Thursday, May 6, 2010

ယင်ကောင်တို့သည် အညှီကိုသာ ကြိုက်တတ်ကြကုန်၏ (၁) - မောင်သစ်ဆင်း

" ကြည့်စမ်း၊ ဆောက်လိုက်ကြတဲ့ တိုက်တွေနှယ်ကွာ။ သုံး လေးပြကျော်လောက်ကို တစ်တိုက်လောက် ဆောက်နေကြတယ်။ ဘယ်ကများ ပိုက်ဆံတွေ ရနေကြပါလိမ့်။ ဒီလမ်းထောင့်က တိုက်တောင် ပြီးတော့မှာပဲ။ အင်း သားနားပါ့ဗျာ။ ကြည့်ရတာ မိသားစု နေဖို့ထက် စီးပွားရေးလုပ်ငန်း တစ်ခုခု လုပ်မလို့နဲ့ တူတယ်။ တည်းခိုခန်းလား၊ စားသောက်ဆိုင်လား။

ဟင်း ဒါတွေ မြင်ပြန်တော့လည်း အားကျမိပါရဲ့။ ငါ့နှယ် ဒီဘဝ တိုက်လေး ကားလေးနဲ့မှ နေနိုင်ပါ့မလား။ အိုး... ဘာဖြစ်လို့ မနေနိုင်ရမလဲ။ နေနိုင်ရမယ်။ တစ်နေ့ ဖြစ်ရမယ်။ ဒီနေ့ ဇီးရိုး၊ မနက်ဖြန် ဟီးရိုး မဖြစ်ဘူးလို့ ဘယ်သူ ပြောမလဲ"

ငညိုကွ။
အတတ်ပညာနဲ့ လူ။ တိုင်းရင်း ဆေးသိပ္ပံမှာ လေးနှစ်လေးမိုး သင်ခဲ့ရတဲ့ ပညာတွေ ဘာလုပ်ဖို့လဲ။

မကြောက်ဘူး။ လုံးဝ မကြောက်ဘူး။ မန္တလေးရဲ့ အကြောကို သိထားပြီ။ လူတွေရဲ့ သဘောကို မိထားပြီ။ အခုတောင် အရှေ့ပြင်နဲ့ မြောက်ပြင်ဘက်မှာ ဆရာညို ဆရာညိုနဲ့ နာမည်ထွက်နေပေါ့။ ညနေပိုင်း ဆေးခန်းမှာ မရှိဘူးဆိုရင် လူနာ ဆယ်ယောက်။ မရဘူးဆို တစ်ရာ။ တစ်ရာ့နှစ်ဆယ်။ အခုလို နေ့ခင်းဘက် အိမ်လိုက်တာနဲ့ ဘာနဲ့ဆို တစ်ရက်တစ်ရက် အောက်ထစ် တစ်ရာ့ငါးဆယ်၊ နှစ်ရာတော့ အေးအေးလေးပဲ။ အလုပ်ထဲ ဝင်ရင်ရမယ့် ဆေးခန်းမှူးလစာလောက်တော့ ရယ်ချင်သေး။ ဒါတောင် ငါ ဂျီပီလုပ်တာ တစ်နှစ်ပျော့ပျော့ပဲ ရှိသေးတယ်။ နောက် လေးငါးနှစ်ကြာရင် ရန်ကုန် ရွှေဘုံသာလမ်းအထိ တက်ချဲပစ်မယ်။ ဘာမှတ်သလဲ။ အာ ဒီ ဘီးစုတ်က တစ်မျိုး။ ဘရိတ် မမိချင်ပြန်ဘူး။ ကားတွေကလည်း အရမ်း မောင်းတာပဲဟေ့။ အင်း... စီးနှင့်ကြဦးပေါ့ကွာ။ ဟင်း... ဟင်း။

အဲ... ဒီ (၁၄) လမ်း ထဲမှာ လူနာ ရှိပါသေးလား။ နေဦး။ အပြန်မှ ဝင်မယ်။ သူ့လက်မောင်းက အတော် အခြေအနေကောင်းနေပြီပဲ။ လက်ကျိုးလို့ ကျောက်ပတ်တီး စီးတာကနေ ပခုံးအဆစ် ကြပ်သွားတာ။ ဒါမျိုးတော့ ဆရာညိုတို့က အပိုင်ပေါ့။ အကြောပြင်ပေး၊ ဆေးစည်းပေး၊ လိမ်းဆေး၊ စားဆေးပေး။ နှစ်ပတ်လောက်ပဲ ကြာတယ်။ အခုဆို ပုဆိုးဝတ်နိုင်၊ ခေါင်းဖြီးနိုင်ပြီ။ အမှန်ကတော့ ဘာမှ မဟုတ်ဘူး။ ကျောက်ပတ်တီး စည်းတုန်းက လက်မောင်းလေ့ကျင့်ခန်း မလုပ်လို့ ခံရတာ။ လုပ်ရကောင်းမှန်းလဲ မသိကြဘူးလေ။ မသိတော့လည်း ဆေးဆရာ ပိုက်ဆံရတာပေါ့။

ဟောဒီ (၁၆) လမ်းက အစာအိမ်သမားကတော့ ထမင်းစားနိုင်နေပြီ။ သူလည်း မန္တလေး၊ ရန်ကုန် နှံ့ခဲ့လှပေါ့။ နောက်ဆုံးကျမှ တိုင်းရင်းဆေးဘက် လှည့်လာတာ။ လူတွေကလည်း တစ်မျိုးပဲ။ တိုင်းရင်းဆေးဆို အထင်သေးတာလိုလို၊ နှိမ်ချင်တာလိုလိုနဲ့။ ပြီးတော့ တိုင်းရင်းဆေးနဲ့ ကင်းနိုင်ကြတာလည်း မဟုတ်ဘူး။ ဆေးရုံပေါ်တက်ပြီး ခွဲတာ ခွဲတာပဲ။ မန်းဆေးတော့ ခိုးလိမ်းကြသေးတယ်။ အနှိပ်သည်နဲ့ မန်းဆေးမရှိရင် ဟောဒီ မန္တလေးမြို့ကြီးဟာ မနေတတ်ပါဘူး။ ယုတ်စွအဆုံးလေ အခိုးပွင့်ဆေးနဲ့ လျက်ဆားပုလင်းကတော့ အိမ်တိုင်းလို ရှိနေကြတာပဲ။

အမယ် လက်ဝါးပြရင် လျက်ဆားရမယ် ဘာ ညာနဲ့ သရော်ချင်ကြသေးဗျ။ လျက်ဆားရဲ့ တန်ဖိုးကို မသိကြဘဲကိုး။ ငါဖြင့် ဆိုးဆိုးဝါးဝါး ရောဂါတချို့ လျက်ဆားနဲ့ ကုပေးပြီး ပိုက်ဆံရခဲ့လှပေါ့။ အဲ... လျက်ဆားမှန်း မသိအောင်တော့ လုပ်ထားရသပေါ့လေ။ နို့မို့ရင် အပျင်းပြေလျက်ဖို့၊ ချောင်းဆိုးရင် လျက်ဖို့လောက် သဘောထားနေကြမှာ။ ဒါကလည်း ပြည်တွင်းဖြစ်မို့ ထင်ပါရဲ့လေ။ တကယ်လို့များ ဂျပန်ကလာတဲ့ လျက်ဆား၊ မိတ်အင်ယူအက်စ်အေ လျက်ဆား ဆိုလို့များဖြင့် ဈေးကြီးပေးပြီး တရိုတသေ မှီဝဲကြမလား မသိဘူး။ အခုတော့ဗျာ အားမနာ ပါးမနာ ဖောဖောသီသီ တောင်းကြလေရဲ့။

