Friday, August 12, 2011

လင်္ကာရည်ကျော် စာအုပ်များ

၁) ကြိုးကြာတောင်ပံခတ်သံ
၂) ဒေါက်တာရွှေသွေးနဲ့ မပန်းမှုံ
၃) ချစ်စရာ့အိမ်ကလေး
၎) နေဝင်အိပ်တန်းတက်

လေးခု ဖတ်ပြီးပြီ။ နံပါတ် (၃) ချစ်စရာ့အိမ်ကလေး ကို သဘောအကျဆုံးပါပဲ။
ဝတ္ထုတိုစာအုပ်တွေမှာ "သမားလည်ပြန်" တခုပဲ ဖတ်ဖြစ်ပြီး အဲဒါကို သိပ် သဘောကျပါတယ်။

ဝတ္ထုရှည်တွေအကြောင်းကတော့ တော်တော်ရှည်ရှည်ဝေးဝေး ပြောဖို့လိုလိမ့်မယ်။

သို့သော်လည်း ပျင်းသည့်အတွက်ကြောင့် အတတ်နိုင်ဆုံး အတိုဆုံးနဲ့ လိုရင်းပြောရရင် အကြောင်းအရာတွေက အားလုံး ကောင်းပါတယ်။ ဇာတ်ကောင်တွေကတော့ စာရေးဆရာအလိုကျ ဖန်တီးခံရတယ်လို့ ခံစားရတယ်။ ဥပမာ - မပန်းမှုံ (ဒေါက်တာရွှေသွေးနဲ့ မပန်းမှုံ)။ မေကြာဖြူ (နေဝင်အိပ်တန်းတက်)။ (တချို့ဇာတ်ကောင်များလည်း ထို့အတူ)

ဝတ္ထုရှည်တွေအကြောင်း ပြောရရင် ကြိုက်တယ် မကြိုက်တယ်ကို ယတိပြတ်ပြောမရဘဲ ဘယ်နားမှာတော့ ဘယ်လို၊ (ဘယ်ဇာတ်ကောင်က၊ ဘယ်အကြောင်းအရာက၊ ဘယ်ဇာတ်ကွက်က စသဖြင့်) ခွဲခြားပြောမှသာ ဖြစ်မယ်လို့ ထင်နေမိတယ်။ ယေဘုယျသာ ပြောကြေးဆိုရင်တော့ ဆရာဝန်ဇာတ်လမ်းဝတ္ထုရှည်တွေဟာ ကောင်းပါတယ်။ ဒါပေမဲ့ ဝတ္ထုတိုတွေက ပိုပြီး လိုရင်းရောက် ရင်ထဲရောက်တယ်လို့ ခံစားမိပါတယ်။ အရှည်က တချို့ ဇာတ်ကောင်စရိုက် "သရုပ်ဖော်မှု" များ (ဇာတ်ကောင်စရိုက်သက်သက်ကို မဟုတ်ပါ) ကို ခံစားလို့မရပါ။

နေဝင်အိပ်တန်းတက် ကတော့ ဇာတ်လမ်းသက်သက်အနေနဲ့ ဆွဲဆောင်မှုအနည်းဆုံးပါပဲ။ အဲဒီထဲက အချက်အလက်တွေကိုတော့ သိပ်သဘောကျတာတွေ ရှိပါတယ်။ (ဥပမာ - ဆေးကုမ္ပဏီနဲ့ ဆရာဝန်ကြီးတွေ၊ လူနာတွေရဲ့ တောင်းဆိုမှုနဲ့ ဆရာဝန်တွေရဲ့ အခြေအနေ၊ မီဒီယာများနဲ့ ဆရာဝန်တွေရဲ့ အနေအထား၊ အရှေ့နဲ့ အနောက်ရဲ့ ကျန်းမာရေးလောက ကွာခြားမှု)။

ကိုယ်ကိုယ်တိုင်လည်း ဗမာပြည်ရဲ့ ဆရာဝန်၊ စာရေးဆရာ၊ ကျောင်းဆရာ စသဖြင့်တွေအပေါ်မှာ လူတွေဘက်က မတန်တဆတောင်းဆိုမှုတွေကို မကြိုက်နိုင်တာကြောင့် (အဲဒီအသိုင်းအဝိုင်းတွေရဲ့ လိုအပ်ချက်၊ တာဝန်ပျက်ကွက်မှုများလည်း ရှိတာကို သိသည့်တိုင်) အဲဒီအချက်အလက်တွေ သူ ရေးပြတဲ့အခါ ကြိုက်မိတာ ဖြစ်နိုင်ပါတယ်။

