Monday, June 13, 2011
Home
Home
Westlife
Another summer day
Has come and gone away
In Paris and Rome
But I wanna go home
Maybe surrounded by
A million people I
Still feel all alone
I just wanna go home
Babe I miss you, you know
And I’ve been keeping all the letters that I wrote to you
Each one a line or two
“I’m fine baby, how are you?”
Well I would send them but I know that it’s just not enough
My words were cold and flat
And you deserve more than that
Another aeroplane
Another sunny place
I’m lucky I know
But I wanna go home
I’ve got to go home
Let me go home
'Cause I’m just too far from where you are
I wanna come home
And I feel just like I’m living someone else’s life
It’s like I just stepped outside
When everything was going right
And I know just why you could not
Come along with me
That this is not your dream
But you always believed in me
Another winter day has come
And gone away
In even Paris and Rome
And I wanna go home
Let me go home
And I’m surrounded by
A million people I
Still feel all alone
Oh, let me go home
Oh, I miss you, you know
Let me go home
I’ve had my run
Baby, I’m done
I gotta go home
Let me go home
It will all be all right
I’ll be home tonight
I’m coming back home
***
သီချင်းတစ်ပုဒ်ဟာ ကိုယ့်ကို တမင်ညွှန်းဆိုတယ် ထင်ရလောက်တဲ့ အဖြစ်တွေရှိကြမှာပဲ။ အဲဒီအခါ အဲသည်သီချင်းကို ထပ်ခါနားထောင်ရင်း ချိုမြိန် စူးရှ ကြည်နူး ကြေကွဲ ခံစားချက်တွေ တခုချင်းစီခံစားရနိုင်သလို အားလုံးကို တပြိုင်တည်း ပေါင်းဆုံပြီး ခံစားရတာလည်း ဖြစ်ချင်ဖြစ်မှာပဲ။
ဒီနေ့ ရုံးမှာ ဒီသီချင်းကို တိုးတိုး ဖွင့်ထားရင်း ဆဋ္ဌမမြောက်အပိုဒ်ကလေးကိုလည်း သိပ်ကြိုက်နေမိတယ်။
ပြန်ဆိုထားတဲ့ မူကွဲတွေ အများကြီးရှိတယ် ထင်ပါတယ်။
***
ဝေးကွာချိန်က ရှည်လျားလွန်းတဲ့အခါ ကြားကာလတွေကို အလိုလျောက် ဥပေက္ခာနဲ့ မသိလိုက်မသိဘာသာ ဖြတ်သန်းနေမိတော့... တစ်နှစ်တာပတ်လုံးမှာ လွမ်းစရာအကောင်းဆုံးအချိန်ဆိုတာ ပြန်တွေ့ရခါနီးအချိန် ဖြစ်သွားတော့တယ်။
မကြာခင် တွေ့ရတော့မယ်ဆိုတာ သေချာလေ ပိုလို့ လွမ်းရလေ။
***
အင်း MD ကြားရင်တော့ သူ့စောင်းဖွင့်တယ် ထင်မလားပဲ။
***
Saturday, June 11, 2011
သစ်ပင်အောက်မှာ...
အဲသည် ကျောင်းဝန်းထဲမှာ သစ်ပင်ကြီးတစ်ပင်ရှိသည်။ ပတ်ဝန်းကျင်လေ့လာမှု ညံ့ဖျင်းလွန်းသော ကိုယ်သည် အဲဒါဘာပင်ဟု အဲဒီတုန်းကတည်းက သတိမထားမိခဲ့ပါ။ ကြိမ်ဖန်များစွာ ဖြတ်သန်းခိုနားခဲ့ဖူးသော အရိပ်တစ်ခု၏ အရင်းအမြစ်ကို အမှတ်တမဲ့ဖြစ်ခြင်းသည် ဆိုးရွားလှသည်ဟု သတ်မှတ်မည်ဆိုပါက ကိုယ်သည် အလွန်ပင် ဆိုးရွားလှသူ ဖြစ်ပါသည်။
ထိုသစ်ပင်ကြီးအောက်မှာ တစ်ယောက်ယောက် (သို့) တစ်စုတစ်ဖွဲ့၏ အလာကို စောင့်စားရင်း လူတစ်ယောက်နှင့်ကိုယ် အတန်ကြာအောင် အတူတူရပ်လျက် စကားပြောခဲ့ကြဖူးသည်။ နှစ်ယောက်တည်း ရှိနေသဖြင့် ဝန်လေးကျဉ်းကြပ်ခြင်းမျိုး သူရော ကိုယ့်မှာပါ မဖြစ်ခဲ့။ တစ်ယောက်ယောက် (သို့) တစ်စုတစ်ဖွဲ့၏ အလာကို ထိုသစ်ပင်ရိပ်အောက်တွင် ရပ်တန့် စောင့်စားရင်း အေးအေးလူလူ စကားစမြည်ပြောနေခဲ့ကြသည်။ ခဏနေလျှင် ကိုယ်တို့ ဘယ်ကို သွားကြမည်လဲ၊ ဘယ်သူ့ကို (သို့) ဘယ်သူတွေကို စောင့်နေခဲ့ကြတာလဲ၊ ဘာစကားတွေ ပြောဖြစ်ခဲ့ကြတာလဲ ဘာတစ်ခုမှ မမှတ်မိတော့ပါ။
ကိုယ်မှတ်မိတာ တစ်ခုသာပဲ ရှိသည်။
ထိုသစ်ပင်ကြီး၏ အရိပ်အောက်တွင် လူတစ်ယောက်နှင့်ကိုယ် တစ်နေရာရာကို သွားဖို့ တစ်စုံတစ်ယောက် (သို့) တစ်စုတစ်ဖွဲ့ကို စောင့်စားရင်း တစ်စုံတစ်ရာ ပြောဆိုနေခဲ့ကြသည်။ နှစ်ယောက်စလုံး၏ စိတ်အာရုံတွေထဲမှာ အေးချမ်းတိတ်ဆိတ်နေခဲ့သည်။ အတိတ်အကြောင်း ပြောဖြစ်ခဲ့လျှင်သော်မှ ကိုယ်တို့သည် ဖြစ်ပျက်ပြီးသမျှ အကြောင်းအရာတွေဆီမှာ မရှိ၊ အနာဂတ်အကြောင်း ပြောဖြစ်ခဲ့လျှင်သော်မှ ကိုယ်တို့သည် မဖြစ်ပျက်သေးသမျှ အကြောင်းအရာတွေဆီမှာ မရှိ။ လက်ရှိအခိုက်အတန့်၏ အေးချမ်းမှုဖြင့် သက်တောင့်သက်သာ။
