မောင်

photo from Google Search

ဒိုင်ယာရီတွေ ကြားမှာသာ
မကြာခဏ
ပြန့်ကျဲလို့ ကျခဲ့

အိပ်မက်တွေ များမှာသာ
ကြိမ်ဖန်များစွာ
ယောင်ယမ်းလို့ တခဲ့

*

နားဆင်ပါ...ချစ်သူရယ်

မိုးစက်ကလေးတချို့
မင်းဆီကို ပြေးကပ်လာတဲ့အခါ

မင်းဖြတ်သွားတဲ့အခိုက်
လေပြည်ကလေးက ရှိုက်သံပေးတဲ့အခါ

ဟိုးအဝေးက အသံတွဲတစ်စကို သယ်လာရင်း
ပင်လယ်ရေလှိုင်းတို့
မင်းခြေရင်းကို တို့ထိတဲ့အခါ

မင်းစောစောနိုးတဲ့
မနက်ခင်းတချို့မှာ
ငှက်ကလေးတို့ တေးဆိုသံကို ကြားတဲ့အခါ

*

ရှာကြည့်ပါ... ချစ်သူရယ်

ဇွန်ပန်းရုံ သစ်ရွက်ကလေးရဲ့ နောက်က
ပုန်းကွယ်နေတဲ့ ပန်းပွင့်လေးရဲ့ မွှေးရနံ့ထဲမှာ

ကောင်းကင်မှာ လူးလွန့်တဲ့
စိမ်းပြာရောင် လျှပ်စီးကြောင်းတွေရဲ့
မဆတ်တငံ့ မြည်ကြွေးသံမှာ

အေးစက်စက် မျက်ဝန်းနောက်က
ထွင်းဖောက်ကြည့်မှ မင်းမြင်ရမယ့်
ချစ်ခြင်းဆိုတဲ့ အလင်းတန်းရဲ့နောက်မှာ

*

နားလည်ပါ… ချစ်သူရယ်

တစ်ကြိမ်တစ်ခါမှ
ဖွင့်ဟခွင့် မရခဲ့တော့လည်း

တိုးတိတ်ကျယ်လောင်စွာ

မြိုသိပ်ပေါက်ကွဲ

ရင်ထဲမှာ...

*

(မင်းကြားအောင် မခေါ်နိုင်ခဲ့တာက လွဲရင်...နေရာအနှံ့မှာ အဲဒီခေါ်သံတွေ ကိုယ် ၀ှက်ထားခဲ့ပါတယ်)

မိုင်သီ

မိုင်သီ

ကိုယ် စင်ကာပူကို မရောက်ခင် နှစ်လလောက် အလိုမှာ ကိုယ့်အတွက် လက်ဆောင်တစ်ခု ကြိုပြီး ရောက်နှင့်တယ်။ အဲဒါ မိုင်သီ ပါ။

ဖေဖေ့ဆရာက ကိုယ်နေဖို့ ကြိုငှားပေးထားတဲ့ အိမ်မှာပဲ မိုင်သီ နဲ့ စတွေ့တယ်။
ချင်းသွေး ပါတဲ့ စစ်ကိုင်းက အညာသူပေါ့။ သူက ACCA တက်နေတယ်။

ကိုယ်က လူကဲခတ်ကောင်းတယ် ပြောရမလား။
စတွေ့ပြီး စကားပြောကြည့်တာနဲ့ sense လုပ်လို့ရတယ်။ လူတစ်ယောက်ဟာ ကိုယ်နဲ့ ဓါတ်တည့် မတည့် ဆိုတာကို...

မိုင်သီနဲ့ တွေ့တွေ့ချင်းပဲ အနှစ်နှစ် အလလ သိလာခဲ့ပြီး သူတွေလို ကိုယ်တို့ ရင်းနှီး တွဲဖက်မိသွားတယ်။
သူက သိပ်ရိုးသားတယ်။ အေးဆေးနေတတ်တယ်။
(အဲဒါ မကောင်းဘူး။ ရိုးသားပြီဆိုရင် တော်တော်လေးကို စွာပေးနိုင်မှ တော်ကာကျတာ။
သူ့ကြောင့် ကိုယ့်မှာ fighter လဲ ဖြစ်ဖူးတယ်။)

ဒါပေမဲ့ ကိုယ် ဘယ်လောက် စွာလို့၊ သူ ဘယ်လောက် အေးဆေးလည်းပဲ သူက ကိုယ့်ထက် စောစောစီးစီး ကြိုတင်ရောက်နေခဲ့တာ ဆိုတော့ ဆွေမျိုးသားချင်း မရှိတဲ့ အရပ်ကို တယောက်ထီးတည်း ထွက်လာခဲ့တဲ့ ကိုယ့်အတွက် မိုင်သီက အားကိုးအားထားရာလည်းဖြစ်၊ အပြန်အလှန် အမှီသဟဲ ပြုရာလည်း ဖြစ်ပါတယ်။

MRT ကို ဘယ်လို စီးရတယ် ဆိုတာ သင်ပေးခဲ့တဲ့သူ၊

MRT ကဒ်ပြားကို ဘယ်လို Top Up လုပ်ရတယ်ဆိုတာ သင်ပေးခဲ့တဲ့သူ၊

S'porean တွေရဲ့ English ကို ဘယ်လို နားထောင်လို့မှ မရသေးတဲ့ ကိုယ့်ကို NTUC မှာ ဈေးဝယ်ပြီးလို့ cashier မှာ ရှင်းပြီဆိုရင် သူတို့မေးတဲ့ member လား ဆိုတာကို no လို့ ဖြေရတယ် လို့ သင်ပေးခဲ့တဲ့သူ၊

ကိုယ့် ပထမဦးဆုံး အင်တာဗျူးကို (ကိုယ် မခေါ်ရဘဲ သူကိုယ်တိုင် စ ကမ်းလှမ်းပြီး) အဖော်လိုက်ပေးခဲ့တဲ့သူ၊

ATM ကနေ ငွေဘယ်လို လွှဲရတယ်၊ ငွေဘယ်လို ထည့်ရတယ်၊ ငွေဘယ်လို ထုတ်ရတယ် ဆိုတာ သင်ပေးခဲ့တဲ့သူ၊ ငွေဘယ်လို ထည့်ရလဲ ဆိုတာကတော့ ကိုယ် မေ့သွားပြီ။ (iBanking ကျတော့ ကိုယ်က ပြန်သင်ပေးရတယ်)

အလုပ်တော်တော်နဲ့ မရတော့ ကိုယ်နဲ့တူတူ ငိုပေးခဲ့တဲ့သူ၊

ကိုယ်စိတ်ဓါတ်ကျတိုင်း "ရမှာ၊ အလုပ်က ရကို ရမှာ" လို့ အားပေးခဲ့တဲ့သူ၊
(အဲဒီ စကားလေးဟာ ခုနေ ပြန်စဉ်းစားတော့ ဘာမှ မဟုတ်သလိုပဲ။ ဒါပေမဲ့ အဲဒီ အချိန်ကတော့ တကယ့် အားဆေးပဲ။)

သူ စိတ်နေကျ ၁၀၈လုံး စိတ်ပုတီးကို အတင်းလာပေးပြီး ကိုယ့်ကို ပုတီးမစိတ် စိတ်ဖြစ်အောင် တွန်းအားပေးတဲ့သူ၊ (ကိုယ်သယ်လာတဲ့ ပုတီးက ၉ လုံး ပုတီး)၊

ဖေဖေဆုံးလို့ ကိုယ်ပြန်တော့... လေယာဉ်ကွင်းကို ရောက်မှ ကိုယ် သူ့ဆီ msg ပို့ဖြစ်တယ်။
သူ အလုပ်လုပ်နေရာကနေ rest room ထဲသွားပြီး ကိုယ့်ဆီ ဖုန်းလှမ်းဆက်ရင်း ငိုနေခဲ့တယ်။