တိုင်းရင်းဆေးဆရာလို့ ဆိုလိုက်တာနဲ့ နံပါတ်တစ် အတောင်းခံရဆုံးက လျက်ဆား။ နောက် ဒုတိယကတော့ ဟိုကိစ္စအတွက် ဆေးပေါ့လေ။ ဆရာဝန်တွေ အားဆေး အတောင်းခံရတဲ့ ဒုက္ခကို ခုမှပဲ ကိုယ်ချင်းစားမိတော့တယ်။ မပေးလို့လည်း မကောင်း၊ ပေးပြန်တော့လည်း အကျင့်ပါ၊ တန်ဖိုးကျ။ အော် ဒုက္ခ။ သူငယ်ချင်း ဆေးဆရာတစ်ယောက်ဆို မခံချင်လွန်းလို့ သူ့ဆီ လျက်ဆားလာတောင်းရင် "လျက်ဆားမရှိဘူး။ လျက်ဆေးပဲ ရှိတယ်။ ဖြစ်တဲ့ရောဂါပြော။ ရော့ လျက်ဆေး" ဆိုပြီး အတင်းပြောင်းလဲကြည့်ပေမယ့် မရဘူး။ လူတွေက လျက်ဆားပဲ၊ ရယ်ရတယ်။

လျက်ဆေးဆိုလို့ သူ့တန်ဖိုးက မသေးတော့ဘူး။ ငါတို့လည်း ကိုရင်ကြီး ဝတ်မယ့်နှစ်မှာ ဝါထပ်တယ် ဆိုသလိုပါပဲ။ ဆေးဆရာမှ ဖြစ်မယ် မကြံသေးဘူး။ ဘယဆေးတွေက ဆေးတက်ကုန်ပြီ။ နောက်ဆုံးတော့ ဒီကောင်တွေပဲ ချမ်းသာကုန်ကြတာပဲ။ ငါလည်း နောက်ဆိုရင် ဘယဆေးဆိုင်ဖွင့်ဖို့ ကြိုးစားရမယ်။ ဆေးလည်းရောင်းမယ်။ ဒါမှ မြန်မြန် ကြီးပွားတော့မှာ။ ဆေးကုတဲ့ အလုပ်ကို ရေရှည် မလုပ်ချင်ဘူး။ သူများအပူ ကိုယ့်အပူ လုပ်နေရတာ။ ဦးနှောက်ခြောက်သေး။ ပင်ပန်းသေး။ ဆေးတစ်မျိုး နာမည်ရလာရင် ကြီးပွားမယ်သာပြင်။ လောကမှာ ကြီးပွားဖို့ပဲ။ တိုက်ဆောက်မယ်။ ကားစီးမယ်။ မိန်းမနှစ်ယောက် ယူလိုက်ဦးမယ်။ ဘာဖြစ်သေးလဲ။

အင်း ထမင်းဖိုးကလေး ခိုင်မာဖို့အရေး ငါ အတော် ကြိုးစားခဲ့ရတာပဲ။ ကျောင်း ပြဋ္ဌာန်းစာတွေနဲ့တင် မတင်းတိမ်ဘဲ ကောင်းနိုးရာရာ အရှေ့ အနောက် ဆေးကျမ်းတွေ ရှာရ၊ ဖွေရ၊ ဖတ်ရ၊ မှတ်ရ၊ ဆရာသမားကြီးတွေဆီ မေးရ၊ မြန်းရ၊ ဆွေးနွေးရ။ ဆေးရုံပေါ်က အတွေ့အကြုံတွေ လေ့လာရ၊ ဆည်းပူးရ၊ ကျော်ဖြတ်ခဲ့ရတာတွေ။ ပင်ပန်းဆင်းရဲ ခံခဲ့ရတာတွေ၊ ဒါကြောင့်လည်း ငါ ဒီလောက် အထိ အောင်မြင်လာတာ။ အနာခံမှ အသာစံ။ အထိနာတော့ အသိသာတော့မပေါ့။ တိုင်းရင်းဆေး ဒီပလိုမာချင်း အတူတူ ဘယ်သူ ငါ့လောက် အောင်မြင်လို့လဲ။

တချို့ ဆေးနည်း လာတောင်းကြသေးတယ်။ ဘယ့်နှယ် ကိုယ်မှ ခက်ခက်ခဲခဲ အပတ်တကုတ် ရှာဖွေထားရတာ သူများကို လွယ်လွယ်နဲ့ ဘယ်ပေးနိုင်လိမ့်မလဲ။ မပေးလို့ မကောင်းတဲ့သူတွေကျပြန်တော့ အရေးကြီးတဲ့ အချက်တွေ ချန်ပြီး ပေးလိုက်တာပေါ့။ ဝမ်းနည်းပါတယ် သူငယ်ချင်းများ။ ငါ့လိုဖြစ်ချင်ရင် ငါ့လို လုပ်ခဲ့ကြပေါ့ကွယ်။

ပညာဆိုတာ ဒီလို ယူရတာပဲလေ။ ဒါပေမဲ့ ပညာရှာတဲ့နေရာ စဉ်းစား ကြံဆတဲ့နေရာမှာ ဟိုအကောင်ကို ငါ လုံးဝ မမီဘူး။ စိုးကျော်ဆိုတဲ့ အကောင်။

တက္ကသိုလ်တုန်းကတော့ မေဂျာတူပါပဲ။ သိပ်တော့ မရင်းနှီးဘူး။ မေးထူးခေါ်ပြောလောက်ပဲ။ ကျောင်းပြီးတော့ ဘာမှ လုပ်စရာ မရှိတာနဲ့ နောက်ဆုံး အကြံကုန် ဂဠုန်ဆားချက် တိုင်းရင်းဆေးသိပ္ပံ ဝင်ဖြေပြီး ပါလာမှ ဒီကောင်နဲ့ မမျှော်လင့်ဘဲ ပြန်ဆုံရတာ။ ဒီကောင်ကတော့ ရည်ရွယ်ချက်နဲ့။ တိုင်းရင်းဆေးပညာဆိုတာ ဘာလဲဆိုတဲ့ စိတ်ဝင်စားမှုနဲ့ လာတာဆိုပဲ။ ကြီးကြီးကျယ်ကျယ်။

ဒါပေမဲ့ ဒီကောင် အရမ်းကြိုးစားတယ်။ ငါကြိုးစားခဲ့ရတယ် ဆိုတာ စိုးကျော်နဲ့ ယှဉ်တော့ ဖွဲ ပဲ။ ဒီကောင်က ဉာဏ်ကလည်းကောင်း၊ စာကလည်း အစုံဖတ်၊ သူမဖတ်ဖူးတဲ့ ဆေးကျမ်း မရှိသလောက်ကို ဖတ်တယ်။ ဒီကောင်က ငါ့ထက် အင်္ဂလိပ်စာ ပိုကောင်းတော့ ပိုဖတ်နိုင်တာလည်း ပါတာပေါ့လေ။ ပြီးတော့ တိုင်းရင်းနဲ့ အနောက်တိုင်း ပေါင်းစပ် ယူတဲ့ နေရာမှာ တော်တော်ကောင်းတယ်။ ဓါတ်ကြီးလေးပါးကို သိပ္ပံ သီအိုရီတွေနဲ့ ဆက်စပ်ပြီး အဓိပ္ပါယ်ဖွင့်သွားများ ပါးစပ်ဟောင်းလောင်းနဲ့ ငေး နေရလောက်အောင်ပဲ။ တချို့ဟာတွေဆို ငါဖြင့် နားမလည်ပေါင်။ လိုက်မမီဘူး။ သူ့ဆီကလည်း ပညာ အတော်ရပါတယ်။ ဒီကောင်က မလျှိုတတ်ဘူးလေ။ မေးလိုက်လို့ကတော့ သူ သိထားသမျှတွေ အကုန် ထွက်လာတာပဲ။ ဆရာ လုပ်ချင်တတ်တဲ့ စိတ်လည်း ရှိလို့ နေမှာပေါ့။