ထိုနေ့က နေအတော်ပူပါသည်။ တိုက်သည့် လေကလည်း ပူသည်။ သို့သော် ထိုအခိုက် အေးချမ်းသာယာ ရှိလှ၏။ သစ်ပင်ပေါ်က ငှက်သံကလေးတွေကို ကြားနေရပြီး၊ သစ်ရွက်ခြောက်ကလေးတွေလည်း ကျဆင်းလာတတ်သည်။
ထိုသစ်ပင်သည် ဘာပင်များလဲ ကိုယ် မသိခဲ့ပါ။
***
ထိုနေရာသို့ တဖန် ပြန်လည် သွားကြည့်ဖို့ အခါခါ စိတ်ကူးမိသော်လည်း အကောင်အထည်မဖော်ဖြစ်ခဲ့ပါ။
ခဲယဉ်းပင်ပန်းစွာ သွားရောက်ရမည့် ခရီးလည်းမဟုတ်၊ တားမြစ်ပိတ်ပင်မည့်သူ ရှိလျှင်သော်မှ အသိမပေးဘဲ ခဏတဖြုတ်နှင့် ရောက်နိုင်သော်လည်း ကိုယ် ပြန်မသွားဖြစ်တော့ပါ။ လူ့ဘဝမှာ လုပ်တိုင်း မဖြစ်နိုင်တာတွေအပြင်၊ ဖြစ်တိုင်း မလုပ်နိုင်တာတွေလည်း ရှိလေသည်။
ထိုလမ်းကို မလျှောက်ဖြစ်တော့ဘူးဆိုတဲ့နောက် ထိုသစ်ပင်၏ အမည်နာမကို သိရုံသက်သက်တော့ဖြင့် အတိတ်ကို ပြန်မပတ်သတ်လိုတော့ပြီ။
***
ဘယ်အရိပ်အောက်မှာ ကိုယ် ခိုဝင်ခဲ့ဖူးတာပါလဲ။
***
Wednesday, June 8, 2011
အသည်းပန်းမှာဆူးတွေနဲ့ရယ် - မြနှောင်းညို

အသည်းပန်းမှာဆူးတွေနဲ့ရယ်
နှလုံးမြေ ဥယျာဉ်နန်းမှာလ
ယူသုံးခြွေ ခုဆင်မြန်းပါတော့
ညွတ်နူးရှာ မိုက်သူကလေးပါပဲ
ဆွတ်ခူးကာ ရှိုက်ကြူမွှေးပါလို့
အချစ်များစွာ ပိုက်ယူထွေးစေဖို့
မျှော်တွေးခဲ့မိတာပါ သခင်။
ဘယ်သို့ပင် ဘယ်လိုလှမ်းခဲ့သော်လည်း
ပန်းညှာမှာ ဆူးချွန်နက်တွေက
သွယ်ခက်ကာရံဆင်တော့
မယ့်သခင်ခူးခြွေခိုက်မှာလ
သွေးဖြိုက်ဖြိုက်ရွှင်။
ရတက်ဖြာ ရင်မှာနင့်ပါလို့
တစ်သက်မှာ တစ်ခါပွင့်သော်လည်း
ခွင့်လွှတ်တော့ ချစ်သခင်ရယ်
ဝဋ်တုံ့တင် ကြမ္မာပေပဲ
ဝေဒနာဖန်လာတဲ့ အခင်းမှာလ
ဖြေရှင်းဖို့ အယူခံမဝင်
ကွယ်ရာဝင်တော့ မျက်ရည်ဝဲ။
ရှိုက်ဆွေးလို့လေ
အမိုက်ကလေး ဗျာပါဝေပေါ့
နေ့ရက်တွေ ရှည်ကြာညောင်းလေသမျှ
အမေ့ခက်လေ သူ့ဝေဒနာ မဟောင်းဘူးတဲ့
အချစ်ပြောင်းမရှာ နှစ်တွေဆန်းခဲ့သလောက်
အသစ်လောင်းကာ ယစ်ထွေပန်းရသတဲ့
သြော်.. နန်းမဟီအသည်းမှာ အသင့်ခူးပါလို့
မှန်းရည်အမြဲသာ ပွင့်ဦးကိုဆက်ပေမယ့်
တတန်းတသီ တကတည်းသာ အဆင့်ဆင့်ဆူးတွေယှက်မှတော့
မောင်ရေ.. သည်းအက်ကြေကွဲ။
မြနှောင်းညို
၁၉၈၂ ပေဖူးလွှာ
***
အကြိုက်ဆုံး ဝတ္ထုတွေထဲက တစ်ပုဒ်ဖြစ်တဲ့ ဆရာမ မြနှောင်းညိုရဲ့ "အသည်းပန်းမှာ ဆူးတွေနဲ့" ဆိုတဲ့ ဝတ္ထုရဲ့ ဇာတ်ဝင်ကဗျာပါ။
ဒီကနေ့ အားနေတုန်း facebook ကြည့်နေရင်း fan pgae မှာ တက်လာတာတွေ့လို့ တင်ချင်စိတ်ပေါက်လာတာနဲ့။ (ကာယကံရှင်ဆရာမကို လှမ်းမပြောဘဲ တင်လိုက်ပါတယ်)
အဲဒီလို ကြိုက်ခဲ့ရတဲ့ ဝတ္ထုတွေ ရီဗျူးရေးဖို့ ကြိုးစားရင် ဘယ်တော့မှ မအောင်မြင်ဘူး။ ဘယ်တော့မှလည်း ပီပြင်မယ် မထင်ဘူး။ အဲဒီဝတ္ထုကို သိပ်ကြိုက်ပါတယ်။ အရေးပါသော၊ အရေးမပါသော၊ စာကြောင်းကလေးနဲ့သာ ပြသွားသော ဇာတ်ကောင်တကောင်ချင်းစီက စလို့ စကားလုံးတွေ၊ အကြောင်းအရာတွေ၊ အဖြစ်အပျက်တွေ၊ ဇာတ်လမ်းယူသွားပုံတွေ၊ ပြန်ဖြေပုံတွေ တစ်ခုချင်း တစ်ခုချင်း တစ်ခုချင်းကို အသေးစိတ် ကြိုက်ခဲ့မိတယ်။ အဓိကကတော့ ဇာတ်ကောင်စရိုက်တွေကြောင့်ပါပဲ။
ကိုယ် သိပ်ကြိုက်တဲ့ ဝတ္ထုမို့ မြနှောင်းညိုအကြောင်း စကားစပ်မိတုန်း ဖတ်ကြည့်ပါလားလို့ တိုက်တွန်းဖူးတယ်။ ခေါင်းစဉ်ပြောလိုက်တာနဲ့ အတင်းကို ဖတ်ဖို့ ငြင်းတော့တာပါပဲ။ (မိုက်လိုက်လေခြင်း)
ဆုရဲ့ စိတ်ဝင်စားစရာ ဘဝလမ်းကြောင်းနဲ့ သီတာဆောင် အခန်းဖော်သူငယ်ချင်း နန်းရဲ့ အဖြစ်အပျက်ကို ဆွဲယူဆက်စပ်ပြီး ဆုပြောတဲ့ စကားတွေ၊ ခံစားချက်တွေ။
နောက် ဆု အဘွားဖြစ်သူ နာရေးမှာ ကျော်ဆွေကို မိဘတွေနဲ့ ဖြစ်ကြတဲ့ကိစ္စနောက်ပိုင်း ကျော်ဆွေကို ရဲ့ စိတ်ခံစားမှု ပြဿနာ။
ခင်နှင်းဖြူကို လူဆိုးလုပ်မပစ်ခဲ့ဘဲ သဘာဝကျကျ သူဖြစ်သင့်တဲ့ ဖြစ်ရမယ့် အနေအထားအတိုင်း ရေးထားခဲ့တာ။ (တကယ့်လက်တွေ့ဘဝမှာ မကောင်းတဲ့လုပ်ရပ် လုပ်တဲ့လူ၊ ယုတ်ညံ့တဲ့လုပ်ရပ် လုပ်တဲ့လူ ဆိုတာ ကြိမ်ဖန်များစွာ တွေ့နေနိုင်တာပေမယ့် အပေါစားရုပ်ရှင်၊ ဝတ္ထုတွေထဲမှာလို သူတပါး ကိုယ်ရေးကိုယ်တာကိစ္စထဲ ဝင်ပါပြီး ဗီလိန်ဖြစ်ဖို့ဆိုတာ အတော်မလွယ်ဘူးလို့ ထင်မိတယ်။)
အဲဒီမှာမှ ဆု ရဲ့ ခင်နှင်းဖြူကို သူတို့ဇာတ်လမ်းထဲမှာ လူဆိုးဖြစ်စေလိုစိတ်ကိုလည်း ပါးပါးကလေး မြင်မိခဲ့သေးတယ်။ (တကယ်တော့ လူ့ဘဝဇာတ်ကြောင်းတွေဟာ အဲဒီလိုပါပဲ။ စိတ်နှလုံးထဲက အကောင်း အဆိုးဆိုတာ ထင်ရှားလင်းချင်းမြင်နိုင်တဲ့ ဖြစ်ရပ်တွေသာမကဘဲ ထွေပြားလွန်းတာတွေလည်း များလှတယ်)
စောဒီလုံး၊ မင်းမော်၊ ဖရက်ဒီ၊ အိုင်လင်း၊ ကိုဘိုကြည်၊ ကိုလတ် စသဖြင့်တွေ...