လောလောဆယ် ပြန်စဉ်းစားလို့ မရတာတွေ ရှိနေသေးတယ်။ ပြောရမယ်ဆိုရင် အများကြီး ကျန်သေးတယ်။ သူရှိနေလို့သာ စင်ကာပူမှာ ကိုယ့်ပထမဆုံး နေ့ရက်တွေကို အလွယ်တကူ ဖြတ်ကျော်နိုင်ခဲ့တာ။
သူသာ ရှိမနေဘူးဆိုရင်၊ ကိုယ့်ရဲ့ စင်ကာပူ experience ဟာ အများကြီး အခက်အခဲ ရှိမှာ သေချာတယ်။

တရက်ပေါ့...
သူက ကျောင်းကနေလား၊ part time အလုပ် ကနေလားမသိဘူး ပြန်အလာ "သူပြန်လာပြီ စိတ်ညစ်တယ် အိမ်ကိုလွမ်းတယ်" လို့ msg လှမ်းပို့တယ်။ ကိုယ်ကလဲ ကိုယ်လာကြိုမယ် လို့ ပြန်ပို့ပြီး တစ်ရှူးတော်တော်များများ ယူပြီး ဆင်းသွားတယ်။

တွေ့ပြီး စကားတောင် ကောင်းကောင်း မပြောနိုင်ဘူး လမ်းမှာ သူက မျက်ရည်တွေ ကျလာတာပဲ။ ဒါနဲ့ ကိုယ်လဲ သူ့လက်ထဲကို တစ်ရှူးစတွေ ထည့်ပေးရတယ်။ (ကြိုတင် သိမြင် စီမံနိုင်သော အရည်အချင်းပေါ့လေ)

နေတဲ့ block နဲ့ နှစ် block ၊ သုံး block လောက်ခြားတဲ့ ပန်းခြံလေးထဲမှာ သူနဲ့ကိုယ်နဲ့ တူတူထိုင်ပြီး ငိုကြတယ်။
ထပ်ပြောပါရစေ။
သူသာ ရှိမနေဘူးဆိုရင်၊ ကိုယ့်ရဲ့ ပထမဆုံး စင်ကာပူ နေ့ရက်တွေဟာ ဒီ့ထက်ပိုပြီး အများကြီး ခက်ခဲခဲ့မှာ သေချာတယ်။

ကိုယ် stay ပြည့်ခါနီးထိ အလုပ်မရဘဲ သူလည်း မကြာခင် အိမ်ပြောင်းဖို့ ဖြစ်လာတယ်။
တရက် ကိုယ် အလုပ်လျှောက်နေရာကနေ သူ့ကို msg လှမ်းပို့ကြည့်တော့ သူ Bishan မှာလို့ ပြန်တယ်။ သူပြောင်းမယ့် အိမ်ကို သွားကြည့်တာ။ ကိုယ်က "မင်း အိမ်သွားကြည့်တာလား" မေးတော့ "ဟုတ်တယ်" တဲ့။ "ကိုယ့်ကို တစ်ယောက်တည်း ထားခဲ့တော့မှာပေါ့" လို့ ဆိုတော့...သူ ဘာပြန်ခဲ့လဲ သိလား...

"together" တဲ့။

ကိုယ့်မှာ စိတ်ညစ်နေတဲ့ ကြားက မပြုံးဘဲ မနေနိုင်အောင် ဖြစ်ပြီး၊ "I love you" လို့ ပြန်လိုက်တယ်။

အဲဒါ ကိုယ် stay မပြည့်ခင် သုံးပတ်လောက် အလိုပေါ့... လကုန်ရင် သူ အိမ်ပြောင်းမယ်... လကုန်ရင် (အလုပ်မရရင်) ကိုယ် အိမ်ပြန်ရမယ်...

ဒါပေမဲ့ ကိုယ်တို့ နှစ်ယောက်ကတော့ Bishan အိမ်ကို တူတူပြောင်းမယ် ဆိုတာက တပြားမှ မလျှော့ဘူး။
သင်္ကြန်တရက်မှာ TP ကနေ Bishan ကို နောက်တခေါက် အိမ်တူတူ သွားကြည့်ကြသေးတယ်။ stay ပြည့်ဖို့ နှစ်ပတ်အလိုမှာ... အလုပ်က ဘယ်မှာနေမှန်း မသိသေး... အဲဒီ အိမ်ခံ အစ်မကတောင် "သိပ်ချစ်ကြတာပဲနော်" လို့ ပြောလိုက်သေးတယ်။

ကြားထဲမှာ အင်တာဗျူး ၃ ခုလောက် လာသေးတယ်။ အဲလိုလာတိုင်း သူက ပျော်ရွှင်ပြီး စိတ်လှုပ်ရှားပေးခဲ့တယ်။ ကိုယ်ကတော့ နှစ်ပတ်အလိုလောက်မှာ တော်တော် ငြိမ်သက်နေပြီ။
သူနဲ့တူတူ စီးတီးဟောလ်ကို သွားပြီး Air Ticket ကို book လုပ်လိုက်ပြီ။
တော်ပြီ မိုင်သီ ကိုယ် အိမ်ပဲ ပြန်တော့မယ်...
ငိုလဲ မငိုချင်တော့ ... ရီလဲ မရီချင်တော့ ...
ကိုယ့်မှာ ကျွန်ဇာတာ မပါဘူး ထင်ပါရဲ့။

ဒီလိုနဲ့ ပြန်ရမှာ ဗုဒ္ဓဟူးနေ့...
သောကြာနေ့လောက်မှာ သူပြောတယ်။

"ဘယ်သူပြောလို့ ရမှာလဲ မင်း ပြန်ရမယ်လို့။"
"ဟင့်အင်း ကိုယ် ပျော်ပျော်ရွှင်ရွှင်ပဲ ပြန်မှာပါ"
"ကပ်ပြီးမှ မရဘူး ပြောနိုင်လား"
"တော်ပါတော့ ကိုယ် ပြန်လာမှာပါ"
"ဟုတ်တယ်လေ။ နှစ်ရက်တောင် ကြားထဲမှာ ရှိနေတာ"
"Spass တင်တာ နှစ်ပတ်လောက် ကြာဦးမှာလေ ဆရာရဲ့"
"မင်းကွာ ပြောလို့ မရပါဘူး"

ကိုယ် ရီနေလိုက်တယ်။

စနေ ၊ တနင်္ဂနွေမှာ သူ့သူငယ်ချင်း တစ်ယောက်ရဲ့ အမေက တရားရိပ်သာမှာ ၂ ရက်ဆက်လား မသိဘူး အလှူလုပ်တော့ သူ သွားကူရတယ်။ အဲဒီ သူငယ်ချင်း အမေက သူ့သမီးနဲ့ မိုင်သီနဲ့ကို ကူပေးလို့ မုန့်ဖိုးပေးမှာဆိုတော့ ဒါလဲ အလုပ်ပဲပေါ့။ ညတောင် သူဟိုမှာပဲ အိပ်ရတယ်။

တနင်္ဂနွေ ညကျတော့ သူ အိမ်မှာ ပြန်အိပ်တယ်။
ကိုယ်က အိမ်ပြန်နောက်ကျတယ်။ သူငယ်ချင်း တစ်ယောက်နဲ့ လျှောက်သွားနေလို့။
ဘယ်ကိုလဲ သိလား... Khatib က ရေကန်ကို...
ဘုရား ရှိခိုးပြီး အိပ်တော့ ကိုယ့် စိတ်တွေ ကြည်ကြည်လင်လင်ပဲ။ ဒီကနေ မပြန်ရလောက်ဘူးလို့ စိတ်ထဲမှာ တချက်ဖြစ်လိုက်တာ ဘာကြောင့်မှန်းတော့ မသိ။ (မပြန်ချင်တာ မဟုတ်ဘူးနော်)

တနင်္လာ မနက်...
စင်ကာပူ စရောက်ကတည်းက Upside Down ဖြစ်နေတဲ့ ကိုယ့် ဘ၀ကို နောက်တကြိမ် Upside Down ဖြစ်အောင် ပြန်လုပ်ပေးလိုက်တဲ့ တရက်ပေါ့။ (အဲဒီတော့မှ အတည့် ပြန်ဖြစ်သွားတာ)
ဖုန်း call တခု ၀င်လာတယ်။ မတိုင်ခင် ၁ ပတ်၊ ၁၀ ရက်လောက်ဆီက ကိုယ့်ကို ဗျူးခဲ့တဲ့ အလုပ်ကပါ။
2nd Interview အတွက်လို့ ခေါ်တာပါ။ ဒါပေမဲ့ ကိုယ့် PP နဲ့ Cert. တွေ အားလုံး ယူလာပါတဲ့။
မိုင်သီသိတော့ သိပ်ကို အားရသွားပုံနဲ့ "သွား၊ သွား မြန်မြန်သွား" ဆိုပြီးပြောတယ်။
ကိုယ်မသွားဘဲနေမှာ စိုးပုံမျိုးနဲ့။

ရုံးကို ၁၀ နာရီလောက်ရောက်၊
ဘာမှ မဗျူးဘဲ Online ကနေ Spass တန်းတင်
တထိုင်တည်းမှာပဲ Approved ဖြစ်၊
Raffle Hospital မှာ Medical Check Up သွားလုပ်...

