Tuesday, June 15, 2010

လူ နားမလည်အောင် ရေးတဲ့ စာ

၁) နီကိုရဲ ရဲ့ masterpiece "ချစ်ခြင်း၏ နဂ္ဂတစ်များ" ကို သတိရနေမိတယ်။

အဲဒီထဲက ရဲဝင်း နဲ့ ကြည်ပြာ ရဲ့ စကားပြောခန်း။

ကြည်ပြာက ရဲဝင်းကို မေးတယ်။

"နင် ငါ့ကို ချစ်ရဲ့လား" တဲ့။

... ဆိုတော့ ရဲဝင်း ခမျာ ချစ်သူရဲ့ အမေးမှာ အတော်ကြွေသွားတယ်။
သူက တကယ့်ကို နှစ်နှစ်ကာကာချစ်ရသူ ဖြစ်တာကိုး။
ကြည်ပြာ့အနေနဲ့ကတော့ သူငယ်ချင်းတွေထဲမှာ ကိုယ်စီ အတွဲရသွားပြီး ရဲဝင်းက သူ့ကို ချစ်ရေးဆိုလို့သာ လက်ခံလိုက်ရတာမျိုး ...

ရဲဝင်းက အားတက်သရောဖြေတယ်။

"ချစ်တာပေါ့ဟ။ ငါ နင့်ကို သိပ်ကို ချစ်တယ်။ ဒါပေမဲ့ နင်သိလား ကြည်ပြာ။ ငါ နင့်ကို ချစ်တယ် ဆိုတာ တကယ်တော့ ငါ့ကိုယ်ငါ ချစ်တာဟ"

"ဘာပြောတယ်"

"ဟုတ်တယ်ဟ။ နင့်ကို ချစ်လို့ နင့်အသံလေးကြားချင်တာ၊ နင့်မျက်နှာလေးကို မြင်ချင်တာတွေက ငါကိုယ်ငါ ချစ်နေတာပဲ။ နင့်အသံကို မကြားရရင်၊ နင့်မျက်နှာလေးကို မတွေ့ရရင် ခံစားနေရတဲ့ ငါ့ကိုယ်ငါ သနားမိတဲ့အတွက် နင့်ကို ငါ့နားမှာ အမြဲရှိနေစေချင်တာ။ တကယ်တော့ နင့်ကို ချစ်တယ် ဆိုတာ နင့်ကို ချစ်နေတာ မဟုတ်ဘူး။ နင့်ကို ချစ်တယ်ဆိုတာထက် ငါ့ကိုယ်ငါ ပိုချစ်နေတာပဲ"

အဲဒီမှာ သမီးရည်းစား ပြဿနာထတက်ကြလို့ သူငယ်ချင်းတွေ ဝိုင်းရှင်းပေးရတယ်။

ကြည်ပြာ က သူငယ်ချင်းတွေကို တိုင်တယ်။

"ငါက သူ့ကိုမေးတယ်လေ။ နင် ငါ့ကို ချစ်သလား လို့ ဆိုတော့ ဒီကောင် ဘာပြန်ပြောတယ် မှတ်သလဲ"

"အေး ဘာပြန်ပြောလဲ"

"ချစ်တယ်တဲ့။ ဒါပေမဲ့ ငါ့ကိုချစ်တယ် ဆိုတာ တကယ်တော့ ငါ့ကို ချစ်တာမဟုတ်ဘူးတဲ့။ သူ့ကိုယ်သူ ချစ်နေတာတဲ့။ ကြည့်စမ်း။ နင်တို့ စဉ်းစားကြည့်စမ်း။ ဒီကောင် ငါ့ကို ဘယ်လောက်တောင် စော်ကားသလဲလို့။ အဲဒါ ငါ့ကို စော်ကားလိုက်တာပဲ"

အဲဒီမှာ ရဲဝင်းရဲ့ သူငယ်ချင်းတစ်ယောက်ပြောတဲ့ စကား ကိုယ် အတော် သဘောကျတယ်။

"ဟေ့ကောင် ရဲဝင်း မင်းကလည်း ဒုက္ခပါပဲကွာ။ ချစ်လား မေးရင် ချစ်တယ် လို့ပဲ ဖြေလိုက်ပေါ့။ ဘာမှ စိတ်တို့၊ စေတသိတ်တို့၊ ရုပ်တို့၊ နာမ်တို့ လုပ်မနေနဲ့။ နောက်တခါ ချစ်လား မေးရင် ချစ်တယ်လို့ပဲပြော"