မင်္ဂလာဒုံခေတ် ဆေးတက္ကသိုလ် (၂) နောက်ခံ ဇာတ်လမ်းကို ဖတ်ရင်း အရိပ်တွေ အယောင်တွေ အရုပ်တွေကို တခုချင်း ပီပီပြင်ပြင် မြင်လာရပါတယ်။ အဲဒါဟာ ဇာတ်ကောင်စရိုက်တွေနဲ့ စာရေးသူရဲ့ ဇာတ်ကွက်တွေဖန်တီးပုံက ပီပြင်လွန်းလို့ လို့ထင်ပါတယ်။ ဝတ္ထုတစ်ပုဒ်ကိုဖတ်ရင်း အဲဒီလို မြင်လာရပြီဆိုရင် ကိုယ့်အတွက် အဲဒီဝတ္ထုဟာ ရုပ်ရှင်ဖြစ်ဖို့ မလိုတော့ပါဘူး။ (ဖြစ်ရင် သွားပြီ)
ဇာတ်လမ်းထဲက အချစ်ဟာ ရိုးစင်းပေမယ့် ထွေပြားတဲ့ ဘဝတွေ၊ စိတ်ခံစားမှုတွေနဲ့ လန့်စရာကောင်းလောက်အောင် ယုတ္တိဆန်တဲ့ ဇာတ်ကွက်တွေကြောင့် တကယ့်အဖြစ်အပျက်တစ်ခုကို ချောင်းကြည့်ခဲ့ရသလိုပဲ။
အဲဒီဝတ္ထုက '82 လောက်က ပေဖူးလွှာမဂ္ဂဇင်းမှာ အခန်းဆက်ပါခဲ့ပြီး နာမည်ကျော်ခဲ့တာပေမယ့် 2001/2 ပတ်ဝန်းကျင်လောက်က လုံးချင်းကျမှပဲ ဖတ်ဖြစ်ခဲ့တယ်။ ခဏခဏ မရိုးနိုင်အောင် ဖတ်ဖြစ်တယ်။
ဘယ်တော့မှ မမေ့နိုင်မယ့် ဇာတ်လမ်းတစ်ပုဒ်ပါပဲ။
***
ဖြည့်စွက်။ (3:12 PM)
ဆု နေရာက ရေးထားတဲ့ ဇာတ်ဝင်ကဗျာ နှစ်ပုဒ်စလုံးဟာ ကဗျာကြိုက်ခဲတဲ့ ကိုယ့်ကို ဆွဲဆောင်နိုင်တယ် မဆိုသာပေမယ့် စာရေးဆရာကို မေ့ပြီး တကယ်ပဲ ဇာတ်လမ်းထဲက ဆုကိုယ်တိုင် ရေးထားသလို ပီပြင်လှတယ်။
"ရတက်ဖြာ ရင်မှာနင့်ပါလို့
တစ်သက်မှာ တစ်ခါပွင့်သော်လည်း
ခွင့်လွှတ်တော့ ချစ်သခင်ရယ်
ဝဋ်တုံ့တင် ကြမ္မာပေပဲ
ဝေဒနာဖန်လာတဲ့ အခင်းမှာလ
ဖြေရှင်းဖို့ အယူခံမဝင်
ကွယ်ရာဝင်တော့ မျက်ရည်ဝဲ။"
ဆိုတဲ့ အပိုဒ်က မမြင့်မားလှတဲ့၊ မပြည့်စုံတဲ့၊ အဘွားတစ်ယောက်သာ အားကိုးရာရှိတဲ့ ဘဝကနေ မြန်မာတပြည်လုံး ပထမနဲ့ ဆေးကျောင်းဝင်ခဲ့ပြီး၊ ခက်ခဲချို့တဲ့သလောက် မာနနဲ့ အာဃာတကြီးမားလွန်းတဲ့ ဆု ရဲ့ အတွင်းစိတ်ကို ကောင်းကောင်းပြနိုင်တဲ့ အပိုဒ်ပါပဲ။
***
Wednesday, June 1, 2011
ဂျူး ရဲ့ အမျိုးသားဇာတ်ကောင်တွေ
(PM)
***
ယောက်ျားလေးတွေဟာ ဂျူးရဲ့ အမျိုးသားဇာတ်ကောင်တွေကို မိန်းမဇာတ်ကောင်တွေထက် ညံ့တယ်၊ ဂျူးက မိန်းမတွေကို ဦးစားပေး အသားပေးတယ်လို့ ဘာလို့ တညီတညာတည်း မြင်ကြတာလဲ မသိဘူး။
ကိုယ်တော့ အဲလို မမြင်ပါဘူး။ ပြောရရင် ယောက်ျားဇာတ်ကောင်တွေကမှ ဟုတ်တုတ်တုတ်ရယ်။ မိန်းမဇာတ်ကောင်အတော်များများက တော်မလိုနဲ့ ချာတာတာ။
ပျော့ညံ့တဲ့ အမျိုးသားဇာတ်ကောင်တွေလည်း မရှိဘူး မဟုတ်ပါဘူး။ ရှိပါတယ်။
ဥပမာ - ကြာတော့သည်လည်း မောင့်စကားက (ဖြိုးကျော်)။ ဒါကလည်း အလကားနေရင်း ညံ့တာမှမဟုတ်တာ။ သူ့ဇာတ်နဲ့သူ လိုက်ဖက်စွာ ဇာတ်ကောင်စရိုက် ပီပြင်စွာ အားနည်းတဲ့ ဇာတ်ရုပ်ဖြစ်နေတာပဲ မဟုတ်လား။ သူ့ကို ဖျော့တော့ထားမှ နန္ဒက ပိုမြင်သာမှာ မဟုတ်လား။
ကိုယ့်အမြင်တော့ မောင်၊ နန္ဒ၊ ယုမော်၊ နေသန်၊ စသဖြင့် စသဖြင့် ကိုယ့်စိတ်ထဲတော့ သူတို့ ညံ့လိုက်တာ ဒါမှမဟုတ် စာရေးဆရာက မမျှမတ ဘက်လိုက်ရေးထားလိုက်တာလို့ မထင်မိပါဘူး။ မြတ်စုတို့ ဖြိုးကျော်တို့လို အားနည်းတဲ့ဇာတ်ကောင်တွေမှာတောင် ဘက်လိုက်ပြီးရေးထားတယ်လို့ မခံစားရဘူး။ သူ့ဇာတ်ရုပ်နဲ့ ဇာတ်လမ်းအနေအထားနဲ့ လိုက်ဖက်သင့်တော်နေတာပဲ။