နောက် မီဒီယာနဲ့ ဆေးလောက ကိစ္စတွေမှာဆိုလည်း (အဲဒီ ဆေးလောကအသိုင်းအဝိုင်းတွေရဲ့ လိုအပ်ချက်၊ တာဝန်ပျက်ကွက်မှုများလည်း ရှိတာကို သိသည့်တိုင်) သူ အဲလို ရေးပြတာကို ကြိုက်ပါတယ်။ (တဘက်က ဝတ္တရားပျက်တာ တကဏ္ဍ၊ တဘက်က စည်းမထားဘဲ ဝင်ရောက် မွှေနှောက်တာက တကဏ္ဍ လို့သာ မြင်သည်။)


တခြား (၃) အုပ် နံပါတ် ၁/ ၂/ ၄ လည်း ထိုနည်းနှင်နှင် ခံစားရသည်။

ကြိုးကြာတောင်ပံခတ်သံ ကတော့ စာအုပ်ထွက်ကာစ၊ ဒီလာခါနီးလောက်မှာ ဖတ်ခဲ့ရတော့ မေ့သလောက် ဖြစ်နေပြီ။ တကယ့် အဖြစ်အပျက်ကို အခြေခံတယ်လို့ စာရေးဆရာကိုယ်တိုင်ကလည်း အမှာ မှာ ပြောထားပါတယ်။ တခြားလူများဆီကပါ ကြားဖူးပါတယ်။

အဲဒါနဲ့ ပတ်သတ်လို့ တချို့စာဖတ်သူလူငယ်တွေက စိတ်ကူးယဉ်ဇာတ်လမ်းဆန်တယ်လို့ ပြောကြတယ် ဆိုတဲ့အကြောင်း စာရေးသူရဲ့ တခြားစာအုပ် အမှာစာမှာ ဖတ်ရတယ်။ အဲဒါဟာ တကယ် အပြင်မှာရှိတဲ့ ဆရာဝန်တစ်ယောက်ကို အခြေခံပြီး ရေးထားတာပါ လို့ သူ ပြန်ရှင်းထားပါတယ်။


ဒီနေရာမှာ ကိုယ့်ခံစားမှုနဲ့ ယှဉ်ပြီး ပြောရရင် အဲဒါ အဖြစ်အပျက် အကြောင်းအရာထက် စာရေးတင်ပြပုံကြောင့် စာဖတ်သူရဲ့ ခံစားမှုမှာ အဲလို ထင်ရတာလည်း ဖြစ်နိုင်တယ်။ ဘာလို့ဆို အဲဒါ တကယ့်ဆရာဝန်ကြီးတစ်ယောက်ကို အခြေခံပြီးရေးထားတာမှန်း သိနေတာတောင် ဖတ်တဲ့အချိန်မှာ ဇာတ်ကောင်က သပ်သပ်ပဲ ဖြစ်နေတယ်။

ဒါ့ပြင် လူငယ်တွေအဖို့တော့ (အရေးအသား ဘာညာကို ဖယ်ထားလည်းဘဲ) အဲဒီဇာတ်လမ်းမျိုးက စိတ်ကူးယဉ်သူရဲကောင်းဆန်တယ်လို့ ခံစားရတယ် ဆိုတာ ဖြစ်နိုင်တာပါပဲ။ စာရေးသူတို့ခေတ်နဲ့ ဒီနေ့ခေတ်က နှစ်အားဖြင့် ဘယ်လောက်မှ မကွာလည်း gap ကတော့ တအားကွာနေပြီ။


သူရဲကောင်းတွေ ပေါ်လာတာ ကောင်းပါတယ်။ ဒါပေမဲ့ လူတိုင်းကတော့ သူရဲကောင်းမဖြစ်နိုင်ဘူး။ ကိုယ့်အတိုင်းအဆ ဘယ်လောက်ရှိလဲဆိုတာလည်း နားလည်ဖို့လိုတယ်။ ကိုယ်က သူရဲကောင်းမဖြစ်နိုင်ဘဲ မှိုင်းမိလို့ စိတ်ကူးယဉ်ပြီး လိုက်လုပ်၊ နောက်မှ မနိုင်ရင်ကာတွေဖြစ်လည်း အလကားပဲ။ ကိုယ့်အနေနဲ့တော့ (ဆရာဝန်၊ စာရေးဆရာ၊ ကျောင်းဆရာ) ဘယ်သူ့ကိုမှ သူရဲကောင်းလုပ်ဖို့၊ အနစ်နာခံဖို့ မတောင်းဆိုဘူး။ ကိုယ့်တာဝန်ကိုယ် ကျေပွန်သိတတ်ရင် ရပြီ။ နှစ်ဦးနှစ်ဘက် စည်းရှိဖို့ပဲ။ နွားလည်း ကျေးဇူးရှင်စာရင်းသွင်းပြီး ခုတုံးလုပ်တဲ့ခေတ်ကိုတော့ ချန်ခဲ့ဖို့ကောင်းပြီ။ (ဤကား စကားချပ်)