***
တိုက်ရိုက် တဲ့တိုးအကျဆုံး၊ အရိုးရှင်းဆုံး သဘောတရားနဲ့ အရိုးသားဆုံးပြောတဲ့ စကားတစ်ခွန်းကို အဓိပ္ပါယ်တလွဲ ကောက်လိုက်မိပြီဆိုရင် ပြောတဲ့လူကို ဝေ့လည်ကြောင်ပတ် လို့ ထင်စရာပဲ။

ဒုက္ခ ဒုက္ခ။

(မှတ်ချက်။ စာအုပ်မရှိလို့ အဆင်ပြေသလို ပြန်ရေးထားပါတယ်)

***
၂) မြသန်းတင့် ရဲ့ ကျွန်တော်နဲ့ ဂျာနယ်ကျော် မမလေး စာအုပ်က အကြောင်းအရာတစ်ခု။


"အားလုံးက ရင်ခွင်ထဲမှာ အမြတ်တနိုး ထည့်မထားဘူး။
အားလုံးကလည်း ခြေထောက်နဲ့ ကန်မပစ်ဘူး။
ဒီတော့ ခြေထောက်နဲ့ကန်ပစ်ချင်တဲ့ လူမျိုးကို ဒီစာအုပ်ကောင်းလှပါတယ် တိုက်တွန်းရုံနဲ့ ဒီလူ စိတ်ပြောင်းသွားမှာလား။ ဒီစာအုပ်မျိုးကိုမှ အမြတ်တနိုး စောင့်မျှော်နေတဲ့လူမျိုးကိုကော ဒါကောင်းတယ်လို့ ပြောစရာလိုသေးသလား။ ခင်ဗျား မပြောပေမယ့် သူကတော့ စောင့်ပြီး ကြိုဆိုနေမှာပဲ။


အခု ခင်ဗျားက သူ့ဝတ္ထုတွေကို ဘာသာပြန်တယ်။
ခု ခင်ဗျား ဘာသာပြန်နေတဲ့ စာအုပ်တွေကို အလင်းရောင်ရှာနေတဲ့လူတွေက ရင်ခွင်မှာထည့်ပြီး အပ်ထားကြလိမ့်မယ်။ အလင်းရောင်ကို လိုက်ပိတ်နေတဲ့သူတွေက ခင်ဗျား အခု ဘာသာပြန်ထားတဲ့စာအုပ်ကို ခြေထောက်နဲ့ နင်းပစ်ကြလိမ့်မယ်။ ကျွန်တော်က ကြားထဲကနေပြီးတော့ ဘာဝင်ရေးပေးရဦးမလဲ။ တစ်ခုပဲ ပြောချင်တယ်။ ခင်ဗျားလုပ်နေတဲ့ အလုပ်ကို ခင်ဗျား ယုံကြည်သလား။ ယုံကြည်ရင် နောက်မတွန့်ဘဲ ဆက်လုပ်။ ဒီစာအုပ်ပြီးရင် နောက်စာအုပ်တစ်အုပ် ပြန်ဦး။"

(ဂျာနယ်ကျော် ကိုစောဦး)

ဒါကိုတော့ မရွှေမိ ရဲ့ ဘလော့ က မ, လာတာပါ။
ဂေါ်ကီရဲ့ ဝတ္ထုတိုများ စာအုပ်ကို
ဆရာမြသန်းတင့် ဘာသာပြန်တော့ ရေးပေးခဲ့တဲ့ ကိုစောဦးရဲ့ အမှာစာ လို့ ဆိုပါတယ်။

ဘာလို့ ကြိုက်မိသလဲ ဆိုတော့ One Minute Interview post မှာ ကိုအင်ဒီရဲ့ အမေးကို ပြန်ဖြေခဲ့တဲ့ အဖြေထဲမှာ ထည့်ပြောဖြစ်ခဲ့တဲ့ သဘောတရားတစ်ခုနဲ့ တူနေလို့ပါ။

ကိုအင်ဒီက မေးတယ်။ "
ရီတာက ကျေးဇူးတင်သင့်တယ် ဆိုတာလား မဆိုတာလားကို အသေအချာ မရသေးဘူး" ဆိုတာမှာ...