ဒီကောင်က တမျိုးပဲ။ ကြောင်တယ် ပြောရမလား၊ မွဲဇာတာ ပါတယ် ဆိုရမလား။ သင်တန်းပြီးတော့ ဒီကောင် ဆေးလေး ဘာလေး ကုသေးတယ်။ တော်တော် အောင်မြင်တယ်။ အဲဒီတုန်းက ငါက အရှိန်ယူနေရဆဲ ကာလ။ အဲဒါ ဒီကောင် ဆက်မလုပ်ဘူးဗျာ။ ဆေးခန်း မထိုင်ချင်တော့ဘူး ဆိုပြီး သုတေသနဌာနမှာ ဝင်လုပ်နေတယ်။ အတော်ဟုတ်တဲ့ကောင်။ အလကား ဘာမှ လုပ်နေစရာမလိုပေါင်။ သူ့လို ပညာမျိုးနဲ့ အပြင်မှာပဲ ဆေးခန်း ဆက်တိုက်ထိုင်ပြီး၊ ပိုက်ဆံ ရှာနေလိုက်ရင် အခုနေဆို လျှမ်းလျှမ်းတောက်ပေါ့။

ပညာရပ်တစ်ခုဟာ သုတေသန အားနည်းရင် အားနည်းသလောက် တိုးတက်မှု နှေးကွေးတယ်။ သုတေသနဟာ မရှိမဖြစ် လိုအပ်တယ် ဆိုတာ အားလုံး သိကြတာပဲ။ ကိုယ်မလုပ်လည်း သူများ လုပ်နေကြမှာပဲဟာ။ အောင်မြင်ပြီဆိုမှ ကိုယ်က အဆင်သင့် ယူသုံးရုံပဲပေါ့။ အဓိက က ကိုယ့် ထမင်းအိုး အတွက်ပဲ။ လောကမှာ ထမင်းအိုးထက် ဘာကများ အရေးကြီးနိုင်ဦးမလဲ။ ခုတော့ ဒီကောင် လစာလေး မလောက်မငနဲ့ မိန်းမတောင် မယူရဲဘူး။ ငါတော့ ဒီကောင်ကို သနားတယ်။ အမယ် သူကလည်း ငါ့ကို နှမြောသတဲ့လေ။ ရယ် ရယ်ရသေး ဟေး ဟေး...

နောက်တစ်ကောင် ရှိသေးတယ်။ စာယောင်ယောင် ပေယောင်ယောင် စာရူး ကဗျာရူး အကောင်တစ်ကောင်၊ စကားကြီး စကားကျယ်တွေ ပြောတတ်တဲ့ကောင်၊ စာသမားဆိုတော့ စကားပြောလည်း ကောင်းတယ်။ သူ ပြောပြောနေတတ်တာ ရှိပါတယ်။ ဘာတဲ့ လက်ရှိ တိုင်းရင်းဆေးလောကမှာ စည်းရုံးရေး ကာလတစ်ခု လိုအပ်နေတယ်တဲ့။ အထက်မြက်ဆုံး၊ အစူးရှဆုံး စည်းရုံးရေးလက်နက်ကတော့ စာပေပဲတဲ့။ ဒါပေမဲ့ အနုပညာအားကောင်းမှ ဖြစ်မတဲ့။ အစက တိုင်းရင်းဆေးအား အထင်သေးခဲ့မိရာမှ တိုင်းရင်းဆေးဖြင့် ကုသ၍ ပျောက်ကင်းသွားသောအခါ အထင်ကြီးသွားလေသတည်း ဆိုတဲ့ ဟောင်းနွမ်းလွန်းသော ပုံစံမျိုး မဖြစ်ဖို့တော့ လိုတယ်တဲ့။

"ရသ" နဲ့ နွယ်ပြီး ရေးသားတဲ့အခါ "သုတ" ရဲ့ တန်ဖိုးတက်လာတော့ အဲ... ဘာဖြစ်တယ် ဆိုလားပဲ၊ သူပြောလွန်းလို့ ငါတောင် အလွတ်ရသလို ဖြစ်နေတယ်။ အော်... တော်တော် သနားစရာကောင်းတဲ့ သတ္တဝါတွေပဲ။ အလုပ်မရှိ အလုပ်ရှာလို့ လူတွေ ကြည့်လိုက်တော့ လက်ဘက်ရည်ဖိုးတောင် အနိုင်နိုင်၊ ပြောလိုက်တဲ့ စကားတွေက...

အင်း ဦးဇောတိက ကျောင်းနားတောင် ရောက်လာပါပေါ့လား။ ဆရာတော့်လိပ်ခေါင်းလည်း ပျောက်သွားပြီ။ အော် ကျောင်းဝင်းအုတ်တံတိုင်းတောင် ပြီးတော့မှာပဲ။ ငါတောင် တံတိုင်းသုံးခန်း လှူထားသေးတယ်။ ငါ့နာမည်ကို ခပ်ကြီးကြီး ရေးခိုင်းထားရမယ်။ ဒါလည်း ကြော်ငြာနည်းတစ်မျိုးပေါ့။ ဆရာတော်နဲ့ သင့်မြတ်ရင် သူ့ပရိသတ်ဟာ ငါ့ပရိသတ်လည်း ဖြစ်လာနိုင်တယ်။ ဆရာတော် ပြောရင် ပြီးတယ်လေ။ အပြန်ကျမှ ဝင်ဖူးရဦးမယ်။

ဟော မစိုးရိမ်ပွိုင့်တောင် ရောက်လာပြီ။ ကားတွေကလည်း ရှုပ်လိုက်တာ။ ဟိုက် မီးပွိုင့်နီတော့မယ် ထင်တယ်။ မြန်မြန် လွတ်အောင် နင်းမှ။

ဟ ဟ ဒီကားက ဘယ့်နှယ် အရမ်းကွေ့ ဟာ ဟာ တိုက် တိုက်

"အား"

***
အပိုင်း (၂) သို့

Sunday, May 2, 2010

ပင်လယ်ပျော် စင်ရော် - Jonathan Livingston Seagull - Myanmar Books Catalogue




အဲဒီ စာအုပ်ကတော့ ကိုယ့်နားလည်နိုင်စွမ်းရဲ့ အပြင်နားလောက်မှာ ရှိပါတယ်။
၉ တန်း နှစ်တဝက်မှာ ကျောင်းပြောင်းခါနီး ဖြူးက သူငယ်ချင်းက လက်ဆောင်ပေးလိုက်လို့ ဖတ်ခဲ့ရတဲ့ စာအုပ်လည်းဖြစ်ပါတယ်။ (Update: တချိန်လုံး ပြောင်းခါနီးမှာ ပေးလိုက်တယ်လို့ ထင်နေခဲ့တာ။ တကယ်တမ်း date ကို ပြန်ကြည့်မိတော့ နှစ်စမှာ ပေးခဲ့တာပါ။ ကျောင်းပြောင်းတာက အောက်တိုဘာ ပထမအစမ်းပြီးမှ ပြောင်းခဲ့တာ)