ဘ၀ဆိုတာ အဲဒီလိုလားဟင် !!!
ကိုယ် ပျော်လည်း မပျော်ရွှင်ပါ။
ရီလည်း မရီချင်ပါ။
အတက်အကျ အပြောင်းအလဲတွေ ဆိုတာ ဘေးက ရပ်ကြည့်မှသာ စိတ်လှုပ်ရှားစရာ ကောင်းတာ...
ကြုံနေရတဲ့သူအဖို့ရာမှာ ဘာမှလည်း မဟုတ်ပါဘူး။

မိုင်သီ့ကိုတော့ အရင်ဆုံး အကြောင်းကြားရပါတယ်။
ကိုယ့်မှာ ကျေးဇူးရှင်တွေက ခပ်များများဆိုတော့ Raffle မှာ Check Up လုပ်တဲ့ထိ msg တွေ ပို့လို့ မပြီးသေး... ဆရာဝန် ခေါ်တာ ပထမ မကြားလို့ (မကြားဆို ကိုယ့်နာမည်ကို ဘယ်လို အသံထွက်ပြီး ခေါ်နေမှန်းမှ မသိတာ) နောက်မှ အပြေးအလွှားသွား
လက်ထဲက ဖုန်းက တတီတီနဲ့
Pressure လဲချိန်ရော "မင်းမှာ hyper tension ရှိတယ်" ဆိုတော့ "
ဟမ် ငါ့မှာ ဘယ်လိုလုပ် အဲဒါရှိမှာလဲ သွေးပေါင်တောင် ပြည့်ရဲ့လား မသိဘူး" လို့ ဆရာဝန်ကို ပြန်ငြင်းမိသေး... (ချက်ချင်းပဲ ဇာတိကပြ)

"မင်း ငါခေါ်တော့ ပြေးလာတာကိုး အဲဒါကြောင့်နေမှာပေါ့" တဲ့...
အို Hyper Tension လောက်ကတော့ ဆေးမှတ်ချက်မှာ minor ဆိုတာ ကိုယ်သိပါတယ်။
(ဘာဖြစ်လို့ သိတာလဲ မမေးပါနဲ့)

အဲဒီနေ့က မိုင်သီ အလုပ်မှာပဲ ညအိပ်ပြန်ပါတယ်။
နောက်တနေ့ အင်္ဂါမနက်ကျတော့ ကိုယ်က MOM မှာ extension လုပ်ဖို့အသွား
မိုင်သီက အလုပ်ကနေ အပြန် AMK Mrt မရောက်ခင် လမ်းခုလတ်မှာ နှစ်ယောက်ဆုံဖြစ်ကြတော့ တွေ့တွေ့ချင်း တစ်ယောက်လက်ကို တစ်ယောက်ကိုင်ပြီး အကျယ်ကြီး အော်မိကြတယ်။

တကယ်ပဲ ကိုယ်တို့ အစီအစဉ်ဆွဲထားသလို နောက်တရက်မှာ Bishan အိမ်ကို တူတူပြောင်းလာနိုင်ခဲ့တယ်။

နေရစ်တော့ Ang Mo Kio...

*****
အလုပ်ဝင်ပြီးတော့လည်း မိုင်သီ ကိုယ့်ကို Bank Acct. တူတူလိုက်ဖွင့်ပေးတယ်။
ပထမဆုံး လမှာ Bank Acct. မှာ Alphabet တလုံးပိုသွားတော့ ရမယ့်လခက တော်တော်နဲ့ မ၀င်လာ... ရုံးက cheque ရေးပေးတယ် ... ကြားမှာ ပိတ်ရက်ခံနေတာ ဆိုတော့ တော်တော်နဲ့ ပိုက်ဆံက မရောက်...

ကိုယ့်မှာ ပိုက်ဆံ မရှိတာ သိတော့ တောင်းစရာတောင် မလိုဘဲ ချက်ချင်း ပိုက်ဆံထုတ်ပေးတယ်။
ကိုယ်က မိုင်သီ့ဆီက ပိုက်ဆံချေးဖို့ ၀န်လေးလို့ မဟုတ်ပါဘူး။ ဘယ်ချိန်ပြောပြော ရမှန်းသိလို့ အေးဆေးနေတာပါ။ အားလဲ မနာပါဘူး။ နှစ်ရက်နေရင် ကိုယ့်ဆီ ပိုက်ဆံ ၀င်လာမှာပဲ။

ကိုယ် ပြန်မြင်ယောင်တုန်းပဲ။
ထမင်းစားပြီး ကိုယ် အခန်းထဲ ၀င်လာတော့ သူ ပိုက်ဆံအိတ်ထဲကနေ ပိုက်ဆံ ၃၀ ထုတ်ပေးတာကို... ဒါတောင် သူလဲ ကျောင်းသားဆိုတော့ သူ့မှာလဲ များများ ရှိတာ မဟုတ်ဘူး...
(ကိုယ့်ကို မတောင်းဘဲ ပေးတဲ့ သူငယ်ချင်း နောက်တစ်ယောက်ရှိသေးတယ်။ နောက်မှ သူ့အကြောင်းရေးမယ်)

Bishan အိမ် ပြန်အပ်ခါနီးတော့...သူပြောတယ်။ "ကိုယ် အလုပ်ရရင် တူတူ ပြန်နေကြမယ်နော်" တဲ့။
အဲဒီအချိန် ကိုယ်က အိပ်ရာပေါ်မှာ အိပ်ချင်မူးတူးနဲ့ "အင်း" လို့ပဲ ပြန်ပြောမိတယ် ထင်တယ်။

အဲဒီနောက်တော့ သူက သူ့ကျောင်းက သူငယ်ချင်းတွေ ရှိတဲ့ Ang Mo Kio ကို ပြန်ပြောင်းရပြီး ကိုယ်ကတော့ အလုပ်နဲ့နီးရာ AJ ကို ရွေ့လာခဲ့တယ်။

*****
လာမယ့် ဗုဒ္ဓဟူးနေ့ သူ မြန်မာပြည်ကို အပြီး ပြန်တော့မယ်။
ဒီနေ့ပဲ ကိုယ်သူ့အတွက် လေယာဉ်လက်မှတ် booking လုပ်ပေးလိုက်ရတယ်။ သူ ဒီနေ့ အလုပ်လုပ်နေလို့။
ပြန်လာဖြစ်မယ် ဆိုရင်တောင် ကြာဦးမှာ...
ဘယ်လောက်ကြာမလဲ ဘယ်သူ သိမလဲ။

တကယ်တော့ AMK အိမ်မှာ ကြုံခဲ့တဲ့ အခန်းဖော်တွေ အားလုံး စိတ်သဘောထားကောင်းပြီး၊ နှစ်လိုဖွယ်ကောင်းပါတယ်။ အထူးသဖြင့် ကိုယ်နဲ့တူတူ တခန်းတည်း နေခဲ့တဲ့ programmer သူငယ်ချင်းနဲ့ nurse အစ်မ (အဲဒီ အစ်မက နောက်ပိုင်း Bishan ထိ အခန်းဖော် ဖြစ်လိုက်သေးတယ်)။

ဒါပေမယ့် တခြား အခန်းဖော်တွေက သူတို့ အလုပ်နဲ့သူတို့ ဖြစ်နေချိန်မှာ ကျောင်းပဲတက်တဲ့ မိုင်သီနဲ့ အလုပ်ရှာဆဲ ကိုယ်က တတွဲတွဲ အဖော်ဖြစ်နေခဲ့တာ...