"ကျွန်မအနေနဲ့ တင်သင့်၊ မတင်သင့် ဆိုတဲ့ဘက်က ဘယ်တော့မှ ဆွေးနွေးမှာ မဟုတ်ဘူး ဆိုတာပါပဲ။ အဲဒါက ခံယူတဲ့သူနဲ့ ဆိုင်တဲ့ ကိစ္စမို့လို့ပါ" လို့

ကိုစောဦး ပြောသွားတဲ့ သဘောကို အဲဒါကြောင့် ကြိုက်မိတယ်။

ဘယ်သူ့ကိုမှ ကိုယ့် အာဘော်တွေ အတင်း သွင်းပေးဖို့ စိတ်မဝင်စားဘူး။
ကိုယ့်ကို လာသွင်းပေးလည်း မကြိုက်ဘူး။

အယူအဆတစ်ခုကို ချပြလိုက်၊ ကြိုက်ချင်ရင် ကိုယ့်ဘာသာကိုယ် ကျေကျေနပ်နပ် ကြိုက်ပါမယ်။ ကိုယ်ကလည်း ကိုယ့်အယူအဆတစ်ခုကို ဒီတိုင်းပဲ ချပြမယ်။
သဘောတူခြင်း၊ မတူခြင်းကို ကျေကျေနပ်နပ်ပဲ လက်ခံမယ်။

သို့သော် စာ တလွဲ ဖတ်တတ်တာတွေကိုတော့ မှန်တာပြောရရင် စိတ်ကုန်တယ်။
ရှင်းပြရတာလည်း မကြိုက်လို့ guide လုပ်ဖို့တောင် မရွေးချယ်ခဲ့ဘူး။

***
၃) မနေ့က zoo သွားတော့ elephant show ကြည့်ခဲ့ရတယ်။
စိတ်ထဲမှာ ဖြေဖျော်ရာ ဖြစ်တယ်လို့ မထင်ဘူး။ သိပ်သနားတယ်။

ညီလင်းဆက် ရဲ့ ဆုတောင်း ကဗျာ ကို ဆက်ရေးချင်စိတ် ပေါက်မိတယ်။

"ကိုယ်သာ ဆင်တစ်ကောင်ဖြစ်ခဲ့မယ်ဆိုရင်...
သွားတိုင်းဖြစ်တဲ့ လမ်းတွေနဲ့
တောထဲက အရိုင်းအစိုင်းဘဝမှာပဲ နေချင်တယ်" လို့

ကိုယ့်သဘောအတိုင်းသာဆို ဘယ် တိရိစ္ဆာန်ကိုမှ လူကို ဖြေဖျော်မှုပေးရတဲ့ နေရာမှာ မထားဘူး။
သူတို့ဘာသာ တောထဲက အရိုင်းအစိုင်းဘဝမှာပဲ လွတ်လွတ်လပ်လပ် နေစေမယ်။

အင်း ဒါကလည်း နီကိုရဲ ပြောသလိုဆို သူတို့ ဖျော်ဖြေပေးနေတာကို ကြည့်ပြီး သနားစိတ်မကောင်းဖြစ်မိတဲ့ ကိုယ့်ကိုယ်ကိုယ် အဲဒီလိုတွေ ခံစားနေရတာကို သနားလို့ သူတို့ကို လွတ်လပ်ခွင့် ပေးချင်မိတာပါပဲ။

ကဲ ကြည့် ဝေ့လည်ချောင်ပတ်နဲ့။
တိရိစ္ဆာန်ကလေးတွေကို လွတ်လပ်ခွင့် ပေးချင်လိုက်တာ တို့၊ လွတ်လပ်ခွင့် ပေးလိုက်ကြပါ တို့ ဆိုတဲ့ စကားလုံးတွေနဲ့ ဘာဖြစ်လို့ လူတကာ နားလည်အောင်၊ လူတကာ လက်ခံချင်အောင် မပြောရတာလဲ။

ဘာဖြစ်လို့ သူတို့ကိုသနားမိပြီး ခံစားနေရတဲ့ ကိုယ့်ကိုယ်ကိုယ် ပြန်သနားလို့ သူတို့ကို တောထဲမှာပဲ ဘေးမဲ့ပေးချင်တာလို့ လူအများ သဘောတူနိုင်တဲ့ ရှုထောင့်က ပြောရတာလဲ။

အထက်ကလို ပြောရင် ကိုယ့်ကို သနားကရုဏာစိတ် ကြီးလိုက်တာလို့ လူတကာ ချီးကျူးမှာစိုးလို့လား...