မဟုတ်ဘူးလား။
ဒါမှမဟုတ် စာရေးဆရာရဲ့ကျွမ်းကျင်တဲ့ ဇာတ်ကောင်စရိုက် သရုပ်ဖော်မှုကြားမှာ ယောက်ျားဇာတ်ကောင်၊ ယောက်ျားစာဖတ်သူ နဲ့ မိန်းမဇာတ်ကောင်၊ မိန်းမစာဖတ်သူတွေဟာ မြွေ မြွေချင်း ခြေမြင်နေကြတာများလား။
***
SJD >>> ယုမော်နဲ့ သူ့မိန်းမဆို ယုမော်ကိုပိုကြိုက်တယ်။ ပိုကြိုက်တယ်တောင်မဟုတ်ပါဘူ
Me >>> ဟုတ်တယ်။ မိန်းမတစ်ယောက်၏ ဖွင့်ဟဝန်ခံချက် ကို နားလည်လာတဲ့အခါ အဲဒီမိန်းမထက် အဲဒီမိန်းမမျိုးရဲ့ ယောက်ျားဖြစ်ရတဲ့ အကြပ်အတည်းကို ပိုနားလည်လာသေးတယ်။
ဂျူးရဲ့ ဇာတ်ကောင်မိန်းမတွေ တော်တယ် ထက်မြက်တယ်ထင်ရပါတယ်။ ဒါပေမဲ့ ဘယ်နေရာမှာ တော်နေ ထက်မြက်နေတာလဲ လို့ မေးကြည့်ရင် ဘယ်နားသွားရှာပြရမှန်းကို မသိဘူး။ တကယ်။
ဂျူးတော်တာကိုတော့ ချွင်းချက်မရှိ လက်ခံပါတယ်။
ဒါပေမဲ့ သူ့ဇာတ်ကောင်မိန်းမတွေကတော့
SJD >>> သူတို့က တနေရာမှာ တအားထက်ပီး တနေရာမှာ တအားညံ့နေလို့နဲ့တူတယ်။ ပညာတတ်တွေညံ့ဘီဆို လိုက်လို့ကို မမှီဘူး။ သင်လို့ကိုမရဘူး။ နောက်တခုက အတ္တနဲ့ မာနကြီးကြလို့လားပဲ။ ဒါပေမယ့် သူတို့ကိုယ် သူတို့မသိကျပြန်ဘူး။ ဂျူး ရဲ့ မိန်းမဇာတ်ကောင်တွေပြောပါတယ
Me >>> snake snake see the legs =D
SJD >>> ပညာသည်တွေ ဆိုတော့လေ :D
PM >>> လယ်ဗယ်သုံးတာထက် တခြားဘယ်လိုသုံးရင် ကောင်းမလဲတော့မသိဘူးဗျ
ပြောချင်တာကတော့ ဖတ်ဖူးတဲ့ အရင်ဇာတ်ကောင်တွေနေရာကို ဝင်ခံစားပေးလို့မရဘူး။ ဒီစာအုပ်ကျတော့မှ အမျိုးသားဇာတ်ဆောင်ကို ကိုယ်ထင်ဟပ်ကြည့် မြင်ယောင်ကြည့်ပေးလို့ရတယ်။
***
Monday, May 9, 2011
တက္ကသိုလ်ဆရာ - အောင်သင်း
ကျွန်တော့်ကို စင်မြင့်တွင် စကားပြောကောင်းသူဟု မိတ်ဆွေများကလည်းကောင်း၊ စာရေးဆရာအချင်းချင်းကလည်းကောင်း ချီးမွမ်းကြပါသည်။ ထို့အတူ တပည့်များကလည်း စာသင်ကောင်းသောဆရာ၊ အပြောကောင်းသောဆရာဟု ချီးမွမ်းကြပါသည်။ သို့သော် ကျွန်တော်သည် တကယ်ကိုတော်သော ဆရာတစ်ယောက် မဟုတ်သေးကြောင်း ကျွန်တော့်ကိုယ် ကျွန်တော် အသိဆုံးဖြစ်ပါသည်။
အထက်တန်းကျောင်းသားများကို သင်ကြားပေးရသည့် ဆရာမျိုးဖြစ်လျှင်တော့ လူတော်ဆရာစာရင်းဝင်တစ်ယောက် ဖြစ်ကောင်းဖြစ်နိုင်ပါလိမ့်မည်။ သို့သော် အဆင့်မြင့်ပညာဟု ဆိုအပ်သည့် တက္ကသိုလ်ဆရာတစ်ယောက်အနေနှင့် စဉ်းစားလိုက်လျှင် ကျွန်တော်သည် ခပ်ညံ့ညံ့ ဆရာတစ်ယောက်မျှသာဖြစ်နေသည်ဟု တကယ့်ကို ဘဝင်ကျကျ လက်ခံမိပါသည်။
တက္ကသိုလ်အဆင့် ဆရာတစ်ယောက် 'တော်ပြီ' ဆိုလျှင် တကယ့်ကို လန့်လောက်အောင် တော်တတ်သည်ဟု ထင်မိပါသည်။ ကျွန်တော့်အဖို့ ကုသိုလ်ကောင်းခဲ့သည်မှာ ထိုကဲ့သို့ လန့်လောက်အောင် 'တော်သည့်' ဆရာများကို ကြုံခဲ့ရဖူးခြင်းပင် ဖြစ်ပါသည်။