ကိုယ့် စာအုပ်က "ထင်လင်း" ရဲ့ ဘာသာပြန်ပါ။


မှတ်မိနေတဲ့ စာကြောင်းလေးက... "Why it is too hard for you to live in the same way like others, Jon?" (သူများတွေလို နေဖို့ ဘာကြောင့်များ မင်းအတွက် ခက်ခဲနေရတာလဲ Jon ရယ်) ဆိုတာလေးပါပဲ။
Jonathan Seagull ကို သူ့မေမေက မေးတဲ့ စကားပါ။

Jon က ဘာပြန်ဖြေလဲဆိုတော့...
"လေထဲမှာ ဘာလုပ်လို့ရတယ် ဘာလုပ်လို့ မရဘူးဆိုတာ ကျွန်တော် သိချင်လို့ပါ အမေ" (I wanna know what I can do and what I can't in the air. Just wanna know.) တဲ့။

စာအုပ်လဲ အနားမှာ မရှိလို့ ကိုယ့် စကားလုံးတွေနဲ့ပဲ ပြန်ရေးနေရတာမို့ အနည်းငယ် ချွတ်ချော်နိုင်ပါတယ်။
ဒီစာအုပ် အကြောင်းတော့ သိပ် များများ မရေးနိုင်ပါ။ စာအုပ်နဲ့ လူနဲ့ မတန်မရာ အရွယ်မှာ ဖတ်ဖြစ်ခဲ့သလိုဖြစ်တော့ ခုထိကို စာရေးဆရာ ပေးချင်တဲ့ message ကို နားမလည်နိုင်သေးဘူး။

ဒီ အကြောင်းကို 25th January 2009 မှာ Myanmar Books Catalogue ရဲ့ ဒီနေရာ မှာ ရေးခဲ့တယ်။

(စာကြွင်း။ အဲဒီနေရာမှာ ကိုမောင်လွင်ရေးတဲ့ "သင်းသပ်" ဆိုတာ သစ်ပင်တွေနဲ့ ဆိုင်မှန်း သိတယ်။ ဒါပေမဲ့ လူတွေအတွက်တော့ အဲဒါကို သုံးမှာမဟုတ်ဘူး ထင်လို့ ကိုယ့်ဘာသာ တရုတ်ကားကို ကျော်တွေးလိုက်တာ။ တွေးချင်လို့သာ တွေးတာ အဲဒီ စကားလုံးလည်း မဟုတ်မှန်းလဲ သိပါတယ်။ ပေါက်ပေါက်ရှာရှာ တွေးတာ အကျင့်ပါနေလို့။

ဒါပေမဲ့ ဟားချင်တဲ့ လူကတော့ ဟားပစ်တာပဲ။ :( )

***
တကယ်တော့ ဒီဝတ္ထုမှာ နားမလည်နိုင်တာက စာရေးဆရာ ပေးချင်တဲ့ message ကို မဟုတ်လောက်ဘူး။ message ပေးတဲ့ ပုံစံကိုသာလျှင် နားမလည်နိုင်တာ ဖြစ်လိမ့်မယ်။

(တခါတလေ ကြည်အေး ရဲ့ message တွေကို နားမလည်နိုင် ဖြစ်ရတယ် လို့ ခံစားရတယ်။
ဒါလည်း တကယ်တမ်း သူ ဘာပြောချင်တယ် ဆိုတာကို နားမလည်နိုင်ဖြစ်ရတာ မဟုတ်ဘဲ သူဘာကြောင့်များ ဒါကို ဒီလို တွေးရတာလဲ (ဘာဖြစ်လို့ ဒီလို message မျိုး ပေးရတာလဲ) ဆိုတာကိုသာ နားမလည်နိုင် ဖြစ်ရတာ။ - ဤကား စကားချပ်)


ဒီဝတ္ထုနဲ့ ပတ်သတ်လို့ကတော့ ကိုယ်က သွယ်ဝိုက်တာတွေကို မခံစားချင်၊ မခံစားတတ်တာကြောင့် ဖြစ်နိုင်တယ်။
ကိုယ့်အမြင်မှာတော့ သွယ်ဝိုက်တာနဲ့ ဖွဲ့နွဲ့တာဟာ မတူပြန်ဘူး။ ဒါကြောင့် ပုံဆောင်ပြတဲ့ ဝတ္ထုတွေ (Allegory) ဆို ကိုယ် ဘယ်တော့မှ မငြိခဲ့တာ ဖြစ်နိုင်တယ်။

***
ဒါကို blog မှာ ပြန်တင်မယ်လုပ်တော့ review လို့ မဆိုသာတဲ့ အထက်က စာပိုဒ်နဲ့တင် မတင်ချင်တာကြောင့် စာအုပ်ထဲက နှစ်သက်မိတဲ့ စာပိုဒ်တချို့ကို ပြန်ရိုက်တင်ဖို့ စိတ်ကူးမိပါတယ်။

"ဤ ပင်လယ်ပျော်စင်ရော် ပုံဝတ္ထုသည် သဘောသဘာဝတို့ကို စင်ရော်၌ တင်စားသည်။ ဤ ပုံဝတ္ထုကို ဖတ်သောသူသည် မိမိ၏ လောကတွင် အလားတူ အခြင်းအရာများကို ဆင်ခြင်၍ သဘာဝ ယုတ္တိကို ရှာကြည့်နိုင်သည်။ ဤဝတ္ထုပါ စွန့်စားခန်းများကို လူ့လောက စွန့်စားခန်းများနှင့် ထင်ဟပ်၍ ကြည့်လိုသူများသည် နယ်သစ်ရှာ အာဇာနည်များ၊ တောင်ဝင်ရိုးစွန်း မြောက်ဝင်ရိုးစွန်း၊ တောနက်ကြီးများ၊ သဲကန္တာရများနှင့် ကမ္ဘာပေါ်တွင် အမြင့်ဆုံး တောင်ထိပ် တောင်ထွတ်များ၌ ခြေချရန် စွန့်စားခဲ့သူများကို တွေ့မြင်နိုင်သည်။


ဤသူများသည် မည်သည့် အကျိုးစီးပွားကို လို၍ ဤသို့ အသက်ဆံဖျား စွန့်စားကြရသနည်းဟူသော အမေးကို ဖြေရာတွင် လူတို့၏ အစွမ်းသတ္တိနှင့် ဇွဲလုံ့လ၊ စိတ်ဓါတ်ကြံ့ခိုင်မှု၊ ပူးပေါင်းလုပ်ဆောင်တတ်မှု၊ ရိုင်းပင်းကူညီတတ်မှု တို့ဖြင့် လုပ်ဆောင်လျှင် မည်သို့မျှ မဖြစ်နိုင်ဟူ၍ ထင်ရသော ကိစ္စရပ်များကိုလည်း လုပ်ဆောင်အောင်မြင်နိုင်သည် ဆိုသည်ကို သက်သေပြရန်ဟူ၍ ပြောခဲ့ကြသည်။

