဒီတိုင်းဆက်သွား။ ဒါဆိုလည်း ဖြစ်တာပဲ။ အောင်နဲ့ မေရဲ့ ပတ်သတ်မှုကို တမင်ကြီး ကွေ့ထားသလို မဖြစ်တော့ဘူးပေါ့ လို့ တွေးမိတယ်။ ကိုယ် ဖြစ်ချင်တာပါ။ "အချစ်၏နောက်ဆက်တွဲ စာမျက်နှာ" တုန်းက ဇာတ်သိမ်းပိုင်းကို ပြောင်းပစ်ချင်ခဲ့မိသလိုမျိုး။

ဖတ်နေတုန်းရော ဖတ်ပြီးသွားတဲ့ထိရော ကျေနပ်နေမိတဲ့ စာတစ်အုပ်ပါပဲ။ အဲဒီခေတ်အခါက အညာတက္ကသိုလ်တစ်ခုအကြောင်း တစိတ်တပိုင်းမှတ်တမ်းဆိုတာနဲ့တင် ဆရာမခင်ခင်ထူး ဒီဝတ္ထုကို ရေးဖြစ်တာ ကျေနပ်စရာကောင်းနေပြီ။

***
စာအုပ်ပြီးတော့ စင်ရော်မောင်မောင်ရဲ့ facebook မှာ 'ပန်းကြာ...' ရိုက်ကွင်းပုံတွေ သွားကြည့်မိတယ်။ သီရိမေ ကို သက်မွန်မြင့် မှန်းသိပေမယ့်၊ အောင် နေရာမှာ ဘယ်သူဆိုတာကို မမှတ်မိတော့ဘူး။ နိုင်းနိုင်း ဆိုတော့ နည်းနည်း စိတ်ညစ်မိတယ်။ အောင် နဲ့ နိုင်းနိုင်းနဲ့ မလိုက်ဘူး။ နန်းညီ က အောင်နဲ့ နိုင်းနိုင်း တူတာရှိတယ်။ အေးအေးသက်သာ မျက်နှာထား လို့ ဆိုပေမယ့် ကိုယ်ကျ မကြိုက်လို့လားမသိ၊ အသက်မပါတဲ့ မျက်နှာထားလို့ပဲ ထင်မိတယ်။

အောင်ရဲ့ နူးညံ့ရှင်သန်တဲ့ စိတ်နှလုံးမျိုး၊ မြန်မာစာပေနဲ့ အနုပညာကို ချစ်ခင်လိုက်စားတဲ့ ဓလေ့စရိုက်မျိုး၊ သူ့ဘဝမှန်ကို လျှို့ဝှက်လွန်းတယ် မဆိုသာပေမယ့် လှစ်ပြရခက်တဲ့ အခြေအနေမျိုးနဲ့ ကိုယ်ပိုင်ဘဝထဲက အရာတော်တော်များများကို လက်ခံသိမ်းဆည်းခဲ့ရတဲ့ မျက်နှာထားမျိုး မြန်မာပြည်က ဘယ် အမျိုးသားသရုပ်ဆောင်ဆီမှာများ ရှိနိုင်မှာပါလိမ့်။

မေ နေရာမှာ သက်မွန်မြင့် ဆိုတာတော့ သိပ် မှန်းမရဘူး။ သူ့ရုပ်ရည်သွင်ပြင်လေးကိုတော့ စပေါ်စကတည်းက ကြိုက်မိတယ်။ သရုပ်ဆောင်ပိုင်းတော့ မကြည့်မိတော့ မသိဘူး။ ရုပ်ရည်ရူပကာအတိအကျက ယေဘုယျအညာသူတွေနဲ့ မတူဘူး ဆိုရင်တောင် သူ့မျက်နှာရဲ့ သွင်ပြင်ရောင်ဝါကတော့ တည်ကြည်ငြိမ်သက်တဲ့ ပျော်ရွှင်ရဲရင့်တတ်တဲ့ မြင်းခြံသူကလေးနဲ့ ကွာခြားမယ် မထင်မိဘူး။