သူတို့သည် ပြဋ္ဌာန်းထားသော စာများကိုသာ သင်ပေးနေကြသည့် ဆရာမျိုးမဟုတ်ကြ။ စာသင်သားများ၏ အတွေးလိပ်ပြာ နှိုးပစ်လိုက်နိုင်စွမ်း ရှိကြသည်။ ပြဋ္ဌာန်းစာတွင် တွေ့ရသော ခက်ရာခက်ဆစ် အပိုင်းများကို စာသင်သားများ လွယ်ကူစွာ နားလည်သွားလောက်အောင် ရှင်းလင်းသင်ကြားနည်းမျိုးကို ကျွန်တော်လည်း ထိုက်သင့်သလောက်တော့ လုပ်နိုင်ပါသည်။
ထိုထိုသော ခက်ရာခက်ဆစ်များကို စာသင်သားတွေ နားလည်လွယ်အောင် ဘယ်လိုလုပ်ပြီး သင်မလဲဆိုသည်ကို သွားရင်းလာရင်း စိတ်ကူးနေခြင်းဖြင့် ထိုအခက်အခဲကို လွန်မြောက်နိုင်ကြောင်း ကျွန်တော့်ကိုယ်တွေ့ဖြင့် သိခဲ့ပြီး ဖြစ်ပါသည်။ သို့သော် အထက်တွင် ကျွန်တော်ပြောခဲ့သလို အတွေးလိပ်ပြာ နှိုးနိုင်သည့် အဆင့်သို့ ရောက်နိုင်သည် မဟုတ်ပါ။
ထိုကဲ့သို့ တကယ့်ကို တော်သည့် ဆရာများအနက် ဆရာနှစ်ပါးအကြောင်းကို ကျွန်တော့် ကိုယ်တွေ့အဖြစ် ထုတ်ဖော်တင်ပြလိုက်ချင်ပါသည်။
ပထမတစ်ယောက်က ဆရာကြီးဦးဝန် (မင်းသုဝဏ်) ဖြစ်ပါသည်။
ကျွန်တော် ဝိဇ္ဇာတန်းကို အောင်မြင်ပြီးနောက် ပညာရေးဘွဲ့ (ဘီအီးဒီ)အတွက် ပညာရေးတက္ကသိုလ်တွင် တက်ရောက် သင်ကြားနေခိုက် ရန်ကုန်တက္ကသိုလ် မြန်မာစာဌာနသို့ ဆရာဦးဝန်က ပါမောက္ခအဖြစ် ဝင်ရောက် အမှုထမ်းရပါသည်။ ဆရာဦးဝန် ပါမောက္ခဖြစ်လာသောကြောင့်ပင်လျှင် ကျွန်တော်သည်လည်း မဟာဝိဇ္ဇာအရည်အချင်းစစ် စာမေးပွဲဖြေဆိုရန် မြန်မာစာဌာနသို့ ပြောင်းရွှေ့ပြီး ပညာဆက်လက် သင်ယူခဲ့ရပါသည်။ ဤသို့အားဖြင့် ဆရာဦးဝန်၏ သင်ကြားပို့ချမှုကို နာယူခဲ့ရပါသည်။
ဆရာက ဘာသာစကားလေ့လာမှုကို သင်ကြားပေးသည်ဖြစ်သောကြောင့် ကျွန်တော်တို့မှာ ဘာသာစကားဆိုင်ရာ အသိဗဟုသုတပညာ အဘယ်မျှတိုးကြောင်းကို အထူးပြောနေစရာ မလိုပါ။ အံ့သြစရာလည်း မဟုတ်ပါ။ ရှေ့ကိုတိုးပြီးဖတ်ရန် မြန်မာစာအုပ်၊ အင်္ဂလိပ်စာအုပ်များကို သေချာပြပြီး အထူးပြုလေ့လာအပ်သည့် အဆစ်အပိုင်းတို့ကို ညွှန်ပြသင်ကြားပေးသောကြောင့် ကျွန်တော်တို့အဖို့ ပညာလေ့လာမှုလမ်း ပွင့်လာလိုက်သည်မှာလည်း ပြောစရာမရှိတော့ပါ။ ယခု ကျွန်တော်ပြောချင်သည့် အကြောင်းအရာမှာ ထိုမျှလောက်ကို ပြောလိုခြင်း မဟုတ်ပါ။
ဆရာက ကျွန်တော်တို့အား ဘာသာစကားဆိုင်ရာ လေ့လာမှုကို သင်ပေးသည်ဖြစ်သောကြောင့် မွန်ဘာသာဖြင့် ရေးထိုးထားသည့် 'ရွှေစည်းခုံကျောက်စာ' ကိုလည်း သင်ပေးရပါသည်။ ဆရာကြီး ဦးဖေမောင်တင်၏ မြန်မာပြန်နှင့် တွဲပြီး ရိုက်နှိပ်ထားသော စာအုပ်ကိုပင် ပြဋ္ဌာန်းသင်ကြားပေးပါသည်။ ဆရာက မွန်ဘာသာ၏ ဝါကျဖွဲ့ပုံ၊ စကားဖွဲ့ပုံတို့ကို ဘာသာဗေဒသဘောနှင့် ရှင်းလင်းသင်ကြားပေးပါသည်။
တစ်နေ့တွင်တော့ဖြင့် ဆရာက...
"မင်းတို့ ဒီ ရွှေစည်းခုံကျောက်စာမှာ ညီတော်အာနန္ဒာကို 'အာနန်' လို့ပဲ ရေးထားတာကို သတိထားမိကြရဲ့လား"
ထိုအချက်ကို အထူးပြောနေစရာမလိုပါ။ ကျွန်တော်တို့အားလုံး သတိထားမိကြပါသည်။ ဥပမာအားဖြင့် "မြတ်စွာဘုရား ပြုံးရယ်တော်မူသည်ကို မြင်သောအခါ အာနန်လည်း ဤသို့လျှောက်၏" "ဘုရားသခင်လည်း အာနန်အား ဤသို့မိန့်၏" စသော အသုံးမျိုးကို ဆရာက ဆိုလိုခြင်းဖြစ်ပါသည်။ ကျွန်တော်တို့ကလည်း သတိထားမိကြောင်းကို ပြောပြတော့ ဆရာက...