(Bishan အိမ်မှာ ကြုံခဲ့တဲ့ အခန်းဖော် ညီမလေးတွေကတော့ ပြောစရာ အထူးမရှိ။ ခုထိ အပြင်မှာ သူတို့နဲ့ တွေ့ရင် အလိုလို မြူးလာရော...ကလေးမဟုတ် သူငယ်မဟုတ်နဲ့...)

မနေ့က Peninsula မှာ ညစာ တူတူ စားဖြစ်တယ်။
ကိုယ်တို့ စတွေ့တဲ့ အချိန်ကို သတိရမိတယ်။

ကိုယ့်ဘ၀မှာ ခဏတာ အချိန်လေးဆုံခဲ့ရပေမယ့် ကိုယ့်ကံကောင်းမှုတွေ အတွက် အတူတူ ပျော်ရွှင်ပေးခဲ့တဲ့သူ၊ ကိုယ့် ကံဆိုးမှုတွေ အတွက် အတူတူ ငိုကြွေးပေးခဲ့တဲ့သူ...

တွေ့ဆုံကြုံကွဲပဲ ဘ၀မှာ...
ဒါကြောင့်လည်း ဉာဏ်ပညာကြီးမားတဲ့ သူတွေက လွတ်ရာလွတ်ကြောင်း ရှာကြတာနေမှာ...
ကိုယ်လည်းရှာချင်ပါတယ်။ ဒါပေမဲ့...
လွမ်း...ကျန်ရစ်ခဲ့မှာ အားနာလို့...

*****


မနေ့ညနေက ရိုက်တဲ့ပုံ... (ပဲချည်းပဲ)



(ကိုယ့်ပုံကိုတော့ သည်းခံကြပါ။ ရိုက်မယ် မထင်သေးလို့ အိုက်တင် မခံလိုက်ရဘူး။)

*****
သူမပြန်ခင် ဒီ post ကို အပြီးတင်ချင်လို့ ဒီနေ့ သူငယ်ချင်း ဖိတ်ထားတဲ့ dinner ကိုတောင် ဖျက်လိုက်တယ်။

ဗုဒ္ဓဟူးနေ့
သူပြန်မယ့် အချိန် ရုံးကနေ မှန်းပြီး မျက်ရည်လည်နေတော့မယ်။
အိမ်ပြန်ရောက်ရင်တော့ ငိုမိမလား မသိဘူး။
ခုတောင် ကိုယ် စာလုံးတွေ ကောင်းကောင်း မမြင်ချင်တော့ဘူး။

အရာရာတိုင်းအတွက် မိုင်သီ့ကို ကျေးဇူးတင်ပါတယ်။

*****
ကိုယ့်ကိုယ်ကိုယ်လဲ မပျက်မကွက် ကျေးဇူးတင်တယ်။
ဒီလို သူငယ်ချင်းမျိုးနဲ့ ဆုံရလောက်တဲ့ ကုသိုလ်ကံအကြောင်းတွေ ဖန်တီးနိုင်ခဲ့လို့။

Linkage (2)

ဒါန နဲ့ နတ်ပြည်

ပြီးခဲ့တဲ့ Linkage Post's Comment မှ အလှူခံများ အလာကောင်းပေမယ့် အခါနှောင်းသွားပါပြီ။
အဲဒီ အလှူက အလုပ်မရခင်က လှူရမယ့် ကိစ္စပါ။
ခု အလုပ်ရပြီးပြီ ဆိုတော့ ကန်တော့ဆွမ်းပါ။
:)))

*****
ဒီနေ့က တခြား အကြောင်းအရာ တစ်ခု ရေးဖို့ပါ။ ဒါပေမယ့် ပြီးခဲ့တဲ့ post နဲ့ ဆက်တွေးမိတာ တချို့ရှိပြန်ရော...

အလယ်တန်း ၆ တန်း၊ ၇ တန်းမှာပေါ့။ အဲဒီတုန်းက ဖြူးမှာ။
၆ တန်းနဲ့ ၇ တန်းဆောင်က ကျောင်းရဲ့ အနောက်ဘက်စွန်းနားမှာ။ ကြည်ပြာဆောင် လို့ ခေါ်တယ်။ ကျောင်းနောက်ဖက်မှာရှိတဲ့ ဘုန်းကြီးကျောင်းက ဘုန်းကြီးတပါးဟာ ကျောင်းထဲက ဖြတ်ပြီး ဆွမ်းခံကြွတတ်ပါတယ်။
ကိုယ်တို့ သူငယ်ချင်းတတွေ အဲဒီ ဘုန်းကြီးနဲ့တွေ့ရင် ပါလာတဲ့ မုန့်ဖိုးတချို့ကို လှူခဲ့ကြဖူးတယ်။ တပတ်မှာ အနည်းဆုံး တရက်တော့ ကိုယ်တို့နဲ့ ကြုံတတ်တယ်။

ကိုယ့်ဘ၀မှာ အကြီးအကျယ် အလှူကြီး မပေးဖူးပေမယ့် မုန့်ဖိုးထက်မကတဲ့ အလှူမျိုးတွေတော့ နောက်ပိုင်း ရှိလာခဲ့ပါတယ်။ အလုပ်လုပ်ခဲ့ပြီး နောက်ပိုင်းပေါ့။

ဒါပေမယ့် ပြန်တွေးလိုက်တိုင်းမှာ အဲဒီ အလယ်တန်းကျောင်းသူ ဘ၀က အဲဒီ ဘုန်းကြီးကို သူငယ်ချင်းတစု ကြုံတိုင်း လှူခဲ့တဲ့ မုန့်ဖိုး အလှူကို ပီတိနဲ့ သတိအရမိဆုံးပဲ။ နောက်ပိုင်းလှူတဲ့ အလှူတွေကို ယှဉ်နိုင်တဲ့ အလှူလို့လဲ ထင်မိတယ်။ "စိတ်သာရှင်စော ဘုရားဟော" လို့ ဆိုတယ် မဟုတ်လား။

ဘာပဲပြောပြော ခုချိန်ထက်တော့ ဖြူစင်ခဲ့တဲ့၊ လောဘ မောဟနည်းခဲ့တဲ့ အချိန်တွေ...။
ပြီးတော့ ဘုန်းကြီးကိုယ်တိုင်က ကြည်ညိုနှစ်လိုဖွယ် အိနြေ္ဒမျိုးရှိနေတာကြောင့်လည်း ပါပါတယ်။ အသက်ခပ်ကြီးကြီး၊ သင်္ကန်းခပ်နွမ်းနွမ်းပေမယ့် သေသေသပ်သပ်ရုံလို့။ ကိုယ်တို့တွေက ၀တ္ထုလှူပြီး လက်အုပ်လေးတွေချီလို့ ရပ်နေရင်၊ ဘုန်းကြီးက ဆုတွေပေးပါတယ်။ တခါတခါ ဆုပေး ဆုယူအပြီးမှာ လမ်းခွဲဆက်လျှောက်ကြရင် "ဒုက္ခတွေ ဒုက္ခတွေ" လို့ ခပ်တိုးတိုး ဆိုတဲ့ သံဝေဂသံကို ကြားရတတ်တယ်။

သတ္တလောကကြီးမှာ သူ့နည်း သူ့ဟန်နဲ့ ရုန်းကန်နေကြရတာဟာ "ဒုက္ခတွေ" လို့ ဆိုချင်ဟန် ရှိပါရဲ့။