ထိုသို့ စွန့်စားခဲ့ကြသူများ၏ အဆိုအရ ဤမျှ အခက်အခဲ၊ အကြပ်အတည်းများ၌ အဆိုးဝါးဆုံးသော အပူဒဏ်၊ အအေးဒဏ်နှင့် အန္တရာယ်အမျိုးမျိုးကို ကျော်လွန်အောင် အားထုတ်ပြီးသည်၏ နောက်ပိုင်းတွင် သူတို့၏ စိတ်နေသဘောထားများလည်း ပြောင်းလဲခဲ့ကြပြီး အခြားလောကီနယ်မှ လူသာမန်တို့ကဲ့သို့ မဟုတ်တော့ကြောင်း သိရသည်။ (သာမန်လူတို့၏ သန္တာန်၌ ကိန်းဝပ်သော အဘိဇ္ဈာ၊ ဣဿာမစ္ဆရိယ၊ ဗျာပါဒတို့ ကင်းစင်ကာ မေတ္တာ၊ ကရုဏာ၊ မုဒိတာ၊ ဥပေက္ခာဟူသော ဗြဟ္မစိုရ်တရားတို့ကို ထားရှိတတ်လာသည် ဟု ဆိုလိုခြင်းဖြစ်သည်။)"

(ဘာသာပြန်သူ ထင်လင်း ၏ အမှာ)

***
"ကိုယ့်ကို အခုပဲ သတ်ဖို့ ကြိုးစားခဲ့တဲ့ ငှက်တွေရဲ့ ဗရုတ်ဗရက်အုပ်စုကို ခင်ဗျားဘယ်လိုလုပ်ပြီး ချစ်နိုင်တယ်ဆိုတာ ကျုပ်နားမလည်ဘူး။"

"အို ဖလက်ခ်ျရယ်၊ မင်း ဒါကို မချစ်နဲ့ပေါ့ကွယ်။ အမုန်းတရားနဲ့ မကောင်းမှုကိုတော့ ချစ်ဖို့ မလိုဘူးပေါ့ကွယ်။ မင်း လေ့ကျင့်ပြီး တကယ့်စင်ရော်ဆိုတာကို မြင်တတ်အောင် ကြည့်ရလိမ့်မယ်။ သူတို့ ကိုယ်စီမှာ ရှိတဲ့ ကောင်းတာကလေးတွေကို ရှာကြည့်ပြီး၊ သူတို့ကိုယ် သူတို့မှာလည်း အဲဒါကလေးတွေ မြင်အောင် ကြည့်တတ်ဖို့ ကူညီပေးပါ။ ငါပြောတဲ့ 'မေတ္တာတရား' ဆိုတာ အဲဒါပဲ။ နည်းသိရင်တော့ ပျော်စရာ ကောင်းပါတယ်။"

(စာ - ၁၆၉)

***
"သြော် ဖလက်ခ်ျရယ်။ မင်းမျက်လုံးများက ပြောတာကို မယုံပါနဲ့။ သူတို့ ပြတာ အားလုံးဟာ အဟန့်အတား အကန့်အသတ်တွေချည်းပဲကွယ့်။ မင်းရဲ့ ဉာဏ်နဲ့ယှဉ်တဲ့ အမြင်နဲ့ ကြည့်ပြီး မင်းသိထားပြီးသားဟာကို ရှာပါ။ မင်း ပျံသန်းနည်းကို တွေ့ပါလိမ့်မယ်"

"Poor Fletch. Don't believe what your eyes are telling you. All they show is limitation. Look with your understanding, find out what you already known, and you'll see the way to fly."
(စာ - ၁၇၄, ၁၇၅)
***
သိပ်ကောင်းတဲ့ စာသားတွေလို့ ခံစားမိပါတယ်။

(ဆရာထင်လင်း အမှာစာက တချို့ အချက်အလက်တွေမှာ ကိုပေါ ပြောချင်တဲ့ သဘောတရားတွေ ပါတယ်လို့တောင် ထင်မိ :))

ကိုယ်ကတော့ လူ့သဘာဝကို လူတွေရဲ့ နေ့စဉ်ဘဝကနေ တိုက်ရိုက်ဖွဲ့ဆိုတင်ပြတာကိုပဲ ကြိုက်တတ်တဲ့သူ ဖြစ်တာကြောင့် Allegory ပုံစံ ဝတ္ထုတွေကို မစွဲလမ်းလှပါဘူး။ မကြိုက်လှပါဘူး။

သူငယ်ချင်းဆီက စာအုပ် လက်ဆောင်ရတဲ့ နေ့စွဲက 10th June 1995 ပါ။
ဖြူးကနေ ပြောင်းရတော့မယ် ဆိုတော့ ကိုယ့်ကို ဒီစာအုပ် လက်ဆောင်ပေးဖို့ သူ့အစ်ကိုကြီးကို ရန်ကုန်က ဝယ်ခဲ့ဖို့ တကူးတက မှာခဲ့တယ် ဆိုတယ်။

သူနဲ့ ကိုယ်နဲ့က ငယ်ငယ်တည်းက (၄/ ၅ တန်းမှာတည်းက) အုပ်စုထဲက စာတော်တဲ့ တခြားသူငယ်ချင်းတွေလို ဆရာဝန်လုပ်မယ်။ အင်ဂျင်နီယာလုပ်မယ်လို့ ဘယ်သောအခါကမှ မပြောခဲ့ကြသူတွေ ဖြစ်တယ်။ (တကယ်က ဘာလုပ်ရကောင်းမှန်းမှ မသိတာ ဖြစ်နိုင်တယ် :D )

သူက ကိုယ့်ထက် အများကြီး ဉာဏ်ကောင်းပြီး၊ IQ ပိုမြင့်ပါတယ်။ ကိုယ့်ထက် ၁ နှစ်လောက်လည်း ကြီးတယ်။ အထူးသဖြင့် အင်္ဂလိပ်စာ သိပ်တော်ပါတယ်။ ခုတော့ ဖြူးမှာပဲ guide လုပ်ပြီး ကျူရှင်ပြရင်း ထောနေတယ် ကြားတယ်။ ကိုယ်တို့ batch တွေထဲမှာ ၁ဝ တန်းအောင်တော့ အချင်းချင်းတောင် မယုံချင်စရာကောင်းလောက်အောင် result တွေက ဇောက်ထိုးမိုးမျှော် ထွက်လာတာတွေ ရှိတယ်။ ဒါတွေတော့ နောက် ကြုံမှပဲ ရေးတော့မယ်။

ဒီစာအုပ်နဲ့ မိတ်ဆက်ပေးခဲ့တဲ့ ချစ်သော သူငယ်ချင်းအား ကျေးဇူးတင်ပါတယ်။

***

Thursday, April 29, 2010

အသုံးမကျတဲ့ စိတ်ကူး

သင်္ကြန်အပြီးမှာ ရလိုက်တဲ့ အကုသိုလ်တွေ တလှေကြီးနဲ့ ယာဉ်ပျံတစ်စီးလောက် ဆောက်ချင်တယ်။ (ကျော်သူမောင်းတဲ့ ကားပုံစံမျိုး)