ဒေါက်တာရွှေသွေးနဲ့ မပန်းမှုံ ထဲက မပန်းမှုံ ကိုလည်း သူ့စရိုက်နဲ့ သူ့အဖြစ်အပျက်က မဆီလျော်သလို ခံစားရတယ်။ အဲဒါမျိုး အပြင်မှာ ရှိနိုင်သည့်တိုင်အောင် ဇာတ်လမ်းအနေနဲ့ကျတော့ တခုခုလိုနေသလိုပါပဲ။ ဆရာက သူ့ဇာတ်ကောင်တွေကို သိပ်အပြစ်ကင်းစေလွန်း အားကြီးတယ်။

ဒါ့ပြင် ကိုယ့်အနေနဲ့ဆို လွန်ခဲ့တဲ့ 10 နှစ်လောက်က ဖတ်ရရင် အဲဒါတွေတင်မကဘဲ ဇာတ်ကောင်နှစ်ယောက်ရဲ့ ဆုံးဖြတ်ချက်ကိုပါ လက်သင့်မခံနိုင် ဖြစ်နေမိမှာ။ ဒါပေမဲ့ ခုချိန်မှာ ဖတ်ရတော့ ဒါမျိုးတွေလည်း ရှိနိုင်တာပဲ လို့ လက်ခံလို့ ရနေပြန်တယ်။ လောကထဲက လုပ်တိုင်း မဖြစ်နိုင်တာတွေ၊ ဖြစ်တိုင်း မလုပ်နိုင်တာတွေပါပဲ။ မောင်တင်ဦး ဒဏ္ဍာရီ ဇာတ်ကားထဲက ဇာတ်ကောင်နှစ်ယောက်ကိုတောင် သတိရမိပါသေးတယ်။
လွန်ခဲ့တဲ့ 10 နှစ်လောက်ကသာ ချစ်စရာ့အိမ်ကလေး ကို ဖတ်ရရင်လည်း ခုလို သဘောကျမိမယ် မဟုတ်ပြန်ဘူး။

နေဝင်အိပ်တန်းတက် ထဲက ဇာတ်ကောင်စရိုက်ကို သရုပ်ဖော်ပုံတွေနဲ့ ဇာတ်သိမ်းခန်းကိုတော့ မကြိုက်လှပါ။ အဲဒီထဲက အပေါ်မှာပြောထားတဲ့ ကြိုက်တဲ့ အချက်အလက်တွေကိုသာ ဖယ်ပစ်လိုက်ရင် ဇာတ်လမ်းချည်းသက်သက်ကတော့ မထိတဲ့အပြင် smtz ရေးတဲ့ ဝတ္ထုတစ်ပုဒ်ကမှ ရေးတေးတေး ရှိသေးတယ်။ =D

ကိုယ့်အနေနဲ့တော့ ဝတ္ထုရှည်တွေထက် အတိုတွေက ပို ထိရောက် ခံစားရတယ်လို့ မြင်မိတယ်။

ဘာပဲဖြစ်ဖြစ် ဒီနေ့ခေတ်အခါမှာ ဆရာလင်္ကာရည်ကျော် ပေါ်လာတာ မင်္ဂလာတစ်ပါးလို့ ခံစားမိတာလည်း အမှန်ပါပဲ။

ယေဘုယျသာ ပြောကြေးဆိုရင်တော့ လင်္ကာရည်ကျော် စာအုပ်တွေကို ကြိုက်ပါတယ်။ ဒါပေမဲ့ အဲဒီစကားလုံးလောက်နဲ့တော့ မပြည့်စုံနိုင်ဘူး။

***

6 comments:

ဇွန်မိုးစက် said...

သူ့စာ အတိုအရှည် တစ်ပုဒ်မှကို မဖတ်ဖူးသေးတာ ရီတာရေ။ သူငယ်ချင်းဆရာဝန်တစ်ယောက်ရဲ့ဆရာပဲ။ သူငယ်ချင်းပြောပြလို့ ဆရာ့အကြောင်း ကြားဖူးလိုက်တာ။

Cathy Nicholas said...