လိုအပ်လို့ လှူရတဲ့ အလှူမျိုးကတော့ ဘယ်နေရာရောက်ရောက် ရှိနေမှာပါပဲလေ။
ဘယ်လောက်တိုးတက်တဲ့ နိုင်ငံကို ရောက်ဖြစ်လည်းပဲ လိုအပ်တဲ့ နေရာတွေဆိုတာ တွေ့နေရဦးမှာပါပဲ။
အနိစ္စ၊ ဒုက္ခ၊ အနတ္တ က ဘယ်သွားသွား ကိုယ်နဲ့ အတူ ပါနေမှာပဲ။

ဒါပေမယ့် နတ်ပြည်မှာတော့ အတော် ခဲယဉ်းသတဲ့ ဆရာ။
ဗုဒ္ဓဘာသာမှာက ဘာပဲဖြစ်ဖြစ် စနစ်တကျ၊ ကြောင်းကျိုးဆက်စပ် ရှိတယ် ဆိုကြတယ်။
လောဘ၊ ဒေါသ၊ မောဟ ဆိုတာပဲ ဖြစ်ဖြစ်...
အနိစ္စ၊ ဒုက္ခ၊ အနတ္တ ဆိုတာပဲ ဖြစ်ဖြစ်...
မေတ္တာ၊ ကရုဏာ၊ မုဒိတာ၊ ဥပေက္ခာ ဆိုတာပဲ ဖြစ်ဖြစ်...

သူ့ဆက်စပ်မှုနဲ့သူ... သူ့ဒီဂရီနဲ့သူ စီစဉ်ပြီးသားဖြစ်တယ် လို့ ဆိုတယ်။
ဒါန၊ သီလ၊ ဘာဝနာ ဆိုတာမှာလည်း ဒီလိုပဲတဲ့။
အနိမ့် အမြင့် ဒီဂရီ အလိုက် စဉ်ထားတာ ဆိုတော့...
လုပ်ရ အလွယ်ကူဆုံး၊ အနိမ့်ဆုံးကနေ စဉ်ထားတာပေါ့။

ဆောက်တည်ကျင့်ကြံဖို့ရာမှာ ဒါနထက် သီလကခက်၊ သီလထက် ဘာဝနာခက်တယ် မဟုတ်လား။
သဒ္ဓါ၊ သီလ၊ ပညာ နဲ့ တူမယ် ထင်ပါတယ်။ သဒ္ဓါနဲ့ ဒါနက ဆက်စပ်တာကိုး။ အနိမ့်ဆုံး ဆိုပေမယ့် အခြေခံအကျဆုံး အရေးအပါဆုံး တစ်ထစ်လည်း ဖြစ်ပါတယ်။ လှေကားထစ်များလို အောက်ဆုံးထစ် ကျော်တက်ရရင် ကသိကအောက် အဆင်မပြေတော့ ဖြစ်မှာပဲ တွေးမိတယ်။

သဒ္ဓါရှိမှ ဒါနပြုဖို့ဖြစ်၊ အဲဒီကမှ ကျွဲကူးရေပါ သီလဆောက်တည်ဖို့ဖြစ်၊ နောက်တဆင့်ကျမှ ၀ိပဿနာ ဘာဝနာ...

နတ်ပြည်မှာတော့ ပထမတဆင့်က ပြုတ်နေပြီ။ တော်ရုံဆို မေ့မေ့လျော့လျော့နဲ့ ဒီလမ်းစဉ် ရောက်ချင်မှ ရောက်တော့မယ်။ (ကိုယ်လို လူမျိုးဆိုရင် ပြောပါတယ်။) နတ်ပြည်ဆိုတဲ့ နေရာဟာ တော်တော် အနေအထိုင်တတ်မှ ဖြစ်မှာ။ မေ့လျော့ပျော်ပါးပြီး နတ်စည်းစိမ်ခံစား နောက်ဘ၀ဆို ပြန်ပြုတ်ကျလာဖို့က ပိုများတယ်။ (ကျောင်းတုန်းက roll တွေ လိုပေါ့။ graph များ ဆွဲလိုက်ရရင်တော့ စောက်ထိုးမိုးမျှော် ပဲ။)

ဒါကြောင့်လည်း "ဗြဟ္မာ့ပြည် တ၀င်းဝင်း၊ ၀က်စားကျင်း တရှုံ့ရှုံ့" ဆိုတာ ဖြစ်လာတာနေမှာ။
သံသရာများ တယ် ကြောက်စရာကောင်း။

*****
စကားချပ်။ ။
အရိယာ မဖြစ်သေးသူတွေ အတွက်တော့ သံသရာဆိုတာမှာ ဘာ အာမခံချက်မှ ရှိတာမဟုတ်တော့...
နောင်ဘ၀ မြန်မာပြည်မှာပဲ လူပြန်ဖြစ်ရင် ဟိုလူတွေနဲ့ အမျိုးမတော်ဘဲ မနေပါဘူး မပြောနိုင်ဘူး။
တို့တော့ ကြောက်ပ။

မျှစ်ကြော်က လူနဲ့ သိပ်မသင့်ဘူး တဲ့။
လေစာ ဆိုပဲ။ ဟုတ်လားတော့ မသိဘူး။
:)

Linkage

ဒါန နဲ့ နတ်ပြည်

ကိုယ်ဒီကို ရောက်ပြီး တော်တော်ကြာတဲ့ထိ အလုပ်က မရ။ မေမေနဲ့ အဒေါ်က ထုံးစံအတိုင်း ဗေဒင်မေး၊ ယတြာချေနဲ့ ပြာယာခတ်အောင် လုပ်ကြပါတယ်။ ကိုယ်ကတော့ ဘုရားမှန်မှန် ရှိခိုးပါတယ်။ ဒီ့ထက်တော့ ဘာမှ မလုပ်ပါဘူး။ ဟိုကနေ ဘာလုပ်ပါ ညာလုပ်ပါ ညွှန်ကြားချက်တွေ လာရင် ဘာသာရေးနဲ့ ပတ်သတ်နေရင်တော့ လုပ်မိပါတယ်။

(ဒီရောက်တော့မှ မေမေ့စကားကို တခွန်းဆို တခွန်း နားထောင်ပါတယ်။ ဒါက စကားချပ် ပါ။ ဥပမာ- တသက်လုံးက သောက်လာတဲ့ coffee ကို လျှော့သောက်ပါလို့ ပြောလို့ ချက်ချင်းပဲ နေ့လည်တခွက်ကို လျှော့လိုက်ပါတယ်။ ကြားရက်တွေမှာ တနေ့လုံးမှ မနက်ခင်း တခွက်ပဲ သောက်တော့တယ်။ စနေ၊ တနင်္ဂနွေ ကတော့မပါ။

နောက် ဘုရားသောက်တော်ရေ မှန်မှန် ကပ်ပါ ပြောလို့ ပြောတဲ့နေ့ကတည်းက မပျက်မကွက် ကပ်ပါတယ်။

သွားတော့ မပြောကြပါနဲ့။
တော်ကြာ နားမထောင်နိုင်တာတွေ လာခိုင်းနေမှာ စိုးလို့။ နားမထောင်နိုင်တာ တစ်ခုရှိတယ်။

ဒီရောက်တော့မှ လို့ စကားခံရတာက ဟိုမှာတုန်းက နားမထောင်တာက များနေလို့ပါ)

ဆက်ပြောရရင် မြန်မာပြည်ကနေ လုပ်ခိုင်းတဲ့ထဲမှာ ရေလှူဖို့လဲပါတယ်။ နောက်တစ်ခုက သွားရင်းလာရင်း အသက်ကြီးတဲ့ လူတွေကို လမ်းစရိတ်ပေးတာ၊ နေရာပေးတာ လုပ်ပါတဲ့။ မြန်မာပြည်က ယတြာကိုး။ ဒီမှာ စပယ်ယာက လိုက်ကောက်တာမှ မဟုတ်တာ ဘယ်လို လမ်းစရိတ် လှူမလဲ။