ရိုက်ကွင်းပုံတွေထဲမှာ ကျောင်းသူဘဝ အဝတ်အစားလေးတွေကြည့်ရတာတော့ အတော် သဘောကျမိတယ်။ ဘယ်လိုမှတော့ '80 ပတ်ဝန်းကျင် မန်းလေးမှာ ကျောင်းလာတက်တဲ့ ဆရာမခင်ခင်ထူးတို့ရဲ့ အညာတက္ကသိုလ်ကျောင်းသူ ဝတ်စားဆင်ယဉ်မှုမျိုး ထပ်တူ မဖြစ်နိုင်ပေမယ့် မြန်မာကားတွေအနေနဲ့တော့ အတော်လေး ဂရုစိုက်ဝတ်စားထားမှန်း သိသာတယ်။ အညာပုံစံ ချည်ထည်ထမီကလေးတွေနဲ့။

စင်ရော်မောင်မောင်ကိုတော့ အညာနဲ့ ရှမ်းပြည်ပတ်ဝန်းကျင် ရှုခင်းလှလှ ရိုက်ချက်ကောင်းကောင်း ကြည့်ရမယ်ဆိုတာကလွဲလို့ မလွမ်းလောက်ဘူး ထင်မိတယ်။ တော်ကြာ မဆီမဆိုင် ပေါ်လစီတွေပါ ကောက်ထည့်ချင် ထည့်နေဦးမလားတောင် စိတ်ပူမိတယ်။

***
from facebook -

Me : ညက အပြီး ဖတ်လိုက်တယ်။ အနှစ် 20 ဆိုတာတော့ ဆရာမရယ် တော်တော်ရက်စက်တယ်။ လွန်ခဲ့တဲ့ 10 နှစ်လောက်ကသာ ဖတ်ရရင် လက်ခံနိုင်မှာ မဟုတ်ဘူး။

P: ဘာစာအုပ်

Me: ခင်ခင်ထူး ပန်းကြာဝတ်မှုန် ပေါက်။ 80 ဝန်းကျင် မန်းလေးတက္ကသိုလ်နောက်ခံ ဇာတ်လမ်း။ သူရေးနေကျ အညာဝတ္ထုတွေနဲ့ အတော်ကွဲပြားတယ်။

NN: ပန်းကြာဝတ်မှုံ

Me: စကားမစပ် "လွမ်းမောခဲ့ရသော တက္ကသိုလ်နွေညများ" (THE CLASS) ဖတ်ရတာ အတော်ကြိုက်ပါတယ်။ ကောင်းလည်းကောင်းတယ်။ ဘာမှပြောစရာမရှိ။ တစ်ခုပဲ။ ဇာတ်ကောင်တွေနဲ့ တက္ကသိုလ်ကို ယှဉ်တွဲပြီး မခံစားရဘူး။ သူတို့အကြောင်းဖတ်ရတာ တက္ကသိုလ် ကပ်ပြီး ပါမလာဘူး။

နောက်ပိုင်း ငွေရတုပွဲမှာလည်း တက္ကသိုလ်ကို သူတို့နဲ့ အတူတူ လိုက်မလွမ်းဘူး။ တယောက်ချင်းစီရဲ့ ငယ်ငယ်တုန်းကအတိတ် ဆိုတာလေးတွေတော့ လိုက်လွမ်းလို့ရတယ်။ ခေါင်းစဉ်နဲ့ ဇာတ်ကို ချိတ်ဆက်လို့ကို မရတာ။

ကိုယ်နဲ့မရင်းနှီးတဲ့ တက္ကသိုလ်အသိုင်းအဝိုင်းမို့လို့ ပြောရင် ရပေမယ့်... စာရေးဆရာကလည်း တက္ကသိုလ်ဘဝကိုထက် ဇာတ်ကောင်ကျောင်းသားတွေရဲ့ ဘဝကို အထူးပြုရေးလို့လား မသိဘူး။ စိတ်ထင်တာလည်း ဖြစ်ရင်ဖြစ်မယ်။ တခေါက်လောက် ပြန်ဖတ်ဦးမယ်။ ၂ ဗားရှင်းလုံးကို။