"အဲဒါ ဘာကြောင့်လဲ မင်းတို့ စဉ်းစားကြည့်ဖို့ကောင်းတယ်"
ကဲ စာဖတ်သူပဲ စဉ်းစားကြည့်ပါတော့။ အာနန္ဒာကို အာနန်လို့ခေါ်တာ သူတို့ ခေါ်ချင်လို့ ခေါ်တာပဲပေါ့။ တိုအောင်လို့ ခေါ်တာဖြစ်မှာပေါ့။ အဲဒါကို ကျွန်တော်တို့က ဘာထပ်ပြီး စဉ်းစားနေရဦးမှာလဲ။ ဒါပေမယ့် ခက်သည်က စဉ်းစားလောက်စရာ ပါလို့သာ အစဉ်းစားခိုင်းတာဖြစ်မှာပဲဆိုတာ တွေးမိလိုက်တော့ ကျွန်တော်တို့ကလည်း စဉ်းစားပါသည်။ သို့သော်လည်း ဘာမှကို မစဉ်းစားတတ်ပါ။ ဆက်ပြီး အချိန်ယူ စဉ်းစားမယ် ဆိုလျှင်လည်း ခေါင်းက မီးခိုးတွေ အူလာဦးတော့ ဘာမျှ ထွက်လာမည် မထင်ပါ။
နောက်တော့ ဆရာက စဉ်းစားစရာ အချက်တစ်ခုကို ပေးပါသည်။
"ဆရာ စဉ်းစားမိတာက ဒီလိုကွ။ နာမည်ကို အပြည့်မခေါ်တော့ဘဲ အဲဒီလို အတိုချုံးပြီး ခေါ်တာဟာ အတော်လေးရင်းနှီးလာကြမှ ခေါ်လေ့ရှိတာ မဟုတ်လား။ ဥပမာကွာ ဆရာတော် ဦးကဝိန္ဒဆိုပါတော့။ ကိုယ့်ရွာ ကိုယ့်ဘုန်းကြီးအဖြစ် ရင်းနှီးလာရင် "ဦးကဝိန်" လို့ပဲ ခေါ်တတ်ကြတယ်။
ဒီတော့ မွန်လူမျိုးတွေဟာ မြစေတီကျောက်စာထက်တောင် စောသေးတဲ့ ဒီရွှေစည်းခုံကျောက်စာကို ရေးထိုးချိန်မှာ ညီတော်အာနန္ဒာနဲ့ အတော့်ကို ရင်းနှီးနေပြီလို့ မယူဆသင့်ဘူးလား၊ နောက်ပြီး ချစ်ခင်ကြည်ညိုတဲ့ အသံကလေးရော မပါဘူးလား၊ မွန်လူမျိုးတွေဟာ ဗုဒ္ဓဘာသာကိုရော ရှင်အာနန္ဒာစတဲ့ ဗုဒ္ဓဝင်ဇာတ်ကောင်တွေ အကြောင်းကိုရော ကြားနာပြောဆိုမှု အတော်ကြီးကို များနေပြီလို့ ဆိုနိုင်စရာ မရှိဘူးလား"
ကျွန်တော် တကယ့်ကို လန့်သွားတာပါ။ လန့်လောက်သည့် အတွေးအမြင် မဟုတ်ပေဘူးလား။ ဒီလို စုံထောက်မောင်စံရှား လုပ်နည်းမျိုးကို ကျွန်တော်ဖြင့် ယောင်လို့တောင် မတွေးခဲ့မိဖူးပါ။ ဆရာက ဆက်ပြီး ပြောပါသေးသည်။
"ဒါက ဆရာတွေးမိတာကို ပြောလိုက်တာနော်။ အခိုင်အမာတော့လည်း မယူလိုက်နဲ့ဦး။ ဆရာတွေးသလို ဟုတ်ချင်မှလည်း ဟုတ်မှာပေါ့။ မင်းတို့ ဆက်ပြီး စဉ်းစားကြည့်ဖို့ ပြောလိုက်တာ"
ဒါကတော့ ဆရာ့ထုံးစံပါပဲ။ ဘယ်တော့မှ လှေနံဓားထစ် မှတ်ချက်မျိုး ဆိုလေ့မရှိပါ။ ဆရာ စာသင်ကြားပုံမှာ တပည့်များအား စာပေသင်ကြားပေးနေသည်နှင့် မတူဘဲ (တက္ကသိုလ်အဆင့်မြင့်သည့်အတိုင်း) တပည့်များရှေ့တွင် သုတေသနစာတမ်းတစ်စောင်ကို ဖတ်နေသည်နှင့်ပင် တူနေသေးတော့သည်ဟုပင် ကျွန်တော် မကြာခဏ အောက်မေ့မိပါသည်။
"ရှင်အာနန္ဒာ" ကို "အာနန်" ဟု ခေါ်လိုက်ပုံကလေးမှ အစပြုပြီး သမိုင်းကောက်ချက်ကြီးတစ်ခုထိအောင် ဆွဲယူသုံးသပ်လိုက်ပုံကို ကျွန်တော် ယခုထက်တိုင် မမေ့နိုင်တော့ပါ။ လေ့လာမှုဆိုသည်မှာ ဤသို့ပါတကားဟူသော အသိကလေးလည်း ဝင်းခနဲပေါ်လာခဲ့ရပါသည်။ ...
***
Sunday, May 8, 2011
အညာ၊ အမေ၊ စာပေ နဲ့ လူကြီးဆရာ
* ခင်ခင်ထူး
ကောင်းပါသည်။ ကြိုက်ပါသည်။ တချို့သော အညာအကြောင်းအရာများ အလွန် ထိရှသည်ဟု ခံစားပါသည်။ ကိုယ်တိုင် အဲဒီနယ်နဲ့ ရင်းနှီးထဲဝင် ပတ်သတ်ခဲ့သူဖြစ်သောအခါ နားထောင်သူသက်သက်အဖြစ်ထက် ပိုသော ခံစားမှုတွေ ရရှိသည်ဟု ယူဆမိ။
သို့သော် စာရေးဆရာများအနေဖြင့် နိုင်ငံရေးပြက်လုံးထုတ်ခြင်းကို ခံစား၍မရပါ။ လက်ရှိနိုင်ငံရေး အခင်းအကျင်းများ ပြောဆိုခြင်းသည် တယောက်ချင်းစီ၏ လွတ်လပ်ခွင့်ဖြစ်သော်လည်း၊ joke လုပ်ပြောလွန်းလာသောအခါ အီလှပြီ။ ထို့ပြင် လက်ခုပ်သံကို ထိုနည်းဖြင့်ယူရသည်ဟူသော ပုံသေနည်းများ ဖြစ်နေသလားဟု သံသယဝင်လာမိ။