လူအားလုံး ခေါင်းရှင်းဖို့ နှစ်ဘက်စလုံးကို မောင်းသွင်းပြီး ပိတ်ချင်တယ်။

အားလုံးကို ခါချဖို့ ပါပဂြိုဟ်တစ်လုံးလည်း ရှာချင်တယ်။

ပြီးသွားရင် (ခွေးချင်းကိုက်တာ ဘယ်တုန်းကမှ စိတ်မဝင်စားခဲ့ပေမယ့်) ဆတ်ဆတ်ခါ မချိနေမယ့်ဟာတွေကို နက္ခတ်တာရာကြည့် မှန်ပြောင်းနဲ့ အိမ်အပြန် ညတွေမှာ ဇိမ်ခံ ချောင်းကြည့်ရင်း ဟားချင်တယ်။

***

Tuesday, April 27, 2010

opt

ဂျပန်လူမျိုး ရုပ်ရှင်ဒါရိုက်တာကြီး "အာကီရာ ကူရိုဆာဝါ" (Akira Kurosawa) သည် ရုပ်ရှင်ကားပေါင်းများစွာကို ရိုက်ကူးခဲ့ရာ သုံးပုံနှစ်ပုံလောက်သော ကားများကို ဂန္ထဝင်ကားတွေဖြစ်သည်ဟု ရုပ်ရှင်ပညာရှင်များက လက်ခံရသည်။

အင်တာဗျူးတစ်ခုတွင် "ခင်ဗျားရဲ့ ရုပ်ရှင်ကားတွေ အားလုံးဟာ အချုပ်အားဖြင့် လူ့လောကကို ဘယ်လိုများ စကားဆိုချင်ပါသလဲ" ဟု မေးရာ သူက ပြန်ဖြေလိုက်သည်မှာ "လူတွေဟာ ဒီထက်ပိုပြီး သာတောင့်သာယာ ချမ်းသာစွာ နေနိုင်ပါလျက် ကိုယ့်ဘာသာ ဆင်းရဲတွင်းနက်အောင် လုပ်နေကြတယ် ဆိုတဲ့ စကားကို ပြောနေတာပါပဲ" တဲ့။

(အောင်သင်း - တကယ့်နိုင်ငံရေး - 17.8.2003)
ကန့်ကူလက်လှည့် - Oct 2004 ဒုတိယအကြိမ် (Future Publishing House)

***

Monday, April 26, 2010

= is equal to =

၁) တထေရာတည်း
၂) တပုံစံတည်း
၃) ချွတ်စွပ်
၎) ပုံတူ
၅) ထပ်တူထပ်မျှ
၆) ကိုယ်ပွား
၇) တသွေမတိမ်း
၈) သူမသာ ကိုယ်မသာ
၉) အတူတူ နဲ့ အနူနူ
၁၀) ဘာဘူကြီး နဲ့ အရာကြီး
၁၁) ရှင်ကြီးဝမ်း နဲ့ ရှင်ငယ်ဝမ်း
၁၂) ကျား နဲ့ ရှင်ကြီး

ဝေါဟာရက အဲလောက်ပဲ ထွက်လာလို့။ ထပ်ထွက်လာရင် ထပ်တင်ဦးမယ်။

Update (11:43 AM)
၁၃) ဒီပုတ်ထဲက ပဲ

Update (27th Apr 2010, 1:50 PM)
၁၄) ထူးမခြားနား (by Kyaw Nyo Thwe)
၁၅) ပုလင်းတူ ဘူးဆို့ (by Moe Sett Pwint)
၁၆) တစ်လှေတည်းစီး တစ်ခရီးတည်းသွား (by Moe Sett Pwint)
(ဒီနေရာမှာ နည်းနည်းတော့ ပြင်လိုက်ချင်တယ်။ "နှစ်လှေခွဲစီး" လို့။

Thursday, April 22, 2010

ပုဂံသူရဲကောင်းများ - Myanmar Books Catalogue

ဒီ post ကို ပြန်တင်မယ် ဆိုတော့ ကိုယ် အသိဉာဏ်မရှိ ဖြစ်ခဲ့တာကို ရှက်မိပါတယ်။ ဘာဖြစ်လို့များ အဲဒီလို လက်တွေ့မကျတဲ့ အတွေးအခေါ် ဝင်သွားရသလဲ မစဉ်းစားတတ်အောင်ပါပဲ။

တကယ်တော့ ဝတ္ထုဇာတ်လမ်း နဲ့ သမိုင်းကြောင်းဆိုတာရဲ့ တန်ဖိုးကွာခြားမှုကို ကွဲကွဲပြားပြား မသိခဲ့တာ။ သိအောင်လည်း မစဉ်းစားခဲ့၊ စိတ်မဝင်စားခဲ့တာ။

ဒေါက်တာ မတင်ဝင်းတို့ ရေးတဲ့ "အို ရာဇကုမာရ် မင်းသားလေးဟာ ဘယ်လို သိမ်မွေ့ ရိုကျိုးလို့ ..." ဆိုတာမျိုး၊ "ကျန်စစ်သားဟာ ဘယ်လို နိုင်ငံတော်နဲ့ အရှင်သခင်ကို သစ္စာစောင့်သိတာ" ဆိုတာမျိုး၊ ပြီးတော့ "ရာမ နဲ့ လက္ခဏ ညီအစ်ကို နှစ်ယောက်မှာ လက္ခဏဟာ ဘယ်လို" ဆိုတာမျိုး၊ ဒါတွေနဲ့ အလားတူ အချက်အလက် မှန်ကန်တဲ့ သမိုင်းကြောင်း မဟုတ်ဘဲ ဝတ္ထုဇာတ်လမ်းသက်သက်သာ ဖြစ်တဲ့ ခု "ပုဂံသူရဲကောင်းများ" လို ဟာတွေဖတ်ပြီး ဖတ်ကောင်းရုံနဲ့ ကျေနပ်နေတာလည်း ပါတယ်။

တကယ်လည်း အဲလို အရေးအသားတွေဟာ ဝတ္ထုဇာတ်လမ်းကို ဇာတ်လမ်းလိုသာ ရေးတာဖြစ်လို့၊ ဇာတ်လမ်းအနေနဲ့ အရေးအသားကောင်း ဖတ်ကောင်းတဲ့ စာအုပ်တွေ၊ အကြောင်းအရာတွေပဲ ဖြစ်ပါတယ်။

သမိုင်းအနေနဲ့ ကြည့်ရင်တော့ ဘာမှ ခိုင်မာခြေမြစ်မှု မရှိဘူး။ သမိုင်းတန်ဖိုးနဲ့ ယှဉ်တွက်လို့ မရတဲ့ အကြောင်းအရာတွေ ဖြစ်တယ်။


***
အဲဒီ စာအုပ်ကိုလည်း ကျောင်းပြီးကာနီး မှော်ဘီကျောင်း EC Major ရဲ့ library ကပဲ ငှားဖတ်ခဲ့တာပါပဲ။ ဒေါ်ခင်မျိုးချစ်က English ဘာသာနဲ့ ရေးပြီး ဆရာသော်တာဆွေက ဘာသာပြန်ခဲ့တာပါ။ ဒါနဲ့ ပတ်သတ်လို့လဲ စိတ်ထဲမှာ စွဲထင်နေတာလေး တစ်ခု ရှိပါတယ်။ အနော်ရထာနဲ့ ကျန်စစ်သားလို့ ထင်တယ်။