ပန်းကြာဝတ်မှုန် ကတော့ အားလုံးပါတယ်။ တက္ကသိုလ်ရော အဆောင်ရော လူတွေရော ဘဝတွေရော။

ဆရာမခင်ခင်ထူးက သူ့ဝတ္ထုကို 'လွမ်းမောခဲ့ရသော...' လွှမ်းမိုးမှုတွေ ပါတယ် ဆိုလို့...

P: မနှစ်က ဖတ်ပြီးး..မေ့နေ.

AC: မအိမ်ကံ ကော ဘတ်ပြီးပလား ထူးခြားတာပဲ ပန်းကြာ တော့ပိုကြိုက်တယ် ဇာတ်ကတော့ အေးတယ် အောင့် ကိုလဲ အားမရဘူး မင်းသမီးကိုတော့ ပြောမနေနဲ့တော့

NN: မအိမ်ကံ ဖတ်လက်စ.. မိုက်တယ်..မသိတာတွေ များကြီး သိရ.. တော့ဓလေ့ မြန်မာဓလေ့ blah blah blah ပေါ့ဗျာ

AC: တခါတခါ တော မှာ ကလေးတွေ ကို ကျောင်းဆရာ သွားလုပ်ချင်တယ်

Me: မအိမ်ကံကို မဂ္ဂဇင်းမှာပါတုန်းက နဲနဲတော့ ဖတ်မိတယ်။ နောက်တော့ မမျှော်ချင်တာနဲ့ အခန်းဆက် မဖတ်တော့တာ။ ပန်းကြာက အဲဒီအရင်ဟာတွေနဲ့ အတော်ကိုကွဲတယ်။ ဇာတ်ကတော့ အေးသလားမမေးနဲ့ ရေခဲတုံး။ အဲလိုဇာတ်မျိုး တိုက်တိုက်ဆိုင်ဆိုင် ဖတ်ချင်နေတုန်းမှာမို့ အရသာခံလို့ရတာ။

အညာသူတွေကို အညာသူနဲ့တူအောင် ရေးနိုင်တယ်။ စိတ်မှန်းနဲ့ထင်ကြတဲ့ ခေါက်ရိုးကျိုး အညာသူဇာတ်ရုပ်မဟုတ်ဘူး။ အောင့်ကို ဟင်းရည်တိုက်ခိုင်းတဲ့ ဇာတ်ကွက်မျိုးက အဲဒါ (အဲဒီဝတ္ထုထဲက သီရိမေ လို စိတ်နှလုံးမျိုးနဲ့) တကယ့် အညာသူမှ လုပ်နိုင်မယ့် ရေးနိုင်မယ့် အကွက်ပဲ။ BRAVO!

P: ပန်းကြာ ဇာတ်လမ်း နဲနဲ စပေးကြည့်ပါ

Me: မန်းလေးတက္ကသိုလ်မှာ တွေ့ကြတဲ့ မြင်းခြံသူလေးနဲ့ ရှမ်းစော်ဘွားရဲ့ မြေး ယောက်ျားလေး ဇာတ်လမ်းလေ ပေါက်။

AC: တက္ကသိုလ်နောက်ခံ ဝတ္ထုတွေမှာတော့ ဂျီဟောသူ ကိုလဲကြိုက်တာပဲ နောက် ဇဝန ရဲ့ တက္ကသိုလ်ကျောင်းသား သူ့တော့ သိပ်ခံစားလို့ မရ ခေတ်ကွာလို့လား မသိ

AP: အောင် ဆိုတဲ့ နာမည်ဟာ သီးသန့်သူတစ်ယောက် မဟုတ်ပဲ လူတိုင်းက တစွတ်စွတ် ခေါ်နေရင် အင်မတန် မုန်းဖို့ကောင်းတဲ့ နာမည် .. ( ထုံးစံ ဘာမှတော့ မဆိုင်ပါဘူး ... )