(စာကြွင်း။ လူရွှင်တော်များ ပြက်လုံးထုတ်ခြင်း နှင့် ကာတွန်းများက သရော်ခြင်းကိုတောင် များသောအားဖြင့် အောင့်သက် ခံစားမရဖြစ်မိ။ သို့သော် ထိုနယ်ပယ်နှစ်ခုက သူတို့အလုပ် သူတို့လုပ်ခြင်းဖြစ်ပြီး၊ စာရေးဆရာများက နိုင်ငံရေးကိစ္စ လူရွှင်တော်လို သရော်သည်အား ခံစား၍ မရ။ တခြားနည်းအားဖြင့် ပရိသတ်ကို မက်ဆေ့ဂ်ျပေးလို့မရဘူးလား။ တခြားတင်ပြပုံနည်းလမ်း ရှာစေချင်မိ။)
ထူးခြားသည်မှာ ဆရာမ စကားတွေကနေ အညာကအသံကို ကြားရခြင်းဖြစ်သည်။ ဥပမာ - ကဲ့ရီ ခံရမယ်။ (နောက်ထပ် ရှိသေးသော်လည်း ချရေးမလာခဲ့ရလို့ မေ့သွားပြီ)
* ချစ်စံဝင်း
မိဘမေတ္တာ၊ အမေ့မေတ္တာ နှင့် ပတ်သတ်သော ခေါင်းစဉ်ဖြစ်၍ ဝေဖန်ရန် အလွန်တရာမှ တွန့်ဆုတ်စရာဖြစ်သော်လည်း၊ တကယ်တမ်းကျ တွန့်ဆုတ်မနေသောကြောင့် အလွန်တရာမက အလွန်တရာ့ငါးဆယ်လောက်ပင် ဝေဖန်ချင်မိ။
ဒါပေမယ့် သေချာစဉ်းစားကြည့်တော့ ဝေဖန်ချင်တာမဟုတ်ဘဲ ဆရာချစ်စံဝင်းကို မေးခွန်းတွေသာ ထုတ်ချင်တာဖြစ်နေပြန်သည်။
၁) အဲဒီခေါင်းစဉ်နဲ့ပတ်သတ်ပြီး ဟောပြောမယ့် အကြောင်းအရာတွေကို ရွေးတဲ့အခါ ပရိသတ်ကို ဘယ်လို role အနေဖြင့် မျှော်လင့်သတ်မှတ်၍ ရွေးခဲ့ပါသလဲ။
၂) မိဘမေတ္တာ (အမေ့မေတ္တာ) နဲ့ပတ်သတ်တဲ့ ဖော်ညွှန်းတင်စားချက်တချို့ကို ဆရာ တကယ် အသဲစွဲယုံကြည်ပါသလား။
၃) တကယ့်အဖြစ်အပျက်တချို့ကို ထားလိုက်ဦး။ မိဘမေတ္တာကို ညွှန်းဆိုပြောပြတဲ့အခါ reality မဟုတ်တဲ့စကား (ဥပမာ - မဟာသမုဒ္ဒရာနဲ့ ယှဉ်ရင်၊ မြင်းမိုရ်တောင်နဲ့ယှဉ်ရင်၊ နှစ်သိန်းလေးသောင်းအထုရှိတဲ့ မဟာပထဝီမြေကြီးနဲ့ ယှဉ်ရင်၊ မဟာစကြဝဠာနဲ့ ယှဉ်ရင်၊ ရေတစ်စက်စာ၊ ပေါက်သစ်စ နွားဦးချို၊ မြူမှုံပမာ၊ အပ်နဖားပေါက်) စတာတွေက နားထောင်သူတွေရဲ့စိတ်ထဲ အဲဒီ မေတ္တာတရားကို ပိုမိုကြည်ညို ပျောင်းတိမ်းညွှတ်နူးသွားစေလိမ့်မယ်လို့ မျှော်လင့်ပါသလား။
(တကိုယ်ရေအမြင်ပြောရရင် ဆရာချစ်စံဝင်း ပြောနေတာနားထောင်ရတဲ့အချိန်မှာ ၁၀ တန်းတုန်းက အင်္ဂလိပ်စာမှာ သင်ရတဲ့ the 4 young men လား၊ ခေါင်းစဉ်မေ့နေပြီ။ လာလည်တဲ့ တရွာသားကို လူလည်လူငယ်လေးယောက်က ယုံတမ်းစကားပြောတဲ့ ပုံပြင်ပဲ တချိန်လုံး သတိရနေမိတယ်။
အကြောင်းအရာရင်းက ဘယ်လိုကောင်းကောင်း ဖွင့်ဆိုချက်က အရာမဟုတ်တဲ့အခါ မူရင်းကောင်းပြီးသားကြီး တန်ဖိုးတောင်ကျတယ်လို့ မြင်မိ။)
၎) ဆရာဟောပြောတာကို နားထောင်နေတဲ့ပရိသတ်ကို ဘယ်လို မြင်ပါသလဲ။ (အမေ ခေါင်းစဉ်အောက်မှာ ဆရာရွေးချယ်ပြောသွားတဲ့ အကြောင်းအရာများကား အလွန်ပင် ထင်မှတ်မထားသဖြင့် အလွန်ပင် အံ့သြမိ။)
ကြံဖန်အကောင်းမြင်တတ်သူဟု လူထင်မခံချင်လှသော်လည်း ဆရာလက်ရှိ လုပ်နေရတဲ့ လုပ်ရပ်နဲ့ ပတ်သတ်လို့ စကားချပ်လို ထည့်ပြောသွားတဲ့ အကြောင်းအရာအတွက်တော့ ကျေးဇူးတင်မိပါတယ်။ လက်ရှိအခြေအနေ အနေအထား ကံပစ်ချရာ ဘာပဲပြောပြော လတ်တလော ရုန်းမထွက်နိုင်သေးတဲ့ အဖေတစ်ယောက်ဖြစ်နေတဲ့အခါ... ဆိုတာကို မြင်ခွင့်ရလိုက်တဲ့အတွက်နဲ့တင် ဆရာ့မိဘမေတ္တာကို ယုံတမ်းဖြစ်အောင် ပြောသွားသော စကားများအား ချေလိုက်ပါသည်။
* ဖေမြင့်
စတက်လာချင်းမှာပဲ "ဒါမျိုးပြောရင် သိပ်သဘောကျကြတယ်။ ကျွန်တော် မပြောဘူး။" ဆိုတာမျိုးက စလာတဲ့အတွက်နဲ့တင် တော်တော် ကျေနပ်သွားတယ်။ (စာရေးဆရာက စင်ပေါ်မှာ ပရိသတ်ပွဲကျအောင် တမင်တကာ လုပ်ပြစရာ အကြောင်းမှ မရှိတာ)။ အထူးပြောစရာမရှိပါ။ ကြိုက်ပါသည်။
* ဦးအောင်သင်း
အလွန်ကောင်းပါသည်။ ကိုယ့်အတွက်တော့ man of the literature talk.