ယတြာဆိုတာထက် မေမေတို့ အဒေါ်တို့ လုပ်စေချင်တာကို လုပ်ပေးချင်မိပါတယ်။ ဒါက ဒီရောက်တော့မှ ဖြစ်လာတဲ့ စိတ်ပါပဲ။ ဒါပေမယ့် လမ်းစရိတ်လှူတဲ့ ကိစ္စကတော့ မလုပ်နိုင်ခဲ့၊ မလုပ်ဖြစ်ခဲ့ဘူးပေါ့။ နေရာပေးတာကတော့ လူကြီးတွေ ကိုယ့်ရှေ့မှာ လာရပ်တာ သတိပြုမိတာနဲ့ ထပေးပါတယ်။

အဲဒီမှာ တစ်ခု စဉ်းစားမိတယ်။ နတ်ပြည်မှာ ဒါနပြုလို့ မရဘူးဆိုတာ...
အားလုံး ပြည့်စုံ လိုအပ်ချက်ရယ်လို့ မရှိတဲ့နေရာမှာ ဘယ်သူက ဘယ်သူ့ကို ဘာဖြည့်ဆည်းစရာ လိုတော့မလဲ။

သံဃာ့ဂုဏ်တော်ထဲမှာ ပါတဲ့ အနုတ္တရံ ပုညက္ခေတ္တံ လောကဿ (ကုသိုလ်ကောင်းမှုမျိုးစေ့ ကြဲရာ လယ်ယာမြေကောင်းသဖွယ် ဖြစ်တော်မူသော) ဆိုတာလည်း တွေးမိပါတယ်။ "ရဟန်းစားရသော ဆွမ်းတစ်နပ်" ထဲမှာ ဇော်လင်း ထပ်ခါထပ်ခါ အာရုံပြုသွားတဲ့ တစ်ချက်ပေါ့။

နတ်ပြည်မှာတော့ သံဃာလည်း မရှိဘူးလေ။
လူ့ပြည် နတ်ပြည်မပြောနဲ့။
မြန်မာပြည်နဲ့ စင်ကာပူရားမှာတောင် ကုသိုလ်ပြုခွင့် ကွာခြားနေတာတွေ ရှိနေပါရောလား။

*****
ဒီလိုဆိုတော့လည်း ငါ့တိုင်းပြည်လေးမှာပဲ မျှစ်ကြော် စားနေရတာကောင်းသား။
:)

Dialogue between ...

3:39 PM He: အင်း

me: :) coffee သွားဖျော်လိုက်ဦးမယ်

4:46 PM He: ကိုယ်ပြန်ရောက်ပြီ

28 minutes

5:15 PM me: yes

He: ဘယ်သွားနေတာလဲ

ကော်ဖီသောက်တာအဲဒီလောက်ကြာလား

5:16 PM စားပြီးပြီလား

me: ဟင်းချက်နေလို့ပါ (အလကား လျှောက်ပြောတာ။ ဟင်းက cityhall က ၀ယ်ထားတွေ စားနေတာ)
အင်း ခုနက စားလဲစား

သောက်လဲသောက်

ချက်လဲချက်

ခဏနေရင်

လျှော်ရမယ်

5:17 PM လှန်းရမယ်

He: ဒါဆိုရင်မအားဘူးပေါ့နော်

me: လှန်းထားတာတွေ ရုပ်သိမ်းရမယ်

ပြီးရင်

မီးပူတိုက်ရမယ်

အမလေး မောလိုက်တာ

He: ဒါဆိုရင် ရဲဘော်ဆက်လုပ်

5:18 PM မရှင်းတာရှိရင်မေးပါ

ဒါဘဲ

me: ခုခဏနားမယ်He: ခွင့်ပြုတယ်

ခွင့်လွှတ်တယ်

me: ယောက်ျားယူရင် ပိုဆိုးမလား မသိဘူးနော်

5:19 PM He: ဘာဖြစ်လို့လဲ

me: အဲဒါကြောင့် ဘီလျှံနာပဲ ယူချင်တာ (free kick)

He: ဖြစ်လာပြန်ပြီဒီရောဂါ (မသိလို့။ အဲဒီရောဂါက တောက်လျှောက်ဖြစ်နေတာ။ ပေါ်လိုက် ပျောက်လိုက် မဟုတ်ဘူး)

5:20 PM me: အဲဒါမှ မလုပ်ချင်တာတွေ မလုပ်ဘဲနေလို့ ရမှာပေါ့ (ဒါက corner)

He: မထင်ပါဘူး

me: ဘာဖြစ်လို့

He: အဲလိုမျိုးကိုလုပ်ပေးချင်နေတာဆိုရင်ခက်ပြီ

5:21 PM ကလေးကိုလဲ ကိုယ်တိုင်ဘဲထိန်းမယ်

ကလေးထိန်းက စိတ်မချရဘူး

me: လုပ်ပေးချင်နေတယ်ဆိုရင်တော့ ပြဿနာ မဟုတ်ဘူးလေ

He: ထမင်းဟင်းကလဲ ထမင်းချက်ကိုချက်ခိုင်းတာ စိတ်မချဘူး

ငန်လိုက်တာ

မောင်က အငန်နဲ့မတည့်ဘူး

me: မလုပ်ချင်ဘဲ မဖြစ်မနေ လုပ်နေရရင်သာ ပြဿနာ

5:22 PM He: ကိုယ်တိုင်ဘဲချက်မယ်

me: တော်စမ်းပါ

He: အဝတ်လျှော်တာလဲ ဂျီးမပြောင်ဘူး

မောင့်အတွက် ကိုယ်တိုင်ဘဲလုပ်တော့မယ် (တွေ့လား၊ ယောက်ျားတွေလည်း ရေလာမြောင်းပေး တော်တော် လုပ်တတ်တာ။ သူတို့ကိုယ် သူတို့တော့ ဟုတ်လှပြီ ထင်နေကြတယ်)

me: စိတ်ကူးကလဲ ယဉ်နေပြန်ပြီ

He: မီးပူတိုက်တာကလဲ ကျေမွနေတာဘဲ

5:23 PM မဖြစ်ပါဘူး

မောင်က သန့်သန့်ပြန့်ပြန့်ကြိုက်တော့ ကိုယ်တိုင်ဘဲလုပ်လိုက်တော့မယ်

ဆိုပြီး လုပ်နေဦးမှာ မြင်ယောင်နေပါတယ် (မြင်ယောင်ရုံပဲ မြင်ယောင်ရမှာ။ တကယ်တမ်း ဘယ်တော့မှ ဖြစ်လာမှာ မဟုတ်ဘူး)

5:24 PM အခုသာ တစ်ကိုယ်တည်းဆိုတော့ ဒီလိုမျိုးဖြစ်နေတာပါ

ကလေးတွေ ဘာတွေနဲ့ ဆိုတော့လဲ ပြောင်းသွားမှာပေါ့ (ပိုတောင် ဆိုးသွားဦးမယ်)

me: အော် ဘာပဲဖြစ်ဖြစ် ဘီလျှံနာ ဆိုရင်တော့ ဒါတွေ လုပ်ရလဲ တန်ပါတယ်လေ (hat trick)

He: နာမည်မှာ ဘီလျှံနာ ပါရင်လဲ တန်တာဘဲလား

5:25 PM me: နာမည်ကို ပြောတာမဟုတ်ဘူး ပိုင်ဆိုင်မှုကို ပြောနေတာ

5:26 PM He: ပိုင်ဆိုင်မှုမှာ ဘီလျှံနာ ဆိုတဲ့ နာမည်ပါတာကိုပြောတာလား

5:27 PM me: ဟုတ်ဘူး

ဘယ်လောက် ပိုက်ဆံရှိပြီး

ဘယ်လောက် ထပ်ရှာနိုင်လဲကို ပြောတာ

5:29 PM He: အော် ဒီလိုလား

5:30 PM me: အင်း ဒီလိုပဲ

He: ဒါဆိုရင်လဲ ပြီးရော မချစ်ဘူးလို့မှတ်လိုက်မယ် (ဟယ် ဒါမှ တို့မောင်ကြီးတော် !)