ထားပါတော့။ ဘုရင်နဲ့ တစုံတယောက် ရဲ့ dialogue လေး (လူတွေရဲ့ အစွဲတွေနဲ့ ပတ်သတ်ဆက်နွယ်ပြီး ရေးထားတာလို့ ခံစားရပါတယ်) မြစ်ကမ်းစပ်မှာ ရှည်မျောတဲ့ ကျောက်စရစ် ကလေးတွေ အများအပြားရှိသတဲ့။ အဲဒီ ဒေသက လူတွေက ဘုရားရှင် လက်ထက်တော်က ဘုရားရှင်နဲ့ နောက်ပါ သံဃာများ အဲဒီ မြစ်ကမ်းရောက်တဲ့ အခိုက် သပိတ်တော်များ ရေဆေးကြောရင်း ကျန်ခဲ့တဲ့ ဆွမ်းဆန်တွေက ကြာလာတော့ ကျောက်ဖြစ်သွားတာလို့ ယုံကြည်ကြတယ် ဆိုတာပါ။
ဒီတော့ ဘုရင်က ပြောပါတယ်။ "မောင်မင်းရယ် ငါ ကိုယ်တော်လဲ ဘုရင် ဆိုတဲ့ စည်းစိမ်ထက် ဟောဒီ မြင်နေရတဲ့ ကျောက်စရစ်ခဲလေးတွေဟာ ဘုရားရှင်ရဲ့ ဆွမ်းဆန်တော်တွေလို့ ယုံကြည်စွဲမှတ်ပြီး ကြည်ညိုသဒ္ဓါ ပွားနေရတဲ့ လူသာ ဖြစ်ချင်စမ်းပါဘိ" တဲ့။ (စာသားများ အတိအကျ မဟုတ်ပါ)
ဒါနဲ့ ဆက်စပ်ပြီး စဉ်းစားမိတာ တစ်ခုပြောရရင် သုတေသန သမားများ၊ အမှန်စင်စစ်ကိုသာ လိုလားသူများနဲ့ ထသတ် ရချင် သတ်ရနိုင်ပါတယ်။
ခုနောက်ပိုင်း ကျန်စစ်သား ကောင်းတာ မကောင်းတာ ဘာညာ ဘာညာ ငြင်းပြီး အဲဒီ ကျန်စစ်မင်း မကောင်းတာကို မကောင်းပါဘူးလို့ အမှန်တရားကြီး ဘွားကနဲ သိလိုက်ရပြီ ထားပါတော့။ သမိုင်းစာအုပ်တွေ ပြင်လိုက်ရပြီ ထားပါတော့။ ဒီနေ့ခေတ်ကို ဘာများ ကောင်းကျိုးတွေ ရရှိစေနိုင်မလဲ လို့ စဉ်းစားမိပါတယ်။ (ကိုယ့် ဉာဏ်နှင့် မမီလောက်၍လည်း သေချာ မစဉ်းစားနိုင်တာ ဖြစ်နိုင်ကောင်းပါသည်။ အကျိုးရှိနိုင်သည် ဆိုလျှင်တော့လည်း ဆက်လက်ဖော်ထုတ် သုတေသနပြုသင့်ပါသည်)
အမှန်ကို သိလို့ အကျိုးမများနိုင်သည့် အတူတူ (မှန် မမှန် မသေချာသည့် အတူတူ) သမိုင်းဟာ ဒီလိုလေးလို့သာ ယုံကြည်သွားတာကောင်းမယ် ထင်မိပါတယ်။ ဟင် ဒီမင်းက ဒီလိုကြီးတဲ့ လို့ ပြောင်းပြီး ယုံရမှာ ခက်လှပါသည်။ (တဦးတည်း အတွေးမျှသာ) ကိုယ်တိုင်ကိုက လက်တွေ့မကျ စိတ်ကူးသာ ယဉ်ချင်သူမို့လဲ ဖြစ်နိုင်ပါသည်။
အမှန်ကို အမှန် အတိုင်း စကတည်းက သိခဲ့ရင်လည်း ကောင်းသား။ မပြင်နိုင်သည့် အတူတူ ပြင်လည်း ထူးပြီး အကျိုးမများနိုင်ဘူး ဆိုရင် ဒီတိုင်းသာ ထားလိုက်ချင်ပါတယ်။

(ဒီ post ကို 24th Jan 2009 မှာ Myanmar Books Catalogue ရဲ့ ဒီနေရာ မှာ ရေးခဲ့တယ်။)
***
တကယ်တော့ သမိုင်းဆိုတာ နားထောင်ကောင်းရုံ ရေးရတဲ့ ကိစ္စမဟုတ်ဘူး။ ဒါ့အပြင် သမိုင်းကြောင်းကို အချက်အလက် မှန်ဖို့ ကြိုးစားတာ လတ်တလော အကျိုးရှိ၊ မရှိကို တိမ်တိမ်လေး စဉ်းစားလိုက်လို့လည်း မရဘူး။
မှားတာကို မှားတဲ့အတိုင်း၊ မကောင်းတာကို မကောင်းတဲ့အတိုင်း လက်ခံနိုင်စွမ်းဟာ လိုကို လိုတယ်။ ကျန်စစ်သား ကောင်းတယ်လို့ တလျှောက်လုံး သင်လာခဲ့ရတာဟာ မှားတယ် ဆိုရင် မှားတယ်လို့ အမှန်တိုင်း သိချင်တယ်။ ကျန်စစ်သား မကောင်းရင်လည်း မကောင်းတဲ့အတိုင်းပဲ သိချင်တယ်။ ကောင်းရင်လည်း ကောင်းတဲ့အတိုင်းပဲ သိချင်တယ်။
သမိုင်းဟာ အမှန်ဖြစ်ဖို့ မဖြစ်မနေ လိုအပ်တယ်။
***

Tuesday, April 20, 2010

အချစ်၏ နောက်ဆက်တွဲ စာမျက်နှာ - Myanmar Books Catalogue


Download လုပ်ရန် - အချစ်၏ နောက်ဆက်တွဲ စာမျက်နှာ

Ning site ကို အလကားသုံးလို့ မရတော့ဘူးလို့ မနေ့က သတင်းကြားတယ်။ ညီလင်းဆက် လုပ်ထားတဲ့ site တွေ Ning မှာ တော်တော်များများ ရှိတယ်။ ကိုယ် အနှမျောဆုံးကတော့ Myanmar Books Catalogue site ပဲ။

မနှစ်ဆီကတော့ အဲဒီမှာ ကိုယ် ဖတ်ဖူးတဲ့ စာအုပ်တွေထဲက တချို့ကို review ပြန်ရေးခဲ့တယ်။ ပြီးတော့ ကိုယ်ပိုင် blog ပေါ် ပြန်တင်မယ် ဆိုပြီး မတင်ဖြစ်ဘူး။ ဟိုတလောက blog ပေါ်မှာ တင်ခဲ့တဲ့ မောင်သစ်ဆင်း ဝတ္ထုတိုများ စာအုပ်မျက်နှာဖုံးကို အဲဒီ site မှာ သွားတင်မယ် ဆိုတာလဲ မတင်ဖြစ်သေးဘူး။

အဲဒီမှာ ရေးဖူးတဲ့ review တချို့ကို ခုတော့ မဖြစ်မနေ ကိုယ့် blog ပေါ် ပြန်ရွှေ့ရတော့မယ်။
အရင်ဆုံးရေးမိတယ်ထင်တာလေးကို ပြန်ရွှေ့လိုက်ပါတယ်။ စာလုံးပေါင်း၊ အထားအသိုနဲ့ တချို့ဟာလေးတွေကလွဲလို့ ဘာမှ ပြန်မပြင်လိုက်ပါဘူး။