ငါ ဆရာလုပ်တာ မင်းတို့ သည်းခံ လို့ တချိန်လုံးပြောသော်လည်း တကယ်တော့ ဆရာလုပ်တာ ပါတယ်လို့ မထင်ရ။
ပြန်ရေးပြစရာ ရုတ်တရက်မတွေ့နိုင်ပါ။ ရေးလည်းမနေတော့ပါ။ စာရှည်နေမည်။
အသက် ၈၅ နှစ်မှာ အတွေ့အကြုံအရရော ဉာဏ်ပညာအရပါ ပြောစရာ များ၊ များသမျှကိုလည်း ပြောခဲ့ပေမယ့် ပြောနေတဲ့စကားက ဘယ်ထိဆက်ရောက်ရောက် အဆုံးမှာ မူရင်းနေရာကို ပြန်ရောက်အောင် ကောက်နိုင်တာ အတော်ထူးတဲ့ ကုသိုလ်လို့ ထင်မိပါသည်။
ကွန်မြူနစ်သင်တန်းက တခုသော အကြောင်းအရာကို ပြောမယ့်အလုပ်မှာ "ငါ မြင်တာ ငါပြောတာနော်။ မင်းတို့ ယူချင်မှယူ" ဆိုတာကြားတော့ အားရမိ။ ဆရာရေးဖူးတဲ့ မဟာဝိဇ္ဇာတန်းတက်တုန်း ကျောက်စာသင်တော့ "အာနန်" ဆိုတဲ့စကားလုံးနဲ့ ပတ်သတ်လို့ ဆရာမင်းသုဝဏ် ဘယ်လိုကောက်ချက်ဆွဲပြခဲ့၊ ဘယ်လိုလမ်းဖွင့်ပေးခဲ့ဆိုတဲ့အကြောင်းကို သတိရမိသည်။
***
ဆွေးနွေးခန်းမှာလည်း နိုင်ငံခြားရောက်မိဘများ၊ ကလေးများနဲ့ မြန်မာစာ စကားကိစ္စကို ပြောသွားတဲ့ ဆရာ့သဘောထားကိုလည်း ကြိုက်ပါသည်။ မှန်သည်။ ဒါသည် သူတို့ကိစ္စ၊ သူတို့ကိစ္စကို ဘေးလူက ကိုယ့်အမြင်ကိုသာ ပြောလို့ရမည်။ လုပ်ပိုင်ခွင့်က သူတို့လက်ထဲမှာသာ ရှိသည်။
ကျန်တဲ့ဆရာများနဲ့ပြောတာတွေကတော့ သိပ်စိတ်ထဲ မရှိလှပါ။
ဆရာမခင်ခင်ထူးနဲ့ ပြောကြတဲ့ မြန်မာမိန်းကလေးများနဲ့ ဝတ်စားဆင်ယဉ်မှုအကြောင်းမှာတော့... ဟိုတုန်းက မြန်မာလူမှုအဖွဲ့အစည်းမှာ မိန်းကလေးတယောက် ပွဲလမ်းသဘင်သွားတော့မယ်ဆိုရင် အိမ်က လူကြီးသူမတွေက မိန်းကလေးရဲ့ ဝတ်စားဆင်ယဉ်မှုကို ခြေဆုံးခေါင်းဆုံး အကဲခတ်ပြီး စိတ်တိုင်းကျမှ အိမ်အပြင်ကို ခြေတလှမ်း လှမ်းလို့ရတယ်။ ခုဒီနေ့ခေတ် နိုင်ငံခြားရောက် မိန်းကလေးတွေမှာတော့ အဲဒီလို "ဟဲ့" လို့ ပြောမယ့်သူ မရှိလို့ပါ ဆိုတယ်။
ဆရာမပြောသွားတာ ကြိုက်သည်လည်း မဟုတ်၊ မကြိုက်သည်လည်းမဟုတ်။ ဆရာမကိုယ်၌ကလည်း (ရည်ရွယ်၍လား၊ မရည်ရွယ်ဘဲလားမသိ) အဲဒီကိစ္စကို ကောင်းသည် ဆိုးသည်ဟု ပြောသွားတာ မဟုတ်။
(သူက ဒီအဖြစ်အပျက်ကို မှတ်ချက်ပြုပေးသွားတာ မဟုတ်ဘဲ၊ ဘာကြောင့် ဒီလိုဖြစ်ရတယ်ဆိုတဲ့ အကျိုးအကြောင်းသက်သက်လောက်သာ ပြဆိုသွားတာဖြစ်တော့ စောဒကတက်စရာ မရှိလှ)။
(အဲဒီနေရာမှာ ကောင်းသည် ဆိုးသည် ဆိုတာထက် တွေးမိတာတစ်ခုက) မြန်မာလူမှုအဖွဲ့အစည်းရဲ့ အခြေခံသဘောကိုက တယောက်ချင်းစီရဲ့ လွတ်လပ်ခွင့်ကို ရှေ့တန်းတင် အရေးပေးထားတာမဟုတ်ဘူး ဆိုတာပဲ။ အစုအဖွဲ့တစ်ခုရဲ့ သဘောကျ ကျေနပ်မှုစံနဲ့ ကိုက်ညီအောင် အဲဒီအစုအဖွဲ့ရဲ့ သြဇာခံတွေက (အဲဒီစံက အဓိပ္ပါယ်ရှိသည်ဖြစ်စေ၊ မရှိသည်ဖြစ်စေ၊ အဲဒီစံကို ကျေနပ်သည်ဖြစ်စေ၊ မနပ်သည်ဖြစ်စေ) နေပြရတယ် ဆိုတာပဲ။
မြန်မာပြည်ဟာ တကယ်ပဲ ကျွဲပျောက်လို့ နွားရှာနေကြတာလား ဆိုတာ အဲဒီ ဆရာမ ခင်ခင်ထူးရဲ့စကားကနေ ဆက်တွေးမိစေတယ်။
***
ကိုယ်ပိုင်အမြင်ဖြစ်၍ တခြားလူနှင့် တူရန်လိုသည်ဟု မထင်ပါ။ တူလို့လည်း ဘယ်သူမှ အကျိုးရှိမဖြစ်၊ မတူလို့လည်း ဘယ်သူမှ အကျိုးမရှိမဖြစ်။ ကိုယ့်အမြင်ကိုယ်ပြောနိုင်ခွင့် နှင့် ပြောပိုင်ခွင့်သည်သာ အဓိကဟု ယူဆသည်။
***
Thursday, May 5, 2011
အကန့်အသတ်များ

ဒီလိုပဲ လူတိုင်းရဲ့ ဘဝမှာ...
အဖြစ်အပျက်တွေက ကျန်ခဲ့တာတွေ ရှိမယ်၊ ချန်ခဲ့တာတွေ ရှိမယ်။
သံယောဇဉ်တွေကတော့ ထပ်ကြပ်မကွာ လိုက်လာတတ်တယ်။
ဖုံးကွယ်ထားစရာလည်း မလိုပါဘူး။ ဒါဟာ လတ်တလောထားတဲ့ စောင့်သိ၊ စောင့်စည်းခြင်းနဲ့ မဆိုင်လို့ပါ။
အတိတ်ရဲ့ အမှတ်တရဆိုတာတွေကဖြစ်တဲ့ သံယောဇဉ်နဲ့ လက်ရှိစောင့်စည်းရမယ့် စည်းဆိုတာ လက်ဖမိုးနဲ့ လက်ဖဝါးလို၊ ခေါင်းနဲ့ ပန်းလို ကျောချင်းကပ်နေတာတွေ မဟုတ်ဘူးကွယ့်။ တစ်ခုကို ဖော်ပြနိုင်ဖို့ တစ်ခုကို မှောက်ထားစရာမလိုဘူး။ တစ်ခုကို ဖုံးကွယ်ထားမှ တစ်ခုကို လှစ်ဟပြဖို့ အဆင်ပြေတာ မဟုတ်ဘူး။
မေ့စရာမဟုတ်တဲ့အရာတွေကို မေ့မယ့်သူမဟုတ်ရင်၊ စောင့်စရာ စည်းမှန်သမျှကို စောင့်စည်းဖို့လည်း ဝန်လေးမှာမဟုတ်ဘူး။ မေ့လွယ်ပျောက်လွယ်တဲ့သူမှသာ စောင့်စည်းနိုင်မယ်လို့ မျှော်လင့်ရင်တော့ မှားလိမ့်မယ်။
ကိုယ်ကတော့ သိမ်းဆည်းစရာမှန်သမျှကို သူ့အကန့်နဲ့သူ သူ့အကွက်နဲ့သူ မရောနှောဘဲ ထားဖို့ တတ်နိုင်ပါတယ်။
ကိုယ့်အတွက်တော့ ဘဝက ပျားအုံတစ်ခုလို၊ ရေခဲခွက်တစ်ခုလိုပါပဲ။
=)
(5th Feb 2011)