ZMS: ဖတ်မယ်ဖတ်မယ်နဲ့ မဖတ်ရသေးတဲ့ စာတစ်အုပ်ပဲ။ ရေကန်သာ ကြာတိုင်းအေးကိုတော့ မှာဖြစ်ပြီး အဲဒါ ကျန်သွားတယ်။ တက္ကသိုလ်နောက်ခံမို့ စိတ်ဝင်စားတာလည်း ပါတယ်။ ကိုယ့်အမြင်တော့ ... “လွမ်းမောရသော....” ခေါင်းစဉ်ထက်စာရင် မူရင်း “The Class" ခေါင်းစဉ်နဲ့ ပိုချိတ်မိတယ် ထင်တာပဲ။ တက္ကသိုလ်အကြောင်းထက် The Class အောက်က ကျောင်းသားတစ်စုရဲ့ ဘ၀ဖြတ်သန်းမှုကို ရေးဖွဲ့ထားတယ်လို့ မြင်မိတယ်။ (I like this comment!)

***
Me: ချစ်သူရေးတဲ့ ကျွန်မရဲ့ ညတွေ ဖတ်တုန်းက ပန်းချီကားတွေအကြောင်း ထည့်သွားတာ ညွှတ်နူးစရာလို့ မထင်မိဘူး (ဂျူးကို အဲဒီကစလို့ ခံစားမှုနဲ့ ကြိုက်မရတော့တာ)။ ခု "ပန်းကြာဝတ်မှုံ" မှာ ကဗျာတွေ ညှပ်ထည့်သွားတော့ ညွှတ်နူးစရာပဲ။ တမူကွဲတဲ့ စာအုပ်။ ခင်ခင်ထူး နောက်တစ်ယောက်လိုလိုပဲ။

AP: ဟုတ်ပ ကြည်အေးတွေလည်း အကုန်... ။ တစ်ခုရှိတာက ပါလ်ကလီးတို့ ဖရီဒါခါလို တို့ထက်စာရင် ကြည်အေးတို့ ဇော်ဂျီတို့က ကိုယ်နဲ့ ပိုရင်းတာပါမယ် .. ၊ ဇော်ဂျီကဗျာမှာတောင် တစ်ပုဒ်ကျန်ခဲ့တယ် ဒုကြိမ်မို့ ပြန်ထည့်ရင်တော့ မသိ .. ။

Me: အဲဒါလည်းတစ်ကြောင်း။ ပြီးတော့ ဇာတ်ကောင်စရိုက်တွေပေါ် ခံစားလို့ ရတာ မရတာလည်း တစ်ကြောင်း (ထင်တယ်)။ အများအားဖြင့် ကဗျာလည်း လျှမ်းဖတ်ပစ်မိတတ်တယ်။

NN: နေသန်ကို မြင်ကပ်ကပ်နဲ့ သဘောကျပြီး.. အောင့်ကိုတော့ ချစ်တယ်

KoBoyz: ကိုယ့်အမြင်နဲ့ ဂျူးအမြင်တွေ တူနေလို့ အဲ့ဝတ္ထု (ချစ်သူရေးတဲ့ ကျွန်မရဲ့ ညတွေ) ကို သဘောကျတာ။

Me: ဝတ္ထုကို ကြိုက်တာ မကြိုက်တာ အမြင်တူတာ မတူတာနဲ့ မဆိုင်ဘူး ကိုဘ။ ဘယ်စာအုပ်မဆို ကိုယ့်အတွက် အဓိကက ဇာတ်ကောင်စရိုက်နဲ့ အဲဒါကို သရုပ်ဖော်ထားတဲ့ အရေးအသား။

KoBoyz: ဟုတ်ဖူး။ ပန်းချီအမြင်ကိုပြောတာ။ ပန်းချီကားတစ်ချပ်ခြင်းစီကို ခံစားမိတာခြင်း ထပ်တူနီးပါး ကျတယ်ပြောတာ။