ဆရာမ "ဝင်းဝင်းလတ်" ရဲ့ "အချစ်၏ နောက်ဆက်တွဲ စာမျက်နှာ"
26th Jan 2009 တုန်းက Myanmar Books Catalogue ရဲ့ ဒီနေရာ မှာ ရေးခဲ့တယ်။

ခုတလော ဘာမှ သိပ် စိတ်မပါဘူး။
အချိန်တော့ နည်းနည်းရသေးတယ် ပြောတယ်။
အဲဒီမှာ ရေးခဲ့ဖူးတာတွေ ဖြည်းဖြည်းချင်း ပြန်ရွှေ့သွားပါမယ်။

***
ဒီဝတ္ထု ကို မဟေသီ မှာကတည်းက စောင့်ဖတ်ခဲ့ရတာ။
၉ တန်းနှစ်တဝက်နဲ့ ကျောင်းပြောင်းရတော့ ကျောင်းအသစ်မှာ စာတွေက ဟိုတမျိုး ဒီတမျိုး မလိုက်နိုင် ဖြစ်နေခဲ့ချိန်မှာတောင် အဲဒီ ဝင်းဝင်းလတ် ရဲ့ အချစ်၏ နောက်ဆက်တွဲ နဲ့ ဟန်သစ် က နီကိုရဲ ရဲ့ (အရင်က မသီတာ) မကြည်ပြာ ကို မနေနိုင် မထိုင်နိုင် စောင့်ဖတ်ခဲ့ရတယ်။ ကိုယ်တော့ မောင်နှမတွေနဲ့ မလုရဘူး။ ဖေဖေနဲ့ လုခဲ့ရတာ။ နောက်တော့ အဲဒီစာအုပ် ၂ အုပ်လုံး ကိုယ်ပိုင် ဝယ်ခဲ့တယ်။ (ခုတော့လဲ ထားခဲ့ရပါပြီလေ။ မသေခင်ကတည်းက)

အဲဒီ ဝတ္ထုမှာလည်း စွဲကျန်ခဲ့တာလေး တစ်ခု နှစ်ခု ရေးပါဦးမယ်။

Dr. ခင်ဦးနွယ် ရဲ့ ex-husband Dr. အောင်သူရ နဲ့ Dr. သက်ဇော်နိုင် ကြားက အကြောင်းကို ပြန်ပြောတဲ့ စကား... "ယောက်ျားချင်း ရင်းနှီးနားလည်မှု" ဆိုတာ...

နောက်တခုက theater ထဲမှာ၊ လုပ်ဖော်ကိုင်ဖက်တွေကြားထဲမှာ Dr. ခင်ဦးနွယ်က သူ့ရဲ့ ex-husband, Dr. အောင်သူရ အကြောင်း ပြန် ပြန်ပြောတတ်လေ့ရှိတယ် ဆိုတာနဲ့ ပတ်သတ်ပြီး Dr. ခင်ဦးနွယ်က Dr. အောင်သူရ ကို ရှင်းချက်ထုတ်တဲ့ အခန်း။

တခုလပ် မိန်းမတယောက်အတွက် သွေးတိုးစမ်းချင်သူ တစိမ်းယောက်ျားတွေကြားမှာ "သူကတော့ သူ့အရင် ခင်ပွန်းကို ခုထိ စွဲလမ်းနေတုန်းပဲ " ဆိုတဲ့ အထင်အမြင်ကို အကာအကွယ် တံတိုင်းတစ်ခုအဖြစ် ထားခဲ့တယ် ဆိုတာ။

အဲဒီ အတွေးကလေးကို တော်တော် အထိတ်တလန့်နဲ့ စွဲလမ်းမိပါတယ်။ ဆရာမက တကယ်တော့ တခုလပ်လဲ မဟုတ်ပါဘဲ ဒီအတွေးမျိုးလေး ဘယ်လိုများရခဲ့သလဲ လို့ တော်တော်လေး အံ့သြခဲ့ရပါတယ်။ တခုလပ် ပညာတတ် အရွယ်ရှိ မိန်းမတယောက်ရဲ့ ဘဝကို တော်ရုံမမြင်နိုင်တဲ့ မတွေးနိုင်တဲ့ ရှုထောင့်တမျိုးကနေ တွေးပြလိုက်တာ။ (ကိုယ့်ကို စာရေးဆရာလုပ်ဖို့ လက်လျှော့ သွားစေတာပဲ)

ပြီးတော့ တကယ်လဲ မစွဲလမ်း မနှစ်လိုတော့ပါဘဲ ဒီအထင်အမြင်လေးတစ်ခုအတွက်နဲ့ စွန့်ခွာချန်ရစ်ခဲ့တဲ့ ခင်ပွန်းဟောင်းအကြောင်းကို လူကြားသူကြားမှာ နှစ်လိုနေသေးသယောင် ပြောဆိုပြဖို့ဆိုတာ စိတ်ဓါတ်ခိုင်မာတဲ့ ထက်မြက်ထူးချွန်တဲ့ မိန်းမ တစ်ယောက်အတွက် ဘယ်လောက်များ ခက်ခဲလိုက်မလဲ။ သူ့'မာန' ဆိုတာတွေကို ဘယ်လောက်တောင် ခက်ခက်ခဲခဲ ချပစ် မေ့ပစ်ထားခဲ့ရပါမလဲ။

(ဝတ္ထုထဲက စကားအတိုင်း လိုက်ပြောရမယ်ဆိုရင်တော့... ကိုသူရတို့ အတောင်နှစ်ဆယ်ဝတ် မင်းယောက်ျားတွေရဲ့ အရှိန်အဝါ ဘုန်းတန်ခိုးကလည်း တယ်ကြီးသကိုး)

ဒီတော့ သုံးတောင်ဝတ် မိန်းမတွေမှာ အခန့်မသင့်ရင် အကာအကွယ်တို့၊ လုံခြုံမှုတို့၊ လူလေးစားမှုတို့ ဆိုတာတွေကို မာန နဲ့ လဲရပါလေရော လို့ မှတ်ချက်ချချင်မိပါတယ်။

အဲဒီထဲက Dr. ယဉ်မျိုးရဲ့ စရိုက်ကိုလည်း နှစ်ခြိုက်မိပြီး ဇာတ်ကောင်တွေ အားလုံးကို အပြင်မှာ တကယ်ရှိနေသလို လပေါင်းများစွာကို စွဲလမ်းနေခဲ့တယ်။

အဲဒီ ဝတ္ထုရဲ့ ဇာတ်သိမ်းပိုင်းကိုတော့ ပြောင်းပစ်ချင်ခဲ့မိပါတယ်။

ဆရာမ car accident နဲ့ ဆုံးတော့ တော်တော် နှမျော စိတ်မကောင်းဖြစ်ခဲ့ရတယ်။
ဆရာမရဲ့ ဝတ္ထုရှည်တွေ စုထုတ်ထားတဲ့ စာအုပ်တစ်အုပ်ပါ ဝယ်သိမ်းခဲ့သေးတယ်။

***
အဲဒါရေးတုန်းက ဝတ္ထုရှည်စာအုပ်ရဲ့ နာမည်ကို မေ့နေလို့ ထည့်မရေးခဲ့ရတာ။
ခုမှ သတိရတယ်။ နာမည်က "နန်းထဲမှာပင် အိုလေ့ မပျော်ရွှင်" တဲ့။

***