အောက်ကလို စကားလုံးတွေ သုံးပြီး ပြောတော့ ဟော... ဒီတစ်ယောက်ဟာ အတော်ကို အတ္တကြီးမားပါလား၊ သူ့အတွက်ပဲ သူသိတယ်။ အကောင်ပလောင်တွေ ဘေးမဲ့ပေးချင်တာတောင် သူ့ဘာသာ သနားမိတဲ့စိတ်ကို ပြန်သနားလို့တဲ့ ဆိုပြီး တွေးမိသွားစေချင်လို့လား...

အဲဒီကနေစလို့ အငြင်းအခုန် ထဖြစ်ရင်...

"
တချို့သူတွေက ဘာရည်ရွယ်ချက်လဲ တော့ မသိဗျာ အဲဒီလောက် အချိန်ကုန် အကုသိုလ် အပွားခံပြီး အလိုမတူ သူများတဲ့ စာတွေ တမင်ဆွရေး ပြီး တယောက်ချင်း ကို သေချာ လက်အညောင်းခံ လိုက်ပြန်ပြော နေတာ ခင်ဗျားမြင်တဲ့ အတိုင်းပဲ နော် ဟ..ဟ ဒါတောင် သူ့ဘလော့ မှာ မဟုတ်သေးဘူး အဲဒါလည်း သူ့ အစာ အာဟာရ ပဲ ထင်ပါရဲ့ဗျာ" တွေ ဘာတွေနဲ့ ဘာစတိုင်မှန်းမသိ တချောင်းငင်တွေ နှစ်ခါ ထပ်ရိုက်ပြီး လာပြောတာကို ကြားချင်မိလို့လား...

လား လား လား...

***

12 comments:

Phyo Maw said...

ကိုယ့်ကိုယ်ကိုကောင်းပါ။
ကိုယ်ကောင်းသမျှ ကိုယ်ရတာပါပဲ။

Bino said...

It seems to me that three Different Presentations intend to same destination.
BINO

SHWE ZIN U said...

ညီမ ရေ

တခေါက် နှခေါက် သုံးခေါက် ဖတ်ပြီးတော့ ပြန်သွားတယ်

ချမ်းမြေ့ပါစေ
ရွှေစင်ဦး

ဇွန်မိုးစက် said...

ကိုယ်တော့ နောက်ဆုံးစာပိုဒ် ဘယ်သူရေးသွားတာလဲလို့ သိချင်မိတယ်။

mg lay said...

အစ်မစာတွေကို တခေါက်ဖတ်ရုံနဲ့ ဘယ်တော့မှမပြီးဘူး
နှစ်ခေါက်၊သုံးခေါက် အမြဲပြန်ဖတ်ရတယ်။
ရေးတဲ့သူကမရှင်းတာမဟုတ်၊ဖတ်မိတိုင်း တွေးစရာလေး
တွေရလို့၊ပြီးတော့စာရေးသူရဲ့အာဘော်ကို(ဘယ်စာရေးသူ
ကိုမဆို)မိမိရရသိချင်တာလဲပါ ပါတယ်။ဒီပို့စ်လေးကိုလဲ
သဘောကျမိတယ်။

SM said...

စိတ်ထဲရှိတဲ့အတိုင်းရေးပြတာ honesty ရှိလို့ပေါ့ =)

Rita said...

ရှိချင်ယောင်ဆောင်နေတာ =)

SDL said...

နားမလည်ဘူးအေ...
နားလည်ရင် လူမဟုတ်ဘူးဖြစ်နေမယ်။ လူနားမလည်အောင်ရေးထားတာဆိုတော့..။

Rita said...

လူမဟုတ်ရင် နတ်လည်းဖြစ်နိုင်တာပဲ =)

SM said...

ဒါဆို hypocrite ပေါ့ =P

kokomaung.uk said...

မှတ်စုတိုထွာလေးတွေဖတ်သွားတယ်းဝ)။

၃၁လို့ရေးထားတဲ့ဂဏန်းကို ပြောင်းပြန်လှန်ပြီး သစ်တုံးလို့ တစ်ခါတစ်ခါတော့ ဘာသာပြန်ကြည့်ချင်ပါရဲ့။

AZURE said...

ပို့စ် တွေအပြင်..Comments တွေပါ ဖတ်ဖြစ် တာ Rita ဘလော့ခ် လည်းအပါအ၀င် ပဲ..။