5:31 PM me: :)

9 minutes

5:41 PM me: ဘာလုပ်နေလဲ

28 minutes

6:09 PM me: ပြန်တာကို နှုတ်ဆက်မသွားဘူး

(ဂိုးသွင်းပြီးမှ စည်းကြပ်ဒိုင် အလံထောင်ပြလိုက်သလိုပဲ။ man out တဲ့)

:D

အလကား အလုပ်ပိုဦးမယ်

*****
အလကားပါ။ ဘာရယ်မဟုတ်ဘူး။ ဘာမှ တင်စရာ မရှိလို့။
အခန်းဆက်က နောက်တစ်ပတ်မှ နော်။

ရွှေရတု မတိုင်မီ (သို့) Before Golden Jubilee

မမတန်ခူး tag လို့ ပါ။ ကျေးဇူးတင်စွာနဲ့ ရေးပါတယ်။ မမက အပြုံးချိုချိုလေးနဲ့ လို့ ညွှန်းထားတော့ အညွှန်းကို ဖတ်ပြီးမှပဲ ပြုံးမိသွားပါတယ်။ မပြုံးဖြစ်တာတောင် ကြာပါပြီကော။ :)

ရွာသားရေးတာ ဖတ်ပြီးတော့ ဘီးတဲလ်စ် အဖွဲ့ရဲ့ When I am 64 သီချင်းလေး သွားသတိရမိပါတယ်။ သူ့ post နဲ့ တိုက်ရိုက်တော့ မဆိုင်လှပါဘူး။ ဒါပေမယ့် လူက ခေတ်ပျက်ကြီးထဲ ကြီးလာရတော့ ထင်မိထင်ရာပါပဲ။ (နောင် အနှစ် ၂၀ မှာ 64 လဲ မရှိသေးပါဘူး။ ရွှေရတုတောင် မတိုင်သေးဘူး။)

ကျွန်မလို ဘာ plan မှ မရှိတဲ့ လူအဖို့ နောင်အနှစ် ၂၀ အကြောင်း ကြိုတွေးရတာ လန့်စရာပါပဲ။ ဒီခေါင်းစဉ်ကို ကြည့်ပြီးတော့လည်း ဘယ်လမ်းကြောင်းကို approach လုပ်ပြီး ရေးရမလဲ ဆိုတာ အရင် စဉ်းစားမိပါတယ်။

နောင် အနှစ် ၂၀ ကြာတဲ့အခါ ဖြစ်ချင်တဲ့ ကိုယ့် စိတ်ကူးလေးကို ရေးရမှာလား။
ဒါမှမဟုတ် အဲဒီ အချိန်မှာ ဖြစ်နိုင်ချေရှိတဲ့ ကိုယ့်အနေအထားကို သုံးသပ်ပြီး ရေးရမှာလား။
ဒုတိယ တစ်ခုပဲ ရေးတော့မယ်။

သေချာတာကတော့... နောက် အနှစ် ၂၀ ဆို ကျွန်မ အသက် အနှစ် ၂၀ ပိုကြီးသွားပြီ။
(ဘွားဘွားတို့ ခေတ်ကတော့ သားကို ချွေးမတောင်းပေးရမယ့် အရွယ်ဖြစ်မှာပေါ့နော်။)

ကံကောင်းတစ်ချက်လောက်သာ မထောက်မခဲ့ရင်တော့ ကျွန်မ မြန်မာပြည် ပြန်နေဖြစ်မှာ မဟုတ်ဘဲ ကမ္ဘာပတ်နေဖြစ်ဦးမယ် ထင်တယ်။ ဘာဖြစ်လို့လဲ ဆိုတော့ ဘ၀မှာ အပြောင်းအလဲတွေ အမျိုးမျိုး ကြုံလာခဲ့သမျှ ကျောခိုင်းခဲ့ပြီးတဲ့ နေရာတွေကို (ပြန်ချင်သည် ဖြစ်စေ၊ မပြန်ချင်သည် ဖြစ်စေ) ပြန်မရောက်ဖြစ်တော့တာက များနေလို့ပါပဲ။ ငယ်ငယ်ထဲကလည်း တစ်နေရာတည်းမှာ အခြေတကျ နေဖို့ထက် နေရာအနှံ့ကို သွားလာချင်တဲ့ ဆန္ဒမျိုးလည်း ရှိခဲ့ဖူးပါတယ်။

(A J Cronin လို)

*****
တကယ်လို့များ အဲဒီ အချိန်မှာ သားတွေ သမီးတွေ ရနေခဲ့မယ် ဆိုရင်တော့ သူတို့ ကိစ္စ အ၀၀မှာ ၀င်ရောက်ပါဝင် စီမံခန့်ခွဲ သြဇာပေးရင်း အသက်ကြီးသွားပေမယ့် စိတ်က ခုထိ မချသေးဘူးလို့ ကွယ်ရာမှာ ကလေးတွေ အတင်းပြောတာ ခံရမယ့် အဘွားကြီး ဖြစ်နေနိုင်ပါတယ်။ ကလေးတွေ ကိစ္စ မင်း ၀င်မပါစမ်းပါနဲ့ လို့ တားမြစ်မယ့် ကလေးတွေ အဖေနဲ့ ရန်ဖြစ်ရင်းပေါ့။

စိတ်တိုင်းကတော့ ကျမယ်မထင်ဘူး။ ဘာလို့ဆိုတော့ ကိုယ်က မြန်မာပြည်မှာ အနှစ် ၃၀ နီးနီး နေထိုင်ကြီးပြင်းလာတဲ့သူ။ မြန်မာမှ အညာသူတောင် ဖြစ်နေလိုက်သေးဆိုတော့...။ သူတို့ကတော့ နိုင်ငံရပ်ခြား လူမျိုးခြားတွေထဲမှာ ဒီဒေသက အကျင့်စရိုက်တွေနဲ့ မွေးကတည်းက ကျင့်သားရလာတဲ့သူတွေ ဖြစ်နေမှာကိုး။
(အင်း ဒုက္ခ ဒုက္ခ)
အဲဒီလိုဆိုရင် ကျွန်မ ကမ္ဘာပတ် ခရီးထွက်ရင် သူတို့တွေ ၀မ်းသာအားရ ဖြစ်နေကြတော့မှာပဲ။
ဒါတော့ ဘယ်ဖြစ်မလဲ။ ကလေးတွေ ၀မ်းသာချင် သာပါစေ။ ကလေးတွေ အဖေ ၀မ်းမသာနဲ့။

လာ ကိုယ်နဲ့ တူတူလိုက်ခဲ့။

ဒီကမ္ဘာကြီး အဆုံးကို ကိုယ်သွားမယ်။

*****
အောင်မြင်တဲ့ ကိုယ်ပိုင် စီးပွားရေး တစ်ခုခုလည်း ထူထောင်ထားနိုင်ချင်ပါတယ်။
အင်း Social Welfare Activity တစ်ခုခုမှာလည်း ၀င်ပြီး အမှုဆောင်ချင်မိပါတယ်။
ကိုယ့်နာမည်နဲ့ Fund တစ်ခုလောက်လည်း ထောင်ချင်တယ်။
မိဘမဲ့ ကလေးကျောင်းလို၊ ဆေးသုတေသနလို၊ ပညာသင် ထောက်ပံ့ရေးလို ကိစ္စမျိုးတွေ အတွက်ပေါ့။

(Melinda Gates ပဲ ဖြစ်လိုက်ပါတော့။ ငါ့နှယ်...)