ကျမကတော့ သူ့ဇာတ်ကောင်တွေ အပြစ်ကင်းတာကို ကြိုက်တယ်။ ကျမကိုယ်တိုင်လည်း ကျမရဲ့ ဇာတ်ကောင်တွေကို သဘာဝကျကျဆိုးသွမ်းနေတာထက် လူတွေလေးစားအတုယူရတဲ့ ဇာတ်ကောင်းမျိုးပဲ အလိုရှိတယ်။ ဒါဟာ စာရေးသူတစ်ယောက်ရဲ့ လောဘလို့ ပြောလည်း ရသလို စေတနာလို့ပြောရင် ပိုမှန်ပါတယ်။ ကြိုးကြာ တောင်ပံခက်သံကို ကျမ အရမ်းကြီး မနှစ်သက်ဘူး။ မကောင်းလို့မဟုတ်ပါ။ ချင်းတောင်လတ်ငြိမ်းကို ကျမ ဒီထက် ပိုပြီး မျှော်လင့်ထားလို့ပါ။ ဒီလိုဇာတ်ရုပ်ကိုတောင် သူရဲကောင်း စရိုက်ဆန်တယ်ထင်တဲ့ လူတွေနဲ့ တော့ ကျမမျှော်လင့်ထားတဲ့ လတ်ငြိမ်းက ပိုဝေးသွားလိမ့်မယ်။

Rita said...

လူတိုင်းမှာ သူ့စံနဲ့သူ သူ့အတိုင်းအတာနဲ့သူပါပဲ။

ခုနောက်ပိုင်းတော့ သိပ်အပြစ်ကင်းတာတွေ ဖတ်ရရင် သဘောမကျတတ်တော့ဘူး။ ရင်ထဲလည်း သိပ်မရောက်ဘူး။

စာရေးသူက ဖန်တီး လုပ်ယူထားပုံပေါက်နေရင်လည်း ဇာတ်ကောင်ကို ခံစားလို့မရတော့ဘူး။

လက်တွေ့နဲ့ ဝေးကွာတာတွေရေးနေလည်း စိတ်ကူးယဉ်ချင်သူတွေအတွက် ယဉ်လို့သာ ကောင်းတာ။ အဲဒါနဲ့ လူကို၊ လောကကြီးကို ပြောင်းပစ်နိုင်တာ မဟုတ်ဘူး။ အနုပညာမြောက်တယ်လို့တောင် ဆိုနိုင်ချင်မှ ဆိုနိုင်မယ်။

ဒါပေမဲ့ ဘယ်သူ ဘယ်လိုသဘောထားထား ကြိုက်တဲ့လူက ကြိုက်တာ ရှာဖတ်ပြီး၊ မကြိုက်တဲ့လူက ကျော်သွားမှာပဲ။ သိပ်လည်း အရေးကြီးလှတာ မဟုတ်ပါဘူး။ it's just IMOO.

Cathy Nicholas said...

အင်းးး သူအကြိုက်နဲ့ သူပါပဲ။ ကျမက ဆရာလယ်တွင်းသားစောချစ်ပြောသလို ဇာတ်ကောင်စရိုက်ကို ပုံတူကူးချတတ်လို့ ထိန်းနေရတယ်။ ကျမတို့လို လူတွေကျတော့ ဆရာတို့ရဲ့ ဇာတ်ကောင်တွေက role model ပဲ။ ဇာတ်ကောင် စရိုက်ကို ကူးတာကတော့ လူငယ်တိုင်းဖြစ်မယ်ထင်တယ်။ အနဲအများပဲကွာမှာပေါ့လေ။ ဆရာရဲ့ ဇာတ်ကောင်တွေဆို ကျမ အားကျ လေးစားရတဲ့ စရိုက်တွေများတယ်။သူတို့ရဲ့ ကြိုးစားပုံတွေ အတွေးအခေါ်တွေ ethic တွေက လက်ခံဖို့လည်း ကောင်းတယ် လေးစားစရာလည်း ကောင်းတယ်။ စာပေqualityကို အကဲဖြတ်တဲ့ အပိုင်းက ကြည့်ရင်တော့ ဘယ်လိုဘယ်ပုံ မပြောလိုပေမယ့် စာဖတ်သူတစ်ယောက် အထူးသဖြင့် လူငယ်စာဖတ်သူတစ်ယောက် အနေနဲ့ ကတော့ ဆရာ့ ဇာတ်ကောင်တွေ အပြစ်ကင်းတာကို ထောက်ခံချင်တယ်

ardan lay said...

ဆရာ အင်္ဂလိပ်လိုတွေကို အင်္ဂလိပ်လို ထည့်ပေးစေချင် တယ်
ကျွန်တော်က ဆရာဝန်မဟုတ်တောဲ့ဆရာပြောချင်တဲ့အင်္ဂလိပ်စာတွေကို သိပ်နားမလည်လို့ပါ

ardan lay said...

ဆရာ ပြောချင်တဲ့ အင်္ဂလိပ်စာတွေကို အင်္ဂလိပ်လိုပါ ထည့်ပေးစေချင်ပါတယ်