Me: အင်းလေ အဲဒါကို ပြောတာပဲ။ ပန်းချီမှ၊ ပတ်ဝန်းကျင်မှ၊ တခြားအယူအဆမှမဟုတ်ဘူးလို့ ပြောတာ။ ဘယ်သူပဲ ရေးရေး စာအုပ်တစ်အုပ်ဖတ်ပြီး အဲဒီစာအုပ်ထဲ ပါတဲ့ အယူအဆ အချက်အလက်တွေနဲ့ ပတ်သတ်လို့ အမြင်တူ မတူနဲ့ အဲဒီစာအုပ်ကို စွဲလမ်းတာ မစွဲလမ်းတာနဲ့ မဆိုင်ဘူးလို့ ပြောချင်တာ။

ဇာတ်ကောင်စရိုက်ကို ခံစားလို့မရဘူးဆိုရင် အယူအဆ အချက်အလက်တွေ ကောင်းတယ်လို့ သိလည်း မစွဲတော့ဘူး။ အဲဒါကို ပြောတာ။ ဂျူး နောက်ပိုင်းစာအုပ်တွေ အချက်အလက်တွေ ကောင်းသားပဲ။ ဝတ္ထုလုပ်မရေးဘဲ ဆောင်းပါးသာဆို သိပ်ကြိုက်မှာ။

ND: မှတ်မိသလောက် အသက်ကြီးမှ ဂျူးဝတ်ထုတွေကို တစ်အုပ်မှာ မဖတ်ဖူးဘူး။ ငယ်ငယ်ကတော့ ဖတ်မိမယ်ထင်တယ်။ :D ဆရာမဟောတာတော့ နားထောင်ဖူးပါရဲ့။ ဆရာမခင်ခင်ထူးကို မအိမ်ကံ ထဲမှာ စကားပြောတွေဆိုရင် တဲ့ ဆိုတဲ့နေရာမှာ သဲ့။ ရှိတယ် ဆိုရင် ရှိသယ်။ တ အစား သ ကိုသုံးတော့ ပထမတော့ သတ်ပုံမှားတယ်ထင်နေတာ။ :D

AC: ချစ်သူရေးတဲ့ ကျမ ရဲ့ ည နဲ့ဂျူး ကို စသိတာ အရင်က ဂျူး နာမည်ကြားနေသားပဲ ကောက်ဘတ်ဖို့ ကို စိတ်မပါခဲ့ဘူး ချစ်သူရေးတဲ့ညကျမှ ပထမဆုံး ကိုယ့်ကို ဆွဲဆောင်တာ စာအုပ်အပြင်အဆင် စာရွက် အသား နောက် ပန်းချီကားတွေကိုယ်နဲ့ပိုနီးကပ်လို့လားတော့မသိ ပိုကြိုက်မိတယ် နောက် အနောက်တိုင်းဆန်လို့ကြိုက်တာလဲပါမယ် ဥပမာ အရှေ့ မြို့ ရိုး ကို ကြိုက်သလိုမျိုါ် အဲ့ီး နှစ် အုပ်ကတော့ ဘာသာပြန်မဟုတ်တဲ့ ကိုယ့် အော်တိုင်းမ်းဖေးဘရိတ်စ်တွေပဲ

ညွတ်နူးစရာ ဆိုတာ ရိုမန်တစ် တာ ကိုပြောတာလား။ ဆွတ်ပျံ့ ကြည်နူးတာနဲ့ တူလား။

Me: အဲလိုဆန်ဆန်ပေါ့။ အဓိကကတော့ အဲဒါ ဇာတ်ကောင်တွေကို ခံစားလို့ရလို့ဖြစ်တာ။ ကဗျာကြောင့် ပန်းချီကြောင့် အချက်အလက်ကြောင့်မဟုတ်ဘူး။ ကိုယ့်အတွက် ပြောတာပါ။

***