*****
ကိုယ့် အတွေ့အကြုံတွေကို Share လုပ်ဖို့ စာလည်း ရေးချင်ပါတယ်။ ငယ်ငယ်က ခဏတဖြုတ် စိတ်ကူးခဲ့ဖူးတဲ့ အချစ်ဝတ္ထု ရေးမယ့် ကိစ္စတော့ ထားလိုက်ပါပြီ။

ဖြစ်နိုင်မယ်ဆိုရင် Margaret Michelle လို တအုပ်တည်းနဲ့ ကမ္ဘာကျော်ချင်မိပါတယ်။ (သက်သာအောင်လို့)

*****

အနှစ် ၂၀ အကြောင်း ရေးကြပုံ အမျိုးမျိုးကို သဘောတကျ ဖတ်ခဲ့ရပါတယ်။
ကျွန်မကို tag တဲ့ မမတန်ခူး ရေးတဲ့ post လေးကိုဖတ်ရတော့ ဘာကြောင့်မှန်းမသိ ထိထိခိုက်ခိုက် ခံစားမိပါတယ်။ ငါတော့ ဒီဘ၀မျိုး မရနိုင်တော့ဘူးလို့ sense ရနေတာကြောင့်လားတော့ မသိပါဘူး။ အညာကို ချစ်ပေမယ့် ကိုယ်နဲ့ သိပ် ကီးကိုက်တယ်လဲ မထင်မိတော့ပါဘူး။

မယုံမရှိနဲ့။ အညာမှာပဲ တောက်လျှောက် နေနေတဲ့ သူငယ်ချင်းတွေ ရှိရင် စကားပြောကြည့်ပါလား။ ပြောစရာအကြောင်းအရာတွေ တော်တော် ရှားပါးနေတာ တွေ့လိမ့်မယ်။ အထက်တန်းအောင်ပြီးကာစ ကာလတွေလို ရေပက်မ၀င်တဲ့ စကားတွေ တော်တော် ဆိတ်သုဉ်းနေပါပြီ။

သံယောဇဉ်ဟာ သံယောဇဉ်... အခြေအနေဟာ အခြေအနေပါပဲလေ။

*****
ဘယ်လိုပဲ သဘာဝလောကကို ချစ်လည်း အခြေအနေတွေသာ မထင်မှတ်လောက်အောင် ပြောင်းလဲနိုင်စရာ မရှိဘူး ဆိုရင် ကျွန်မတော့ Urban Area မှာပဲ ဘ၀ကို ကုန်ဆုံး ဖြစ်ပါလိမ့်မယ် ထင်ပါတယ်။ ကမ္ဘာကျော် အနုပညာရပ်တွေ၊ စာပေတွေကို ထိတွေ့လေ့လာခွင့်ရပြီး၊ ခေတ်ပေါ်နည်းပညာတွေကိုလည်း မျက်ခြေမပြတ်တဲ့ ခေတ်မီတဲ့ အဘွားကြီး ဖြစ်ချင်ပါတယ်။

ဒီ video file လေးထဲကလို

အဲဒီအချိန်မှာ ငယ်ငယ်တုန်းက မသင်ခဲ့ဖူးတဲ့ ပညာရပ် တစ်ခုခုကိုလည်း သင်ကြားခွင့် ရချင်မိပါတယ်။

(မှတ်ချက်။ ။ ဟင်းချက်နည်း နှင့် ဇာထိုးပန်းထိုးနည်း မပါ)

(စာရေးဆရာမ (ဒေါ်) မမြတ်လေး လို။ သူက အသက် ၈၀ လား၊ ၉၀လား နီးမှ Applied Psychology ကို မြေးတွေနဲ့တူတူ တက်ပြီး Diploma ယူခဲ့သေးသတဲ့။ တကယ်ကို ဦးညွှတ်ပါတယ်။ အာဂမိန်းမ !!!)


*****
ဖြည့်စွက်ချက်။ ။ ဘုရားကြောင်း၊ တရားကြောင်းလေး ထည့်ရေးဖို့ မေ့သွားလို့။ ကဲပါလေ။ မေ့လက်စနဲ့ ထားလိုက်ပါတော့။ အသက်မှ ၅၀ မကျော်သေးတာ။ ၅၀ ကျော်တော့ အလိုလို သတိရပါလိမ့်မယ် (ထင်တာပဲ)။

ဘီးတဲလ်စ် သီချင်းလေး နားထောင်သွားပါဦး။




(The Beatles - When I am 64)

When I get older, losing my hair
Many years from now
Will you still be sending me
a Valentine Birthday greetings, bottle of wine
If I'd been out till quarter to three
Would you lock the door
Will you still need me
Will you still feed me
When I'm sixty four

You'll be older too
And if you say the word
I could stay with you
I could be handy, mending a fuse
When your lights have gone
You can knit a sweater by the fireside
Sunday morning go for a ride
Doing the garden, digging the weeds
Who could ask for more
Will you still need me
Will you still feed me
When I'm sixty four

Every summer we can rent a cottage
In the isle of Wight, if it's not too dear
We shall scrimp and save
Grandchildren on your knee
Vera Chuck and Dave

Send me a postcard drop me a line
Stating point of view
Indicate precisely what you mean to say
Yours sincerely wasting away
Give me an answer, fill in a form Mine for evermore
Will you still need me
Will you still feed me
When I'm sixty four

*****

ချစ်လွန်းတင်

ချစ်လွန်းတင်

(တေးရေး - မြို့မငြိမ်း
တေးဆို - မေရှင်)

မောင့်မျက်နှာ တရွာမှတ်ထင်
အချစ်ဓါတ် ရစ်ပတ်မိရင်
ကြာလေလေ ခိုင်မြဲလေလေ
အမြစ်ဖြတ် မရဘဲ အသည်းထဲ စွဲကာပင်

ဇွတ်နှစ်ပြီး ချစ်ရတော့မယ်
အားနွဲ့သူပါရှင်
ဆူးကျလည်း ဖက်၊ ဖက်ကျလည်း ဖက်
နာဖက်က မို့ပင်
မွှေးတုန်းတော့ လူရာဝင်
နောင်တွင် ရိုးမယ်ဖွဲ့ကာ ပစ်မှာစိုး အမျိုးမျိုး ပူတယ်ရှင်

စကားတွေ ဖောင်ဖွဲ့လို့ ချစ်မတဲ့ ယုံအောင်ပင်
တဦးသဘော တဦး ပြော၍ မနေချင်
တကယ်တမ်း မေတ္တာစစ်နဲ့ ချစ်ကြဖို့ပါရှင်
လွန်းပေါင်းတင် ချစ်တဲ့ကြိုးလို ပမာယှဉ်
နှစ်နှစ်ကာကာ တူပင် သက်ဆုံးတိုင် ခိုင်မြဲချင်

ချစ်လျှင် အကျိုး၊ မြတ်နိုး သဒ္ဓါ
ရွှေမေတ္တာ တူတူဆိုရင်
တဲအိုပျက်ထဲမှာပင် ပန်းမွေ့ရာ ကြဲတယ်ထင်
ချစ်သူနဲ့ လွဲခဲ့ရင် ရွှေပုံလဲ ဖွဲအိတ်ထင်
ချစ်ငွေ့ကြူကြူ ချစ်သူသာပင်
ဘ၀တိုင်း ဖြစ်လေရာ
ဆုံပါတော့ နှစ်ကိုယ်ယှဉ်

စားစား သွားသွား တူပင်
သက်လုံးမောင်ကြင်
မေတ္တာရေစင် မွန်းအောင်
ချစ်လွန်းတင်

*****
မလှလား စာသားလေးတွေက။ "စကားတွေ ဖောင်ဖွဲ့လို့ ချစ်မတဲ့ ယုံအောင်ပင် တဦးသဘော တဦး ပြော၍ မနေချင်" ဆိုတာမျိုးလေးတွေက မြို့မငြိမ်း မို့လို့ ထွက်လာတာပဲ လို့ တွေးမိရအောင်ပါပဲ။ ကျွန်မတော့ အရင်ခေတ်က အမျိုးသား တေးရေးဆရာတွေကို သိပ် အံ့သြမိတယ်။ သူတို့ ဘယ်လိုများ မိန်းကလေးတစ်ယောက်ရဲ့ နူးနူးညံ့ညံ့ အတွင်းစိတ်ကို ပေါ်လွင်အောင် ဖွဲ့နိုင်ကြသလဲနော်။

တော်ရုံ စိတ်ဓါတ်တွေ ခက်ထန်နေချိန်မှာဆို ဒါမျိုးလေးတွေ နားထောင်လိုက်ရင်ပဲ နူးနူးညံ့ညံ့ ဖြစ်လာပါရော။
(ခုတလော tense ဖြစ်နေလို့ ကိုယ့်ဘာသာ နှစ်သိမ့်ပြီး တင်ထားတာပါ။)

ဒီနေရာမှာ နားထောင်ပါ။